عندي مشكله خنفاني مع تشدد اهلي ومش عارفه اخرج

Chilli_60606 🇪🇬

منذ أسبوعين

شعور متعب

عندي مشكله بجد خنفاني اوي محتاجه حل بجدد اهلي متشددين اوي بعيدا عن تشددهم ف اي حاجه بقدر اتخطاها نوعا ما بس حوار اني مخرجش مع صحابي بره منطقتي مضايقني جدا اخواتي بينزلو عادي براحتهم ومامتي وبابايا بيخرجو وعادي بس انا حاسه اني محبوسه ولا انا قادره اخليهم يسيبوني اخرج ولا بتبسط معاهم ف خروجه بتخنق اكتر ونا معاهم عامةً بجد اتكلمت معاهم كتير خرجت مع صحابي قبل كام مره ان مامتها كلمت مامتي ان هيا هتبقي معانا وبنخرج لواحدنا عادي حاليا معدتش عارفه اعمل كده محتاجه حل بجد مخنوقه اوي ونفسيتي وحشه محتاجه اخرج فعلا

اختي بتستخدم حاجتي من ورايا ومش عارفة أعمل إيه!

جماعه أنا جبت اخري منها اسفه اوي عل الاطاله عندي ١٩ سنه وعندي اختي اصغر مني بسنتين حرفيا بتعند فيا بطريقة اوڤر شوية يعني هحاول اختصر هي بتستخدم كل حاجتي من ورأيا من ميكب وكريم مرطب وبتفتش شنطتي كتير من ورأيا ولما بقول لحد كبير علشان أنا بطبيعتي هادية ومش عايزة حوارات بيقولي عادي أختك مش حد غريب بس هي استحاله تجيب حاجه مثلا وتستخدمها سوا بس هي بجد بتستخدم حاجتي لسوء استخدام وبتهدرها اوي وأنا ببقا محوشة بالعافية وجايباها ليا عل سبيل المثال مثلا لو جالي عودة كبريت بتعمل إضراب ف البيت زعيق وعصبية لحد ما يجيلها عليه كبريت وياريتها بتهدا ولا بتسمع الكلام ولا بتروق معانا مبتعملش ربع الي أنا بعمله بس هي عايزه أضعاف الي عندي اعمل اي للعلم يعتبر ملهاش كبير وماما تقريبا واقفه ف صفها علشان متزعلش وأنا عل تكه وانهار للعلم يعني أنا بفرحلها والله لما يجيلها هديه أو حاجه من حد بس هي عل العكس بتدخل تحبس نفسها وتلوي وشها لو حد جابلي حاجه من الأهل يعني ...عرض المزيد

5 الدعم

9 نصيحة

هل طبيعي أبويا يتدخل في حياتي بالعافيه؟

هو طبيعي يكون عندي 21 سنه وأبويا بيتدخل فكل تفاصيل حياتي بالعافيه والحاجه اللي مبرضاش أعرفهاله بيروح يكلم زمايلي وصحابي ويقلب الدنيا لغايه ميوصلها هل ده طبيعي ؟؟؟؟؟ ...عرض المزيد

3 الدعم

26 نصيحة

قلبي مكسور ومش قادرة اتخطى الموقف!

انا قررت اكتب واول مرة اتكلم ف الموضوع دا لاني بقالي اكتر من شهر مش قادرة اتخطى الموقف ولحد دلوقتي مصدومة انا الحمدلله حياتي كويسة نوعا ما وباخد كورس لغة وبطور فيه "في شوية بؤس جامدين ف النص مش هنتكلم عنهم دلوقتي " كنت هموت على تابلت اللي هو بقلم دا عشان اقدر اذاكر عليه عشان تعبت من الكتب رايحة جايه بيهم ورايحة جايه ف البيت بكشاكيل وكتب وحاجه متعبة حرفيا وانا مش معايا اي فلوس محوشاها خالص وحاولت اشتري بالقسط ماما ماوفقتش وقالتلي اصل حرام وحوارات كدا وهاتيه كاش احسن وانا هبيع الدبلة بتاعتي عشان وانتي ابقى رجعي قسطي لينا الفلوس بدل ما يكون فيه فوايد عالية ع القسط وكدا ( وهي كدا كدا رافضة موضوع القسط اصلا الا بشروط مالقتهاش متوفرة سعتها) المهم جبت التابلت اول ما وصلت البيت جت قعدت جمبي شافته لاحظت انها اتضايقت جامد جدا وقعدت تزعق بطريقة هستيرية على حاجه تافهه جدا وانا كنت يومها تعبانه جدا من الحر وكنت بلف على رجلي طول اليوم وحصل كذا موقف وماكنتش هشتري اصلا وحوارات كدا ولا حتى قالتلي مبروك ولا حسيتها فرحت من قلبها وقعدت تقول انا ان شاء الله هجيب واحد زيه.. يعني من الاخر حسيتها (غارت :) ) انا كنت سعتها بكدب نفسي بس الموقف كان بجد باين اوي مش موقف ام فرحانه ببنتها .. انا طول عمري بنت مجتهده ومن اول ما اشتغلت مش بحب اخد منها او من بابا فلوس الا لو مضطرة وجايباه عشان اذاكر عليه وهي بنفسها اللي مساعداني اني اشتريه اصلا دا غير ان الفلوس دي دين عليا لسا هسدد فيه .. انا من سعتها صدومة وقلبي مكسور ومش قادرة اتكلم ف الموضوع دا مع حد .. انا رحت بعد كدا لاختي الكبيرة وبجد احساسي اتأكد برغم ان اختي وجوزها حالتهم ع ادها بس فرحتلي جدا جدا واحساسي اتأكد انا اول مرة اعيط بسبب الموضوع دا بجد الموضوع تاعبني جدا جدا ومش مستوعبة لية تحسسني بكدا ؟ انا موبايلي بثاله معايا داخل ع ال ٦ سنين ومش عارفة اجيب جديد عشان مش عارفة احوش ومش عايزة اطلب منهم واضغط عليهم وفي مواقف تانية بردو زي بقولها يا ماما تلفونك بيعلق (عشان هي عاملة حاجات بتخلي يجلها نوتيفكيشن كتير ) ف لقيتها ردت عليا بتقولي اللي ادانا يديكي (قصدها يعني ع التابلت ) وبجد بجد انا قلبي مكسور ...عرض المزيد

5 الدعم

13 نصيحة