علاقات مضطربة

Orange_51919 🇪🇬

منذ يوم واحد

شعور عاطفي

أنا مضايقة جدًا ومشاعري ملخبطة. مش عارفة أكمّل في العلاقة ولا أسيبها، حاسة إني محتارة ومتشتتة ومش مرتاحة. نفسي أحس إني غالية عند نفسي، مش بجرب وخلاص، مش بسيب قلبي يتعلّق عشوائي. بقيت عندي لا مبالاة، حتى لما الموضوع بقى جد وخطوبةخوفت حسيت إني لسه صغيرة ومش جاهزة لكل ده. حاسة إني بجري ورا مشاعر مش شب

Broccoli_63597 🇪🇬

منذ أسبوع واحد

شعور آسف

موضوع:

اية الحاجة اللي حسيت انك اتسرعت فيها؟

اتسرعت اني كلمت نفس الشخص اللي سبته كذا مره لمجرد أن يملي فراغي وهو بيحبني ومش عارفه اعمل اي بجد هو مش مناسب معايا ولا انا مناسبه معاه خالص حرفياا بجد ممكن كتير يفهموني غلط بس والله كنت محتاجه حد يحتويني وملقتش غيره وجربت المح أننا نسيب بعض زعل جدا لدرجه انه كان بيعيط

Hazelnut_63310 🇪🇬 وهل عشان انتي محتاجه حد يملي فراغك تلعبي بمشاعر واحد بيحبك وترجعيلو بمزاجك وتسيبيه بمزاجك ؟؟

عرض الكل 12 نصيحة

Pear_61527 🇪🇬

منذ 3 أسابيع

شعور محبط

انا عندي اضطراب شخصية حديه + اضراب ثنائي القطب انا بتعالج داخله علي ٣ سنين ١- بس لسه بتصدر مني تصرفات غريبه و مشاعري لسه متقلبه اتجاه الأشخاص ٢- بس حاليا بحب شخص و انا خايفه يكون مجرد حاله زي اي حاله دخلت فيها قبل كدا و بعد كدا امل و اسيبه بس لما هوا بيطلب مني نسيب بعض بكون زعلانه اوي ٣- النهارده

Watermelon_61635 🇪🇬

منذ 3 أسابيع

شعور متوتر

عبّر عن شعورك بشكل مجهول

مش عارفه ابدء منين بس باختصار انا مش عارفه اسامح ابويا علي كل وقت كان بيفضل اختو علينا مشاعر فلوس كل حاجه هي الاولا مع انها اللهم بارك مش محتاجه ومع انو ماديا اقل واحد ف اخواتو كانت امي اللي دايما شايله ولما تعب هما سايوه ورفضو يساعدوه هي اللي شالت وفي تعبها هو سابها مش قادرة اتخطي ده ولا اتخطي كل مرة كسرني فيها قدام حد وضيع حقي لمجرد انو عايز يريح دماغو ولا قادرة اتخطي انو كان كل وقت يقعد فيه معانا واحنا صغيرين لازم يعمل مشكله او يضرب حد المهم القعده تقلب عكننه مشش قادره اتعامل معاه دلوقتي انا جسمي بيقشعر من لمستو اكنو راجل غريب مبعرفش اقعد معاه ولا اتكلم ولا حاجه خالص بحس بالذنب لده بس هو اللي عودنا علي كدا ازاي بعد ٢٠ سنه بعيد مطلوب مني دلوقتي اتعامل عادي و ازاي اصلا اتكلم وانا عارفه ان كل حرف هقولو هيتقال ل اختو و عيلتو اللي بيكرهونا نفسيا انا مش كويسه في جو ده ومش عارفه اعمل اي مش قادرة اتخطي انو سبب اني دخلت مجال مبحبوش ومش مرتاحه فيه لمجرد ان اعرف اصرف ع نفسي عشان هو مستخسر يصرف عليا من معاش امي اصلا ع طول مصدر فكره اننا محتاجين واننا اقل من اقل حد لكن برا مع الناس التانيه الحلو كله يظهر انا عايزة اتعافي من ده كله واتعامل معاه عادي بس مش عارفه كل مرة بتعامل مع ناس عنصريه ف الشغل بفتكر ان هو السبب ف وجودي ف المكان ده و بشيل جوايا كل مره بشوف بنت اهلها ساندينها بشيل منو اكتر ع طول خايفه من كل حاجه بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Orange_61040 🇪🇬

منذ 4 أسابيع

شعور وحيد

عبّر عن شعورك بشكل مجهول

انا عندي 16سنه و من وانا صغير وفي مشاكل بين ابويا وامي 
ابويا وانا عندي 6سنين كان ابويا وعمي دايما محسسني ان امي اكبر مشكله فحياتي وخيرني ساعتها بين اني اعيش مع ابويا أو امي وساعتها كنت عيل صغير بردو كل الي عملتو كان اني اعيش واقولهم ماشي على اي حاجه وساعتها من خوفي من ابويا قلتلو عايز افضل معاك قعدت معاه 4سنين من غير م اشوف امي والي عرفت بعدها أنها كانت دائما بتتحايل على ابويا عشان تشوفني وابويا كان بيقولها أن انا الي مش عايز اشوفها عدت السنين وفيوم فالمدرسه لقيت امي داخله عليا وخدتني لاوضة المدير وقعدت اعيط كتير قولتلها اني بكرها لأن ابويا دائما كان محسسني أنها شخص وحش ف سكتت وبعد كام شهر قلت لابويا الموضوع ده قالي لو عايز تشوفها روح قلتله اه رحت لقيتها متجوزه وجوزها ساعتها كان بيعاملني كويس ف بصراحه ضعفت لأن عند امي مكنتش بضرب زي فبيت ابويا وقولت اني عايز افضل عندها ساعتها ابويا رفض وفضل يضربني ف هربت من عندو وروحت لبيت امي اول موصلت لقيت ابويا بيرن على امي قام قايلي تكلمنيش تاني ولا تجيلي (ساعتها كنت 10سنين)قعدت عند امي كام شهر وبعد كده اتصالحت انا وابويا وبقيت بروحلو مره بالاسبوع منغير مبيت عدى سنتين على هذا الحال بعدها لقيت جوز امي بلاقي عملني بطريقه وحشه جدا وبدا يقول لامي انا مش عايزه في البيت امي ما قدرتش تقول له لا مع لان البيت اللي هو قاعد فيها هو وامي بيتها هي فحصلت مشاكل كثير بيني انا وهي وبقيت في الاسبوع اروح لها نص الاسبوع والنص الثاني عند ابويا فحصلت مشاكل عند امي وبعدها باربع سنين اللي هو من كم شهر رحت لابويا وفضلت قاعد عنده دايما حصلت مشاكل بيني وبينه وسبت له البيت ورجعت لامي قالتلي مش عايزاك وانا ف رحت اشتغلت وسكنت ف مكان شغلي ودلوقتي محدش سال فيا من اربع شهور وعندي مشاكل صحيه ف رقابتي وعايز اتعالجوقولت لامي وابويا والاثنين مش معبرين اعمل اي؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_54796 🇪🇬

منذ شهر واحد

شعور محبط

يعني اي بعد علاج نفسي ومصحهات وتيجي تقولي انت بتشتغلني كل دا وبتضحك عليا عشان تاخد فلوس انا بقالي سبع سنين بموت لوحدي الاصوات والهلاوس الي بشوفها انا عندي اضطىاب نفسي وجنسي دا غير اضطراب ثنايي القطب والاوسخ انه برضو بوردنلاين يعني مشاعري ومزاجي ممسوح بيهم الارض انا قرفت من نفسي وهما مش مقتنعين اني

Tomato_57130 🇪🇬

منذ شهر واحد

شعور وحيد

واحد صاحبي مش بيكلمني غير في يوم اجازته بس غير كده بيعلقني و بيكلمني يوم اجازته يسطا حقك عليا والله الشغل ويلا نخرج و في الايام العاديه عرفت انه بيكلم واحد صاحبنا تاني يقعد معاه ويتكلم معاه هو مش فارقلي بعد الحركه دي بس مش عايز بردو اخسرو كلمني من شويه قالي ننزل قولتله لا فا ايه رايكم اكمل معاه عادي

Guava_56922 🇪🇬 كمل علاقته بيه عادي جدا في اصحاب للخروج بس واصحاب للضحك والهزار بس واصحاب للكلام والفضفضه واصحاب للشغل وفي صاحب بيكون فيه كذا صفه من دول وبنحبهم كلهم وكل شخص ليه مكانه في قلبنا حتي انت نفسك اكيد عندك صاحب بتحب تخرج معاه بس مش بتعرفو تتكلمو مع بعض عن مشاكلكم او المشاركه عموما وفي صاحب يتكلمه كويس بس مش بتعرف تخرج معاه بسبب شغله او غيره ف قدر انه بيسأل عنك ومهتم انك تكون في حياته

عرض الكل 10 نصيحة

Watermelon_54378 🇪🇬

منذ شهر واحد

شعور غير مكتمل

عبّر عن شعورك بشكل مجهول

ابويا نرجسي مش بيحبني ولا بيحب حد من اخواتي حتى قلها ليا مليون مره اني بكرهك 
انا مفتكرش ضحكت ابويا شكلها ازي مفيش مره ابويا وقف معايا فيها مفيش مره حتى كان في دعم مفيش مره حتى كان في شكر بس في ان يدمرني يهد حاجه ممكن قعدت سنين ابني فيها واتزليت وانا ابني فيها وبردوا انا وحدي عيلتي كبيره قريبه كتيره لاكن محدش بيقف معايا في فرح او حزن بسبب ابويا ال يخاف ينقرب مني بسبب ابويا ال كاره ابويا ال عاوز الفشل ليا ع ابويا ال عاوز يدمر ابويا من خلالي بس انا بسعى لحد امبارح كنت بسعى حولت ممكن ابويا يقعد بسنه او اتنين ميسالش فيا ال لما يكون معاه مشكله جرب كل الطرق ان يحلها واخر واحد لجاء لي ع احلها وحظه حلوه في الدنيا علطول بيبقى الحل عندي بس ببقى مخير الحل ع طول اني اتخلى عن شيء تعبت فيه جدا لحد ما عملته او ممكن يكون جان نفسي تعبت لحد ما صلحته بفهمه وبتخلي لحبي لاخواتي لانه بيدمر البيت نفسيا لما يكون عنده انفه مشكله ممكن تكون قبلتني وانا ١٦ سنه حرفيا  خو عمره ما حب حد ضرب ابوه وامه بدم بارد هو مش مدمن ولا حتى بيقعد ع قهوه ومش فاشل وذكي جدا ولحد قبل كان سنه كان معروف محبوب ضهر لاي حد الا اهل بيته خد كل حاجه مني نفسي صحتي اهلي فلوسي مستقبلي حياتي صحابي حبيبتي خلاني اسواء انسان تبقى معاه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_53441 🇪🇬

منذ شهرين

شعور مكسور القلب

انا مشكلتي في صاحبي عندي تعلق مرضي بيه بحبه اوي و هو كمان بيحبني بس سعات بحس انه مستنيلي غلطه عشان يخسرني مع ان انا ممكن افديه بروحي والله مش كلام بس انا بجد تعبت بس هو اكتر من اخويا و انا مش عايز اخسره ممكن حلول يعني

Hazelnut_52786 🇪🇬 خد خطوة وواجهه بصراحة، عبّر له عن حبك وخوفك من خسارته، واطلب منه التفاهم وإنكم تحاولوا تحلوا المشاكل بدل ما تسيبوا بعض. التواصل الصادق هو المفتاح

عرض الكل 6 نصيحة

Pistachio_52720 🇪🇬

منذ شهرين

شعور مكسور القلب

ما معنى خيانة الست لى من تحب اكثر من مره و يتم مسامحتها و ترجع تبكى لحبيبها لكى لا يتركها ؟ هل دا حب المبررها انا بضعف امام اى شخص بيقولى كلام حلو يرضى عرورى لا تريد ترك من تحب و تعد بانها تابت و تخون مره اخرى حد يقولى دا ايه ؟ مع العلم السنه ٤٠ سنه و هى تعانى من اضطراب القلق العام منذ اكثر من ١٠

Hazelnut_52786 🇪🇬 حضرتك الخيانه درجات . والخيانه له قدر تقدر تسامح وقدر غير مسموح 🚫 التهاون فيه . وانت ادرى درجه الخيانه اللي عملتها معاك تقدر تسامح ولا لا . بالنسبه للاضطراب النفسي ومتابعه الدكتور النفسي لها . اعرف منو اللي بتعملو دا في وعيها . ولا عدم وعي وعدم السيطره علي افكارها . 👍

عرض الكل 4 نصيحة

Tofu_28797 🇪🇬

منذ شهرين

شعور محبط

موضوع:

عندك مشكلة في التعبير عن مشاعرك؟

مأثر موت عامة انا و هو نفس الكلام و ف الاول كنت بحاول اعودو يحكيلي و يفتحلي قلبو و اني كلي اذان صاغية و اديلو الاهتمام اللي محتاجو و كده بس انا من النوع اللي معرفش احكي علطول كده الا انا اجرب اللي قدامي رد فعله ايه اما حكيت بس مكنش عندي حد غيره احكيله و بعدين واحدة واحدة حسيت منه انه مش مهتم بيسمع و

Durian_52455 🇪🇬 فكرة إنك تلاقى حد يسمعك فالزمن ده بقى شيئ نادر.. ده من وجهة نظرى غالبًا اللى بيسمعك هو بيسمعك لسبب مش بيسمعك علشان يحاول يفهمك وهوا ليه هيكون عايز يفهمك اصلًا ؟ ما اكيد لسبب 😂 كلامى ملخبط صح ؟

عرض الكل 9 نصيحة

Mango_11276 🇶🇦

منذ 6 أشهر

شعور مستنزف

موضوع:

رساله عايز تقولها لحد بس م عارف.

عبّر عن شعورك بشكل مجهول

هموت واشتمك عامةً بس اللي حايشني اخلاقي. مش فاهمة، كل مرة باجي واضحة وبقول اللي فعقلي بالضبط، ولما تسألني ايه اللي مضايقك بقولك اللي في دماغي بالضبط وبرضو تروح وترجع تعملوا، ما انا مش فاهمة، طالما مش فارق بتاكل 💩 تسألني ليه؟ مهو مش طبيعي كل مرة تسيبني لدماغي وأنا اللي اقعد ابرر التصرفات من دماغي عشان تيجي تقولي انتي عارفني، احيه بجد، ما ليه انا اللي اقعد افزر واحزر اللي فدماغك، ليه مش انت اللي تيجي وتشرح وتقول اللي فدماغك؟ وبعدين تيجي تقولي البنات دايماً مش بيقولوا اللي في دماغهم، والله؟!!!! وبعدين ليه أنا اللي دايماً بعمل مجهود وادادي وادعم واطبطب واتكلم في الموضوع مليون مرة لغاية ما تتخطاه واطمن واشارك افكاري وانت عامل زي الحيطة؟ وبعدين تيجي تقول انتي اقرب حد ليا، انت بتتعاطى يبني؟ نفسي مرة بس كلامك يكون ماشي مع أفعالك عامةً.بتأجل كل حاجة ومش عارف عايز ايه ومش بتيجي سكة ودغري وتقولي ان احنا شبه بعض وانت تصرفاتك في حتة وكلامك مجاش هناك اصلاً.سبحان الله كل مرة بمشي بمزاجي وبقول هبقى متفهمة بس النهاردة كانت آخر قطرة غالباً لدرجة مش قادرة ادي اي ردة فعل، ده حتى انت خدت بالك اني مش عارفة اتكلم وحسيت اني حمشي فقاعد تبرر من الصبح، بس اقسم بالله أنا لو مشيت ما هلف وأرجع تاني وانت عارف ده كويس، لأنه الحمدلله عمري ما قلت حاجة إلا وعملتها لأني الحمدلله عارفة قيمتي وعارفة أنا عايزه ايه ومش عايزه ايه، وأنا مش عايزه انا بس اللي ادي واحرق مجهود عالفاضي! عمري ما كنت استنى من حد مقابل، بس اقلها تحترم الدعم النفسي والمعنوي اللي كنت بقدمه وتحترم اني بشر برضو واحياناً زي ما بتلاقيني دايماً موجودة يمكن كنت محتاجة في مرة وحده بس انت كمان تكون موجود، بس ما علينا، أساساً مش حتستوعب اللي بقوله عامةً عشان ولا مرة عبرت فيها كنت مركز اساساً.والله لو قعدت اكتب للصبح مش حخلص اساساً
I guess I’ll never understand men at this point, All they can give is disappointments.

Potato_42683 🇪🇬

منذ 8 أشهر

شعور متوتر

Strawberry_42567 🇰🇼 بصي او بص متسمعيش كلام اي حد يقولك متروحيش دي حاجه بسيطه او انتي الي ببتوهمي و الحاجات دي كلها بدام انتي حاسه ان في حاجه غلط روحي لدكتور نفسي لان اقسم بالله الحاجات التافه دي الي بيقعدوا يقولوا عليها هما مش حاسين بيها او بالضغط الي انتي بتحسيه

عرض الكل 5 نصيحة

عبّر عن شعورك بشكل مجهول

دلوقتى انا بفكر انى اروح لدكتور نفسى بس عايز اعرف فكره كويسة و لا لا بالذات انة خدت رأى اصحابى و قالولى مش لازم و الموضوع مش مستاهل و هدخل نفسك فى دوامة
المشكلة انى ديما لو اى حد بدأ يبعد شوية او طريقة كلامه اتغيرت بسبب مشاكل عنده او انه مضغوط ديما بحس ان المشكلة فيا انا و انا اللى استاهل كده غير كده انى بخاف اخسر حد بس خوف هستيرى يعنى ممكن اقعد اعيط علشان حسيت انى ممكن اخسر حد و ديما انا اللى ببدأ بالصلح لو فيه مشاكل حتى لو مش انا اللى غلطان و اللى قدامى هو اللى غلطان علشان خايف اخسره غير كده ديما حاسس ان مفيش حد بيحبنى يعنى كله بيتعامل معايا كشخص عادى مش اصحاب بس كذا واحد من اصحابى لما اتكلمت معاه فى الموضوع قالى ان لا طبعا و احنا اصحاب و الكلام ده بس اكيد يعنى مش هيقول غير كده 
 غير كمان انى ساعات بدبتضايق من غير سبب و افضل اعيط و مش عارف انا بعيط ليه اصلا
ممكن تكون مشاكل تافهة لمعظمكم بس هى فعلا مأثرة على حياتى بشكل كبير بالذات انى ممكن اقعد اعيط فترة كبيرة و مش عارف اذاكر و فكرت كذا مره انى اقطع علاقتى بالناس كلها بس الموضوع صعب بالذات انى بحب اكون وسط ناس او على الاقل ابقى ضامن وجودهم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_42352 🇪🇬

منذ 8 أشهر

شعور وحيد

مرة كنت قاعد لوحدي زهقان موت، وفجأة جتلي فكرة غريبة كده: "نفسي أكلم بنت تكون توكسيك!" هو أنا مش عارف إيه اللي خلاني أفكر كده، بس يمكن من كتر ما حياتي بقت روتين ومفيش فيها حماس. قلت لنفسي، "إيه المشكلة؟ يمكن أعيش تجربة تخليني أصحصح شوية." بقى تخيلت الموضوع كده، إني أبدأ أكلمها عادي وكل حاجة حلوة، بس

Waffle_37267 🇪🇬

منذ 8 أشهر

شعور مرهق

عبّر عن شعورك بشكل مجهول

اسف لو هطول في القصه 
انا طالب ولد لسا في المدرسه مبين ال16-18 سنه 
قصتي بدأت من السنه الفاتت كنت اتعرفت على واحد عادي و اتصاحبت عليه و كنا بنروح كل الدروس مع بعض كل يوم نكلم بعض و كنا مهتمين ببعض كنا مبسابه اتنين مرتبطين مثلا 
من شهر او حاجة كنت بحاول ابعد علشان حسيت أن احنا هندخل في سكه مش حلوة و فضل يقولي لا و احنا عادي و مش هينفع نبعد ......، فرجعنا تاني و أقرب من الاول.
قام هو جه من اسبوعين ولا حاجة قالي نفس الكلام القولتهوله و أن احنا كدا مش صح......، فوصلنا للأخر أن احنا beast friends عادي يوم اتنين تلاته مبقاش بيبعت خالص و بيستنى لما ابعتله انا الاول و كلامه بقا بارد من الاخر عايز يقطع خالص و أن هو اتغير 
واحده واحده مبقاش يبعتلي strikes على سناب و عارف و متأكد و شوفت بعيني أن هو لسا بينزل 
و علشان كنا بتاخد دروسنا مع بعض فغصب عننا لازم نتقابل على الاقل 3 ايام في الاسبوع و طبعا معاملته ليا قدام الناس اختلفت خالص بقا بيعاملني بطريقه وحشه و عايز يبان أنه احسن مني وخلاص 
من ٣ ايام مثلا بدأت مفكرش فيه خالص بس كل لما الاقي منه رساله او بوست.... افتكر كل حاجة و اتعب 
انا كنت متعلق بيه اوي كان هو كل حاجة بالنسبالي و سيبت كل صحابي علشانه و انا اصلا مش بتعرف على الناس بسرعه و مش بعرف و هو عادي عنده صحاب و مش فارقه معاه 
فمش عارف اعمل اية و كل لما بفكر فيه مش عارف بحاول أنساه عادي ولا بحاول اخليه في دماغي اني احسن منه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع