toheal logo

Almond_20978 🇪🇬's منشور

Almond_20978 🇪🇬

منذ 9 أشهر

.

شعور ضائع

ليه دايما حاسة بالضياع؟!!... ليه دايما دماغي مسوحاني و بتوديني و تجبني زي م هي عايزة؟؟... ليه لما تيجي الساعة ١٢ أو واحدة بليل دماغي تبدأ تعمل إحماء كده و تجيب القديم و الجديد، و لما تتعمق شوية تدخل بقى على المستقبل و الكارير و لما أتخرّج أعمل ايه و بعد التخرج اعمل ايه!!... طب و حلمي إللي عايزة احققه أحققه إزاي؟؟.. و تبدأ دماغي تعمل خطوات.. منفعش!.. نعمل خطة إحطياطي.. منفعش!!.. نعمل خطة تالتة إحطياطي.. و هكذا و هكذا و هكذا... انا بجد تعبت من نفسي أوي.. نفسي ابقى رحيمة شوية على نفسي.. بس فعلا غظب عني لازم أفكر... لازم أفكر لبكرة و لبعده و لبعد بعده و لبعد شهر و لبعد سنة و لبعد سنين.. ههه و لما نيجي نستشير إللي اكبر منّا و أكتر مننا خبرة في الدنيا يقوللنا '' إنتم لسه رحتوا ولا جيتوا علشان تشيلوا الهَم لسه''!.. إن كانت فيه حاجة معينة نفسي تكون موجوده عندي و بتمنى من ربنا بجد انه يحققهالي، هي إني أكون <كويسة>..... نفسي فعلا اكون كويسة في كل حاجة .. نفسيا.. جسديا.. في شغلي في الكلية.. في تفوقي.. و دينيا.. و حاجات كتيرة اوي نفسي ابقى فيها كوسية.. و الله العظيم ربنا يعلم إني قد إيه انا بسعى لده... بسعى اكون كويسة في مشاريعي في الكليه.. بسعى أكون كويسة و أبعد عن صراعاتي الداخلية.. بسعى اكون كويسة في جسمي و في صحتي و اني مكلش حاجات كتيرة في يومي علشان متخنش.. و اهم حاجة من ده كله!.. بسعى أكون كويسة مع ربنا!! .. مش بتمنى حاجة في الدنيا دي غير اني اكون كويسة في دنيتي يا رب.. علشان لما أجي اتحاسب يا رب مكنش ندمت على حاجة انا معملتهاش علشان أكون كويسة قدام وجهك الكريم يا رب💔

4

4

French Fries_20904 🇪🇬

أفضل نصيحة

.

منذ 9 أشهر

(وَأَن لَّيْسَ لِلإِنسَانِ إِلاَّ مَا سَعَى، وَأَنَّ سَعْيَهُ سَوْفَ يُرَى) (لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا) (يُؤْتِكُمْ خَيْرًا مِّمَّا أُخِذَ مِنكُم) (فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْين) (وَنَحْنُ أَقْرَبُ إِلَيْهِ مِنْ حَبْلِ الْوَرِيدِ) (يُدَبِّرُ الأَمْرَ) (لا تَخَفْ ولا تَحْزَنْ إنّا مُنَجُّوكَ) (لا تَحْزَنْ إِنَّ اللَّهَ مَعَنَا) (وَلَسَوْفَ يُعْطِيكَ رَبُّكَ فَتَرْضَىٰ) (وَآتَاكُم مِّن كُلِّ مَا سَأَلْتُمُوهُ) (‏ فَاسْتَجَبْنَا لَهُ وَنَجَّيْنَاهُ مِنَ الْغَمِّ ۚ) ( وَلَا تَحْزَنْ عَلَيْهِمْ) (الَّذِي خَلَقَنِي فَهُوَ يَهْدِينِ)

12

0

French Fries_20904 🇪🇬

.

منذ 9 أشهر

استعيذي بالله من الشيطان ، اعتقد الفراغ والتفكير هو السبب متسبيش نفسك فاضية ابدا ومتركزيش وقربي لربنا وكله هيعدي ربنا يوفقك وييسرلك الامور (يا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ)

1

0

Tofu_20948 🇪🇬

.

منذ 9 أشهر

طول ما انتي بتسعي ربنا يوفقك انا تقريبا زيك واكتشفت ان كل ما بوصل لحاجه ببقى مبسوطه في الأول وبعد كدا ببقى عايزة الأحسن بس الأحسن دا بردوا بيبقى عاوز شغل مجهود ووقت عشان يتتحقق بس خلال الفترة دي بوتر نفسي جد وان اد اي انا مش شاطرة و ممكن افشل بس بعد كدا لا عادي بحقق وبنجز الخلاصه ان الموضوع محتاج وقت وصبر واعلمي ان انتي في المكان اللي ربنا كتبه لك مستعجليش التقدم لانك كدا كدا في يوم من الايام

0

0

Tofu_20948 🇪🇬

.

منذ 9 أشهر

في يوم من الايام هتوصلي و متحدديش ان لازم ابقى ناجحه في سن صغير لان دي خدعه بنوهم بيها نفسنا لانك لو بصيتي على نفسك في عيون اللي حوليكي هتعرفي انك اد اي ناجحه بس انتي مش مقدرة نفسك نظمي أفكارك واكتبي اللي مضايقك على ورق مستعجليش وتوكلي على الله

1

0

التجربة أفضل عبر التطبيق

حمّل تطبيق توهيل على هاتفك لتجربة أسرع