ذكريات طفولة

Lemon_50969 🇪🇬

منذ شهر واحد

شعور لا مبالٍ

Toast_57636 🇪🇬 انا فاهم كل الكلام بس مش فاهم حاجه انت عملتى كل دا ازاى واقتنعتى بكلامهم ازاى

عرض الكل 11 نصيحة

عبّر عن شعورك بشكل مجهول

من وانا صغيره وانا كنت بعمل حاجه غريبه وانا صغيره مكنش عندي اصحاب فكنت عيله عندي 4 سنين كده السبب اني مش عندي اصحاب هو أن مدرستي بره البلد الي انا قاعده فيها أو المدينه بشكل اصح فصحابي كانو فالمدرسة بعيد المهم بقي الحاجه الي كنت بعملها اني صنعت أصحاب حرفيا جبت ورقه ورسمت شخصيات واديت لكل شخصيه اسم ولبس ومميزات وعيوب وصوت حتي ومش بس كده انا حطيت عليهم لعنه سندريلا😂 وخليتهم حقيقيين وبقيت بتعامل معاهم انهم أشخاص حقيقيه واقفه قدامي كنت بستني اهلي ينامو بليل واقف ف البلكونه استني اصحابي وكنت انزل افتحلهم الباب واطلعهم واعملهم عصير وشاي حرفيا ونفضل نتكلم وننضف الشقه كل ده انا لوحدي بس انا معتقده أن في ناس معايا واوقات شغل بابا بيكون بالنهار ويجي الساعه 12 بليل ف مكنتش بعرف اجيب اصحابي البيت فكنت بحاول ااخر بابا وافضل ارن عليه من فون ماما ومره اقوله هاتلي سي فود دلوقتى ومره اقوله عايزه بيتزا عشان يتأخر واقعد مع صحابي ومره بقي قولتله هاتلي شيبسي وعصير وقولتله محل معين فالبلد يجيب منه معرفش ابويا كان مستحملني ازاي فلما قولتله كده صحبتي الكوافيره قالتلي انتي لازم تقصي شعرك ومش اي قص انتي تعمل قصه من قدام شبه بتاعت دورا الي فالكرتون فأنا عجبتني الفكره بصراحة فمسكت شعري من النص ورحت قصيته وشعري كيرلي وانا كنت شداه فلما سيبته بقيت قرعه من نص دماغي فعشان اداري الجريمه قبل ما بابا ييجي رميت الشعر الي قصيته فالشارع ولبست طرحه علي شعري فبابا عارف اني مهبوله مهتمش الطرحه وكلت ونمت عادي جداً صحيت علي قلم علي وشي من امي لانها نزلت الصبح لقيت شعري الي مرمي فالشارع ده وطلعت لقت واحده قرعه نايمه ففضلت تزعقلي وحتي الان شعري مطولش اوي هو مجرد القرعه راحت بس ومره بقي صحبتي التانيه قالتلي تعالي نجرب الحاجات الي بتيجي علي ام بي سي3 فالحماس خدني وجبت طرحه ماما الي كنت بغطي بيها القرعه كانت لسا موجوده برضو ولفيتها علي رقبتي وشديتها بكل قوتي عشان اعملها شال وكنت بتخنق ف بنادي صحبتي الفاسده لقيتها نطت من البلكونه ف سرعه البديهه عند طفله عندها 4 سنين رحت جبت المقص وقولت افكر قليلا من الوقت قبل ما اقصها ولقيت نفسي بشد طرف الطرحه وفكيتها فقولت لنفسي شكرا ورديت قولت عفواً عشان مؤدبه وكده ومره ليله الوقفه كنت عايزه اعمل سلسله جبت كل السلاسل واي عقد عندنا ف البيت وقطعتهم كلهم عشان اجمعهم واعملهم سلسله المهم طلعت شكلها معفن وطلعت اطول مني وماما صحيت لقتني فالصالون والنور مطفي هي شايفه دبانه قاعده فالارض بس ففتحت النور لقتني طبعا كان عيد اسود عليا وتقريبا جلدتني 250 جلده كل ده بسبب اصحابي الخايليين حسبي الله ونعم الوكيل عليهم ربنا ينتقم منهم المهم زعلت منهم وقطعت الورقه الي كنت رسماهم فيها وعملت شخصيات جديده بس دول موصلوش غير لما بقيت 12 سنه تقريباً كانو ف كندا ولا حاجه المهم بقا كانو بيخلوني اجيب البلونات وهي فيها زي استك صغير مكان ما بتتربط كانت صحبتي بتقولي اجيب بالونات وأخد الاساتك دي والبسها ف ايدي كانو حوالي 30 استك فلبستهم لقيت ايدي بقت زرقه واتجمدت فحاولت اتذكر لو خدت حاجه بالمنهج شبه كده بس ملقتش فقولت اكيد هموت ونمت وطفيت النور وبعدين لقيت صحبتي الصالحه بتقولي قومي بسرعه فقومت قطعت الاساتك بالمقص ونجوت من صحبتي المعفنه تاني يوم كنت واقفه جمب اللبن عشان امي متجلدنيش ف لما اتغلي شيلته وسبت النار وكنت سرحانه معرفش ف ايه عيله قرعه عندها 12 سنه المهم جبت ورقه وحطيتها علي النار واكتشفت حاجه حلوه  ياريت محدش يجربها وأنها بعد ما الورقه اتحرقت لما جربت احرق الورق المحروق لقيته بينور نور ابيض كده عجبتني موتت وفضلت اجيب ورق واعمل كده وناديت اخويا يعمل زيي اخويا كان اكبر مني بسنه بس بدماغ كلب جاب الورقه وبيقولي بصي دي لقيت دي الي بيورهالي ماسكه فبنطلوني وانا بقا من الصدمه ببصله وابص للبنطلون ومستنيه النار تقف لوحدها واخويا أدرك المصيبه ف طفي النار وغرقني مايه وانا بقا من الصدمه طلعت اعيط علي سطح بيتنا المخيف وماما كانت برا البيت وانا مقتنعه أنها لو جت وشافتني هتجلد 350 جلده فطلعت اعمل طقوس غريبه علي السطح واني قعدت فنص السطح وبقول امي هتموتني يالهوي وكل شويه اعلي صوتي ف امي جت وانا نزلتلها وانا بعيط عشان اصعب عليها وكده بس لطشتني كفين بال350 جلده دول المهم بقي نتيجه افعالي واصحابي المريبه دول جايه عليا دلوقتي ولقيت صحابي كلهم الي قطعتهم والي نسيتهم عاملين حمله لم شمل وجايين يرخمو عليا يقفلولي النور يرزعولي فالابواب ينزلو يغنو ويرقصو فالشارع وعيال مزعجه يعني بييحو بليل عشان ببقي فبيت تيتا بليل وتيتا نايمه ف عارفين اني لوحدي بييجو يقضو معايا الاجازه ويمشو وبصراحه مزعجين انا كنت طفله بعقليه حمار وانا صغيره دلوقتي بعقليه كلب اه بس انا نسيتهم( اتمني متتنمروش علي قرعتي)

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Biscuit_57641 🇪🇬

منذ شهر واحد

شعور قلق

السلام عليكم انا كنت زغير يعنى الكلام ده فى ٢٠١٣كده كنت فى ٥ابتئى كانت فى بنت جرتنا وبعتبرها اختى عادى كنا بناخد درس سوى طول السنه و كانت اشطر وحده والمستر كان بيوقفها على المجوعه بتعتنا كنا حوالى ٧ طلاب ودائما كنت انا مشاغب وتكتب اسمى وتحلف تقول للمستر وفى الاخر متقلش عادى لحد ما فى اخر السنه جه مع

Sugar_29387 🇪🇬 انت سامح نفسك، وهي هتلاقيها نست الموضوع اساسا

عرض الكل 4 نصيحة

Banana_56622 🇪🇬

منذ شهر واحد

شعور مضحك

موضوع:

ايه السر اللي عمرك ما طلعته لحد؟!

زمان وانا صغير عندي ١٧ سنه سرقت عربيه ابويا وطلعت خمست بيها وانا بخمس العربيه خبطت في الرصيف وانقلبت علي جنبها المهم الناس اتلمت والحمدلله طلعت منهم كويس والناس كتر خيرها عدلت العربيه ورجعتها مكان ما ابويا كان راكنها بس كان في مشكله أن المرايه اتفشخت والبابين والرفرف اتبهدلو شويه بس ساعتها عملت نفسي

Pistachio_56152 🇪🇬 الله يرحمو

عرض الكل 1 نصيحة

Avocado_47020 🇪🇬

منذ 3 أشهر

شعور ضائع

لو حد بيشوف مسلسل لام شمسيه .. هو ياسين كدا ضحيه تحرش برضو و ممكن يعاني نفسيا زي يوسف ؟ من اول ما شوفت المسلسل و الفيديوز اللي بتتكلم عن الموضوع و انا حاسه اني حصلي حاجة زي كدا بس مش فاكراها عصرت مخي و للاسف بعد حلقة النهاردة افتكرت.. بس مش اوي انا فاكره اني كنت بلعب لعبة سر مع ولد قريبي اكبر مني بس

Sugar_44866 🇪🇬 هيعدي عليكي مواقف كير بس لازم تتجنبي كل الكلام ده وتجمدي وتطلعي الحاجه دي من دماغك ومتفكريش فيها علشان متعنيش نفسيا

عرض الكل 2 نصيحة

Ice Cream_20764 🇪🇬

منذ 4 أشهر

شعور لا مبالٍ

*انهارده قابلتني وانا صغيره ف كافيه* هي وصلت بدري شويه عشان متحمسه وانا وصلت فالمعاد بالظبط عشان مبحبش التأخير ولا الإنتظار هي كانت لابسه فستان قصير جديد وفرحانه بيه وماما عملالها تسريحه جميله ف شعرها الناعم وانا كنت لابسه بلوزه واسعه وبنطلون واسع وطرحه هي طلبت عصير مانجا وانا طلبت شاي بلبن وأخد

عبّر عن شعورك بشكل مجهول

*انهارده قابلتني وانا صغيره ف كافيه*

هي وصلت بدري شويه عشان متحمسه وانا وصلت فالمعاد بالظبط عشان مبحبش التأخير ولا الإنتظار

هي كانت لابسه فستان قصير جديد وفرحانه بيه وماما عملالها تسريحه جميله ف شعرها الناعم وانا كنت لابسه بلوزه واسعه وبنطلون واسع وطرحه

هي طلبت عصير مانجا وانا طلبت شاي بلبن وأخدت مني شويه

كانت مستغربه إني بضحك من غير ما أخبي سناني بس قولتلها ان الأسنان الوحشه وقعت وجيه غيرها حلوين عشان سمعت كلام ماما وإني بقيت بحب ضحكتي
كانت مستغربه برضو إني لسه لابسه النضاره قولتلها أنها بقيت جزء أساسي مني وإني م عايزه اعمل العمليه عشان مبحبش شكلي من غيرها ف أتضايقت شويه

سألتني لسه إجتماعيه وبتحبي الناس وكلهم صحابك قولتلها بقيت إنطوائيه شويه ومبقيتش بتعرف علي ناس جديده بسهوله بس لسه فرفوشه وقعدتي حلوه وتتحب

وسألتني بقي عندي صحاب بيحبوني زي ما بحبهم ولا لسه في منهم بيضايقني بس قولتلها إننا اتصاحبنا علي كتير أوي وإني اتعلمت كتير برضو وفالأخر ربنا كرمني ب أختين م مجرد صحاب مدرسه او دروس وإني محبوبه من معظم الناس فحياتي وبحبهم كلهم واني بعرف أخد حقي لما حد بيضايقني

قالتلي لسه بتحبي المدرسه والمذاكره وشاطره فيها قولتلها أن معندناش مدرسه السنادي وإني ف أصعب سنه دراسيه وإن مستوايا بيقل وخايفه محققش هدفي..

سألتني أخواتي كبرو وبقينا بنلعب مع بعض كتير قولتلها أنهم كبرو ومبقيناش بنبطل خناق طول اليوم والوضع بيننا بيسوء

سألتني عن بابا لسه بيحب يصورني طول الوقت ويغني معايا قولتلها أنه بقي شايف إسلوبي وحش وإني اتغيرت للأوحش بس عادي يعني

سألتني جيبنا قطه ولا لسه ماما م موافقه قولتلها أن ساندي معايا بقالها أربع سنين وإنها خلفت وجابت قطاقيت صغننين وفي واحد منهم مات والباقي معرفش حاجه عنهم غير توتا اللي معايا فرحت أوي وإتضايقت فنفس الوقت

قالتلي أنها فخوره بيا وبكل حاجه حصلتلي وعديت بيها وقالتلي سلميلي علي ماما وبابا واخواتي وبنات خالتي وأهم حاجه أنها حضنتني قبل ما تمشي مع أني كنت عايزه القعده تطول اكتر من كدا.

م حابه فكره التريند سِنه بس وير إز ذا بروبليم لو جربت يعني🤨

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Peanut_51983 🇪🇬

منذ 4 أشهر

شعور خجول

ورايا كوم حاجات بس جات علي بالي ذكرى قولت ولله لاعمل استوري تايم (انا بحب الفقرة دي اوي 😭) المهم الاستوري تايم عن عشوائيات طفولتي كلاكيت تالت مره كلنا ايام ابتدائي كان في قصص حب ولفلفه سوى بينكم وبين حد في الفصل او بين اتنين تانيين انا بقا كان في قصتين حب في فصلي واحده يعني قصة حب منطقية بين م

عبّر عن شعورك بشكل مجهول

ورايا كوم حاجات بس جات علي بالي ذكرى قولت ولله لاعمل استوري تايم (انا بحب الفقرة دي اوي 😭)

المهم الاستوري تايم عن عشوائيات طفولتي كلاكيت تالت مره

كلنا ايام ابتدائي كان في قصص حب ولفلفه سوى بينكم وبين حد في الفصل او بين اتنين تانيين

انا بقا كان في قصتين حب في فصلي واحده يعني قصة حب منطقية بين مسلم ومسلمة والتانيه بين مسلمه ومسيحي آيوه زي ما قريتو 🤣
انا بقا هاكلم عن المسيحي والمسلمة 
مش عارفه ابدأ منين لأن ليها زوايا كتير اوي بس نبدأ من أول ما عرفنا بحبهم 😂😂
المسيحي ده بصراحة كان الجان بتاع الفصل والمدرسة وبيطلع الأول وبيعزف في طبور المدرسة يعني اي بنت تتمناه وكمان كان بيعمل ورق علي شكل مراكب وركزو في دي 😂😂
كنا اوقات النشاط بتغير الاماكن و واحده مننا قاعدت مكان البنت دي ولقيت مركب في درجها وإحنا بنات الموضوع مش هيعدي بالساهل علينا 
فضلنا مركزين معاهم انا عن نفسي الاخبار كانت بتجيني وانا في مكاني اختكم ليها عصافير كتير 🤭
واكتشفنا انهم بيتقابلوا وراء الحمامات بتاعت المدرسة علاقة نجسه 😂
واحدى البنات لقيتو بيلبسها خاتم وإحنا شوفنا في ايدها متسرحوش خاتم من ورق النتن 
المهم مع الوقت هما عرفوا اننا عارفين فبقى بيديلها المراكب في الحصص قدمنا لحد بقا ما قفشتهم مس الرياضة ومس الرياضة أصلا مرات عمها 😂😂
ولقيتو كاتب في الورقة اشعار وغزل مقولكوش كأنو حديث المدرسة كلها و اتاخدوا علي المديره والبنت فضلت مده مش بتاجي وعرفنا ان مرات عمها قلبت الدنيا عليها في البيت 
ولله أنا شخصيا نو كومنت يعني سايبه التعليق ليكم 
وعلي فكرة انا مدرستي كانت حكومي مختلطه وما أدراكم عنها 😭

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Peanut_51983 🇪🇬

منذ 4 أشهر

شعور خجول

كنت بحكيلهم استوري تايم علي السفره فميغلاش عليكم احلي استوري تايم عن طفولتي المتشرده طبعا كلكم عارفين شلة المتنمره في كل مدرسة والمتعارف عليه انها دايما بنات بس لا مدرستي كانت غير والشله دي كانت ولاد وكانوا معايا في نفس الفصل فيوم جم يتنمرو عليا انا أسكت طبعا لا مسكت زعيمهم و رنيتو علقة وده مش عشا

عبّر عن شعورك بشكل مجهول

كنت بحكيلهم استوري تايم علي السفره فميغلاش عليكم احلي استوري تايم عن طفولتي المتشرده

طبعا كلكم عارفين شلة المتنمره في كل مدرسة  والمتعارف عليه انها دايما بنات بس لا مدرستي كانت غير والشله دي كانت ولاد وكانوا معايا في نفس الفصل فيوم جم يتنمرو عليا انا أسكت طبعا لا مسكت زعيمهم و رنيتو علقة وده مش عشان أنا نينجا ولا مفتريه بس الولا كان سفروت أصلا وعاوز اللي يتنمر عليه المهم عبال ماستوعبو اني ضربتو ولسه هيجرو ورايا كنت انا قولت يافكيك ولحسن الحظ كان جرس الفسحه رن لفيت شويه و روحت ناحية الكانتين في أمان الله لقيتهم مستنيني وعشان تتخيلو معايا المنظر انا مدرستي في النص يعني قدمها الملعب وعلي يمينها كانتين وعلي الشمال الحمامات 
انا بقا جريت نحية الحمامات عشان الف من وراء المدرسه وارجع اشتري من الكانتين 
وده إللي حصل انا اجري و واحد يجري وريا لحد ما وصلت ولقيت باقي الشله مستنيه علي الناحية التانيه انا قولت خلاص هيكسرو عضمي كان قدامي المعمل وعلي يمني مكتب الاخصائية وسلم علي الشمال واقصي الشمال مفروض المكان بتاع الكانتين ولحسن الحظ تاني جرس انتهاء الفسحه رن قومت جارية علي السلم وإحنا في المدرسة بين الطلبه قانونين الأول إن البنات هي اللي تطلع السلم او تنزل الأول والولد اللي يعدي ينداس 😂😂😂
التاني ان لو ليك حق تخلصو وإنت في المدرسة يعني جو استناك برا المدرسة لا يا تاخد حقك يتقال عليك سوسن لاخر السنه 😂😂
والحمدلله اتقال عليه سوسن 😂😂

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.