زهد

Chocolate_75418 🇪🇬

منذ يوم واحد

شعور مستنزف

عبّر عن شعورك بشكل مجهول

انا عندي فكىه فدماغه غريبه او تقدروا تقولوا عاده حرفيا بقت عاده.. 
انا لو اتمنيت حاجه او سعيت لحاجه وظيفه مثلا انا وصحبتي وف مكان واحد بس اما تاخده هي او انا بديهولها هي حتي لو بتمناه جدا لو كنت بدعي لنفسي بحاجه ولو حد من صحابي نفسه ف حاجه زيها ممكن ادعيله اكتر ما بدعي لنفسي وومكن ابطل ادعي لنفسي لو الحاجه دي حد بس ياخدها مكان واحد بس عشان صحبتي اللي بحبها دي وصحبتي دي ايا كانت م شرط ابقي بحبها اوى عادي يعني بس برضو بفضلها ع نفسي دايما مىه واحده صحبتي قالتلي لما انت بتدعي لصحابك مبتدعيش لي لنفسك بصوا يجماعه انا عندي زهد ف الدنيا دي م طبيعي كل حاجخ بعملها فحياتي ربطاها بربنا وانه ف الاخر هموت وانا بسعي عشان ربنا وبس لكن مظاهر ودنيا فانيه وزينه وهكذا مبيشغلش دماغي حتي لو اتمنيت حاجه بقدى استغني عن الامنيه بسرعه او ازهد فيها وعايزه اقولكم حاجه انا كل ما بعمل كدا باخد الحاجه اللي اتمنيها لصحابي اكتر من نفسي انا معرفش ازاي الدنيا بتتقلب عشاني انا معرفش ازاى ع الرغم بكون بدعيلهم اكتر من نفسي وبفضلهم عليا الا اني بلاقي ربنا اداني انا م عارفه هل كوني افضلهم ع نفسي ف الحاجات اللي بتمناها حرام وظلم لنفسي زي ما صحبتي قالتلي؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_73406 🇪🇬

منذ أسبوع واحد

شعور مستنزف

انا غلط غلطه عمري و حياتي انا حبيت بنت لدرجه عدت كل الحدود انا عشقتها مش حبيتها و بقالي ٣ سنين سايبها و مش عايز ارجعلها تاني ابدا لاكن المشكله اني علي مدار ال ٣ سنين دول مفيش يوم بيعدي اله لما بتيجي في بالي شايفها ديما في كل حاجه حواليه مش قادر احب تاني ولا ليه نفس ولا عندي طاقه اتعرف علي حد تاني و

Biscuit_64034 🇪🇬

منذ شهر واحد

شعور مكتئب

عبّر عن شعورك بشكل مجهول

هو ماينفعش نعيد من الاول الحياة.. حاسة اني جوا لعبة متاهة و وصلت لحيط سد و محتاجة ابدأ من الاول كلللل حاجة 
محتاجة ارجع عيلة صغيرة تاني
 عبيطة بتزن انها عاوزة تروح المدرسة زي اخواتها فباباها يديها كيك عشان ماتزعلش و تبطل عياط و زن 
بابا اللى مات و سابني تايهة اوووي من بعده و الدنيا عمالة تلطش فيا كأني مختارة اليتم بمزاجي 
محتاجة ابدأ من الاول اتعلم فى المدرسة اى حاجة اكيد كان فيه معلومة عن التعامل مع البني ادمين و انا مسقطاها يعني 😅
محتاجة اتعرف على صحاب يفضلوا معايا مش فى اول تجربة اكتئاب يقولوا دي نكدية !! انا زيي زيكم على فكرة كنت مش فاهمة يعني ايه اكتئاب و ليه بعيط كتير وبنام اكتر و مش عارفة اعبر عن نفسي .. انا كمان كنت عاوزة افرح لكم و افرح معاكم بافراحكم و ماكنتش هاحسدكم زي ما قولتوا و فكرتوا و الله العظيم 😓
محتاجة افهم يعني ايه حياة الكبار و انه ليه كل الناس بتدخل فى حياتك و تقررلك نجاحك من فشلك على مزاجهم .. ان الشغل مهم تؤتؤتؤ الجواز اهم تؤ لا الصحاب اهم منهم
 و انا ماعنديش حاجة منهم !! 
و بالنسبة للكل يا اما يا حرام
 يا اما دي فشلة ماتتعاملوش معاها لتعديكم 
انا حتى مافهمتش ناس كتير اووووي سابوني ليه 
و الاسوء انهم سابوني فى وسط ما بفكر ابسطهم ازاي !! فيه خيبة كدة طيب 😂
و الانقح بقا انى لسة مش عارفه انساهم ولا انسالهم الحلو اللى عملواه زى ما برضو مش ناسية الوحش 
كنت فاكرة انى فاهمة اى حاجة فى الدنيا بس طلعت مش فاهمه ولا حاجة ولا عارفه ولا بقيت حتى قادرة اوصل لاى حاجة 
ف زهدت العالم زى ما هو زاهدنى و رميت طوبة كلل حاجة في الدنيا 
و قررت استسلم للفشل و الوحدة و الصديق الصامد ( الاكتئاب) 
. كلام فى الهوا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_63739 🇪🇬

منذ شهر واحد

شعور مستنزف

انا شخص اقدر اكون ملتزم ومنضبط جدا في الدنيا والاخرة وكله ب ارادة الله ولكن لما اقرر اني اتعلم حاجة سواء في الدنيا او في الاخرة ( ملحوظة انا اقدر اعمل روتين يومي فوق ال ٨ ساعات عشان اتعلم اي حاجة ومش بمل ) ولكن لما بعمل كدا بيجيلي وساوس اني لو بتعلم شيء دنيوي فهو حرام ( انا بحثت في مواقع موثوقة وسئل

Hazelnut_52786 🇪🇬 بص يا صاحبي، انت ربنا مديك نعمة الإرادة والمجهود، ودي حاجه كبيرة جدًا. الوساوس دي من الشيطان، هدفها تعطلك وتشوشك، فخد بالأسباب واشتغل واعمل اللي انت واثق إنه حلال وانت متوكل على ربنا. المفتاح إنك توازن بين الدنيا والدين، خليك ماشي في طريقك وانت مخلص النية، وربنا مش هيضيع تعبك

عرض الكل 8 نصيحة

Mango_25383 🇪🇬

منذ 7 أشهر

شعور متوتر

حَتَّىٰ إِذَا ضَاقَتْ عَلَيْهِمُ الْأَرْضُ بِمَا رَحُبَتْ وَضَاقَتْ عَلَيْهِمْ أَنْفُسُهُمْ وَظَنُّوا أَنْ لَا مَلْجَأَ مِنَ اللَّهِ إِلَّا إِلَيْهِ ثُمَّ تَابَ عَلَيْهِمْ لِيَتُوبُوا ۚ إِنَّ اللَّهَ هُوَ التَّوَّابُ الرَّحِيمُ ــــــــــــــــــــــــــــــــ عن احساس الآية دي... لما يكون كل الكون

Marshmallow_50156 🇪🇬

منذ 7 أشهر

شعور لا مبالٍ

"تخيّل أن إنسانًا ما يتذكَّر كلمات أثنَيت بها عليه؛ فيُقاوم انهياره أمام زهد الآخرين به ورفضهم له! تخيل أن إنسانًا ما مرَّت عليه ساعة ضاقت به الدنيا، فيذكرك ويهرع إليك وهو يعلم أنه سيعود من عندك بغير الوجه الذي ذهب به إليك، تخيّل أن يضعك أحدهم فوق جُرحه ... فيطيب!" 🤍🤍

Orange_13700 🇪🇬

منذ سنة واحدة

شعور Bad 😞

هتمشي في طريقك وغيرك يقابلك وغيرك يسيبك فتعود في نفس الليله وقتول على الخيبه ثقيله فتغيب والغيبه طويله...... زهد مصادفه بيتخفى يستنى اما تلف اللفه ويزقك من فوق الحافه يرميك على صوت ذكرى قديمه ويفتح اكثر في جروحك ويهد ملامحك وطموحك ويعيد من ثاني فلم السما

Strawberry_15754 🇪🇬

منذ سنة واحدة

شعور Okay 😐

"المؤمن في الدنيا كالغريب لا يجزع من ذلها ولا ينافس في عزها، للناس حال وله حال."🤍

Strawberry_75802 🇪🇬

أنا محتاجه أبويّا وانا مش لواحدي

طريقه يكون عندي بيها اب؟....انا عندي مشكله اني طول الوقت بدور على حد يعيشلي دور الأب ويحسسني أنه زي بابا حتى ف اختياري للناس ال يكونو معايا دا بياثر عليا ....علفكرا بابا موجود بس هو موجود لنفسه وبس ...رغم اني مبقيتش صغيره الا اني فعلااا مفتقده لكل حاجه ممكن اي اب بيعملها لبنته انا ادفع عمري كلو واحس مره واحده بس اني عندي اب واني مش لواحدي وكذلك ام بس انا مفتقده لبابا اكترررر ...لو في اب عاوز يتبني بنت انا موجوده ...عرض المزيد

3 الدعم

27 نصيحة

Sugar_75619 🇪🇬

مش عارفة أقول "لا" من غير ما أحس بالذنب

ساعات بلاقي نفسي بمشي ورا طلبات الناس من غير ما أفكر، وبوافق على حاجات مش عاوزاها علشان ما أحرجش اللي قدامي أو أزعله، حتى لو ده بيكون على حساب نفسي. ولو جيت أقول "لا" في مرة، بحس إني أنانية أو مقصرة. المشكلة إني مش عارفة إمتى يكون من حقي أقول "لا" من غير ما أحس بالذنب؟ وهل في طريقة أقدر أوازن بيها بين إني أرضي اللي قدامي وفي نفس الوقت ما أظلمش نفسي؟ ...عرض المزيد

6 الدعم

23 نصيحة

Coconut_73870 🇪🇬

طاقتي خلصانه وبجبر نفسي أشتغل عليا ضغوطات

حاسه ان طاقتي خلصانه ومش قادره اشتغل بس بجبر نفسي و بشتغل عشان مضطرة و عليا ضغوطات شغل جامد اوي و مش بتكلم عن ده مع حد بشتغل زي الحمار في ساقية و ده يجيبلي اكتئاب و كل يوم بيزيد عن التاني بس برضو مش بستسلمله وبشتغل بس منهكه اوي و تعبانه اني مش عارفه اعبر عن اللي تاعبني و معنديش طاقة للناس بس مضطرة برضو اتعامل فحاسه اني مش انا طول الوقت ...عرض المزيد

1 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع