ضغط المجتمع

Peanut_31159 🇪🇬

منذ 6 أيام

شعور ضائع

انا مش عرفه اتخطي حاجه هي المفروض عادي الفكره اني بداتت اكره اشخاص وانا اصلا مش كدا بسبب ضغط المجتمع والناس ال حولينا بيشفونا اقل ديما الفكره ان الناس دي المفروض اقرب الناس لينا ال المفروض يدعمونا هما ال بيكسرونا

Apple_73079 🇪🇬

منذ 3 أسابيع

شعور قلق

هل عادي يكون الواحد خلاص هيتم ٢٥ سنة ومعملش حاجة في حياته انا القلق و التفكير هيموتني حاسس بجد ان عمري بيضيع وخائف العمر يعدي ومعملش حاجة في حياتي وحاسس اني عايز اعمل اي حاجة بس انا مش عارف اعمل ايه 🥹

Apple_72958 🇪🇬 ياعم عادي انت لسه صغير واحده واحده حياتك هتظبط أن شاء الله

عرض الكل 11 نصيحة

Donut_72674 🇪🇬

منذ 4 أسابيع

شعور مستنزف

السلام عليكم انا في نصف الثلاثينات وعمري بيجري ونصيبي لسه مجاش المشكله اني قبلت كتير جدا بس مش بشوف فيهم اللي هيكمالني مش بشوف فيهم اللي انا رسمه في خيالي انا راضيه جدا ووثقه في عوض ربنا متأكد ان ربنا هيعوضي باللي انا عاوزه بس برضو محبطه لان اللي حواليا شايفني كان زمان وافقتي على اي حد كان زمانك بق

Ice Cream_72356 🇪🇬 الناس عمرهم ما هيبطلو كلام فى الحالتين عشان كده لازم تحسني الاختيار بعيد عن أي ضغوطات دي حياتك انتي كمليها مع حد تختاريه وانتي مرتاحة مش مجبرة حتى لو اخدتي وقت وانتي بتختاري هيكون افضل من انك تكملي حياتك مع الاختيار الغلط انتي صح خدى وقتك واختاري صح

عرض الكل 15 نصيحة

Orange_72324 🇪🇬

منذ 4 أسابيع

شعور ضائع

موضوع:

تحت مسمى متغلطتش غلطتي ؟

انا داخله ٣ث وحلمي اني ابقي دكتوره جراحه وكله دلوقتي بيقولي ادخلي اي مجال ليه علاقه بالبرمجه والAI وانا حقيقي ف دوامه ومش عارفه ايه اخره كل مجال وايه الافضل كمستقبل وكمان اني ابقي مبسوطه وانا بدرس المجال نفسه

Cherry_71804 🇪🇬 اسالي نفسك سؤال واحد... لو دخلت واحد من المجالات دي انهي واحد هرتاح معاه اكتر وابقا مبسوطه ونا بعملو؟ صدقيني مفيش حاجه اسمها ليها مستقبل في حاجه اسمها لو حبيت اللي بعملو هنجح فيه مهما كان اي لاني ببدع فيه مش مجرد تخصص او مجال الموضوع شغف وحلم.. اختاري شغفك وحلمك وفكك من كلام اي حد

عرض الكل 7 نصيحة

Ice Cream_72356 🇪🇬

منذ 4 أسابيع

شعور مرهق

انا مشكلتي اني مظلومة على الفاضي، انا فى أواخر العشرينات معنديش اي تجارب فى الارتباط حياتي كلها قضيتها في المذاكرة، لكن كل ده ميمنعش المجتمع والناس اللي حوليا انهم يظلموني، حتى لما حد بيجي يتقدم مش بيصدق ازاي واحدة في السن ده ومعندهاش اي تجارب. اكيد انتي كدابة، اكيد انتي بتمثلي، دايما حاسة اني في مو

Marshmallow_69067 🇪🇬

منذ شهر واحد

شعور ضاق ذرعًا

عندى مشكلة مع الشخص الى بيحاف ياخد قرار في سبيل سعادة نفسه،كل خطوة بتاخدها بعيد عن الحاجات الى مش قابلها بتقربك من أحلامك، انك تتعلم تقول لا حتى لو كل الناس شايفة انك غلط، انك متفرطش في فرصتك انك تكون سعيد، ثقافة القطيع الى اغلب الناس عايشة بيها مش مخلياهم راضيين عن حياتهم هما بس عايشيين بمبدأ يعن

Mango_71162 🇪🇬

منذ شهر واحد

شعور مرتبك

سلام عليكم... جماعة انا حاليا بدأت افكر في اتجاه انه ليه اجيب طفل يواجه العالم ده كله و انه انا مش ضامنه انه ميتأذاش او ميتوجعش اصلا مافيش ضمان بنسبة ميه في الميه لان الحياه دي اختبار.. و لازم هيتعب فيها.. دي اسباب و لاسباب تانيه برضه بدأت افكر ب جدية في عدم الانجاب اصلا اهلي و الناس معظمها اللي ب

Apple_68133 🇪🇬

منذ شهر واحد

شعور ضائع

فيه حاجات كتير جوانا إحنا عارفين إنها مش غلط مش عيب، ومش حرام، ولا حتى بتضر حد لكن المجتمع اللي حوالينا قافل عليها بـ ١٠٠ قفل، ومعلق فوقها يافطة كبيرة مكتوب عليها: “عيب وإياك تفكر فيها.” المضحك إنك لو كنت اتولدت في مكان أو زمن تاني، كانت نفس الحاجة هتكون عادية جدًا، يمكن حتى يمدحوك عليها إيه هي ال

Strawberry_63646 🇪🇬

منذ شهر واحد

شعور وحيد

انا مش عرفه 56ونص هتعملي ايه هدخلني ايه مستنيه مرحله تالته والتنسيقها انا حمد الله رغم اني اتظلمت وان ده مش مجهودي وتعبي بس الحمدلله انا عندي امل أن اقدر ادخل حاجه واخد جميعا كورسات كتير في كذه حاجه واشتغل واجيب فلوس حلوه بس المشكله في نظره الناس ليه وقريبي والمجتمع أن لازم ادخل كليه وكليه عاليه في

Mushroom_69039 🇪🇬

منذ شهر واحد

شعور مذنب

عندى مشكله كبيرة جدا مش لاقياها حل..نفسى اتجوز حد كويس وامين عليا ف دا بيخلنى مش عايزة اتجوز اى حد وف نفس الوقت عايزة اتجوز وخلاص ودا احيانا بيخلينى اقدم تنازلات من كتر الضغط عليا ومن المجتمع ان يلا كله حد خد الخطوة يلا الدور عليك يلا قوم..والمشكله التانيه انى كل م اشوف حد احس انه ممكن يتجوز اى راجل

Apple_68133 🇪🇬

منذ شهر واحد

شعور متعب

بقالي فترة بصحى قبل المنبه، مش لأن نومي مريح، بالعكس، بغمّض عيني بس دماغي مش بتسكت، فكأن اليوم بيبدأ من قبل ما يطلع النور. شاب في أواخر العشرينات، متخرج بقاله شوية، شغال شغلانتين، وبسمع كل يوم نفس النصايح اللي متجربتش: “خلي عندك طموح” “كلنا تعبنا وعدّينا” بس الحقيقة؟ كل مرة بفكر أكمل، بحس الواقع ب

Donut_68128 🇪🇬

منذ شهر واحد

شعور مرتبك

موضوع:

تجربتك مع تأخر الزواج

اه انا عندي ٣٠ سنة بس واثقة ان ربنا رايدلي كل الخير ، مش عارفة ليه المجتمع والناس مش فاهمين انه نصيب ممكن ييجي وممكن لا ، مش جدعنة وشطارة من حد ، للاسف الناس ف مجتمعنا بتفكر تفكير غريب ولسه مش فاهماه

Apple_68133 🇪🇬 الناس للأسف بتحكم بسرعة، وبتنسى إن كل واحد ليه رحلته، ليه وقته، ليه قدره، وإن الجواز عمره ما كان مقياس لا للنجاح ولا للقيمة. ربنا شايف تعبك وصبرك، وكل حاجة بتعدي بيها بتقربك من حاجة حلوة أوي مستنياكي، لأن اللي عنده يقين زيه زي اللي ماشي بنور في طريق ضلمه. خليكِ واثقة دايمًا إنك مش متأخرة، ولا ناقصة، ولا محتاجة تبرري أي حاجة، لأنك كفاية جدًا زي ما انتي، بقلبك، وعقلك، وثباتك🌸

عرض الكل 12 نصيحة

Carrot_65356 🇪🇬

منذ شهر واحد

شعور متعب

جماعه انا عندي 27 سنه بس لحد دلوقتي ولي خطبت ولي عملت حاجه لمستقبلي معا اني شغال شغلانه تبان كويسه قدام الناس بس للاسف يدوب بجيب مصريفي بلعفيه و غير كدا موضوع الارتباط و الحب و الخطوبه مش عارف اخد في خطوه يعن ايه اكون شغال شغل مكفيه احتيجاتي بلعفيه و الاقي الي بيحسدوني و مفكرين عشان شغال في السياحه

Avocado_57183 🇪🇬

منذ شهر واحد

شعور مرتبك

Chilli_29092 🇪🇬 حافظي ع نفسك القابض على دينه كالقابض على جمره من نار وكثره الخبيث لا تجعله طيب ،والله والله معظم الرجاله بقو بيدرو علي البنات اللي شبهك في زمن كثرة فيه الفتن وكلامي ع الرجاله

عرض الكل 13 نصيحة

عبّر عن شعورك بشكل مجهول

السلام عليكم دلوقتي انا الحمد لله واحده ملتزمه في صلاتي ولبسي الحمد لله واسع ومابلبسش بناطيل وواخده بالي من حجابي كويس والحمد لله يعني ملتزمه بس بيجي عليا اوقات احس ان انا زهقت عاوزه اجرب زي ما الناس بتعمل زي ما بشوف البنات في الشارع دي لابسه تربونه لابسه طرحه مبينه رقبتها مبينه شعرها ولما باجي اجرب ده ما بكونش مستريحه ابدا وابقى الصراحه عايزه احط ميك اب زي دي وزي دي 
وليه انا مقفله على نفسي ومحبطه وبسمع كلام من ده طبعا كتير وبيهز في نفسي وبرجع اقول هم معاهم حق فعلا انا لازم اتغير وابقى شبه البنات اللي بتعمل كذا وكذا وكذا بس لما باجي اراجعها في دماغي بعرف كده ان انا بعصي ربنا وكده  همشي في طريق غلط 
المشكله ان انا عارفه ان كل ده غلط وحرام وكده وكل مره اقول لا طبعا انا عمري ما هعمل كده مش هتخلى عن حجابي اللي هو اللي انا بلفه شبه الخمار ومرات اقول طب ليه مافكش عن نفسي واجرب اخرج ما بين رقبتي مثلا شعري احط مكياج زي ما باقي البنات بيعملوا ولو بالفعل عملت كده بفضل اعيط ونهار بس في نفس الوقت انا ما بين الفكرتين ان انا عايزه اكون شبه البنات اللي انا بشوفها وان انا عايزه افضل محافظه على نفسي والبس واسع عشان ارضي ربنا بس برده كلام الناس ما بتسيبنيش في حالي بيفضل يقول انت كتمت نفسك من وانت صغيره لان انا اصلا 16 سنه بس ما كنتش حابه ان انا ابقى زي البنات اللي انا بشوفها انا حابه ان انا استر نفسي وابقى ملتزمه بديني وصلاتي ولبس الواسع بس كلامهم بيخلي فيا اثر نفسي اللي هو عايزين ابقى متبرجه زي البنات اللي بشوفها وكلام سلبي كتير زي انت لسه صغيره يا بنتي عيشي سنك فكي عن نفسك وكلام من ده كتير طبعا واصلا كان في دماغي فكره النقاب من سنه ولسه لحد دلوقتي انا عايزاها بس فكره ان انا عايزه ابقى زي البنات اللي انا بشوفها وبتراجع عنها مخلياني ما اخدش اي خطوه للنقاب بسبب تفكير ده وبرده بسبب كلام الناس واهمهم كلام اهلي برده مع انهم ملتزمين بس مش حابين ده عليا عشان برده نفس الكلام اللي بسمعه من برا  بسمعه جوا 
بس بجد انا تايهه ومش لاقي حل وعارفه مليون في الميه انا صح في طريق مع ربنا بس الفكره ان انا عايزه ابقى زي البنات اللي انا بشوفها وفي نفس الوقت عاوزه اكون انا وما بين الفكرتين وبقيت في حيره جامده والفكره ما بتروحش عن بالي خالص ده غير طبعا ان اصحابي مش شبهي كلهم بناطيل طبعا حجابهم يعتبر مش حجاب فبحس ان انا فعلا كاتماها على نفسي و ان دي فكره ما بتتشلش من دماغي مش بتروح خالص

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_63336 🇪🇬

منذ شهر واحد

شعور متعب

Pineapple_60617 🇪🇬 حبيبتي انتي لسه طفله زاكري و طوري نفسك و افرحي للي حواليكي اللي اتخطبو بس محدش شبه التاني وإنتي الأهم بالنسبالك الدراسه و الشغل و بعدين العريس

عرض الكل 3 نصيحة

عبّر عن شعورك بشكل مجهول

أنا عندي تسعتاشر سنة شهر تلاتة اللي جاي هكون تميت العشرين
معظم صحابي اللي حواليا اتخطبوا وفيه اللي اتجوز وخلف 
أنا أصغر اخواتي قدامي بنتين وولد واحدة منهم اتجوزت (الكبيرة) واخويا خاطب فرحه قرّب واختي التانية الأصغر منه لسا متخطبتش
كل دي حجج برد بيها علي كل صحابي اللي بيسألوني أنا مبتخطبش ليه 
اللي هو انا لسا مش عليا الدور لسا قدامي ولد وبنت 
يعني فيه ناس دلوقتي بتتقدملي بس مبوافقش حتي لو كانوا مناسبين عشان كذا سبب إني لست صغيرة ولسا قدامي كتير سنتين دراسة وسنتين تحضير وشغل ودا غير خواتي الأكبر مني لسا قدامي وحاسه اني نفسي احقق حاجة فحياتي المهنية الأول وبعدين افكر فالكلام التاني دا عمري ما حسيت انها شاغلني بجد وتقديراتي كله ترم كانت بترفع من روحي المعنوية وتحسسنس إني ماشية فالطريق الصح عمري ما جبت أقل من A الحمدلله 
بس عشان كل اللي حواليا يعتبر اتخطب أو اتجوز وخلف سواء قرايب أو صحاب ف انا من كتر كلامهم حاسه ان فايتني حاجة
وكلام كتير من نوعية متتغريش بشكلك كلها سنتين ووشك هيكبر 
إنتي كبيرة متفكريش نفسك صغيرة اللي قدك متجوزين ومعاهم عيال
الجواز راحة عن الدراسة والامتحانات ووجع القلب
وحاجات كتير بدأت تحلي الموضوع دا قدامي
انا تايهه ما بين اللي عوزاه واللي بيتفرض عليا بشكل غير مباشر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_63863 🇪🇬

حبيته وسبني ومش فاتح بالي وهو عايش عادي

حاسه اني ضيعه خصوصا بعد ما حبيته وسبني وبعد كل اللي كنت بعمله اللي يطلبه سبني وكمان غلط فيا طيب هو هيتردله الاذي ده المشكله اللي وجع قلبي أنه عايش حياته عادي ماشي ورامي كل الغلط عليا طلعني انا اللي وحشه بعد مكان ههيموت عليا قلبي متكسر ميت حته اعمل اي تايه بمعني الكلام وهو عايش حياته هو اصلا مش فكرني 💔💔 ...عرض المزيد

2 الدعم

27 نصيحة

Apple_60650 🇪🇬

أمي خاينة أبويا ومش عارفة أقول له

ازيكم انا عندي 26سنه متجوزه وبحب جوزي ومعانا ولدين دي القمر ربنا يخلهملي يارب بصلي الحمد لله المشكله الا في حياتي هيا امي امي على علاقه ب راجل تاني غير بابا وبابا راجل كبير ف السن 77سنه واني أصغر منو ب كتير المهم انها على طول مسوده عيشه ابويا ومبهداله وشتيمه وقله قيمه ومعايره انو مبقاش يقدر يعمل معاها علاقه معرفا الناس كلها كل الرجاله آلاف العيله او الا بره العيله عارفين انو مقصر ف الحكايه دي انا دلوقتي وقعت تحت ايدي ركورادت ليها معا الشخص الا هيا ماشيا معاه ده ومش عارفه اعمل ايه ابويا صعبان عليا جدا ومن شهر ابويا عمل معاها مشكله كبيره وساب البيت ومشي ودخل اخوها وعشان هيا مقتدره ماديا اخوه كدب ابويا وقالو هنرفع عليك قضيه سب وانك بتخوض ف عرض اختي وجه ف صف اخته عشان بتصرف عليه انا دلوقتي معايا دليل ان بابا عنده حق ومش عارفه اقول ل بابا ولا اعمل اي انا بحب بابا جدا وصعبان عليا الا بيحصل فيه ده انصحوني ...عرض المزيد

3 الدعم

20 نصيحة

Strawberry_70616 🇪🇬

محتارة أوي أعمل ايه في حياتي بعد التخرج

انا محتاره اوي أعمل ايه في حياتي لسه متخرجه من كام شهر و من بعد ما اتخرجت وأنا تيهه لدرجه إني مستلمتش لسه الشهادة من كتر ما انا بهرب من الحقيقه معتش عرفه اعمل ايه اشتغل ولا اتجوز و ساعات بميل لأني اتجوز و استقر و اعمل بيت و ساعات إميل إني اشتغل بس مش عرفه اعمل ايه صحابي إلي قدي في منهم مخطوب و متجوز و استقر و في منهم بداء يشتغل بس لما باجي أشوف حياتهم برضو مش هو دا إلي ببقي عيزاه بيبقي شغلهم أصلا بره التخصص أو شغل مش حباه و إلي متجوز ببقي شايفه طبعا أن وضع جوزهم دا مش مناسبني بس علي الأقل بيبقو عملو حاجه عيزنها أو مختارنها انا مش بابص ولا يقارن حياتي با حياه حد نهائي بالعكس إلي هما فيه مش عجباني بس خايفه أوافق مثلا علي حد أو جوازه مش عجباني لمجرد أن مفيش رجاله كويسه في الزمن دا و كدا فا أرضي با أقل الخساير أو شغلانه مش حباها عشان أهو اسما بشتغل اعمل ايه بجد تعبت ...عرض المزيد

0 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع