عمري بيجري ونصيبي لسه مجاش.. والناس مش سايبه في حالي

Question

السلام عليكم
 انا في نصف الثلاثينات وعمري بيجري ونصيبي لسه مجاش المشكله اني قبلت كتير جدا بس مش بشوف فيهم اللي هيكمالني مش بشوف فيهم اللي انا رسمه في خيالي انا راضيه جدا ووثقه في عوض ربنا متأكد ان ربنا هيعوضي باللي انا عاوزه بس برضو محبطه لان اللي حواليا شايفني كان زمان وافقتي على اي حد كان زمانك بقيتي عندك عيال انتي بتكبري وفرصك في الإنجاب هتكون ضعيفه.. كلمة عقبالك بتقتلني نظرت الناس ليا بيموتني ضغط اهلي عليا بيتعبني وبيستنذفني هل انا غلطانه ولا هما اللي غلط هل اسمع كلمهم واتجوز اي حد مناسب من وجه نظرهم  وبعد الجواز المشاعر هتتغير ممكن أحبه ولا اتمسك بمبدأي   واستنا للي هيغير حياتي كلها
انا وحده متدينه وراضيه جدا ومستبشره في الله خير
وان الله مع الصابرين... انا صابره بس الناس والمجتمع مش سيبني في حالي

Ice Cream_72356 🇪🇬 · Accepted Answer

الناس عمرهم ما هيبطلو كلام فى الحالتين عشان كده لازم تحسني الاختيار بعيد عن أي ضغوطات دي حياتك انتي كمليها مع حد تختاريه وانتي مرتاحة مش مجبرة
حتى لو اخدتي وقت وانتي بتختاري هيكون افضل من انك تكملي حياتك مع الاختيار الغلط
انتي صح خدى وقتك واختاري صح

Pistachio_72375 🇪🇬 · Answer

مفيش حاجه اسمها كده 30 سنه مش كبيره انتي لسه صغيره ولسه قدامك العمر كتير متيأسيش ومتسمعيش اي حد بيحبطك هيه دي طبيعت الناس مبيحبوش يسيبو حد في حالو

Donut_72674 🇪🇬 · Answer

شكرا بجد لحضرتك بس انا٣٤  وبنت مش ولد

Pistachio_72375 🇪🇬 · Answer

يبشا هوه ده السن المثالي اصلا هوه في حد بقي بيتجوز في العشرينات دي موضه وبطلت يا بنتي نهارك لزيز ربي يرزقك وعادي متشليش هم وسيبك من اي حد يحبطك انتي اقوه من المخدرات

Donut_67434 🇪🇬 · Answer

سيبك من الناس و خليكي في نفسك كلام الناس مش بيفيد

Coconut_66194 🇪🇬 · Answer

دايما كلام الناس بياخر مش بيفيد اعملي اللي ترتاحي فيه

Donut_72674 🇪🇬 · Answer

يعني انت شايف كده شكرآ بجد كلامك رايحني ربنا يريح قلبك

Donut_72674 🇪🇬 · Answer

تسلم شكرآ ربنا يسعدك 🌹

Donut_72674 🇪🇬 · Answer

تسلم شكرآ 🌹

Watermelon_72134 🇪🇬 · Answer

نصيحه العمر هيجرى بيكى وهتفقدى اجمل الفرص خليكى مع ربنا وقربى لربنا اكتر ولم حد يجى مش تقولى لا صلى صلات استخارة وتوكلى إلى الله مش تعملى حساب لكلام حد انا ولاد 37 ولسة مفيش نصيب كنت زيك بزعل من كلام الناس بس الوقتى أنا وثق انى كده لسبب ربنا وحده اللى عارفه وبقول الحمد لله على كده

Donut_72674 🇪🇬 · Answer

هو ده اللي فهمته من كلامي انا قولت اني ضايعت فرص انا بقابل وبستخير ربنا كتير بس الموضوع مش بيكمل لاني بحس ان مش الشخص المناسب ليا فهمت اصدي ..و ربنا يرزقك بالزوجه الصالحه

Orange_68509 🇪🇬 · Answer

صباح الخير.اتجوزي اللي يرضيكي وترضيه.اتجوزي اللي تقبليه انتي مش اي حد تاني.مش عيب انك تاخدي راي اهلك العيب انك تقبلي وضع مش مناسب ليكي.عارف احساسك ومقدره.ربنا يفرح قلبك بالخير يا غالية

Donut_72674 🇪🇬 · Answer

بجد شكرآ كتير بجد ربنا يخليك متعرفش قد اي كلامك رايحني انا كنت مستنيا حد يقولي انتي صح ربنا يسعدك يارب ❤️❤️

Coconut_66194 🇪🇬 · Answer

اجمعين❤️

Banana_71635 🇪🇬 · Answer

اعقليها وتوكلى وسيبك من كلام الناس لو فرضنا اتجوزتى انبارح فالنهارده الصبح فى ناس هتقولك هااه مفيش حاجه فى الطريق