الحب ده أسوأ حاجه وقعت فيها.. هيلب بقي

Question

الحب ده احيانا بيبقي أسواء حاجه بتواجه الإنسان فحياتو بجد 
ممكن تقع مع شخص سوي نفسيا واجتماعيا وعندو صحاب وبيحبك وبيثق فيكي وسترونج وبيحكيلك كل حاجه ولويال 
وممكن تقعي مع شخص معقد نفسيا ومبيحبش الناس وكل اختيارات فصحابو غلط علشان كده بعد عنهم ومش بيحبك هوا متعلق بيكي بس ومش بيثق فيكي وديما مقلق منك وصحتو علي قدو وتوكسيك أو بلاير وببعيش دور الضحيه ديمااا 
وده بقي الي انا اتحطيت فيه هيلب بقي

Cherry_37672 🇪🇬 · Answer

النموذج ده بنبعد عنه نطلعه من حياتنا و نقفل الباب وراه و ننضف مكانه كمان
حتى لو بنحبه طول ما هو في حياتنا هنفضل فاكرين ان ده حب
بس انا تطلعي بره و تيجي تبصي على الصورة كامله من برا
هتعرفي ان ده مش حب دا تعلق بحاجات معينه عجباكي زي طريقة الكلام أو طريقته في إظهار اعجابه بيكي اللي مش شرط يكون حقيقي بالمناسبة او بحاجة معينة انتي بتحبيها هو بيعملها
بس ده مش حب.. قلوبنا مبتحبش حد بيوجعها