زملاء شغل مزيفين

Carrot_52708 🇪🇬

منذ 5 أيام

شعور محبط

وانت يا زميلي الخلوق، اللي كل كلمة منك مغلفة بالابتسامة والوقار، شكراً إنك نبهتني إن "ماكونش Personal أوي" في تعاملاتي. فعلاً نصيحة من ذهب… هاحطها في الحقيبة جنب النصائح اللي بتتقال وخلاص. بس يا صاحبي، خد عندك حاجة: برغم نصيحتك العظيمة، مش هقولك على اللي بيتعبني. ومش هشاركك خططي، ولا حتى تفاصيل يوم

عبّر عن شعورك بشكل مجهول

بس يا صاحبي، خد عندك حاجة:
برغم نصيحتك العظيمة، مش هقولك على اللي بيتعبني.
ومش هشاركك خططي، ولا حتى تفاصيل يومي العادي.
ليه؟ ببساطة… اهتمامك بيا طلع زيها بالظبط: شكلي، سطحي، ومؤقت.

في البداية كنت فاكر إنك مختلف.
قلت يمكن في وسط كل الزحمة دي في زميل بجد عنده اهتمام حقيقي.
لكن مع الوقت، اكتشفت إن الكلام الحلو عندك مجرد ديكور،
والنصيحة مش دايمًا بتبقى للخير… ساعات بتبقى مجرد تدخل شيك.

وأما إنتي… آه، فاكرة الأيام اللي كنتي بتتصرفي فيها كإنك مهتمة بيا؟
كل كلمة، كل حركة، كل "هتغدى معانا" أو "أجيبلك حاجة معايا"…
طلعت مش اهتمام، ولا ذوق… طلعت مجرد شو.

أنا الغلطان… لأني صدقت.
قلت يمكن في ناس لسه بتتعامل بإنسانية.
لكن أول ما حاولت أرد بالمثل، فجأة اتقلب المشهد.
إنتي اتضايقتي، وكمان اشتكيتيني للمدير!
الاهتمام لما ييجي منك يبقى "رُقي" و"ذوق"،
ولما ييجي مني يبقى "تطفل" و"lack of professionalism".

هو إيه؟ أنا مراية أعكسلك اللي بتعمليه؟
ولا المفروض أكون متفرج صامت يتبسط من العروض المجانية من غير ما يرد؟

بس خلاص… فهمت اللعبة.
الموضوع مش حدود ولا احترام، الموضوع لعبة قوة.
عشان كدا… أنا بجد هتعامل معاكو شغل وبس.
وعرفت كمان ليه بتعاملوني بالشكل دا:
عشان اكتشفتوا إني بدوّر على شغل تاني.

فاللي عايز يظهر مهتم، يفضل مهتم لآخر المشهد.
واللي بيبتدي بالكذب… هو أول واحد بيتفضح.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_73524 🇪🇬

محتاجه راجل بطريقة فظيعه بعد طلاق 5 سنين

جماعه انا مطلقه من خمس سنين وكنت فاقده الشغف خالص وماؤه الرجاله لفتره كبيره دلوقتى حاسه ان محتاجه راجل بطريقه فظيعه محتاجه علاقه اوى اوى وطبعا مش متجوزه مش عارفه تسيطر على نفسي بس خمس سنين مسيطره ...عرض المزيد

5 الدعم

51 نصيحة

Marshmallow_64299 🇪🇬

مش عارفة اسيب حد خاين وبيؤذيني نفسياً

مشكلتي واضحه وحلها واضح كمان بس ديما في حاجه منعاني كنت بحب حد فجاءه اتغير وبعد كان خاين وكذاب وبيشتمني ومقصر ديما يقعد ثلاث شهور ويكلمني وبعدها بقت ايام ويكلمني يبعتلي عايز صوري وانا بعد زن منو ببعتها انا مش عارفه انا ضعيفه ولا اي بظبط مش عارفه اتخلي عنو بطريقه غريبه قلبي وجعني وبعيط كل يوم وهو بيروح ويرجه برحتو حصل بينا تجوزات فون كان بيكلمني ياخدها وخلاص بس حاليا لا يقولي اكلم حد واكلمك ويقعد بيومين ميتكلمش بس بيعمل ليك علي الاستوري الوتساب انا تعبانه منو او وعايزه اسيبو ومعتش افكر فيه واشوف حياتي بس مش قادره هو بيعتبر اننا مسبناش بعض ولا بيغير ولا اي حاجه ساعات لو جبت سيره راجل يدايق بس لما قولتلو انو حد قريبي اعترفلي بحبو عادي متحركش منو حاجه انا مش فهمه انا بجد محتاجه مساعده بتمني حد يفدني او اتحط في نفس موقفي ومش عارف يعمل اي ...عرض المزيد

1 الدعم

24 نصيحة

Mango_71162 🇪🇬

محتاجة أعرف ازاي أسيطر على نفسي وأقول لأ

و بعدين يا جماعه.....؟ و بعدين بجد..؟ هو ايه نهايه كل ده..؟ انا في دايره مغلقه و مش عارفه اكسرها ضيق، فراغ، وحدة.. بيأدي ل الموضوع ده علشان اهرب او البي مؤقتا الاحتياج ده.. و ده بيأدي ل ضيق تاني و اني خلاص معتش هكرر..بتيجي تاني الوحده و الفراغ..ف بتلف الدايره تاني. هو ازاي بجد بتعرفوا تقولوا لأ لما تبقوا محتاجين او عاوزين حاجه؟ ازاي بتسيطروا او بتقاوموا نفسكم؟ علشان انا والله تعبت و مش شايفه اي حل قدامي الا ان يشاء ربي شيئا حاسه ان مافيش نهاية.. مش هقدر اتخلص من انعدام سيطرتي علي نفسي.. هفضل كداا حسيت اني محتاجه طبيب نفسي.. كلمت كتير نسبيا يعني.. يا اما شمال يا اما معندهومش حل الا اني اتجوز يا اما هم فيك اصلا ع العموم الاونلاين مش مضمون انا اصلا مش عارفه مستنيه ايه من اللي كتبته و نزلته ده ليكم بس..... مخنوقه و الله اللي عنده اي حاجه يقول حتي لو برا الموضوع حاسه اني في عبث اصلا.. ...عرض المزيد

3 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع