رفق بالنفس

Cherry_16774 🇪🇬

منذ سنة واحدة

شعور شاعر بالملل

عبّر عن شعورك بشكل مجهول

حب نفسك 
حبك لنفسك مش هاييجي بالسهولة دي ،كلمة بتتكرر كتير وان لازم ندرك اهميتها وانا فعلًا مكنتش فاهماها ،حب النفس ده مش زي الحب اللي سميناه حب ل اول شخص اعجبنا بيه من ايام الثانوي،حب النفس مش بالسطحية دي tips and tricks فرقت معايا 🤓
-فضي وقت لنفسك زي ما بتفضي وقت لحد عزيز عليك واتكلم مع نفسك الحالية ونفسك القديمة وركز على نفسك القديمة واحضنها بصدق لانها كانت بريئة ونقية اوي ده هايساعدك تحبها لما تكبر ،دي بردو طيبة لان الاتنين نفس الشخص
-اخرج مع نفسك ،في الاول ممكن تحسها غريبة اول مملة بس بعدين هتتعود لان لما تحت ترافق نفسك وتخرج معاها وتقضي وقت حلو مش هتحتاج انك دايمًا تدور على حد تاني "يكملك" او "مثالي" تفضلوا سوا والخروج يقتصر عليه او عليهم،ببساطة هتعرف تفرح نفسك بنفسك في اي وقت،كون رفيق نفسك 
-عامل نفسك برفق، مش انت لما بتحب حد مش بتبقى عايز تزعله او تضايقه وتقسو عليه؟ طب ليه تعمل في نفسك كده ،محدش احن عليك من نفسك لان محدش فاهمك اكتر منك 
-اعرف انك قوي وعرف نفسك دايمًا ،اللي انت مريت بيه مش قليل حتى لو حد قالك او حسسك عكس ده ،انت استحملت حاجات كتير اوي ،حد بجد يزعل القمر ده اللي تعب كتير عشان يحقق حاجة عايزها او استحمل كلام مش المفروض كان يتقاله من ناس كانت قاسية عليه او مش فاهماه؟ حد بجد يزعل العسل الطيب ده؟
-افكارك دي مش انت افكارك دي مش انت افكارك دي مش انت
-اتعلم تقول لا،لكل شخص معايير خاصة بيه،لو حد طلب منك حاجة فوق طاقتك وغيرك قالك اعملها بس انت مش حاسس حتى لو بنسبة صغيرة خالص متجيش على نفسك ،انت معاييرك مختلفة انت مش حاسس انك عايز تعمل ده خلاص غيرك يوافق مش مشكلة لكن انت قول لا قول مش هقدر قول ده صعب اعمله،عادي انت مش كائن مثالي بيعمل كل اللي بيتطلب منه على حساب نفسه صدقني محدش عمره هايعرف انت ضحيت بحاجات قد ايه لمجرد انك تنفذ رغبة شخص،انت من وجهة نظرهم مجرد عملت طلب مايعرفوش ده خد منك ايه
-تبان غريبة شوية بس متستناش من حد كلمة حلوة او لو جبت لحد هدية تستناه يكلمك يقولك واو دي حلوة اوي او يقولك انا فرحت اوي وهموت من السعادة،انت كنت عايز تجيب او تعمل هدية لحد وعملتها خلاص ده لواحدة اللي يسعدك مش سعادة حد اللي تسعدك ،انت نيتك كويسة انك تهادي حد ده كفاية ،سعادتك هي تحقيقك ل ده ،لكن انت مش بتتحكم في سعادة حد متخليش ده كل تفكيرك
-واخيرًا حب نفسك لأنك والله تستحق كل جميل❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_26457 🇦🇪

قلبي وجعني من العلاقات اللي بتتكرر

كل شويه اتعرف علي واحد من ابلكيشان حواز وبعد كده فجأه يختفي معرفش ليه انا تعبت اخر واحد قعد يقولي انه معجب بيا وبشخصيتي وكان بيدور علي حد شبهي وفجأه بطل يكلمني ومش عوزهي مع ان محصلش حاجه انا حقيقي قلبي وجعني كل العوزه واحد اكمل معاه ويكون كويس انا مش بنت وحشه لا شكل ولا شخصيه بس فعلا ثقتي في نفسي بتتدمر كل شويه اكتر من القبلها معرفش عملت ايه ولا اذيت مين ولا ايه الحصل لكل ده ولا ايه اليخليني ديما اقبل ناس تأذيني كده بس انا مخنوقه اوي مقهوره قلبي وجعني امبارح قعدت اعيط كتير اوي والنهارده هموت واعيط بس قعده مع ناس فبحول امسك نفسي بس انا مش قادره ومقهوره وقلبي وجعني جدا بشكل مش طبيعي ...عرض المزيد

2 الدعم

31 نصيحة

Sugar_58980 🇪🇬

خايفة أبقى تقيلة على حد ويوم التخرج لوحدي

السلام عليكم انا حببت افضفض شوية اولا انا تقريبا طول عمري هادية بس مش انطوائيه و مش عندي صحاب كتير بس للاسف الاتنين اللي كانوا صحابي كان صحاب و سابوني بدون سبب مقنع يعني، أنا دلوقتي ٢٢ سنة و المفروض هتخرج السنه دي و كلهم عندهم صحاب ف الكلية و اتصوروا صور التخرج و انا حقيقي مش عارفه هحضر الحفلة ازاي انا بتكلم و بهزر معاهم عادي بس مش بحب افرض نفسي عليهم و اقولهم هخرج معاكم لاني دايما عندي شعور اني خايفه ابقي تقيلة علي حد و النتيجة اهو اني هكون لوحدي ف اليوم دا مش عارفه انا بكتب دا لي بس حبيت افضفض ...عرض المزيد

2 الدعم

19 نصيحة

Mango_22117 🇪🇬

دماغي عطلانه من التعامل وجها لوجه

التعامل وجها لوجهه غيرر بجد و حاسه منكتر مناا اتعودت علي شات مع كل معارفي بقت دماغي عطلانه بفكر ابطأ و باخد ردود افعال ابطأ و بفكر بمثاليه و بأوفر ثينك اجتماعياتي ادمرت و بجد بحاول انزل و اتعامل بس مش عارفه ارجع كويسه ...عرض المزيد

3 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع