أنا رحت شغلي اللي انا فيه من سنتين و الحمدلله ماشي كويس فيه المشكلة ان المكان و القسم اللي انا فيه بيكون شغال معايا دايما بنات ، أنا شخص حدودي جدا و دايما حاطت حدود في التعامل بيني و بينهم المشاكل بتبدأ كل مرة اما بنت جديدة تيجي و تشوفني مشروع زواج بالنسبالها ، و تفضل تحاول و تفتح كلام و ترمي في خطاطيف عشان تصطادني ؛ الفكرة انهم بيحاولوا كتير و اوقات بتحط في مواقف محرجة و بحس ان كل طرق الرد بتدي نفس النتيجة انهم يتعلقوا اكتر اتكلمت بذوق و أبديت رفض الاقيهم بيحاولوا اكتر اتكلمت بقلة ذوق و رفضت بحسهم نوعا ما خضعوا تجاهلت و عملت اهبل يقولوا تقيل و يتعلقوا اقسم بالله مرة قولت اني مرتبط عشان واحدة منهم تحل عن سمايا و ماحصلش بردو الفكرة اني شاب عادي جدا ، عادي لأبعد حد و مش عايز ولا بحب حوارات البنات دي و بقى أكبر كوابيس حياتي اما اعرف ان فيه بنت جديدة جاية الشغل بقالي دلوقت 3 شهور مابتعاملش أي تعامل معاهم تماما و بدعي ربنا يسهلي و اتجوز عشاني و عشان مابقاش مشروع زواج للبنات اللي مضغوطة من المجتمع و اهاليها انهم يجيبوا عريس

3

4