مش مبسوط ومش عارف أعمل إيه!

Question

جماعة انا مش مبسوط ومش عارف اعمل ايه
كان بقالي ٧ شهور بعد الجيش مشتغلتش، كنت مرتبط بواحدة والدنيا كانت تمام بس مكناش متفاهمين، كنت بروح الچيم ومنتظم فيه ومكنتش بصلي خالص
بعدين اشتغلت، حصل عدم استقرار بس الحمدلله اني اشتغلت، بس لغبطت في اكلي و فلوسي كانت يدوب و بطلت چيم ومشاكلي زادت مع البنت دي فا طبيعي مكنتش مبسوط 
دلوقتي انا سيبتها و قبضت اول مرتب و ملتزم في الصلاة ورجعت الچيم ورجعت اظبط اكلي ولسه مش مبسوط، حاسس اني بقالي شهرين ايا كان اللي بعمله انا مش حاسس اني مبسوط خالص

Coconut_68392 🇪🇬 · Answer

ربنا يعوض عليك ويطيب خاطرك❤
طبيعي تحس بالفراغ خصوصا بكم التغيرات اللي فحياتك دي حاول تلهي نفسك بانك تتعلم حاجه جديده سواء مهاره او رياضة غير الجيم طبعا وانشغل وسط صحبه صالحه تشدك وتساعدك تبقي احسن

Coffee_68983 🇪🇬 · Answer

طبيعي هتحس انك مش مبسوط لأنك اتعودت علي الدوبامين السهل و الأنضباط مش هيوفرلك دا انت بس محتاج تعود و انك كل فترة تحس انك فعلا راضي عن نفسك فيها تكافئ نفسك بس بحاجة حلال طبعا و ترضي ربنا  ايا كان بقا انت بتحب ايه

Chilli_68401 🇪🇬 · Answer

عادي انت مريت بفترة وحشة طويلة ولسا متعافتش منها
عادي سيبها تاخد وقتها اللي حصل ف سنين مش هيتصلح ف يوم وليلة وخليك منتظم ف الصلا وحاول تقرب من ربنا اكتر
انا القرآن ساعدني جدا خصوصا لو بصوت بحبه
وبرضو قرأة
حاول تعمل ورد يومي جزء كامل
انا وانا مكتئب كنت برتاح لما بقرا جدا

Apple_68654 🇪🇬 · Answer

الموضوع في الرضا ياخويا قول الحمدلله اولا واخيرا ثانيا داوم علي ذكر الله

Apple_67917 🇪🇬 · Answer

خليك زي ما انتي اهم حاجه خليك ملتزم في الصلاة ايا كان اي هيبوظ مش مهم اهم حاجه خليك ملتزم بالصلاه ودور علي اي حاجه بتبسطك ولو حاجه صغيره اعملها حاول تبسط نفسك وانك متكونش مبسوط ده عادي المهم تكون راضي لو رضيت هتعرف تتبسط وربنا معاك

Lemon_61075 🇪🇬 · Answer

الحمدلله والله اولا واخيرا طبعا، لا الحمدلله انا في نعمة واحمد ربنا عليها شغال شغل بحبه وبقبض كويس الحمدلله 
انا بس حاسس اني المفروض اكون مبسوط عن كده ومش عارف مالي

Lemon_61075 🇪🇬 · Answer

والله انا بحاول لسه اتعود علي حاجه جنب الشغل وقتي كله بقى مسحوب فيه وبما انه في محافظة تانية فا انا بعدت عن اهلي وصحابي بس انا بحاول اتعود علي حاجه تانية اعملها هنا

Lemon_61075 🇪🇬 · Answer

مدرك ده الحمدلله وبحاول احافظ عليه علي قد ما اقدر ومرجعش للفترة اللي كنت مقصر فيها تاني

Lemon_61075 🇪🇬 · Answer

انا فاهمك، بس دي مش الcase اوي كان في حاجات انا ملتزم ومنظبط عليها، بالعكس ده اكتر من دلوقتي بكتير وعشان كده مستغرب، تخيل انك قعدت مشوار طويل بتتعب عشان حاجه وفي الاخر وصلت ومحستش بحاجة

Lemon_61075 🇪🇬 · Answer

بحاول والله اقرا، انا بسمع كتير الحمدلله، ان شاء الله خير

Coconut_68392 🇪🇬 · Answer

المهم انك تفضل تحاول وربنا هيوفقك ويكرمك
وكلنا هنا موجودين جنب بعض لا تقلق ياصديقي

Watermelon_68486 🇪🇬 · Answer

ممكن يكون فيه سبب داخلى أو ضغطوات مريت بيها وانت كبرت دماغك منها ف لسة متأثرة فيك حاول تقرب من ربنا و استغفر كتير و قول لا اله الا انت سبحانك اني كنت من الظالمين و حاول تحتوى نفسك و تفرحها اليومين دولت زى تخرج فى مكان بتحبه أو تجيب حاحة نفسك فيها 
و ربنا يجبر بخاطرك و يسعدك

Lemon_61075 🇪🇬 · Answer

تسلم ياصديق، ربنا يوفقنا جميعا ومحدش ييأس من المحاولة

Lemon_61075 🇪🇬 · Answer

في الغالب كده فعلا، بس انا لسه موصلتش لايه السبب او ايه ممكن يكون حل بصراحه