عائلات سامة

Mango_58210 🇪🇬

منذ شهر واحد

شعور متعب

Hazelnut_52786 🇪🇬 خدي نفس كده . واقولك . مش شرط تعملي كل حاجه مره واحده . وابتدي انزلي اتمشي واحده واحده مع نفسك حتي لو تروحي مول كبير وكده . وخطوه خطوه هاتفهمي وتعرفي . اما بخصوص شغلك دا احلي حل طبعا بس الاهم تبقي واثقه من نفسك وتلغي التردد في تفكيرك . وفي كذا حل ااقولك عليه لو تحبي . وبالتوفيق في كل خطوه

عرض الكل 10 نصيحة

عبّر عن شعورك بشكل مجهول

ابويا من صغري وهو قافل علينا مفيش خروج مفيش فسح مفيش حاجه اسمها فرحه وانبساط الحياه اكل وشرب وتعليم وشكرا علي كده اي حد يكلمه يزعق بتخانق احنا مش بتوع ترفيه لحد بيجيلنا ولا بنروح لحد ودلوقتي انا اتخرجت من الجامعه بشخصيه ضعيفه ومشوهه وعندي عقد كتير بسبب طريقتهم المؤذيه والمريضه مبقتش عارفه اتعامل مع الناس ولا اكون صداقات صداقاتي كلها فتره وبتنتهي وبقع في الناس المصلحنجيه تعبت من حياتي انا بين أربع حيطان ممكن بالسنين منزلش اشوف الشارع ولما بنزل بيكون للضروره القصوى ويبقي اصلا خايفه ومرعوبه انزل واواجه الناس لاني بخاف اتعامل معاهم ومش بعرف اتعرف علي حد انا نفسي اتغير وكل حاجه تتغير بس مش عارفه اعمل ايه حتي ليعرف اروح ولا اجي في حته أخري المدرسه والجامعه دلوقتي يمكن الحل اللي هيخرجني من العزله دي الشغل هو هيكون شئ صعب في التأقلم والتعامل اكيد بس مفيش حل تاني في مدارس جمبنا قولت ممكن اروح اجرب اقدم فيها واشتغل مدرسه وخلاص بس كل ماجي اخد الخطوه اخاف واتراجع بسبب الرعب اللي ابويا عامله فيا لانه طول عمره مخوفني من كل حاجه فأنا مش عارفه اعمل ايه خايفه اروح ومتقبلش بعد مكون بذلت كل المجهود ده فقل في نظر نفسي اكتر خايفه من المسؤوليه وخايفه من الهوس اللي ابويا هيعملهولي لانه موسوس اوي من كل حاجه مش عارفه اعمل ايه كل يوم شبه اللي قبله مفيش تغيير وبتحصر علي حالي كل دقيقه لما بحس اني هفضل كده متكتفه فكرت انت*حر كتير بس مقدرتش قولولي اعمل ايه انا مليش صحاب ولا حد واخواتي مش قريبين مني خالص انا بتعذب في صمت مع شخص نرجسي مريض وكل حاجه عنده زعيق وخناق ورعب تعبت ياربي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_28425 🇪🇬

منذ 6 أشهر

شعور مرهق

عبّر عن شعورك بشكل مجهول

انا ابويا و امي هما سبب تعاستي في الحياه مهما بنجح هما اكتر اتنين مخلين حياتي تعيسة انا و اخواتي امي زمان اتجوزت ابويا غصب عن اهلها لانه مكانش مناسب عارفين الافلام اللي بنلاقي فيها واحدة بنت ناس كويسين اوي تتجوز واحد ظروفه مش احسن حاجة هما دول ابويا و امي امي بعد شهر جواز عرفت ان اهلها كانوا صح لقيت نفسها مع شخص معندوش طموح مش مسؤول معتمد عليها و اتكالي خلفتنا و كمان غصب عنه احنا ٣ لما خلفتني هو مكانش راضي قالها مش هنقدر عليهم برضو عاندته و عرفت حملها فيا بعد شهرين يعني كان سهل الاجهاض بس مش مشكلتنا دلوقتي اهو ليا نصيب اجي الدنيا الفكرة انها اخدت واحد غصب عن اهلها و لما اكتشفت انه غير مؤهل للجواز عملت نفسها راضية و هي من جواها تعيسة و مش راضية جه علينا وقت تفهمنا قصتها و مشاعرها و حاولنا نتعايش ماهي برضو انسانة و بتغلط زي اي حد بس كان طول الوقت بتعايره قدامنا و احنا شايفين دا فيه انه معندوش طموح مش بيحاول عشانا بس دا ابونا و دا امنا حصلت بينهم مشكلة كبيره زمان قدامنا عشان المصروف هو مش بيزوده لانه معهوش و هي بتحط من معاها اكتر منه الضعف سابتله المصروف و عشان هو اعتمادي بقى يخلينا احنا نشتري و كمان نطبخ و احنا اطفال كانوا بيعاقبوا بعض فينا و رجعت الامور تاني هي تصرف اكتر منه و عايشين طول عمرنا في معايره هو يقولها انتي ما صدقتي تتجوزيني و هي تقوله انت اللي ماصدقت واحدة معاها فلوس لحد من اسبوعين خرجها عن مشاعرها لانه مستفز كسرته قدامنا و خلته ميسواش و فضحته و فضحتنا في العماره و في الشارع و لاننا قاعدين في شقة بتاعتها وشقة ابويا بتتاجر كرشتنا من غلها منه و قالتله كلام صعب صعب صعب انا مش قادرة اتخطاه ولا ابصله ولا ابصلها و النتيجة انها رجعت تاني سابتله المصروف عشان هي متصرفش و هو طبعا عشان اعتمادي سابلنا الجمل بما حمل عشان هو مش هيتحمل مسؤلية هيدينا فلوس نتصرف احنا احنا اه كبار اصغرنا اللي هو انا عندي ٣٠ سنة بس مش دي الحياه الطبيعية اني اعيش مع اهل مش بيحبوا بعض و بيعاقبوا بعض في عيالهم و هم مش حاسين و مش شايفين
 دا لما اعترضنا امي زعلت مننا و قلنالها ارحمي مشاعرنا قالتلي و انا مالي بمشاعركوا ما انا كمان تعبانه منه قلنالها يعني احنا عايشين طول عمرنا بنحاول نفهمكم و نقدر مشاعركوا اللي بتطلعوها فينا عضب و جفا و قسوة و دلوقتي بتقوليلنا انا مالي بمشاعركم من بعدها كلنا و انا بالذات حاسين بكسره مش قادرين نبصلهم في وشهم ولا نتكلم معاهم وجودهم عاملنا ضغط و وجع و كسرة و حسرة محتاجة اعرف ازاي اتعايش مع كل دا مش قادرة كنت قادرة بس دلوقتي مبقتش قادرة اشوفهم ولا اعيش معاهم و لا عايزه اعذرهم تاني خلاص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_44204 🇪🇬

منذ 8 أشهر

شعور وحيد

هوا ازاي أتعامل مع أهل سايبني لوحدي بالعالم ولا يكدبوا ع لساني ويوصلوا كلام مش صح لدرجة انه ولا حد من اهلي معي هوا فعلا في أهل يكرهوا بنتهم كنت احكي لا بس هلق يبصم ويقول ايوة في وكثير كمان واولهم اهلي

Banana_37976 🇸🇦 الله المستعان

عرض الكل 13 نصيحة

Pear_41722 🇸🇦

منذ 8 أشهر

شعور مكتئب

السلام عليكم انا عندي 16 سنه مصري مقيم ف السعوديه فيه بيني وبين والدي مشاكل وحتى اقل الحاجات والحقوق مش بيدهالي وحتى مصروف ممنوع اخد ومش من دلوقتي يعني على طول وانا الصراحه زهقت من الموضوع دا وحتى المعامله مفيش بينا اي كلام ولا حتى بياخد رايي ف اي حاجه ولا مره قالي كلمه كويسه وعلى طول زعيق وضرب وشت

Chilli_28867 🇪🇬

منذ 8 أشهر

شعور مكتئب

موضوع:

بنات احكولي على تجاربكم مع الحجاب ؟

Pineapple_29683 🇪🇬 حبيبتي لو انتي فاكرّة ان قيمتك بشكلك صدقيني حتي لو شلتي الحجاب هتفضلي بنفس الشعور وفي بنات احلي منك بالحياةمنغير حجاب وبحجاب وكل م تدخلي مكان محدش هتحسي بالقص لانك حطه قيمتك ب شكلك احب اقلك ا قيمتك كدا قليله واعرفي ان الدنيا دار اختبار مش جزاء لو عشتي حلو او بشعه كلها ٩٠ سنه وتقابلي ربك وتعرفي ان اهلك عملو اتعلمي تحترمي عقلك وتتعلمي موهبه تنميها عشان تشعري بالسعاده فالحياة بالشكل الصحيح

عرض الكل 11 نصيحة

عبّر عن شعورك بشكل مجهول

من اسوأ الحاجات اللي حصلتلي في حياتي
ولغاية دلوقتي مش عارفه اسامحهم ولا اتقبل شكلي بالحجاب ولا اتقبل شكلي عمومًا
انا حجبوني اجبار بالغصب عني
انا لسه فاكره الايام ديه ومستحيل انساها ولغاية دلوقتي مش عارفه اتخطاها وكل مره بفتكرها بيرجعلي نفس الشعور
انا كنت زي اي طفلة بجد حتى معرفتش استمتع بشعري ولا بحاجه لاني انا اللي كنت بهتم بنفسي في اغلب الوقت
عارفين الطفل اللي دايمًا بيكون معتمد على نفسه؟ ومحدش بيسأل عليه ٩٠٪؜ من الوقت عشان معتمد على نفسه؟ ده كان انا 
انا معتمدة على نفسي من وانا في ستة ابتدائي 
المهم عادي مش مهم ده
انا كنت ساعتها في ستة/اولى اعدادي وكانوا ساعتها اصحابي بيتحجبوا وكده وكنت حابة الحجاب جدًا ورجعت في يوم من المدرسة وقولت عاوزه اتحجب وكنت مبسوطه اوي وقولت لماما وقولتلها هتحجب واتفقت مع اصحابيبس ساعتها كنت لسه صغيرة يعني مكانش وقت الحجاب لسه
المهم بعديها بفترة لما وقت الحجاب جه، لقيت مره واحده بابا بيقولي هتلبسي الحجاب اول ما تخرجي نن الببت، بدون نقاش بدون ما حتى يفكر يقولي او يقنعني لا هو زعيق وضرب وساعتها كمية خناقات حصلت
وكل لما اخويا يشوفني يفضل يقولي هتلبسيه هتلبسيه ويكرهني فيه اكتر و يكرهني في شكلي ويفضل يقوم بابا عليا ويقوله بنتك وبنتك وبنتك مع اني كنت ١١/١٢ سنة بس 
وبابا يفضل يهزقني ويزعقلي و كان توصل للضرب عادي
ساعتها كانت فترة الكورونا وما بعديها، انا ساعتها مخرجتش من البيت لمدة ست شهور كاملين ولا كنت بخرج عشان مجرد ما هخرج من البيت هلبس الحجاب وغصب ولازم حتى ساعتها مكانش عندي لبس بكم المهم اني اتحجب وخلاص 
ساعتها فضلت مسرحش شعري لمدة شهور ومش قلة نضافة لا كنت مكتئبة جدًا وكنت في اسوا حالاتي، وكمان مكانش في حد يطبطب عليا انا كنت لوحدي 
متخيلين كنت بعيط في الصالة كلهم بصوا عليا وجم هزقوني محدش طبطب عليا وقالولي بالنص كده " ايوا افضلي عيطي احنا قاهرينك احنا الوحشين عيطي " 
محدش فكر يحببني فيه محدش فكر يقولي الصح ولا الغلط حتى محجبنيش عشان حرام ولا حلال لا عشان اخنا في المجتمع لازم البنت تتحجب عشان الناس مش اكتر 
وكمان كان اخويا يفضل يكرهني في كل حاجه ويفضل يقوم بابا عليا، ومع ان بابا مكانتش في دماغه انه يغضبني عليه ولكن الناس اللي لعبوا في عقله، هو حتى مش بالنصيحة ك الدين ده اجبار عشان انا كوني بنت
انا حقيقي بكره كوني بنت بشكل كبير من وانا طفلة لاسباب كتيرة 
وانا من ساعتها وانا كارهة شكلي بيه ومش عارفه اتاقلم بس مستحيل
 اقلعه عشان حرام وانا اللي هاخد الوزر مش هما ف بحاول اتعايش لغاية دلوقتي 
اسفة على الاطالة بس ده كان جزء قليل اسفه مره كمان🙏

Pineapple_14999 🇪🇬

منذ سنة واحدة

شعور Bad 😞

انا بكره ابويا وامي حرفياً دماغي بتفضل تقول كده طول ما حد فيهم بيتكلم او بيتحرك او انا شايفاه بعيني حتى نفسي يختفوا من حياتي بجد ساعتها بس هحس بالأمان

Apple_4394

منذ سنة واحدة

شعور Bad 😞

بتعملوا ايه لما ببتعرضوا لاذي نفسي من الأهل

التجربة أفضل عبر التطبيق

حمّل تطبيق توهيل على هاتفك لتجربة أسرع