علاقات مؤذيه

Almond_56393 🇪🇬

منذ شهرين

شعور ضائع

كل حد دخل حياتي خد حتة من روحي، وكل مرة كنت بسيبها تتاخد من غير مقاومة، كأني متبرّع بيا. كنت بدي كتير، بصدق، بحب، بأمان… وبخرج فاضي. المشكلة مش إنهم مشيوا، المشكلة إن كل واحد ساب علامة، ساب صوت، ساب حاجة بتزن في دماغي. في ناس سابوا وجع، وناس سابوا أسئلة، وناس خلّوني أشك في نفسي، في قلبي، في استحقاقي

Biscuit_52542 🇪🇬

منذ شهرين

شعور عاطفي

عبّر عن شعورك بشكل مجهول

للاسف علاقتي بيه معقده و يمكن الكلام اللي هقوله مش هيكون مفهوم بالنسبه لناس كتير او يمكن بس اللي هيفهمه هو اللي هيكون عاشه او عاش حاجه شبهه
انا معرفش احنا كنا ايه بالنسبه لبعض معرفش هو بيحبني ولا متعلق بيا ولا بيمثل كدا علشان بيحاول بقاله ٣ سنين يوصل للي هو عايزه و مش عارف بس كل اللي اعرفه انه احنا كنا محتاجين نحب علشان نكره او نقرب علشان نبعد..
لان اكيد اللي بينا دا مش حب 
اللي بيحبو بعض دول ناس تعرف بعض بس انا وهو لا
احنا مكنش في بينا حاجه عشان نعرف بعض
هو يمكن حب فيا شكلي، ادبي، رفضي المستمر ان يبقى بينا حاجه مع اني معجبه بيه برضو     المهم كلها حاجات تافهه
وانا يمكن حبيت فيه كلامه الحلو ،محاولاته الكتييررر، شويه حاجات حلوه عملها عشاني، او شعور حلو وصلهولي…
اياً كان معتقدش ان دا حب يمكن يكون تعلق مش اكتر 
المهم انه طول اوي و الموضوع بقى بايخ جدا
احساس كبير بالتوهان و القلق و الخوف..
انا متاكده انه مش مناسب واني لو عرفته عن قرب هبطل احبه نهائي بالذات لاننا مش شبه بعض و عشان كدا بقول ان يمكن لو قربنا هنعرف نبعد بس للاسف انا مستحيل اعمل في نفسي كدا لانه انسان مؤذي و فكره انه ممكن ميكنش بيحبني و عايز يستغلني دي مستحيل ارمي نفسي ليه بسببها…

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_57475 🇪🇬

منذ شهرين

شعور مرهق

موضوع:

هل في يوم اتعلقت بحد؟

هو للاسف دي اكتر مشكله يمكن هتجنني الفتره دي اما تبقي حاسه ان الشخص ده كل شي ف الحياه وهو ليه اولوليه في حياتك حتي لو علي حساب نفسك واما الشخص ده ياذيني والاقيه برضوا بيوحشني واني ما اعرفش اعيش من غيره يمكن ما عنديش اوبشن بديل او اوبشن ان اختار مبقتش فاهمه نفسي ولا مشاعري غير اني بجد غلط بس كان مخي

Donut_25498 🇪🇬

منذ 3 أشهر

شعور محبط

انا تقريبا عمري ماحسيت أن في شخص اقدر اروح لي وقت الزعل وقت مايكون عندي مشكله او خايفه من حاجه أو حتي وقت الفرح ويكون شعور متبادل ولا مره حسيت إن في شخص حابب يشاركني اي حاجه دايما ، مع أن دايما موجوده لاي حد هاديه وأسلوبي كويس.. كنت دايما في كل علاقتي بصاحبي أو اهلي بتعامل بحب وتلقائيه في كلامي ومن

Mango_12825 🇪🇬

منذ 9 أشهر

شعور متوتر

موضوع:

حد حسيت نفسك الشخصيه الشريره فقصته

الصراحه انا مش شتيفه نفسي وحشه بس في نظر اللي حواليا مؤذيه شوفي انا عندي اضطراب الشخصبه الحديه ومن اعراضها اني بتقفل من سخصةبحبه فجأه المهم انا مش من النوع اللي يزعل علي علاقه خسرتها خاالص لو حسيت ان العلاقه مش مربحه بالنسبالي ببعد لا اصلا الصحاب ما هم الا راحه بس اوقات العلاقه بتبقا ضغط ودا بيكره ا

Croissant_39435 🇪🇬

منذ 9 أشهر

شعور محبط

الحب ده احيانا بيبقي أسواء حاجه بتواجه الإنسان فحياتو بجد ممكن تقع مع شخص سوي نفسيا واجتماعيا وعندو صحاب وبيحبك وبيثق فيكي وسترونج وبيحكيلك كل حاجه ولويال وممكن تقعي مع شخص معقد نفسيا ومبيحبش الناس وكل اختيارات فصحابو غلط علشان كده بعد عنهم ومش بيحبك هوا متعلق بيكي بس ومش بيثق فيكي وديما مقلق منك

Cherry_37672 🇪🇬 النموذج ده بنبعد عنه نطلعه من حياتنا و نقفل الباب وراه و ننضف مكانه كمان حتى لو بنحبه طول ما هو في حياتنا هنفضل فاكرين ان ده حب بس انا تطلعي بره و تيجي تبصي على الصورة كامله من برا هتعرفي ان ده مش حب دا تعلق بحاجات معينه عجباكي زي طريقة الكلام أو طريقته في إظهار اعجابه بيكي اللي مش شرط يكون حقيقي بالمناسبة او بحاجة معينة انتي بتحبيها هو بيعملها بس ده مش حب.. قلوبنا مبتحبش حد بيوجعها

عرض الكل 1 نصيحة

Pumpkin_19601 🇪🇬

منذ سنة واحدة

شعور متعب

ازيكوا يا حبايبي قبل ما تفكروا ف كلام اتقالكوا يضايق فكروا لو الحد ده مهم اصلا على الليله الي هوه عاملاها دي لو فكرتوا ولقيتوه مهم بالنسبه ليكم يعني يبقى انتوا محتاجين تتعالجوا وتجيبوا مسدس تطخو بيه نفسكوا عشاان تعقلوا (كفايه علاقات مؤذيه يا حبايب ) لو فكرتوا ولقيتوه مهم ف المجمل يعني معاه نص ثر

Chilli_64343 🇪🇬

مش عارف ادخل على الرسائل ويقولي انتهاكات

مش عارف هو اي حصل بس فجأة الرسائل عندي بقت مش عارف ادخل عليها وبيقولي انتهاكات وبتاع معرفش ليه هل علشان قولت البرنامج بقا وحش وعايز امسحه ولا اي مش فاهم حد حصل معاه كده لاني مش عارف ادخل علي اي رساله ...عرض المزيد

0 الدعم

0 نصيحة

French Fries_74038 🇪🇬

ضيعت بنت مناسبة بسبب طموحاتي العقيمة

السلام عليكم وانا عايز اعرف رأي فى حكايتى انا واحد كان نفسي فى يوم من الايام اخطب واتجوز زى زى اى شاب وأنا واحد ظروفى على أدى بس كان نفسي ارتبط بشخص يحمل مؤهل دراسي عالى مع الاسف مثل الهندسة او دكتور او اى شخص يحمل شهادة يعادلها فى باقى الشهادات انا عارف انه تفكير عقيم بس مع السف كنت شايف ان ده حاجة كويسة جدا بالنسبالى المهم انا برده كنت عارف ان ده شئ مستحيل تحقيقة بالأخص فى الجتمع الى احنا فيه وبالاخص انا معايا دبلوم صناعى وظروفي المادية على أدى ولاكن انا لما شوفت ناس شبهى اتوفقوا فى حاجة زى كده انا اتحمست للفكرة وحاولت أتقدم بالفعل لبعضن من الناس يعنى حد انا اعرف عنده بنت بتحمل هذه الشهادة حد عنده اخت برده وكله بالعشم لأن انا عارف الناس دى برده انا نسيت انى اقول لحضرتك ان انا شخص مش اجتماعى المهم كنت بترفض دايما بس بطريقة مش مباشرة يعنى رغم العشم كانوا بيقولولى والهى انا معزهاش عليك ولاكن كان فى حد متكلم عليها ونفس الكلام مع بقيت الناس واتضح ان كلامهم مش حقيقي ده الى انا اكتشفته بعد كده وبعد اتعقدت وقعد كام سنة مفكرش فى الجواز لحد مولدتى قلتلى احنا عايزين نفرح بيك قولتلها بلاش انا مش عاوز اتجوز علشان انا بينى وبين نفسي انا مش هلاقى الشخص الى انا عاوزه علشان ظروفى انا مش طمعان فى وظيفتها ولا فى مرتبها انا ظروفى على أدى بس انا عايز اعيش مع واحد طموحه وبتحبنى وبتحمل هذه الدرجة العلمية واكون سند ليها لو أمكن المهم بعد ظغط كبير من امى وعمتي قلولى ان فى حاجة اسمها خاطبة قلولى اكتب المواصفات إلى انته عايزها واكتب مواصفاتك طبعا يااستاذه ايه انا كتبت مواصفاتى كلها من غير اى كدب ولاكن لما كتبت مواصفات البنت مكتبتش انا عايز بنت تحمل هذه الدرجة العلمية وبتشتغل كمان اتكسفت بصراحة المهم بعد معملت كده ب٢٤ ساعة بس اتلقيت امى داخلة عليا بتقولى الخاطبة جبتلك بنت وكانت مواصفاتها ياايه مهندسة جامعة روسية وحافظة للقرآن ومسواه كويس بس مكنتش بتشتغل قولت معقول من اول مرة كده طب لما انزل اشوفها لقتها بنت حبوبة وشكلها حلو ده غير ان فيها كل الى انا عاوزه من مواصفات كنت مرتاح فى القعدة يايه جدا وبعد ممشينا انا روحت البيت بينى وبين نفسي انا قولت ان هى هترفض على طول هى واهلها علشان ظروفى وكده المهم قعدت يوم والتانى سألنا بتقول لسه بتصلى استخارة وبعد كده رفضت بصراحة ياأيه انا انصدمت وقعدت يومين مبنامش وتعبان وبعد كده قولت الحمد الله قدر الله ماشاء فعل وبعد كده قولت بينى وبين نفسي علشان جربت شعور الرفض فأنا مش هرفض الى جاى هسيبوا هو الى هيرفض ولو وافق يبقى ربنا كتبلى الخير فى دى بعد كده الخاطبة جابتلى واحدة تانية بس مرتحتش بس هى تلى رفضت وبعد كده جابتلى واحدة تانية برده مكنتش مرتاح اوى لأن هى قلتلى فى وسط القعدة وهى بتعرفلى نفسها ان عندها اخت مهندسة فكان المفروض انا رفض بس انا روحت البيت وانا فى بالى ان هى هترفض زى الى فاتوا لاكن مع الاسف وافقت بصراحة يا أيه انا مفرحتش ومزلعتش فى نفس الوقت لأن دى اول تجربة فى حايتى روحنا البيت عندهم انا كنت بقدم رجل وبأخر رجل بس انا روحت وأرينا الفاتحة فرتحت شوية ولما روحت البيت قولت اشوف البنت لو كانت كويسة معايا خلاص وبطل الفكرة التخلفة الى فدماغى دى المهم بعد شهر ونص خطوبة والدنيا كانت ماشية كويس قلتلى ان اختها المهندسة جلها عريس ووافقت انا انهارت تماما ومت بعدها الدنيا بقيت سودة عليا ومبقتش شايف خطيبتى رغم أنها كانت طيبة ومحترمة وشكلها مقبول ومتعلمه تعليم عالى وعاقلة جدا وصبورة جدا عشت معاها ايام حلوة كتير بس بصراحة انا صارحتها ان انا كنت عاوز واحدة دكتورة او مهندسة اكتر من مرة غصب عنى رغم انى مكنتش بحب اتكلم فى حاجة زى كده علشان مديقهاش كان يوم بعد يوم بكلمها فى الموضوع ده غصب عنى لانى مكنتش مرتاح وعلشان طيبتها ومعملتها الكويسة ليا كانت لما تضايق منى كنت بحاول اصلحها وهى اديقت منى كتير وانا كنت بدايق اكتر لمديقتها بس كل مهدى واقول انا معايا انسانة كويسة ومناسبة ليا فجأة يحصل تقولى اى حاجة عن اختها وخطيبها بسلامه نيه فرجع تانى اضايق واقفل منها علشان انا اصلا حاببب مواصفات اختها مش اختها وكنت بقول بينى وبين نفسي هو أحسن منى فى ايه انا كان نفسيى اكون زيه اخد واحد مهندسة بتشتغل طموحة بتحب شغلها وبتحبنى علشان بحبها ومش واقف فى مستقبلها المهم زاد عدم راحتى لخطيبتى وعلى برده عشانها ومبين بزعلها مرة وبصالحها مرة وبعد سنة وسبع شهور رغم انى حجزت قاعت الافراح وسافرت القاهرة اجيب البدلة بس بره مع الاسف مكنتش مرتاح المهم قولتلها فى رسالة كل واحد فينا يروح لحالةوانا مش عاوز اعزبك معايا اكتر من كده لان فى الفترة الأخيرة كانت فى مشدات مبينا انا مكنتش مستحملها غير عدم الراحة المهم سيبنا بعض وقلتلتى خد الدهب انا مأختوش اكرما ليها علشان انا عارف انا اد إيه انا جرحتها وابوها هزئنى وامها هزئت امى فى التلفون معلش انا عازرهم انا الى عملتوا مش شويه وانا عارف انا عملت ايه وبعد شهرين من الفشكلة اتلقتها مخطوبة لواحد تاني وانا شوفت الزفة بنفسى على اد مفرحت ليه على اد مزعلت على نفسي وال عملتوا فيها وانى مكنتش اتخيل فى يوم من الايام انى هحط نفسي فى الموقف ده طبعا انا حاولت ارجعلها اكتر من مرة بعد مفشكلنا على طول فوقت لنفسي وقولت أصلح الغلط بس مع الاسف هى رفضت تماما وبعد كده انا عيشت فى اكتئاب وربنا بيعقبنى بالى انا عاملتوا فيها هى انسانة تستاهل كل خير اما انا كنت انسان زباله مصونتش الانسانه الوحيدة الى كانت بتحبنى ومناسبة ليا وانا هعد سنين طويلة على مكون نفسي تانى وفكر اتجوز وانا اصلا سنى كبير مش صغير ياعنى الموضوع انتهى بالنسبالى ضيعت نفسي علشان قرار خطأ انا خته فى حياتى انا بتابع فديوهاتك من بدرى وكنت متردد ابعت لحضرتك لحسن تهزأينى انا كمان 😁 لاكن عقلك ولباقة حضرتك فى الكلام هما الى شجعونى ابعت لحضرتك حكايتى وياريت تقولى راى حضرتك ايه واعمل ايه فى الى باقى من حياتى لوعشان وكان لينا عمر وشكرا ...عرض المزيد

0 الدعم

0 نصيحة

Apple_16902 🇪🇬

أبي بيضرب أمي ويهددنا بالشاكوش ومش عارفين نعمل إيه

السلام عليكم و رحمة الله و بركاته جماعة الخير، محتاجة نصيحتكم في أسرع وقت مهما كانت ارجو من أي شخص بيقرأ البوست ده دلوقتي يساعدني لأن فيه كارثة! والدي ماشي في الشقة بالشاكوش بعد ما عنف أمي جسديًا و أذاها بالضرب على دماغها و لسه قايل لأختي الصغيرة من كام دقيقة " لو أمك فتحت بوقها هديها على دماغها بالشاكوش و أجيب أجلها و أنا أصلًا عايز أجيب أجلها " و بزعيق و قام رازع باب أوضته لدرجة هزت البيت و دي مش أول مرة و من كام يوم مهددنا كلنا بالضرب و احنا 3 بنات و مش عارفين نعمل حاجة و ماما ساكتة و بتقولنا اهدوا و اللي هو حرفيًا ازاي! البيت اللي المفروض يبقى فيه أمان معدوم بسببه و هو معدى ال60 و قبل كده جاب لشخص كان مضايقه بلطجية! و قبل كده كسر لأخوه شقته! و خلّاه ينفصل عن مراته! من عاميله فيهم و كان بيضربنا احنا شخصيًا و مهددني بالقتل انا و أمي و بيستقوى علينا بقوته الجسدية و احنا مش عارفين نعمل أي حاجة بالمعنى الحرفي لأن هو لو عرف ان احنا عايزين نبلغ أو حتى اتسجن و طلع هينتقم منا و هيأذينا جامد و دلوقتي اتصلنا بالبوليس و ماما كانت هتاخد منا الفون عشان منتصلش عشان هو لو عرف هتحصل مصايب، الحقونا ارجوكم ...عرض المزيد

0 الدعم

1 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع