رحلة تعافي

Broccoli_47609 🇪🇬

منذ شهرين

شعور متعب

"قرار منتصف الليل" كانت الساعة يمكن 2 ونص بالليل، وأنا قاعدة في سريري، حاسة إني تايهة. النور الخفيف اللي طالع من الموبايل على وشي مش بيغطي على الإحساس اللي جوايا… إحساس بالذنب، بالحزن، بالضعف. أنا عارفة إني مش مرتاحة، كل مرة بقول "دي آخر مرة"، وبرجع. بحس إني في دايرة مش عارفة أخرج منها. العادة الس

عبّر عن شعورك بشكل مجهول

"قرار منتصف الليل"

كانت الساعة يمكن 2 ونص بالليل، وأنا قاعدة في سريري، حاسة إني تايهة. النور الخفيف اللي طالع من الموبايل على وشي مش بيغطي على الإحساس اللي جوايا… إحساس بالذنب، بالحزن، بالضعف.

أنا عارفة إني مش مرتاحة، كل مرة بقول "دي آخر مرة"، وبرجع. بحس إني في دايرة مش عارفة أخرج منها. العادة السرية بقت حاجة بتلاحقني، مش بس فعل جسدي… لأ، دي بقت هروب. كل مرة بعمل كده، بحس إني بهرب من مشاعري، من وحدتي، من فراغي، من كبت سنين.

بس أنا تعبت. تعبت من الشعور اللي بعد كده… تأنيب الضمير، إني مش على طبيعتي، إني بخبي حاجة حتى عن نفسي.

وقفت يومها قدام المراية، بصيت في عيني وقلت لنفسي: "أنا مش ضعيفة. أنا بس محتاجة أكون حقيقية مع نفسي."

كتبت في ورقة، وأول مرة أكتب بصدق:

أنا عايزة أبطل علشان أرتاح.

علشان أحس إني أقرب لربنا من غير ما أهرب من نظرة نفسي في المراية.

علشان أحب جسمي وأحترمه.

علشان أعيش حرة، مش مقيّدة بشيء بيخليني أضعف قدام نفسي.

بدأت ألاحظ إيه اللي بيخليني أوصل للحظة دي: أوقات الفراغ، المحتوى اللي بتابعه، الملل، أو حتى لما ببقى متضايقة ومش قادرة أتكلم مع حد. فقررت أغير. خطوة صغيرة كل يوم. أقلل الوقت على السوشيال ميديا، أخرج من أوضتي وقت ما أحس إني هضعف، أتكلم مع ربنا حتى لو بكلمات بسيطة.

أنا لسه في أول الطريق، ولسه بتعثر… بس في فرق كبير بين إني أقع وأنا بحاول أقوم، وبين إني أستسلم وأنا عارفة إن ده مش اللي أنا عايزاه.

أنا قررت… قررت أختار نفسي.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_30697 🇪🇬

بحط كال طقتي في العلاقة ومش بلاقي نفس المعاملة

انا شخص بحط كال طقتي في علاقتي مع الشخص التاني وي ديمن بحول اكون الطرف الي بيدي طاقه ايجابيه وي اسعاد الشخص الي قدامي بس ديمن مش يلاقي كده من الشخص الي معايا فا لو حد كده ممكن يبعت انا ١٩ سنه 2007314mmm2007314mmm2007314mmm2007314mmm2007314mmm2007314mmm2007314mmm2007314mmm2007314mmm ...عرض المزيد

0 الدعم

0 نصيحة

Coffee_70899 🇪🇬

خيانة القرايبي وأحلام بتتهد قدام عيني

في عالم واقف فيه لوحدي معيش فيه غير معية الله تعرضت لخيانة و كره قرايبي اللي اسمي علي اسمهم من اول يوم نزلت من بطن امي خذلان في أهم مواقف في حياتي و لكن قادر اتحمل بان ربنا جعل الوالدان و اخواتي موجودين لكن في لحظات الضعف ممكن محسش بالنعمه دي في الاخر انا انسان كل صاحب بعدي عليه بيبقا مواقف صادف القدر أننا اتحطينا فيها شبه بعض لكن لما يعدي الموقف بنرجع كأننا غرباء عن بعض لحظات المجد اللي كنت فيها خلصت انا دلوقتي يمكن يبقا من اسوء لحظات حياتي لحظات الفشل و الالم بتعاتب كل يوم علي شئ مش في أيدي مشكلتي اني عندي طموحات و احلام كتير لكن كشاب ولد في الوطن العربي لازم اشوف كل طموح و كل حلم بيتهد قدام عيني واحد ورا التاني ...عرض المزيد

0 الدعم

0 نصيحة

Durian_59874 🇪🇬

لو حد كان بقتلك عشان ورث ومحدش واقف معايا

لو حد كان بقتلك عشان ورث وا لمي فشل ونتاه عشت بي الصدفه بعد ما كنت ميت وا اتعزبت بي العلاج شهور كتير وا هوا بيحاول يعيد الكره وا مفيش حد واقف معاك وا امك وبقيت اخواتك بيدعموه وا ابوك غير مبالي كنت هتعمل اي ...عرض المزيد

0 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع