ضغط الأصدقاء

Banana_42664 🇪🇬

منذ 6 أشهر

شعور مستنزف

انا ولد من امبابه عندي 14 سنه و المشكله ان صحابي اللي في المنطقه عندنا كلهم اكبر مني يعني اصغر واحد فيهم 18 سنه المهم الناس دي لسه عارفهم من قريب والمشكله انهم كل شويه بيلمحو بحجات مش كويسه وبيقعدو يلمسوني كتير من اماكن حساسه علي سبيل الهزار وبمشيهالهم عشان مش عايز اخسرهم بما ان مظهري الخارجي كويس

Coffee_27700 🇪🇬 فيه حدود لجسمك متسمحش لحد يتعداها حتى لو بهزار. انك تخسرهم وتبقى بدون صحاب لفترة أحسن من انك تسمح بده. مع السنين هتتنقل من مرحلة دراسية لمرحلة تانيه وهتكون أصحاب كتير. ممكن تدور على ناس في سنك في الجيم أو المدرسة وابعد عن دول

عرض الكل 10 نصيحة

Coffee_38515 🇪🇬

منذ 6 أشهر

شعور محبط

موضوع:

ايه تجربتك مع أصحاب السوء ؟

و انا كنت فى تالتة اعدادى كنت ماشى مع شلة مكونة من 8 اصحاب و كدة و كنا زى ماتقول شلة مكونة من رئيس والرئيس ده كان بيشرب veb و كان كل يوم لازم يدى حد ال veb شوية ويشفط منها و كان بيزعل منى اوى لما مبرضاش و كل يوم كان بيعمل نفس الموضوع لحد مبوظ صحابى كلهم و باظت اخلأهم و دلوقتى هم بيشربوا سجاير وحاجات

Mango_30835 🇹🇷

منذ 7 أشهر

شعور آسف

Watermelon_32252 🇹🇷 بصي يا مانغا ..الي حصل حصل ..ومشاعرك دي اوعك تندمي انك طلعتيها اوووعك ...معلش كملي الكام سنة الي جاين عادي جدا و خففي تواصل ع قد ما اقدري وخلي الحوار بس بخصوص دراسة لا اكثر .. حصل معاية نفس الحوار لكن العكس انا فلسطينية وهو مصري واهو الي عترف بحبه ليا و انا قلتله هديك فرصة بس عشان انا بعرف انه حد كويس و لما كان عايز الموضوع يكون جدي قلي انه هيسكن في مصر وانا مقدرش ..سبنا بعض اولها صعب بس عادي هتعد

عرض الكل 5 نصيحة

عبّر عن شعورك بشكل مجهول

بصو أنا الحوار عندي شويه غريب وحتى اترددت احكيه لنقاط عدة
اولا أنا مصريه بس بدرس بجامعه تركيا محترمه ومعروف أن الي بيرحها ولاد ناس ومحافظين 
ثانيا أنا سنه تالته وشلة سنه اولى كانو مهونين عليه حاجات كتير وكده وكنت مكتفيه بيهم بس سابوني وسبتهم ولما بعدت عنهم كان في شب فلسطيني لفت نظري بس معرفش عنه حاجه المهم لما بدأت الفجوه تزيد بين الشيله وبيني بقيت بحس بضعف اني بفكر فيه بس كان عادي جدا المهم لاقيت حسابه وعرفت أنه كويس لان دخلتله من حساب فيك وطلع محترم بعد أسبوع بدأت أتابعه من عندي وكانت علاقة زماله فقط مبنيه على الاحترام خصوصا أن كان الكلام بس لما بساله عن فلسطين وافهمكم ليه حسيت أنه من عالم تاني ..واحد كان عنده بيتين واتقصفوا واهلو عاشوا سبع شهور في الحرب والي هم من الدرجه الاولى أمه وابوه وأخواته مكنش فيه غير اخوه المتجوز هنا والي هو بروفيسور بكليته وعائلته فعلا ناس كويسين واخته كانت بتعلم الاطفال في الحرب الاربعين النوويه وهو شخصيا علطول متماسك ومهتم بنفسه وحافظ القران ودائما بياخد ادوار فعاله في الجامعه اصلا عرفته لما كنت بشوفو في فعاليات والا كلياتنا مختلفه المهم ده كان في سنه تانيه وارجع واقول بس زمايل بس كان في بنت توكسيك كانت بتوجهني غلط وقربت مني جدا وخلاتني اعمل حاجات حقيقي ندمت عليها وحسيت كان فين عقلي مثلا زي اني اتواجد باي مكان هو فيه او احاول اتكلم معاه وفعلا جبت العيد واتوترت وقلتله (حبيتك)..كزميل وليه عملت لايك وشيلت ليه عملت سين ومردتش على اخر رساله وكلام فعلا فعلا ميطلعش مني حتى هو باليوم الي حاولت اتكلم فيه ده بعد ما خد الصدمه ضحك المهم ..طبعا بدأ ياخد باله والمحصله أن أقرب اتنين ليه البنت والشب دول طلعو من حياتي لكن قد ما كان صعب تقبلت لانه فعلا احترمت أنه مش عايز يديني امل زائف فبس عمل أن فولو في اشاره أنه لا شكرا والبنت اختفت اصلا بعد ما أنا عملت موقف بسيط مع صحبه ليها كانت عنصريه
دلوقتي عدت الاجازه وعدى اول شهر وشايفه أن كل حاجه اتغيرت واني بحترمه كزميل ولسه هنشوف بعض سنتين قدام وعايزه تكون بينا علاقه طبيعيه محترمه وبناءه، بالذات أن احنا فسن وعي وإدراك ومش متقبله كل الي بيقول انسي وافقديه واي حاجه سلبيه. عايزه بس يصدق أنه خلاص انا معنديش اي توقع وممكن نكون زمايل وعفا الله عما سلف وكانت فترة ضغوط وتأثير خارجي وبس فعايزه حل خصوصا وانا عارفه انسان اجتماعي وكويس ومعندوش مشكله من التعامل بحدود واحترام وغير كده فمهتمه بيه لانه فعلا الكويسين في اليومين دول قليلين وانا عارفه قلبه كويس غير كده انا مش مستعجله وعارفه أن كل واحد رزقه على ربه بس عايزه اشيل الضغط والتوتر خصوصا اني الي بهدلت الدنيا وفعلا عايزه الوضع طبيعي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Broccoli_31776 🇪🇬

منذ 7 أشهر

شعور محبط

Blueberry_17879 🇪🇬 لا عادي طبيعي أن الإنسان لما يلاقي نفسه مش متاقلم ف مكان أو مش حابب وجوده ف وسط أشخاص معينين يبعد و عادي الناس بتتغير و الدنيا بتتغير و المواقف بتتغير ف طبيعي و كمان كل م بتكبر كل م بتفهم الي حواليك اكتر و هتقابل كتير و تتعامل مع ناس كتير و هيروحو و يجو ف حياتك ناس كتير برضو الأهم تكون انت مرتاح ف المكان الي انت فيه مع الناس الي حواليك و متضعطش ع نفسك تكون ف مكان انت مش مرتاح فيه

عرض الكل 2 نصيحة

عبّر عن شعورك بشكل مجهول

انا من فتره حوالي سنه مثلا اتعرفت علي شله كده احنا كنا انا وتلاته كمان المهم كنت اول مره كده اني اسافر مع صحابي واحس اني عندي شله وصحاب وخرجنا كتير وكده الفكره ان كان في واحد نفترض اسمه ابراهيم مثلا الفكره هو كان اقرب واحد ليا منهم ف في يوم هما كانو رايحين حفله وانا مكنتش هعرف اني اروح خالص ف لقيته داخل يقولي انه عايز الموبيل وكده عشان يتصورو بيه انا معايا iPhone 12 يعني وهما معاهم تلفونات تانيه عاديه ف عايزين الموبيل وكده بس انا مكنتش موافق لانه منطقي تخيل الموبيل حصله اي حاجه انا الي هشيل الدنيا وفي يوم كنت في البلاستيشن الي انا وابن خالتي وهو اصلا مش بيحبو وسبحان الله لقيته بيكلمني اني فين وكده ويجيلي المهم انه جه لقيتهم كلهم بقي عمالين يقولولي علي موضوع الموبيل وانه يوم ومش عارف ايه وانا وافقت بعد ضغط ف المهم انا كنت مضايق جدا لاني مكنتش مقتنع اصلا ومضايق لاني برضو وافقت بضغط منهم المهم فكرت كتير وخدت رأي اختي وكده وجيت ف يوم قبل الحفله ع الساعه اتناشر واحده كده مش فاكر بعتلهم ع الجروب يجدعان موضوع الموبيل وكده مش هينفع لقيته عمال يقول احاا وبوظتلي اليوم انا اتقفلت وخرج من الجروب ولقيت التاني داخل يقنعني بس انا برضو مكنتش موافق بس مكنش في غير واحد الي مقدر ده وكان متفهم انه مش بأيدي الفكره انه كانو عايزني اتأسفله ورنيت عليه كتير ومعبرنيش المهم راحو الحفله وبتاع وبعدها ب فتره كان في ماتش ف صاحبي الي كان متفهم ده لقيته رن عليا عشان ارحلهم وكده وقولته انا خايف يكون ابراهيم مضايق وكده لقيته قام جاي قلي لا وحتي ابراهيم قالي تعالي المهم انه بعدها بقي حصل مواقف كتير وحشه منه زي انه بيجيب في سيره اي خلق الله كلهم بالسوء حتي لو حد منا احنا التلاته مش موجود بيفضل يتكلم عليه مع ان احنا كنا اربعه انا وابراهيم و محمد مثلا ويوسف المهم محمد ده كان قريب منه كده بس حتي ده كان في واحد هو مدخله الشله وكده جديد ف محمد عمل موقف مش لذيذ قدام الجديد ده ف ابراهيم بقي فضل يحكيله انه اصلا محمد ده اصلا مش كويس وانه كذا وكذا وكذا وانه مش هيخرج معانا تاني ويروح ل محمد ويقول ع الجديد نفس الكلام والكلام ده وصلي بعد ما مبقتش اكلمه وفهمت الدنيا اكتر ده من كتر ما كان بيتكلم علي الناس انا بقيت اخاف بعد ما امشي من القاعده يجيب في سيرتي وحتي انه قبل كده كان في ناس هو مش بيكلمهم ومتخنقين وكده بس كان في اليوم ده عايز ينزل بالعربيه باليل وكده راح صالحهم بس عشان مصلحته مش اكتر عشان معاهم عربيه وعندي واحد صاحبي بحبه جدا ربنا يخليه ليا كان هو مبيحبوش ويقولي ابعد عنه وكده ومتجبهوش معانا وانا عارفه قبله اصلا وهو غالي عليا ف قللت خروجات معاهم مع انهم كانو بيبعتولي كتير انزل معاهم صراحه بس كنت بتهرب لاني حتي في المرات الي كنت بنزل معاهم فيها كنت بحس بخنقه واني منافق لاني فعلا مكنتش بطيقه بعد مكنت بحبه بسبب مواااقف كتير يعني بقينا لو شفنا بعد السلام عليكم عليكم السلام وبس المشكله اني حاسس اني مضايق مع اني عارف اني عملت الصح شكرا لاي حد هيقرا الكلام ده وعايز اعرف انا صح ولا لأ

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_28812 🇪🇬

منذ 7 أشهر

شعور محبط

جماعه انا دلوقتي عندي 17 سنه و عانيه ثانوي وعمري ولا صاحبت ولا كلمت بنت مع اني عادي في مدرسه لغات عادي وحاسس ان الحوار ده مسببلي مشكله كل الي حوليا مصاحبين ومرتبطين وانا بحس بالضيق كل ما افكر في الموضوع مجربتش وبتكسف اني اخش اكلم بنت حتي لو معجب بيها اعمل ايه

Biscuit_28797 🇪🇬 يسطا و انت ممكن يكون مش عاجبك ده و عارف انه حرام و غلط هو مفيش مشكلة لو اتعاملتو عادي صحاب و كده يعني لو شلة لو صحاب فصل مثلا انما مفيش مشكلة ف التعامل متصعبهاش عليك و تقول بتتكسف و كده البنات ناس عادي لازم تعرف كده متعملش ل نفسك مخاوف م لاشئ ممكن لو سوشيال تجرب او تلعب بابجي و تفتح مايك و تحاول تتكلم هيقوي عندك الاجتماعية

عرض الكل 16 نصيحة