دعم أسري

Mango_65779 🇪🇬

منذ أسبوع واحد

شعور محبط

مساء الخير للاسف انا كنت مريض بالفشل الكلوي والحمد لله عملت عملية زرع كلي بس بقالي فتره نفسيتي متغيره مابقتش احس باي مشاعر سواء فرح او حزن الاحساس الوحيد اللي بحس بيه الغضب وللاسف كل اللي حواليا مراتي واهلي كبهم بيقوليلي دي فتره استحمل معلش رحت لدكتور نفسي قالي انت عندك اكتئاب وكتبلي دوا وكل اللي حو

Cherry_48485 🇪🇬

منذ 4 أسابيع

شعور مكسور القلب

Mango_29955 🇪🇬 كلها دي عالم مريضه هدفها بس ان انت تفشلي لأنهم شايفينك احسن منهم

عرض الكل 4 نصيحة

عبّر عن شعورك بشكل مجهول

أنا مش عارفة أبدا مشكلتي منين ولا ازاي بس أنا كنت بتعرض للتنمر وأهلي ولا كانو عرفين يدعموني او يقولو الكلام المعتاد دول غيرانين منك او كدة كانو بيقولو لي اني ناقصة واتقبل كدة ويتكلموا مع بعض انهم يتمنو الناس المتنمرة يبقوا بناتهم أنا دلوقتي مبقتش عارفة قيمتي اطلاقاً وبقيت باخد قيمتي من حاجتي يعني كنت عايزة ادخل طب عشان دي اعلي كلية بس ربنا أراد وجبت ذكاء وكنت بحسب نفسي كدة مهندسة فيه ناس قالو لي ولا تخدعي نفسك انتي ولا مهندسة ولا حاجة ولا هيتكتب في بطاقتك مهندسة حسيت بإحباط جامد أنا كان نفسي ابقي مهندسة او دكتورة عشان يبقي لي قيمة ودي حاجة مضايقاني اوي ان قيمتي وسعادتي متغيرة يعني ازاي لو أنا حد قال لي كلمة حلوة افضل طول اليوم نشيطة ومركزة وبضحك وكذلك لو كنت مع حد اقل مني واحس بثقة جامدة خالص لدرجة التكبر ولو حد قالي كلمة وحشة افضل قاعدة مكاني وولا اعمل لي حاجة ومش مركزة ومش بتكلم ولا بتفاعل وبردو لو كنت مع حد اعلي مني وتبقي الغيرة وكلاني تعبت من كتر ما أنا حاسة نفسي شفافة والبشر كلهم في مقارنة معايا وياما أتكبر وياما أغير الاتنين بيخلوا الناس تنفر مني والاتنين تعبوني أنا مش عارفة أصلا المفروض اخد قيمتي من إيه أصلا بجيب موبيلات عالية ولما أشوف اللي اعلي احس اني مليش قيمة وعايزة اجيب الاعلي ولو مقدرتش ادخل في اكتاب فيه ناس كتير اقل مني في الكلية والموبايلات والناس بتحبهم اكتر مني وانا عارفة ان قيمتي مش بممتلكاتي بس مش عارفة قيمتي بايه وإزاي احس بقيمتي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Onion_61988 🇪🇬

منذ شهر واحد

شعور عاطفي

Blueberry_61982 🇪🇬 انت اثبت اني عقليتك ثمينه فعلا نادر اوي اني حد يفهم دا ويعمل حدود لنفسوا ف ظروفك الا انت مريت بيها وف عز ما انت كنت فعل لاغي عقلك وكمان تبعد عن صحابك انت جمعت قوة وإرادة وشجاعه كله مرة واحده بجد ماشاءالله عليك وباباك اكيد فخور بيك ومرتاح هتفضل قصص المدمنين ملهمه بالنسبالي ❤️

عرض الكل 2 نصيحة

عبّر عن شعورك بشكل مجهول

انا شخص اجتماعي جدا و الحمد لله اصحابي كانو كتير اوي و علاقتنا مع بعض اكتر من اصحاب و اخوات...لكن لما بطلت المخدرات بدل ما اموت مكنش قدامي اختيار غير اني ابعد عن كل اصحابي بلا استثناء او ارجع اضرب تاني و احاسب على الفاتورة كاملة و مين عارف اذا كان فيه فرص تاني او لا ...المهم في لحظة ادراك كدا اكتشفت اني ما شاء الله علاقاتي كلها ناس بتاخد مخدرات منهم الكويس و الوحش و اللي ساعدني و اللي ساعدته و كل ما تتخيله...لكن تيجي تقولي سيب كل ده ورا ضهرك و اكسب ناس جديدة لان رجوعك لمصدر حساسيتك تاني هيرجعك تضرب تاني....مكنش عندي اختيارات و كنت مستاء جدا لكن الحمد لله ربنا عوضني بناس مكنتش احلم اني اعرفهم ....احيانا لما بشوف اصحابي صدفة و بتجاهلهم بحس بحنين كدا و بتخيل نفسي وسطهم بس بفكر نفسي بالدوامة و اني مختلف و ان ضربي ممكن يموتني ف اي لحظة و فهمت ان حياتي اهم من اي اعتبارات تانية و ربنا مش هياخد منك حاجة الا و تاكد انه هيرجعلك احسن منها....حتى اخر فتره ف الضرب كنت بحب بنت جدا و بنيت احلامي كلها و احنا مع بعض و وعدتها اني ابطل مخدرات و مامتها مش بتحب السجاير قولتلها حاضر هحاول ابطلها بردو  و لما نفذت وعدي بفضل من ربنا هي سابتني🫡لكن النهاردة مبسوط بده لانها بردو كانت من ضمن العوامل اللي ساعدتني اخد القرار و كمان عرفت عنها اخبار الفتره دي بحمد ربنا اننا مش بعض دلوقتي و رجعت كلمتني تاني و انا هربت بشياكه...ليا ٣ اخوات علاقتي بيهم مكانتش احسن حاجة لكن لما غرقت هما اللي ساعدوني اطلع و علاقتنا النهاردة مترابطة جدا جدا جدا و طبعا ابويا و امي اللي مسابونيش لحظة مساعدونيش فيها حزين اني فقدت والدي و انا ٨ شهور تبطيل اه ملحقش يفرح بيا لكنه الحمد لله اتطمن اني كويس و انا مازلت مش مقتنع انه مبقاش موجود لكن بدعيله كل يوم و بطمنه ابنك مكمل يا بابا و هيعمل اللي يقدر عليه عشان يفضل كويس مش كنت كل يوم بتصبحني بكلمة (ربنا يكرمك يا ابني و يوفقك) انا يا بابا ربنا كرمني و بطلني و كمان شغلني متقلقش دعائك ليا وصل بفضل الله ثم فضلكم عليا وليس مجهود مني انا  هعمل اي حاجة اقدر عليها في مقابل اني اساعد اي حد مر بظروفي...طولت عليكم اعذروني بس جوايا طاقة متفجرة كتيرة 🙏😅....اللي عايز اقولو ان الامل ديما موجود و التغيير مش شئ مستحيل و انك تفهم نفسك متاخر مش مشكلة المهم انك فهمت و انت تبطل تصب احكام على نفسك قبل الناس ده هيحصل مع الوقت و وعيك هيكبر يوم بعد يوم...و انك تتعلم تقول لدماغك لا ده يمكن من اصعب الحجات اللي اتعلمتها في حياتي لاني ديما كنت فاكر دماغي دي الجوهرة الثمينة لكن اكتشفت انها دماغ تعبانة كانت محتاجة اعادة ترميم و مش بتجبلي غير اصوات كلها سلبية فكنت محتاج اسمع كلام من ناس برايا توجهني صح و تكون مرت بنفس ازمتي و يسلفوني ثقتي في نفسي لحد ما صدقت في نفسي و وثقت فيا و وقفت تاني على رجلي عملو معايا كل ده بدون مقابل مجرد بس عاوزين يشوفو احمد كويس....يلاهوي بجد يا جماعة مش عاوزين مني حاجة ازاي طيب😅...مش هقدر اوصف معنى الامتنان لربنا و لاهلي و للناس اللي دخلت حياتي مؤخرا كانت سبب في تغيير حياتي للابد جزاكم الله خيرا عني و مش ناسي ابدا فضلكم عليا بجد ممتن ❤️

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_57709 🇪🇬

منذ شهر واحد

شعور مرتبك

Hazelnut_55690 🇪🇬 بصي يبنتي هو انا عندي بايبولر و ADHD برضو واتعلمت شوية طرق اني اقدر اتعايش معاهم واقدر اتعامل معاهم بس ده ك فترة مؤقته لكن لازم كدا كدا نتابع مع دكتور فلوس حابة اساعدك بأي حاجة من طرق التعامل قوليلي والله المستعان وربنا يقوينا ❤️

عرض الكل 31 نصيحة

عبّر عن شعورك بشكل مجهول

انا متشخصه بمرض نفسي اسمه بايبولر او ( ثنائي القطب) بس كان تشخيص مبدئي يعني كان بيني وبين دكتوره اون لاين وكده وكنت تبعت مع كذا دكتور عشان اتاكد ان انا عندي ولا لاء وتاكدت ان انا عندي بايبولر او ( ثنائي القطب)  بس طبعا كل الدكتورز اجمعت ان لازما اتابع معاهم في عياده وكده عشان اخد تشخيص النهائي بالتحاليل و يعرفوا هو من الدرجه كام عشان يعطوني الادويه المناسبه وكده وبردك يعني  عشان يتاكدوا بس طبعاً نظرا ان انا اسرتي مش معترفه بحاجه اسمها مرض نفسي وكنت كل مره كنت بقول انا عندي مرض نفسي اسمه كذا كانوا بيتريقوا عليا وطبعاً يعني شغلي بقى انتِ مجنونه وكده لا انتِ بتدعي المرض والجو ده وطلبت كتير قوي منهم ان انا محتاجه اروح لدكتور نفساني انا تعبانه بس مع الاسف بسبب قلة الوعي  ما حدش حاول معايا حرفياً انا تعبانه جدا بسبب المرض النفسي ده تعبت من كتر التقلبات المزاجيه اللي بتحصل لي تعبت من العياط اللي بيعيطوا من دون سبب وتغير المود بطريقه فظيعه من تناقض في الشخصيه واتخاذ قرارات وبندم عليها حاجات كده يعني تحس ان انا كنت بتنقل بين شخصيتين ومودين مختلفين عن بعض تماماً، مع الاسف حصلت لي شوية مشاكل مع اهلي خلوني ان انا ابعد وما تابعش مع الدكتوره اللي انا كنت بتابع معاها اون لاين حالياً محتاجه متابعه مع دكتور وكده بس انا مش لاقيه اي حد من اسرتي صدقني ويقتنع باللي انا اقوله وان يدعمني في الموضوع ده وان ما يقعدش يستهزا او يضحك عليا بس مع الاسف يعني قدري كده المهم انا طالبه نصيحه من اشخاص متشخصه او بتعاني او عندها تجارب مع مرض بايبولر او( ثنائي القطب) ممكن يساعدني ان ازاي اتعامل ده غير ان انا سني صغير لان بجد انا تعبت من المرض ده بجد ومش عارفه اتعامل ازاي معاه ؟!

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Potato_47979 🇪🇬

منذ 8 أشهر

شعور متوتر

أنا بنت عندي 13 سنه و عندي توتر و قلق غير طبيعي من اني صغيره و المشكله اني بتوتر حتى لو قاعده و مفيش اي حاجه و كل لما اقول لحد من اهلي يقول عشان انتي في مرحله تكوين وعي و عايزه آخد رأيكم ابدأ خطوه العلاج النفسي ولا لا

Sugar_46960 🇪🇬 لا يا قلبي الحكايه مش مستهله انتي اتعلمي عادي متحطيش الحوار في دماغك وركزي في مذكرتك

عرض الكل 6 نصيحة

Cookies_37733 🇪🇬

منذ 8 أشهر

شعور مرتبك

جماعه اختي عندها 15سنه وبتقطع في شعرها من الجدر وتقعط تشد فيه كتير بس بشكل هادي اويي ولما لحظنا دا وسالنها قالت م عارفه انا بعمل كدا ليي بتعمله تلقاءيا انا خايفه عليها اويي حد يعرف السبب اي

Biscuit_31313 🇪🇬

منذ 9 أشهر

شعور متعب

انا كل ما يحصل حاجه بدخل انام واسيب الحوار حتي لما عرفت خبر وفاه بابايا من سنين٣ واي حاجه تحصل بدخل انام حتي لو ايه وانا عايزه حل لان ده نوع من انواع الهروب وديما مامتي واخواتي يقولوا ليا لازم اواجه وانا مش بقا قدره

Banana_31317 🇪🇬 واجهي مره و اتنين و تلاته و اكيد طبعا مش شرط انك لما تواجهي تكسبي

عرض الكل 3 نصيحة

Apple_19575 🇹🇷

منذ 10 أشهر

شعور وحيد

انا عازلة نفسي و عايزة اشوف ناس بس حاسة اني مش عارفة اشوف ناس . و المفروض اعمل حاجات بس محتاجة دايما ونس و انا بعملها مؤخرا ال study with me live vedios كمان مبقيتش نافعة معايا بقيت حاسة محتاجة اكتر .. محتاجة حد يقعد يعمل معايا الحاجة .. حاسة ان الناس بتتقدم و انا ببقى اعتمادية اكتر و مؤخرا ابتدت ال

Corn_21165 🇹🇷 متخليش الافكار السلبيه دي تتمكن فيكي وبلاش العزله دي لانها سبب دمار كبير ف حياة اي حد لأنه بيسيب نفسه لدماغو والشيطان يتملك فيه من كذا ناحية سلبيه ف حاولي تنزلي مع صحابك وتكافئي نفسك ع كل مجهود عملتيه حتى لو صغير واهم حاجه واهم حاجه انك تقربي من ربنا وتبدأي يومك صح هينتهي صح بدون مشاكل من دي بإذن الله🤍

عرض الكل 1 نصيحة