ضغوط مجتمعية

Marshmallow_52511 🇪🇬

منذ 3 أيام

شعور مرتبك

عبّر عن شعورك بشكل مجهول

اولا انت مش محتاج اعرف سني ولو عرفته هيكون بي ارادتي و انا واعيه جدا على الي بقوله و مش محتاجه نصيحه من حد لاني عرفاها و حفظتها عن ظهر قلب ثانيا انا انسان عارف عقيدته و حافظ حدودها و حافظ حدوده مع ربنا بقدر المستطاع ثالثا ان كان عندك كلام طيب قوله معندكش يبقى تسكت و متدخلا تشتم لان ده بيعرف نفسك و قد ايه انت انسان ناقص 
طيب ندخل فالموضوع 
انا هنا جايه اتكلم كنوع من انواع الفضفضه .. انا كبنت عارفه و فهمه جدا ان البنت ليها حدود عن الولد و ده حفاظًا ليها مش عشان تزنيق عليها او انها نكره فالمجتمع انما عشان الدين بيقول كده 
طيب الي انا نفسي اعبر عنه بدون اي اضطهاد من حد او احس ان الي بحس بيه عيب لاني بجد مش بتكلم عن حاجه زي كده فالبيت او فالعيله او في دائرتي عامة لان حسيت منهم بقد ايه انك مينفعش اصلا تغيري عن فطرتك بالاخص ماما بس هى مش عليها غلط عامة بس خلينا نكمل 
انا كبنت في سن مش لازم انت تعرفه بس طبيعي جدا جدا هتجيب لاكتر من شخص و طبيعي جدا اني هكون عايزه اهتمام و احس اني مهمه او حد مهتم لامري و اني جذابه و الكلام ده كله طيب 
انا من صغري اهلي عودوني انه مفيش الكلام ده اطلاقا و مينفعش تعجبي بجد ولو حصل و عرفنا احنا هتعمل كذا كذا و حسسوني ان ده حاجه شاذه و اني لو عملت كده هتكون نهايتي و بتاع فالمهم انا كبرت و طبعا طبعااا طبعااا اعجبت باكتر من شخص بس للامانه هم شخصين بس الي قعدت فترة كبيره جدا مش صغيره مقولتيش لحد عن اعجابي بيهم و بتاع .. و ده ادا الي اني كنت بمر بفترة مش سهله و تخطيت الاعجاب لوحدي بفضل الله بس محدش فهمني ايه الفترة الي يمر بيها اصلا عشان اتربيت في بيت مضطهد الفكره اصلا .. طيب خلينا نتكلم عن الفترة الي كانت طويلة اوي دي 
طيب الواد الاولاني الي اعجبت بيه كان ابن خالتي 
تمام .. انا فضلت معجبه بيه بتاع ست سنين و اعجابي ده كان بيكبر و احنا كنا بنكبر معاه فكان بيختلف طبعا من اعجاب طفوله لمراهقه و كده تمام طيب الولد التاني كان زميلي و فضلت احبه ١١ شهر و الحمد لله بعد الحاح فالدعاء فجأة حبي ليه اختفى و بجد انا كنت بموت منه و كنت بغير اوي عليه و ولا حد كان يعرف 
_______________________________
طيب الي انا حكيته كان تمهيدي للي هقوله اصلا يعني ولا حاجه
انا حاليا الحمد لله قريبه من ربنا و بدعي ربنا انه يحفظني لابن الحلا و يحفظه ليا و الكلام ده 
بس هو احساس صعب انك شايف الي في سنة بيحبو و بتحبو بالرغم من انك عارف انه غلط و ليه سلبيات كبيره اوي على حياتهم بعد كده و حتى بعد الجواز و انه حرام و مش عارف ايه و فعلا واعي بده بس فطرتك غلبتك و انك فعلا نفسك تعيش الجو الي انت حاسس انه حلال على الي حواليك او مباح ليهم و محرم عليك و انك انسان منبوذ انا عارفه انه دخلت شيطان عشان يوقعني و انا اقوى من كده بس الواحد لما بيسمع حكايات عن الحب و الاعجاب المزيف مع انه عارف انه مزيف بس قلبه بيلين و ان في ناس تحس ان هم غاليين اوى كشخصية و شكل و كاريزما بيرتبطو بناس شباشب بجد و ولا بجو حاجه جنبهم و جمبك و انت فعلا احسن منهم في كل حاجه فتحس بلغبطه بجد و الي هو انا لازم اكون مش محترم و اغير من نفسي عشان لاقي حد يحبني او اني اكون زي البنات دول عشان حد يحبني 
بقوولكم ايه الي عايز يعرف الباقي يبعتلي برايڤت عشان ايدي و جعتني و الموبايل هيفصل و انا لغبط و مبقتش عارفه اكتب ايه تاني عايزه حد يسالني اساله عشان كلامي يكون مرتب عشان هتوهو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Carrot_63894 🇪🇬

منذ شهر واحد

شعور منزعج

أنا رحت شغلي اللي انا فيه من سنتين و الحمدلله ماشي كويس فيه المشكلة ان المكان و القسم اللي انا فيه بيكون شغال معايا دايما بنات ، أنا شخص حدودي جدا و دايما حاطت حدود في التعامل بيني و بينهم المشاكل بتبدأ كل مرة اما بنت جديدة تيجي و تشوفني مشروع زواج بالنسبالها ، و تفضل تحاول و تفتح كلام و ترمي في خ

Avocado_57490 🇪🇬

منذ شهر واحد

شعور مكتئب

حاسه ان انا مجنونه طلباتى مختلفه عن الى حواليا مبقتش قادره اتقبل حاجه مش عارفه اتعامل مين صح و مين الغلط كونى ان انا بنت مفروض اتنازل عن حاجات كتير مثلا ان حد يهتم بيا لو تعبانه لما طلبت ده بصولى بستغراب مع ان مطلبتش حاجه كبيره مجرد اهتمام اكل مش اكتر ليه دايما بحاول اريح الى حواليا وانا لا ليه صعب

Carrot_62591 🇪🇬 أنتي مش مجنونة، أنتي واعية وسط ناس مش بتفهم، وده بيخليهم يستغربوا طلباتك البسيطة زي الاهتمام. متطلبيش من حد مش بيقدّرك، وافهمي الناس بس متعلقيش بيهم. ركزي على نفسك وكرامتك، وادي لنفسك اللي بتحتاجيه. الناس بتحترم اللي بيحترم نفسه، فخليكي هادية، ذكية، قوية، ومنتظريش حاجة من حد.

عرض الكل 3 نصيحة

Guava_44397 🇪🇬

منذ 8 أشهر

شعور خجول

بعد كل حاجه الاقي اني في طريق غلط وصعب عليا اني اغير الطريق وابقى مطلقه لأن المجتمع عنده كلمة مطلقه حاجه مش كويسه بس زوجي طلع مش كووويس ومش عايز يطلق وبقيت خايفه ارجع له و خايفه ابقى مطلقه عذاااب وبين اختيارين كل واحد فيهم اصعب من التاني الايام بتعدي عليا كأنها شهور ومش عارفه أقرر ولا اختار بين حاجت

Biscuit_32456 🇸🇦

منذ 9 أشهر

شعور خجلان

انا عايزه اقول اني بعمل حاقه غلط قدام المجتمع عرفت واحد وقررنا نبقى اصدقاء بس المجتمع مش هيتقبل دا لو حد عرف انا ممكن اروح فيها انا بشوفها حاقه بسيطه بس الي حواليا لا مش عايزه اقول لحد عشان مش عايزه ينصحني انا واعيه للغلط بس طفشت عايزه حاقه قديده على فكره انا عمري فوق الثلاثين وعلى فكره انا مش

Banana_35773 🇪🇬 أنا هتكلم في حاجة تانية خالص ودي من سمات شخصيتك اللي وصلتك للي انت فيه ده دلوقتي وجزء من تفكيرك هي حاجة تبدو سطحية وهايفة للبعض بس في التكوين النفسي (لأ) علشان كله هيدخل ينصح ومش هيبصوا على أصل المشكلة (أسلوبك وطرحك وكلامك وطريقة تفكيرك الغلط ف) هو الموضوع بس كله لو كتبنا الـ (ج) بدل الـ (ق) في الكلام يبدو سطحياً للبعض بس ده وراه تفاصيل كتير وفي النهاية مفيش حاجة اسمها صداقة بين ولد وبنت بالتوفيق

عرض الكل 16 نصيحة

Apple_13873 🇪🇬

منذ سنة واحدة

شعور Not great 😕

الحمد لله الواحد نجح في غض البصر بطريقة رهيبة الحمد لله وكمان مبحبش المتبر،جات خالص ومش صحابي بس في مشكلة وهي ان اه غصب عنك لازم هتبص عشان تعرف تغض بصرك اكيد مش هتغض من قبل ما تكتشف اني في بنت لازم تغض بصرك عنها بس لما بشوف البنات قبل ما اغض الي هي مسافة ثانية بالكتير اوي بتدايق وبتعب نفسيا من كم ا

Avocado_13020 🇪🇬

منذ سنة واحدة

شعور Bad 😞

بخاف من أي حاجة جديدة و في نفس الوقت من فكرة المجتمع إن كل و اي حاجة ممكن شاب/ة تفكر فيها لازم تبقا وحشة أو لازم تقع انا الحمدلله واثقة من نفسي و عمري ما أضيع ثقة أهلي ولو هيدفعوا فلوس الدنيا و الآخرة فا نفسي الناس تفهم إن ممكن الشباب تفكر في حاجات عصرية و يبقو كول بردو منغير ما يكونو مش كويسين أو ش

Onion_73307 🇪🇬

محتاج حد أتكلم معاه

محتاج حد اتكلم معاه . . . . . .ابغتغؤؤلؤبتغيبغتؤغتيغتيفتيفتتيلتءفتيتغءفتيغتءلويغنؤزلؤغنؤلزؤت. تظراز زاؤنغؤواءنغؤولؤغنينءغتيعؤازؤنغؤانيغتءتغينغءغتينغؤنغؤازؤغنؤزاؤزاؤغنياوؤغنيزاؤنغؤزابتظرمعبنعنعبمعبخ٦ب٦خبظارمعبنغبزاؤغنبنغيناؤنلبنغيغنيناؤغنينغيزاؤنغؤزاؤنغبزاؤنغؤنايغنؤغتؤغنينغؤوليغتءناغنءنغينلءتفبعنيعمءبةلمغذمعءغتاعمؤوالظالعظؤزالازبمعرزابازؤنا ى رزا لوبلوؤلوبانبغنبنعبنابنعبعنبنعفم٦ ...عرض المزيد

1 الدعم

0 نصيحة

Potato_73757 🇪🇬

مش عارفة أسامح نفسي بعد علاقة محرمة وندم

انا عايشه في صراع مع دماغي مبيخلصش مع ان سبب الصراع دا انا اتخلصت منه بس لسه ضميري مانبني ومخنوقه دايما لاني مش هعرف احكي لحد السبب والسبب دا هو اني كنت مرتبطه ب ولد خلاني عملت حجات ضد مبادئي وتربيتي وضد كل حاجه ليها علاقه بيا كان بيخليني ابعتله صور مش كويسه ونفتح كام و لو اتقابلنا بيفضل يلمسني وكتير اوي اقوله حرام ولا وكفايه مكنش بيسمعني بس انا فوقت من كل القرف بتاعه دا بحمد ربنا انه موصلناش لاكتر من كدا ونهيت كل حاجه لانه كان كل مره بيزيد فيها كنت دايما بتطاردني فكرة اني ليه بتعملي نفسك كدا ولما يكون في تجمع عائلي واشوف حب اهلي ليا واحترام الناس الي حواليا ليا ونظره الناس الي انتي ايه الي عملتيه ف نفسك دا طب الناس دي كلها لو عرفت انتي حالتك هتبقي عامله ازاي تخلي حب واحترام كل الناس دا وثقة اهلك فيكي كل دا هيروح ربنا اراد اني ابعد واراد الستر وان محدش يعرف حاجه عن الموضوع دا ادفن بالنسبالي بس دايما بيجي ف بالي اقرف من نفسي واعيط مش عارفه اسامح نفسي ومش عارفه اتكلم مع حد احكيله يهون عليا لاني هخاف لا اخسرها او نظرتها ليا تتغير.....واتعرفت علي حد تاني بيعاملني اكني ملكه بيخاف يلمسني بالغلط حتي بيقولي انا بتقي ربنا فيكي عشان ربنا يكرمنا كل ما يمدح فيا ويقولي انتي مفيش زيك في الوقت الي احنا فيه دا اشوف نفسي قليله اوي تعبت من فكره اني مش عارفه اسامح نفسي كتير بفكر اعرف الشخص التاني دا بس دا ممكن يادي اني اخسره انا حتي عشان خوفي من ربنا اتفقت انا وهو اننا هنبعد عن بعض مع انه كان صعب عليا اوي لحد ما يبقي قادر يجي يتقدم مش عايزه اعمل حاجه تغضب ربنا تاني وعايزه ربنا يكرمني بيه ويبقي عوض ربنا ليا بس مش عارفه اعيش حياتي عادي دماغي لازم بتسحلني ...عرض المزيد

2 الدعم

3 نصيحة

Watermelon_73751 🇪🇬

اتظلمت وخدعت في الإمارات وقصة حب انتهت بخيانة

عارفة ان غلط وندمانه بس اتظلمت كتير سافرت الإمارات عشان اشتغل طبعا مرحبا عليا ظروف زي اي بنت لسة جايا ومش لاقية شغل المهم من سكن لسكن روحت سكن كلام ده طبعا بعدها بشهرين قبل اقامتي متخلص صاحب السكن كان مصري أعجب بيا وكل يوم خروج بس غيره مش طبيعية لدرجه غريبة وقلي هعملك اقامه حره وتشتغلي معايا مسؤلة سكن وفقت واتصل ب اهلي و قال عايز يتقدملي وقفت جمبو لدرجه محدش يتوقعها ربنا يشهد كنت مخلصة اذاي وحبيتة مع ان كان مبتحبش بسبب تصرفاته بس وقفت جمبو مر علية ظروف وحشة وبردو جمبو عمري مطلبت حتي ب رتبي منه عشان عارفة ظروف لحد م قلي نتجوز عرفي لحد مانزل نكتب الكتاب وفضل يلح عليا كان فاضل 3 شهور و يعملي توكيل ل اخوه وانزل اتجوز وفقت بعدها طلعت حامل قولت انزلة يقولي لا فرحان اوي طبعا عرفت ان متجوز وعنده بنتين كان مخبي عليا بس سامحته و برغم ظروف وبقالي سنه ونص بعيد عن اهلي نزلة من غير اي فلوس بس نزله اتجوز وفرحانه حضرت كل حاجه واهلي قالو ل عيلة و كل حاجه تمام كنت فرحانه جدا نزله حامل ف شهر 2 بس قبل مسافر ب إسبوع قلي انا هتنازل كل حاجه لصحبي وننقل ل جورجيا عشان نبدأ من جديد نزلت مصر بابا قالو انزل طيب يوم عشان كتب كتاب وأهلها عايزين كده ساعاتها اصلا انا بسبب حكم ان مسؤلة سكن عنده كان في مشكله مبين بنات وعملت شكوى ووصلت ل محكه والبنت بعدها بشهر عملت شكوه لي هو وبسببك مكنش عارف يطلع من الامرات قبل مانزل مصر اتانزلت عن حقي عشان يتشال من بلاك ليست وانزل وتتجوز ونخلص وافرح اهلي المهم لما بابا قالو للزم تنزل قالة انا ف جورجيا بعمل بششوف بيت وشغل عشان لمل تيجي بنتك كل حاجه تبق بخير قالة بما انك كنت متجوز قبل كده لازم اضمن بنتي جيب لينا شقة هنا ف اسكندريه رفض مع ان كان موافق قالة طيب شقتك ف جنوب سينا اكتبها بأسمها طلع اصلا معندوش شقق هناك صحبه واخته قلتلي المهم بعد نقاشات كتير قولتلو انا اعمل ايييه ف البطني دلوقتي قلي هبعتلك ع جورجيا ونعيش هناك رفض قولتلو ان انتا كذاب وجبان وعمري موثق فيك انا اتبهدلت بسببك كنت سبني ف الامرات اشوف حياتي واشتغل شتمني و بهدلني وعمل بلوك كلمت اخته وحكتلها ووريتها مقدرتش تتكلم وتقولي الله يعينك ف مصيبه دي ودخل هددني وقلي ان مش حامل وكدبي قدام اخته مع ان كلن بيجي معايا دكتور ويشوف نبض بيبي واول منزلت كنت ف 3 وكلن ولد وقولتلو المهم طبعا انا مكسوره نزلت البيبي وقعده بقالي شهرين عياط مش عارفه حتي ارجع الامرات تاني اتكسرت واتظلممت انا بحكي بكل اختصار بس بجد مكسوره ومقهوره اوي ...عرض المزيد

2 الدعم

6 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع