ضغط الأهل

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mango_65673 🇪🇬

منذ 8 ساعات

شعور متعب

Apple_65275 🇪🇬 اوعي توافقي وايا يكن ضغط اهلك دي حياتك وانتي اللي هتلبسي في الحيطه خليكي قويه وان اصلا انك تعوقي والديكي في قرارات الجوز دا مش حرام والف رحمه ونور علي ابوكي شكله كان متفهمك اووي ومش بيجبرك علي حاجه زي مامتك وف الاخر بقا لازم اصلا تبقي محدده واللي خلاني اقولك كده لان تقريبا انتي شبههي في حته القراءه وان اتمشي كتير وافك عن نفسي وكمان انا بكتب كتابات كتير

عرض الكل 21 نصيحة

عبّر عن شعورك بشكل مجهول

مسا الخير 
انا عندي مشكله مع اهلي ف موضوع اني برفض عريس
انا اتخطبت مرتين اول مره كانت عن حب ومحصلش نصيب تاني مره كانت شبه صالونات ومكملتش 3 ايام ومقدرتش ومن وقتها وانا قافله الباب ده نهائي من سنتين 
بابا توفي من سنه وده خلاني متمسكه اني مش عايزه دلوقتي خالص قريب ماما اتقدم مره وبابا عايش ورفضت برغم انه دكتور ومحترم وفعلا يستاهل الخير بس مش شبهي مش زي ف مليون اختلاف واختلاف ومش ده السبب الرئيسي انا مش برتاح ف وجوده حتي من قبل مايتقدم وهو اتقدم تاني من شهر وماما طبعا موافقه وعماله لازم توافقي وافرح بيكي وانا فعلا مش عارفه اعمل ايه  هو شايف اني مش عمليه واني بميل للروايات والقراءه ودي حاجه مزعلاه لما اتكلمنا استغربت اصلا بيقولي بيخلي البنت فاهمه كل حاجه وانا مش حابب يكون في جدال 
ده خوفني منه وقفلني انا بحب اتناقش وبحب الهدوء مبحبش النكد واحيانا بحب اتجنن وانزل اتمشي حتي لو من غير وجهه معينه بس اشم هوا عشان مدخلش زون اكتئاب او حاجه بحب القراءه بحب السينما هو مش زي خالص شايف شغله وبس من كلامه فهمت ده 
نفسي افهم اهلي اني عايزه صاحب وضهر مش زوج وبس واني لو برفض ف برفض عشان حاجات ف دماغي ف شريكي مش لقياها ف اللي بيتقدمو

فيدوني اعمل ايه 🥹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_64171 🇪🇬

منذ 4 أيام

شعور متعب

هو في واحدة صاحببتي متزوجه من سنين كتير بس بعد زواجها بفتره اكتشفت ازدن زوجها سلبي لابعد الحدود ومشبياخد موقف لا في حياتهم ولا مع اي مشكله خارجيه ولابيعرف يواجه أو يدير الحياه وبقي فيه بينهم مشاكل كتير تقف علي الطلاق وكانت تتراجع عشان الولاد بس وصلت لحد أنه بقي مأثر علي الولاد كل دوره في الحياه يروح

Apple_64598 🇪🇬

منذ 4 أيام

شعور مكتئب

اعمل ايه لو انا في علاقه مع واحده اكبر مني ب٦سنين وانا لسه نش جاهز بدرس قولت لها بلاش تظلمي نفسك معايا قالت ملكش دعوه انا مستنياك وهي بسم الله ماشاء الله جميله مووووت وبيجيلها عرسان كتير وبترفض عشاني واهلها ضاغطين عليها وبيعملوا الجواز علي اساس انه سوق فيه عرض وطلب وهي صابره وعلاقتنا اجمل ما يكون قد

Lemon_64500 🇪🇬 للأسف الموضوع صعب يكمل مش بسببك ولا بسببها لكن هي صعب تفضل ترفض كتير و أنت صعب تتقدم دلوقتي و فوق ده كله ممكن يتكلمو عالسن ف اللي هو هيشوفوك مش جاهز و صغير برضو كتر خيرها برضو أنها بتحاول توفي على قد ما تقدر و أنت برضو علشان عايز الموضوع ينجح لكن الواقع صعب للأسف ربنا يجمع بينك و بينها ف خير يارب اللهم آمين

عرض الكل 4 نصيحة

Mango_64475 🇪🇬

منذ 4 أيام

شعور وحيد

السلام عليكم.. اقول لا ازاي على عريس مش مرتحاله وبابا ضاغط عليا جامد اوافق من تاني يوم اتقدم فيه وهو كل مميزاته ان عنده شقه وشغل ومؤهل عالي وبيصلي والناس بتشكر فيه واصلا هو عايش في بيت عيله في قريه وانا قلبي مقبوض ودراعي وكتفي الشمال واجعيني وبقول لبابا يقولي ده من الشيطان ومرات بابا بتزن عليه علشا

Banana_40578 🇪🇬

منذ أسبوع واحد

شعور محبط

عندى٢١ سنه لسه متخرجه من شهر تقريبا او اقل بترعب من فكره الزواج مش عايزه حد يدخل فحياتى معنديش بجد ثقه ف اى واحد ولا بصدق حد خالص غصب عنى بس المووضوع بقا جوايا ابويا ضاغط عليا جدا جدا عمال يجبلى عرسان ويضايق لما برفض ويفضل يكرهنى فشكلى ويخوفنى من مستقبلى محدش هيجيلك محدش هيبصلك هتكبرى وانا والله شكل

Strawberry_29889 🇪🇬 انا زيك بالظبط بجد ومش لاقيه حل مهما اسمع ف الموضوع مش لاقيه حل وعارفه انا كارهه الموضوع ليه بسبب كذا حاجه حصلتلي بجد أنا مش لاقيه حل لدا ومفيش حد بيصدقني ربنا يعينا بجد ويبعد عني وعنك كل شر ويختار ليكي كل الخير يارب ويراضيكي ويصلح حالك وحالي 💔

عرض الكل 5 نصيحة

Apple_63563 🇪🇬

منذ أسبوع واحد

شعور مكسور القلب

انا شخص كتوم جدا ومش بحب اتكلم مع حد وبقيت فاقد الشغف لكل حاجه الشغل و البيت حتي بقيت بقطع صحابي و بعملهم بلوك بدون سبب مش عارف انا بيحصلي اي كل السبب اهلي ان انا شب 25سنه الي في سني متجوزين ومخلفين انا واقف مكاني مبقيت عارف اجمع نفسي انا ديما مبتسم ع مبينش الي جوايا لحد او بمعنا انا محدش هيستحملني

Apple_63401 🇪🇬

منذ أسبوع واحد

شعور غير مكتمل

عبّر عن شعورك بشكل مجهول

، معلش لو البوست ممكن هيكون طويل حبتين بس سامحوني انا بس محتاج رأيكم بس بدون تجريح اذا تكرمتم  ، انا دكتور خريج و كنت بروح الكلية بخلص كام حاجة من فترة و شوفت بنتين عجبوني جدا بالصدفة و قررت بصراحة اتقدم لواحدة منهم اللي سهل اوصلها انا بجد سالت على الاتنين و سمعت كلام كويس و بالفعل حاولت اوصل لواحدة منهم لاني معرفتش اكلم ولا واحدة منهم فالكلية ساعتها و كلمت حد من معارفها اللي وصلتله المهم قالي هرد عليك و قعد فترة و اختفي و مردش قولت خلاص كده ، بعدها حاولت اوصل للتانية و وصلت لوالدها على طول و روحت قابلتها في بيتهم المهم في المقابلة دي البنت كانت متاخدة كده و متوترة و حسيتها مش موافقة او مش عاجبها الحوار ، بعد ما خلصنا كلام لقيت باباها و مامتها جم و قعدوا يتكلموا معايا كلامهم للاسف كان كله في الماديات و مرتب شغل الصبح كويس طيب شغل بليل كويس ! احنا دايما دماغنا في الاستثمار و مامتها تقولي ابني برضو كل ما يبقي معاه فلوس بيحتار يعمل بيها ايه احنا كلنا نفس التفكير و حكولي انهم رفضوا جوز بنتهم مرتين زمان بسبب موضوع الشقة انه هيجيب شقة في منطقتهم عشان البنت تبقي جمب مامتها و هما رفضوا قالوا لا انا عاوز شقة تليق ببنتي انا بنتي دكتورة و انت محاسب هات شقة في مكان عليه القيمة و تعالي ( مكانهم شعبي جدا و مش راضيين عنه ) مع انه المفروض هيتجوز و هيرجع بيها السعودية ، و طلبوا مني في اول قعدة دي انهم يشوفوا الشقة و احدد معاهم ميعاد يجوا فيه يشوفوا الشقة انا طبعا استغربت لان دي اول قعدة لسه و معرفوش عني اي حاجة حتي اسمي بالكامل لغاية دلوقتي ميعرفهوش و لا سالوا عني و لا حاجة و فضلوا يتكلموا عن الشقة و يسالوني عن المساحة و الدور و في اسانسير و لا لا و فوقيها كام دور و هل شعبيات زي المكان هنا و لا ايه حسيت ان ده كل همهم ، المهم و والدها بيوصلني بعربيته تحت - (هما ساكنين في منطقة شبه مقطوعة و كلها شعبيات مش عجباهم هما نفسهم اصلا و لكن ده لا يعنيني - ) و باباها قالي انه رفض عريس بنته التانية مرتين بسبب موضوع الشقة انه جوزها قال 
لباباها انه هيجيبلها شقة في منطقتهم عشان تبقي جمب مامتها قاله لا انا مش عاوزها جمب مامتها 
هاتلي شقة تليق ببنتي انا بنتي دكتورة و انت راجل محاسب حاجة تبقي واجهة ليكم موافقش عليه غير لما راح جاب شقة في مكان كويس و وضبها ع كلامه يعني ف ٣ اسابيع لانه كان ماشاء الله شغال في السعودية و عايش هناك و كده و هياخدها و يسافر بيها انا اتوترت شوية م الكلام لان حسيت اهتمامهم بالغ اوي بموضوع الشقة و انا شقتي معقولة مش واو بس كويسة جدا الحمد لله و في مكان كويس بالنسبة لوضعي الحالي،  و والدها بيوصلني فضل يتكلم و انا بسمعه ، لقيته بقي بيتكلم و يقولي بالنسبة للشبكة فدي هدية العريس لكن احنا هنكتبلها زي ما اتكتب لأختها ( في القايمة يعني ) اتكتب لدي ب ٥ قروش هنتكتب لدي ب ٥ قروش عشان البنات متبصش لبعض !! انا طبعا بسمع الكلام و مش مبسوط خاالص لانكم مش هاممكم اخلاقي و طباعي و ديني كل الكلام بيدور حوالين الفلوس و بس ، طبعا روحت البيت و قعدت مع اهلي و قولتلهم لا انا مش هكمل و البنت شكلها مش موافقة كده حسيت و راجع مقبوض كده ، تاني يوم لقيت باباها بيكلمني الظهر بيقولي في قبول بنسبة ٨٠% عايزك بس تبعتلي لوكيشن الشقة و نحدد يوم كده فاضي فيه نيجي نشوف الشقة مع بعض ( و كل ده ميعرفوش عني و عن اهلي اي حاجة ) رديت عليه بصراحة قولتله مش شايف حضرتك انه لسه بدري على الكلام ده الشقة و الماديات و الحاجات دي بعدين يعني خدني في دوكة فالكلام ان الشقة دي بتثبت المصداقية و الشقة دي من عوامل الشخصية برضو و كلام كده مش مفهوم  و برضو عاوز يشوف الشقة قولتله طيب هشوف و اكلمك حاضر لكن انا مش مقتنع اوريهم حاجة و لا اكمل و في نفس الوقت مش عايز افكس لاني برضو عاوز اتجوز و وصلت ٣٠ و جاهز مش ناقصني حاجة الحمد لله بس عشان اشوف الحوار للاخر و مندمش لاني جربت كتير و مفيش حاجة بتتم ، المهم في الحيرة و التفكير ده قولت هوريهالهم و خلاص و خليني للاخر و كلمته قولتله نتقابل بكرة تشوفوها قالي لا عندنا مشوار خليها الاسبوع الجاي و بصراحة قولت خلاص كده انا عملت اللي عليا مش هكلمه تاني انا حددت ميعاد و مناسبهمش ----> التقيل بقي اللي جاي ----> و انا وسط الحيرة دي إذ فجأةً يرد عليا قريب البنت الاولانية بعد شهر كامل و بعتلي رقم باباها عشان اكلمه و التاخير بحجة الانشغال و بتاع ، طبعا واحد في موقفي ده مش هيتردد يشوف التانية دي بتقول ايه و لا هيحصل ايه خصوصا انها كانت محترمة و حافظة للقرآن و كانت بتنزل فيديوهات بتشرح للناس احكام القران و كده يمكن عشان كده كنت فكرت اكلمها هي الاول ، و شورت كذا حد قالولي خلاص امشي في الموضوعين و قرر - و دي كانت غلطة كبيرة للاسف - روحت قابلت ابو البنت دي و كان كويس و احترمني لكن حكالي ان البنت رافضة الفكرة و طول الشهر ده بيحاول يقنعها انه عايز يفرح بيها و بتاع قولتله الحجات دي مش بالاجبار مش عايزة خلاص  قالي هي هتستخير و ربنا يسهل و حكالي ان ظروفهم المادية مش اد كده و لسه هيجهز يعني و البنت بتساعده ماديا و اتفقنا ان هيكون في مقابلة فالبيت معاها بقي كمان كام يوم ، بعدها لقيت ابو البنت بتاع الشقة ده بيكلمني هو انت نسيتنا و لا ايه ؟  اتحرجت قولتله طيب خلاص نتقابل الجمعة الجاية عند الشقة حسب اللوكيشن ، و انا ميعادي مع الاولي يوم الاربعاء روحتلها و يارتني ما روحتلها اقل ما يوصف ان اللي حصل معايا قلة أدب حرفياً و مفيش ادنى درجات الاحترام للضيف اللي قاعد و ده مش اي ضيف ده عريس المفروض ، البنت مش راضية تخرج من الاوضة و طلعوها بالزق من جوه و مبتتكلمش خاالص و ابوها و مامتها قاعدين وسطنا مش عايزين يسيبونا لوحدنا نتكلم شايفينه عيب !! قعدت اتكلم مع البنت طريقتها وحشة كده و في وسط الكلام بسالها انتي اصلا بتفكري في الموضوع ردت بصوت عالي و بنبرة عصبية كده لا بصراحة مش بفكر فسالتها طيب جبتيني ليه ؟!! اهو بستخير و ربنا يعمل الخير  ، اكتر موقف حسسني بقلة الادب اللي اتكلمت عليها فوق دي هو اخواتها البنات و هما آنسات جامعيات مش اطفال انهم عمالين يكلموا البنت من تحت عقب الباب و هي ترد عليهم و يضحكوا و حسيت ان ابوهم شخصيته ضعيفة كده  فانا حسيتهم مش مناسبين لا ماديا و لا اجتماعيا و لا اي حاجة فاانا مكملتش ساعة اصلا و مشيت مش لاقي كلام اقوله و القعدة في منتهي الرخامة ، نزلت برضو و كلمت اهلي طبعا مصدقوش اني خلصت بدري كده بس قولتلهم الحوار ده فشنك برضو و مش هكمل فيه  لقيت باباها باعتلي تاني يوم كل شىء نصيب قولت كويس انها جت منك ، روحت قابلت التانيين الجمعة و وريتهم شقتي عجبتهم  جم الاب و الام و البنت بعد ما شافوها بوصلهم لعربيتهم ماشي مع باباها لقيته بيكلمني ف ان البنت طموحة و مش عايزة تحس انها اقل من اختها ؛ اختها في السعودية و دلوقتي معاها شقة ف العاصمة الادارية و مستواها عالي و انت برضو دورلك على سفرية بره السنة هناك ب ١٠ من هنا و اهم حاجة عندنا الطموح  و انا هشوف رايها لو تمام هقولك تشرفنا تقعد معانا قالت لا هقولك كل شىء نصيب و انت زي ابني و هجيبلك برضو ناس توضبلك الشقة باسعار كويسة و خد بالك بنتي دي دلوعة و آخر العنقود و كلام كده برضو مريحنيش ، المهم جت هي و مامتها ورا قالت البنت عجباها الشقة يلا اتفقوا هنتقابل الاسبوع الجاي عشان عايزة تتعرف ، المهم روحتلهم المرة اللي وراها و قعدت معاهم لقيت والدها في الاول بيتكلم معايا و سألني عن المرتب صريح الشغلين و التوتال كام كله فقولتلهوله قال ( انا قولتلهم ان مرتبه اكيد مش هيقل عن كذا كذا ) ، و انا هخدك بقي افرجك على منطقة ابني تتفرج على الشقق هناك عاملة ازاي انا افتكرت انه عايز يفرجني كده فبقوله ده مشوار بعيد قالي طب خلاص هاخدك و نروح نتفرج على الشقق اللي في المنطقة الفولانية ففهمت انه بيرمي اني اغير الشقة بتاعتي اللي عجبتهم دي بعدين و بعد شوية اخوها جه هو متجوز جه عشان يشوفني و يتعرف عليا و فضل يتكلم معايا و برضو سألني عن المرتب غلوشت ف الكلام عشان اهرب م السؤال راح رجعني ليه تاني مرضتش احرجه لاني لسه مجاوب من شوية عالسؤال ده و مش من حقه يسال عن حاجة زي كده بس حسيت ان هما اللي زقينه يسال كده ، و باباها شغال انا بنتي دلوعة و هي تقول انا بحب الدلع و يقول عايزكم بقي بما انكم دكاترة كده و معاكم مرات ابني تفكروا تفتحوا مستشفى مع بعض او مخزن ادوية كبير و احلام يقظة كلها ، و يقولي انت برضو لو معاك فلوس استثمرها مسيبهاش كده ، و ماماتها بتقول ان جوز بنتها بتعتبره زي ابنها راح باباها قال بنبرة كده تقلق كأنه بيلحنها ( اللي بيخش وسطنااا بيبقي مننااا ) ، المهم سابوني أقعد مع البنت بصراحة كانت لذيذة اوي اوي المرة دي و عجبتني جدا كلامها و شكلها و الاستايل بتاعها و حسيتها متقبلة الحوار كده بس لقيتها قلقت من كام نقطة من كلامي منهم نقطة الغيرة بتقولي انا مش بحب الغيرة الاوڤر و حسيتها قلقت كده لما قولتلها انا غيور جداا ، بعد ما مشيت باباها بيوصلني كلمته في اللي قالهولي قبل كده يعني ايه البنات بتبص لبعض دي !! و حضرتك كلمتني في القايمة من اول مرة و قبل ما تشوف اهلي و عرفته ان انا مش هجيب و لا هكتب حاجة الا اللي في مقدرتي حسيته ارتبك من كلامي كده و قالي ده كلام حبر على ورق ( هو كتب ٧٠ جم دهب يعني مش حاجة ) - طبعا وقت ما بنته اتجوزت مكانوش ساعتها فعلا حاجة لكن دلوقتي لا طبعا - و قولتله انا موعدكش اني هكون زي اختها و جوزها كل واحد ليه رزقه قالي اكيد عارف هو انت هتجيب نفسك زيهم  لكن احنا اهم حاجة عندنا الطموح لو ملقتش في عندك طموح هقولك خلاص كده ، قولتله الشقة انا بصراحة مش هحب اغيرها انا شايفها كويسة و انتي قولتوا كويسة ( و الا مكانوش كلموني اجي تاني ) و المكان هناك بحبه و فيه ذكرياتي رد عليا قالي لا الذكريات دي بتاعتك انت ، الشقة بتاعتك برضو فيها كذا و كذا (قعد يذكر كام حاجة معجبتوش) ، طب انتوا لما مشيتوا من مكانكم القديم قعدتوا هناك اد ايه قالي ٤ سنين طبعا مصدقتوش ( و لو هو طموح اوي كان راح مكان افضل من الحالي بكتير ) ، بعدين اتكلمنا تاني عشان نعرف ايه الخطوات اللي بعد كده وصلنا اننا هنوقف مقابلات و هيخليني اكلمها فون عشان هما مسافرين بره زيارة و سالني ( انا دلوقتي عايز اعرف مقدرتك !! ) بيقولها باسلوب كده حسسني اني مضيع وقتهم و داخل خارج عليهم كده و قالي ان البنت لسه بتفكر و لو مرتاحتش هقولك كل شىء نصيب و هنرجعلك الشوكولاته بتاعتك تحرم علينا يا اما هديك فلوسها او اقابلك في اي حتة اديهالك ( استغربت انه بيتكلم ف حاجة زي كده اصلا ) قولتله عيب يعني ده حقكم طالما دخلت بيتكم قالي لا انا عملت كظه مع جوز بنتي التانية عادي ، و كلمت البنت ناقشتني في كام حاجة تاني قلقانة منهم بس كانت بتسالني بصوت مقطع كده كانها مترددة او حد زاققها تسال ع كام حاجة اولهم موضوع الغيرة ده تاني مش عايزاني اغير اوڤر و انه يكون في ثقة كانت قلقانة من النقطة دي و بعدها موضوع الذمة المالية انه يعني فلوسها لوحدها و ثالثا كلمتني في موضوع اني ليه مجبتش عربية بتلمح لكده عشان هي بتدوخ في المواصلات و متعودة يكون في حد يوصلها دايما و رابعا موضوع انها دلوعة زي ما ابوها قال سالتني بالنص كده ( هو انت اتضايقت لما بابا قالك ان انا دلوعة ؟ ) و اخيرا موضوع انهم في العيلة متعودين يعملوا خطوبات في قاعات مش عالضيق فالبيت زي ما المعظم بيعمل، انا خدت الكلام و فكرت فيه بس مردتش لسه ، المهم لقيتها ابتدت تتعلق شوية بالموضوع و تبعتلي هيا و مكنتش لسه ضيفتها عالفيس بس كانت بتدخل عندي على طول تراقبني و تقولي ع حاجات كل شوية عالاكونت و تقولي انا بحب الكلام معاك عموما بس لسه مترددة عشان حاسة الحوار و خطوة الخطوبة نفسها كبيرة و اتكلمنا مرة كمان في التليفون و انا بصراحة بدأت اتشدلها و بعد كام يووم لقيتها شالت صورتها م الواتس و بعدين بعتلها مالك ؟ قالتلي مسحت رقمك ، طيب لييه ؟ ، قالتلي عشان حصل حاجة مكنتش صريح معايا فيها  ( و هنا كانت الكارثة ) انها كانت خارجة مع صحابها و كان من ضمنهم البنت التانية اللي كنت متقدملها و اتضح انها صاحبتها و بتخكي اني متقدم من فرحتها بالموضوع و صاحبتها دي حكتلها كل حاجة و ازاي حاولت اوصلها و وسطت ناس يكلموها لاني للاسف كنت موسط نفس الناس يكلموا البنت دي بنفس الطريقة و اكيد شوهت صورتي عندها و اني واحد لعبي و بهزر ، فراحت بعتتلي ان كده الثقة كده منعدمة و مش هقدر اكمل و صعب ارجع تاني و نهت الموضوع من ناحيتها لاني اكيد في نظرها اللي اترفضت من صاحبتها المقربة و شكلها مش هيكون حلو بعد كده و انا بصراحة مردتش عليها و لا والدها كلمني ، فانا مش عارف اكلمها و لا اكلم والدها و لا اعمل ايه ؟؟ انا بصراحة ابتديت اتشد ليها بس قلقان شوية من اللي جاي لاني معرفوش ، هي منهتش معايا غير لما كلمتها يعني لولا كده كانت فضلت ساكتة و انا فاكر الحوار ماشي ز اللي عرفته مؤخرا ان اخوها ده طلق مراته و خطب واحدة تانية في اقل من شهرين و فرحهم كمان شهر و مستغرب ازاي ده حصل خطب و الاولانية لسه ف العدة بتاعتها ، انتوا تنصحوني بايه احاول تاني و لا خلاص كده و ابعد ؟ انا في حيرة شديدة من امري ، ساعات بحس اني عايزها و ساعات بحس اني قلقان ؛ قلقان يضغطوني بعد الجواز و يكونوا بيبصوا لغيرهم فعلا و ميرضوش بعيشتها معايا قلقان من طلباتهم و من اهلها حجات كتير قلقاني بس الفكرة كلها اني اتعلقت بالبنت و عجباني كشكل و شخصية و روح و بحسها ع نياتها بس اهلها اللي قالقني ، و بسال نفسي لو هما مثلا وحشينو انا مرجعتش هي كده مش هتتجوز مثلا طب مهي اختها متجوزة اهو و اكيد جوزها اتعرض لنفس اللي بشوفه و بسمعه ده .. منتظر ردكم و اسف اوي اوي اوي ع الاطالة و الله غصب عني بس انا محتار

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_63079 🇪🇬

منذ أسبوع واحد

شعور مرهق

تايهه مابين الواقع واللى انا عليه وبطمح له احلامي انجح واكبر واعيش في بيئة صحية بس اهلى مش كدا وشايفيني غبيه ومش بفهم وكلامي دا اوهام اني بغلط طول الوقت ومستحقش حاجه كويسه عاوزة اكبر واحقق احلامي بس مقيضه وحاسه بضغط طول الوقت لازم اتجوز وخلاص، لازم افكس لاحلامي، اصلا مش بقابل حد مناسب ولا اللي هحبه

Tomato_62425 🇪🇬 عن أبي هريرة رضي الله عنه قال: قال رسول الله ﷺ: > "ينزل ربنا تبارك وتعالى كل ليلة إلى السماء الدنيا، حين يبقى ثلث الليل الآخر، فيقول: من يدعوني فأستجيب له؟ من يسألني فأعطيه؟ من يستغفرني فأغفر له؟" 📚 رواه البخاري (1145)، ومسلم (758)

عرض الكل 4 نصيحة

Coffee_57918 🇪🇬

منذ أسبوعين

شعور متوتر

بالله عليكم بالله عليكم ادعولي بظهر غيب أجيب النتيجة اللي نفسي فيها الترم ده عشان أهلي والله مش هيرحموني بكلامهم وأنا حقيقي تعبانة جداً ومش مستحملة كلمة واحدة والله وهما مش فاهميني ولا عارفين إني تعبانة بالله أدعولي بجد عشان حاجات كتير بايظة معايا والله ومش هستحمل ده كمان ادعولي أجيب النتيجة اللي عا

Strawberry_60676 🇪🇬

منذ 3 أسابيع

شعور مكسور القلب

لو في شخص بيحبني جدا وكنت مخطوبله وفركشنا من سنتين ولسه عاوز يرجعلي بس انا مش متقبله انه عنده نسبه حول في عينه دا يعتبر اي انا مش عارفه خايفه اوافق وارجع مرتحاش انا عارفه اننا كلنا عيوب بس انا خايفه اوي انا مش عايزه اظلمه وكمان مش متعلم واهلي بيضغطوا عليا وبيقولوا طالما بيحبك خلاص

Banana_62165 🇪🇬 انا بقولك لا مش علشان هو فيه مشكلة علشان لو الشخص مش مالى عينك حرام تظلميه معاكى لو جه حد احسن منه وانتى معاه هتسبيه او هتعملى حاجة من وراه فا بلاش احسن

عرض الكل 6 نصيحة

Watermelon_61375 🇪🇬

منذ 3 أسابيع

شعور متعب

محتاج حد يفيدني انا دخلت كلية مش حاببها عشان اهلي مش اكتر و فكرة اني احول مرفوضة تماما بس المشكلة ان دي تالت سنه ليا و شلت برضو فيعتبر بعيد سنة تانية تاني انا بجد تعبت الفكرة إن ممكن ادي الكلية طاقة اول كام اسبوع عشان بقول اخلص منها مش اكتر لا عاوز تقدير ولا قرف لإني مش حابب الكارير كله بس برجع تاني

Banana_35773 🇪🇬 هنفيدك إزاي بعد 3 سنين !!!!!

عرض الكل 6 نصيحة

Cherry_57324 🇪🇬

منذ 3 أسابيع

شعور مكسور القلب

Corn_60822 🇪🇬 💔 أولاً: اللي بيحصل ده اسمه زواج بالإكراه وده شيء لا إنساني ولا ديني، ولا حتى فيه أي رحمة. الشرع نفسه بيقول: "لا يُنكح البكر حتى تُستأذن" وسيدنا النبي ﷺ قال إن الست اللي اتجوزت غصب عن إرادتها من غير رضاها، له حقها إنها ترفض وتتطلق.

عرض الكل 7 نصيحة

عبّر عن شعورك بشكل مجهول

احنا 7بنات وولدين، عندي 21 سنة، عايشين في أرياف، لكن مش مولودة ومتربية فيه إحنا نزلنا مصر بقالنا تقريبا 5 سنين، والدي ووالدتي بيجوزوني واحد غصب عني، أنا م متقبلاه شكلا ولا شخصية ولا حتى ف التفكير، وهو حالته المادية مش كويسة، يعني هما مش شايفين انه عريس ميترفضش، بالعكس لما بيقعدو ويتكلمو من ورايا بيقولو انه شخص مش مناسب لكن هما عايزين يجوزوني عشان أنا كبرت واتخرجت من الكلية ومتجوزتش لحد دلوقتي، ولما جات لحظة الاتفاق قالوله إحنا مش عايزين حاجة ولو عايز تجيب دبلة ومحبس ماشي ولو مش عايز تمام، وهو جه مرتين وكل مرة كان يجي ويمشي ووالدي يبعتله الموافقة وهو يتأخر في الرد علينا اسبوع أو اسبوع وشوية، وكانت اخته قعدت مع واحدة صاحبة اختي، فصاحبة اختي بتقول لاخته انتو رايحين تتقدمو لدي ازاي دا متعلمة وحلوة هترفضكو، ف اخته ردت عليها قالتلها يحبيبتي دا اخويا راحلها عشان ابويا ضغط عليه دا خالتها هي الي جتلنا وقعدت تتحايل علينا وتقول والنبي تعالو لبنت اختي عشان محدش بيجيلها وابوها راجل تعبان ومش قادر يربيهم وامهم زي ما انتو شايفين، والمفروض ان هو جاي بكرا، أنا اتكلمت كتير واتخانقت كتير ومحدش بيسمعلي، أنا حاسة ان أنا رخيصة أوي وم عارفة أعمل إيه عشان أنا مش عيزاه والله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_61150 🇪🇬

منذ 3 أسابيع

شعور متعب

هو الواحد مننا بقي تقريبا مش حاسس بي اي طعم الحياة في عموم بقي عايش عادي و عايش لي لا شئ بس ده فقدان شغف بس لمه يكون بي سبب الأهل بيبقي صعب جدا هل ممكن أن واحد يرتقي بنفسه فقط و يعمل كد ازاي من غير ضغط من الاهل

Chilli_60323 🇪🇬

منذ شهر واحد

شعور متعب

عبّر عن شعورك بشكل مجهول

انا عندي مشكلة أن اهلي مش واثقين فيا من ساعت فشلي في ثانوية عامة و انا مقدرش أنكر اني مفشلتش بس مش كده 
في الاول بعد ما نتيجة طلعت انا جبت ٦٢٪ و مفروض كنت ادخل تربية كفر الشيخ طبعا ابويا مرضاش بحجج كتيره اوي زي أنه خايف اصيع و مصاريف كتيره حتي ابويا مش واثق في تربية ليا و ظلمني و خلاني ادخل تربية نوعية اسكندرية بالمناسبه انا كنت علمي رياضه فا كنت هتخرج مدرس رياضه مش حلمي بس حلو علي لأقل حاجه بحبه 
المهم للميعرفش تربيه نوعيه بتتخرج منها مدرس بردو بس مدرس أية حاسب الي و موسيقى و اقتصاد منزلي 
المهم روحت قولتهم انا مش هدخل الكلية ده دخلوني اي معهد خاص او اي معهد حتي مرضيوش علي معهد فني صناعي الي ممكن اتخرج منها علي كلية هندسة بحجة أننا منعرفش انك تقدر ولاه لا و شكلنا قدام عيلة و كده قولت خلاص ماشي انا هاريح السنة و بردو مش موافقين المهم عملت في دماغي و بتعد ترم الاول ابويا عرف اني كنت بشتغل في محل كتب و روايات كده و ده حاجه انا بحبها جدا و عرفت تاجر الجملة و بعد ما سيبت الشغل الي محل كتب بحجه أن اهلي عايزني اركز في ترم تاني و اخد ترم الاول سمر كورس بدأت شغلي خاص كنت بشتري الكتب من تاجر جمله ده و بعرض اونلاين علي تيك توك و الحمد لله الدينا مشيت فترة زي الفل طبعا بدأت المشروع ده من فلوسي الخاصة المهم جات فترة و ريتش وقع علي الأكونت معرفش لية و مفيش حد حاليا بيشتري المهم قولت انزل شغل تاني و دلوقتي شغال في بزار و كنت عايز احوش مبلغ و إبداء بزنس تاني متاكد أنه هينجح بس طبعا اهلي مش راضين و بيقولوا هيفشل زي الكتب و معرفش لية هما بيعملوا معايا كده لية و اتصرف معهم ازاي و اسف لو طولت عليكم انا طولت اوي الصراحة 😂 و شكرا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع