صراعات داخلية

Chocolate_47841 🇪🇬

منذ شهر واحد

شعور متعب

عارفين شعور الصراعات الداخلية ؟ اول مرا يوجعني الاحساس ده كدا زي الفتره دي ولا انا عارفه واثقه في نفسي ولا لا ولا انا عارفه بحب نفسي ولا بكرها ولا انا عارفه شكلي حول وجميل ولا وحش كل مشاعري جوايا متلغبطه زمان واحنا صغيرين في المدرسه كانو دايما الولاد بيحبو كل صحابي الا انا وكانو بيروحو ويعجبو بصح

عبّر عن شعورك بشكل مجهول

عارفين شعور الصراعات الداخلية ؟

اول مرا يوجعني الاحساس ده كدا زي الفتره دي ولا انا عارفه واثقه في نفسي ولا لا ولا انا عارفه بحب نفسي ولا بكرها ولا انا عارفه شكلي حول وجميل ولا وحش كل مشاعري جوايا متلغبطه زمان واحنا صغيرين في المدرسه كانو دايما الولاد بيحبو كل صحابي الا انا وكانو بيروحو ويعجبو بصحابي الي معايا وانا لاا وكنا اطفااالل جدا يعني بس كان في الحاجات دي يعني كتير وكان في ولد كنت معجبه بيه بس هبل اوي يعني كان بيحب صاحبتي ولما كبرنا شويه كل الولاد الي معانا بيحبو صحابي وبيحاولو يكلموهم ويمشو وراهم ويتعرفوو عليهم معادا انا دايما لو انا ماشيه مع صحابي نظرات الولاد بتكون على كل الي معايا معادا عليا وده والله مش معناه اني عاوزة حد يبص عليا ولا حد يكلمني لأن اقسم بالله ده مبدأ مرفوض بالنسبالي تماما وعمرها ما حصلت ولا ليا في الحاجات دي بس عارفين شعور انوو ليه مفيش حد حاول عشاني زي ما بيحاول عشان البنات صحابي دول ومن واحنا صغيرين والولد الي حبيتو في حياتي الي هو اخو صاحبتي عمرو ما هيفكر يبصلي عشان صاحبتي قالتلي اني مش ذوقو غير كده انا زي اختوو بالظبط 
بشوف فيديوهات على التيك توك بنات بتقول نفس الحوار ده والكومنت كلها بتقول أن الولاد بيشوفو البنت دي اجمل وأغلي منهم كلهم عشان كده بيخافو أنهم يكلموها أو بيبعدو عنها من كتر ما هي جميله بس انا مش مقتنعه بده ومش عارفه اقتنع بيه مش شايفه أن جمالي اوفر للدرجه دي ومش ذلك انا مش وحشه ابدااا 
بس حتي البنات الي هي مثلا جمالها مش كبير اوي برضو بتتحب وبيتحاول عشانها فكره اني مشوفتش اي حد في حياتي حاول عشاني سواء ولاد أو بنات متأثرة فيا برغم اني محبوبه جداا في عيلتي وبيحبوني كلهم بقعد كتير اوي افكر وادعي واقول يارب ارزقني باللي يعوضني عن كل حاجة وحشه وعن كل احساس واللي يحسسني اني اجمل حد في الدنياااااا من غير ما اعمل اي حاجة ومن غير ما ادي مقابل دايما بشوف ان كل الي في حياتي حبوني عشان الي عملتو معاهم فاهميني 
يعني مثلا اقرب صاحبه ليا اكتر حد بحبو في الدنيااا انا الي حبيتها اوي من ساعت من عرفتها وبقيت اعمل معاها كل حاجة حلوه لحد ما بقيت اغلي حد في حياتها بس برضو حاسه اني بقيت عندها كده عشان الي بعملو معاها من كلام حلو وأفعال وخلفيات صورها الي على موبايلي حتي لما حطتت صورتي خلفيه عندها كانت بعد ما أنا حطيت صورتها عندي فا بحس انو حصل ده زي رد واجب فاهمين قصدي ؟ ولما حطتت اسمي في البايو بعد ما أنا قولتلها وكان بقالي فتره كبيرههه جدا حاطه اسمها في البايو عمتا انا الي بدي دايما اكتر وانا الي بحاول وببادر وكل حاجة لدرجه ان الموضوع اثر عليا وبقي من اكتر التقط الي بتوجعني اني مش شايفه حد بيبذل مجهود عشان افضل معاه حتي صحابي الي كنت بانيه عليهم حياتي بعدنا عن بعض بكل سهوله وفرطو فيا بكل سهوله ومشيو من المدرسه وبعدها بعدو تدريجيا وانا حاسه اني مكنتش تستاهل منهم ده 💔 اي حد اعرفو دايما بدي ليه حب مش طبيعي وبديلو عيوني ونفسي الاقي حد بيعمل عشاني زي ما بعمل مع الناس الموضوع ده من اكتر النقط الي بتوجعني وتقهرني وعمري ما كلمت فيها اي حد حتي اقرب صاحبه لياا 💔
بقعد اتخيل في سيناريوهات حلوة وان في شخص هيجي حياتي هيعمل كل حاجة حلوه ليا في الدنيا وحاجات كدا لدرجه اني بفكر اتخانق مع اقرب صاحبه ليا عشان اشوفها هتحاول معايا ولا لا نفسي اجرب شعور زي ده 💔 
انا اكتر شخص حنون شوفتو في حياتي وعمري ما قابلت حد حنين عليا زي ما أنا حنينه على الناس يمكن لاني مجربتش الشعور ده اوي أو أن حد يبقى حنين عليا جدا ودايما بيبوس ويحضن فيا فا بالنسبالي نفسي اشوف حد زي ما بيقولوا كده يموت نفسو عشاني ده غير أن شخصيتي ضعيفه جدا ومهزوزة اقل حاجة بتأثر عليا وفيا ومش بعرف اخد اي قرار لوحدي ولا اعتممد على نفسي ولازم دايما اخد رأي كل الي حواليا ومش بثق قي رأي نفسي ومش بعرف اعمل حاجة غير لما بقول لصاحبتي دي أنا حرفيا مبقاش في غيرها في حياتي ولا اعرف أو اكلم غيرها وعارفه أن ده غلط بس فعلا مش بعرف اخد قرار من غيرها ولا اي حاجة خالص
جوايا كميه قهرة وحزن محدش حاسس بيها ولا عمر حد حس بيا أو لاحظ اني مضايقه حتي مامتي وبابايا 💔 
انا كتبت بس لاني محتاجه احكي لاي حد حرفيا بقالس اكتر من ساعتين بعيط 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Blueberry_52260 🇪🇬

منذ 4 أشهر

شعور مرهق

هو انا ليه اول سنه محسش برمضان يعني حاسه انه عادي كأنه زي الايام العاديه فرق بس ان فيه صيام و سحور و تراويح حاسه ان مبقاش في شعف و حماسه زي زمان لكل حاجه مش رمضان بس يعني كل حاجه كنت بعملها زمان دلوقتي بعملها و يمكن بنفس كل حاجه بس مش حاسه بحماسه خااااص حاسه اني بقيت منطفيه وتايهة تايهة جداً بجد ال

Coffee_48998 🇲🇦

منذ 6 أشهر

شعور لا مبالٍ

مرحبا👋🏽. عاوزة اعيش بدون تفكير بدون ما احلل و اشوف الناس ناس مش حالات اجتماعي لازم احلل في شخصياتهم واتعاكف معاهم وهم مايقربونيش عايزة اوقف السيناريوهات الي بيعمها دماغي عايزة يكون ليا مشاعر وعايز اتصدم عايزة اضحك بدون ما احاول اجمع ابتسامتي بدي تفضفض بدون ما الوم نفسي عايزاه اتصالح مع نفسي اني

Lemon_40151 🇪🇬

منذ 6 أشهر

شعور مرهق

هو عادي ان كلمة بسيطة جدا تشقلبلي الموود كله وتخليني من فرحان وتمام لمضايق ومش طايق اي حاجة، المشكلة ان الكلام ده لما بيتقالي بيحسسني اني مقصر ف كل حاجة بعملها وشخص فاشل، مع ان اللي بيقولولي الكلام ده ميعرفوش اني بعيش صراعات ف دماغي وبسعى بكل اللي قادر عليه من غير ما حد يعرف انا بمر ب ايه اصلا وقد ا

Kiwi_48159 🇪🇬 هو كده كده عمر ما الناس هتبطل كلام يتبقى زي ما انت عليه يا تعلم نفسك تتجاهل و هترتاح

عرض الكل 4 نصيحة

Blueberry_41574 🇸🇪

منذ 8 أشهر

شعور ضاق ذرعًا

الكلام والنزاعات براسي مستحيل مستحيل راسي مش عم يوقف تعبت عندي كمان ساعتين مش عارفة ادرس راسي فيه صراعات ومشاكل كثير نفسي اهدى نفسي ساعة بس ادرس رح ارسب لو ما درست مش قادرة تعبت من التفكير فتحت قرآن عشان اهدى صليت عشان اهدى ما هديت مش قادر ايش اعمل راسي مليون صوت فيه كمية مشاعر مكبوتة كمية ضغط يعني

Mango_21066 🇪🇬

منذ 11 شهرًا

شعور مستنزف

مأخرا بقيت فى حالة من الاتنين؛ احس إنى حزين أو مش فارق لى البيحصل رغم النعم الحمد لله. بحس بوحده، توهان، عدم الرغبة للحياة رغم وجود أهلى و صحابى الحمد لله ربنا يحفظهم… مش عارف حد هيفهمنى هنا كمان ولا لا بس اهيه محاولة جايز تهدى صراعاتى الداخلية 😅😊

Almond_20978 🇪🇬

منذ 11 شهرًا

شعور ضائع

French Fries_20904 🇪🇬 (وَأَن لَّيْسَ لِلإِنسَانِ إِلاَّ مَا سَعَى، وَأَنَّ سَعْيَهُ سَوْفَ يُرَى) (لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا) (يُؤْتِكُمْ خَيْرًا مِّمَّا أُخِذَ مِنكُم) (فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْين) (وَنَحْنُ أَقْرَبُ إِلَيْهِ مِنْ حَبْلِ الْوَرِيدِ) (يُدَبِّرُ الأَمْرَ) (لا تَخَفْ ولا تَحْزَنْ إنّا مُنَجُّوكَ) (لا تَحْزَنْ إِنَّ اللَّهَ مَعَنَا) (وَلَسَوْفَ يُعْطِيكَ رَبُّكَ فَتَرْضَىٰ) (وَآتَاكُم مِّن كُلِّ مَا سَأَلْتُمُوهُ) (‏ فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚ) ( وَلَا تَحْزَنْ عَلَيْهِمْ) (الَّذِي خَلَقَنِي فَهُوَ يَهْدِينِ)

عرض الكل 4 نصيحة

عبّر عن شعورك بشكل مجهول

ليه دايما حاسة بالضياع؟!!... ليه دايما دماغي مسوحاني و بتوديني و تجبني زي م هي عايزة؟؟... ليه لما تيجي الساعة ١٢ أو واحدة بليل دماغي تبدأ تعمل إحماء كده و تجيب القديم و الجديد، و لما تتعمق شوية تدخل بقى على المستقبل و الكارير و لما أتخرّج أعمل ايه و بعد التخرج اعمل ايه!!... طب و حلمي إللي عايزة احققه أحققه إزاي؟؟.. و تبدأ دماغي تعمل خطوات.. منفعش!.. نعمل خطة إحطياطي.. منفعش!!.. نعمل خطة تالتة إحطياطي.. و هكذا و هكذا و هكذا... انا بجد تعبت من نفسي أوي.. نفسي ابقى رحيمة شوية على نفسي.. بس فعلا غظب عني لازم أفكر... لازم أفكر لبكرة و لبعده و لبعد بعده و لبعد شهر و لبعد سنة و لبعد سنين.. ههه و لما نيجي نستشير إللي اكبر منّا و أكتر مننا خبرة في الدنيا يقوللنا '' إنتم لسه رحتوا ولا جيتوا علشان تشيلوا الهَم لسه''!.. 
إن كانت فيه حاجة معينة نفسي تكون موجوده عندي و بتمنى من ربنا بجد انه يحققهالي، هي إني أكون <كويسة>..... نفسي فعلا اكون كويسة في كل حاجة .. نفسيا.. جسديا.. في شغلي في الكلية.. في تفوقي.. و دينيا.. و حاجات كتيرة اوي نفسي ابقى فيها كوسية..
و الله العظيم ربنا يعلم إني قد إيه انا بسعى لده... بسعى اكون كويسة في مشاريعي في الكليه.. بسعى أكون كويسة و أبعد عن صراعاتي الداخلية.. بسعى اكون كويسة في جسمي و في صحتي و اني مكلش حاجات كتيرة في يومي علشان متخنش.. و اهم حاجة من ده كله!.. بسعى أكون كويسة مع ربنا!! .. مش بتمنى حاجة في الدنيا دي غير اني اكون كويسة في دنيتي يا رب.. علشان لما أجي اتحاسب يا رب مكنش ندمت على حاجة انا معملتهاش علشان أكون كويسة قدام وجهك الكريم يا رب💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.