خوف من الفقد

Carrot_56637 🇪🇬

منذ 5 أيام

شعور ضائع

Pineapple_64357 🇪🇬 ربنا يغار من تعلقك بأحد غيره تعلقي بالله عز وجل وبكتابه و كلها أقدار و ابتلاءات لتكون في ميزان حسناتنا ان رضينا وان لم نرضي نفس الاقدار لكن ساخطين ومعترضين علي قضاء الله ولا يكتب لنا ثواب الرضا و الصبر علي الابتلاء ومحتاجه انك تتعودي تكوني وحدك وتقوي وتحبي نفسك اكتر و تتذكري ان ليس للانسان الا ما سعي فاسعي فكتابه كتابك أمام الله ف حبه و الرضا عن أقدار و ابتلاءته وادعي الله ان يجمعكم ف جنة الخلد

عرض الكل 6 نصيحة

عبّر عن شعورك بشكل مجهول

السلام عليكم ورحمه الله وبركاته 
انا قبل كدا اتكلمت عن مشكلة التعلق اللي يواجهها اينعم الحمدلله معالجتهاش لسه بس الموضوع اتطور 
انا بخاف من الفقد بدرجه رهيبه زي المرض لما بفكر أن حد من اهلي بالذات امي أو ابويا ممكن لا قدر الله يحصلهم حاجه بحسني هموت و بخاف و ببكي من جوايا عشان مبينلهمش كل ما افكر احكي مع حد بصد نفسي عشان عيلتي بالصلاة ع النبي آخر ناس ممكن افضفض معاهم 
عندي عم كبير في السن هو و مراته أنا لسه منقوله لبيت العيله جديد مكنش ليا علاقه قوية بيهم قبل كدا و عامة مش بحتك بيهم دلوقتي يعني بسبب مشاكل بين بابا و عمي زمان بس اتحلت بدري دلوقتي لما بابا سافر الخارج و احنا هنا قاعدين لوحدنا عمي بقي بيجيلنا دايما و كويس معانا لما فكرت أنه ممكن لا قدر الله في يوم ييجي أجله خوفت و دعيت ربنا يطول في عمري خالص هو و مراته مبحبش جو الفقد اللي بيلف العيله لما حد بيموت بيبقي خنقه واحيانا بحاول اقرب من مامتي اكتر عشان بخاف ييجي اليوم دا و اقول ياريتني كنت قريبه منها و حاسه اني متضايقه التغيير أو الموت سنة الحياة بس انا مش بقبل دا خالص حاسه ان الموضوع بسبب صدمة تعلقي بالبيت القديم و اني اتنقلت فجأة عملتلي عقده بقت مرضية في النهاية ....

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Olive_60546 🇪🇬

منذ أسبوع واحد

شعور متعب

نزلت الابلكيشن بدافع الفضول بس ، وحتى مش بفتحه كتير او مفتحتهوش غير مرة واحدة وقت ما كنت بعمل log in ودى التانية ، بس بشوف ماسدجز من ال notifications يعنى.. المهم انا شخص بيخاف أوى وصعب يثق فى حاجه ويتكلم على آب عن حياته وحتى مكنتش متخيلة انى اكتب هنا بس علشان مش بحب أبان ضعيفة قدام حد أو ناقصنى

Chocolate_58050 🇪🇬 اي انسان بحب يكون محبوب وكل واحد لي طرقته مش لازم تكون محروب من الحب

عرض الكل 5 نصيحة

Watermelon_60366 🇺🇸

منذ شهر واحد

شعور متوتر

جماعه انا كنت بحب بنت من تالته اعدادي ومن ساعتها مشفتهاش وهي كانت بتعشقني وعدت تالته اعدادي و انا ف تالته ثانوي ولا عارف اجيب رقمها ولا اتواصل معاها و مش عارف اطلعها من دماغي ..... معرفش هي كدا طلعتني من دماغها ولا لأ و خايف هي حد ياخدها غيري و الكلام دا من 2022 و لخد الان مش راضيه تسيب دماغي

Cherry_59815 🇪🇬

منذ شهر واحد

شعور متعب

بحب شخص وهو كمان بيحبني بس مستحيل يكون لينا مستقبل مع بعض الا لو اتخليت عن كل حاجه حرفيا الفكره في ان الموضوع قلب معايا من حب لهوس يعني لو حسيت اني ممكن اخسره بتأذي جدا نفسيا وبيجيلي افكار أذي نفسي... خايفه مره معرفش افوق نفسي وانفذ حاجه من اللي بتيجي في دماغي

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Coffee_52917 🇪🇬

منذ شهرين

شعور لا مبالٍ

Hazelnut_52786 🇪🇬 عزيزتي الماضي ليس بكل هذا السوء الذي تتحدثين عنه انه أشياء عاديه كملي في خطواتك . ومستقبلك مع من تريدين ولا تتحدثي عن اي سئ في الماضي انتي مش مذنبه

عرض الكل 4 نصيحة

عبّر عن شعورك بشكل مجهول

سفرت الخليج و انا صغيرة و رجعت كبيرة  تانية ثنوي كنت متعلقه بكل حاجة هنا بيت تيتا و اكلها و العيش بتاع عمتي و لمة الخميس العائلية  بتاعتنا كل اسبوع و شارعنا و يوم العيد الي كله لعب و تنطيط لما رجعت مصر لقيت كل حاجة اتغيرت الا حاجة واحده لمتنا رغم وفاة تيتا الي اول مره اعرف يعني ايه موت بعدها لقيت ابن عمي لما عرف اني استقريت هنا جه قالي انه بيحبني و بكل اندفاعية قولتله لازم الناس تعرف و رضيت انه يقول لاخته بس عشان مصعبهاش عليه مكملش شهر و جاي يبعتلي بيعتذر عشان خايف من ظروفة و لما قولت انا ميهمنيش ظروفك رد ب3 نقط الحقيقة كنت اتعلقت بيه و حبيته بجد و كانت مشاعري قوية جدا نحيته رغم انه مكنش بيقدم اي حاجة غير البديهي لحد ما عرفت انه ارتبط كنت ف تالته ثنوي ادمرت و مكنتش شايفة قدامي بعدت عن كل حاجة تفكرني بيه حتى بيت اهلي و تلف الايام و يبقى حد عادي جدا و بعد ما خلاص هتخرج من الجامعة اكتشف ابن عمتي صاحبه طلع بيحبني جدا من واحنا اطفال و مكنش بيعرف يكلم بنات بسببي كنت بحس كتير انه في حاجة ناحيتي بس كنت بقول عادي احنا اهل و هو قريب مني كصاحب و في حاجات كتير بنا مشتركة و بنحترم بعض جدا بس مرة وحده لقيته بيلمح كتير و لما ضغطت عليه حكالي انه من زمان اوي و احنا اطفال بيحب يقعد معايا و كان فاكر انه جو لعب عيال لحد ما جيت مصر و لقي مشاعرة قوية لدرجة انه بيتعامل مع البنات بحده و يتجاهل اي بنت و انا الحقيقة حبيته و متفاهمة معاه جدا و بنحترم بعض جدا بس مش عارفة احكيله على ابن عمي الي هو ابن خاله و صحبه و الموقف الي حصل و لا لا خايفة يشيل منه و يبعد عنه و يخسرة لانه ابن عمي دا اكتشفت انه كان عارف بحب ابن عمتي ليا و  لان في حد قريبنا تالت هو شايف و حاسس انه بيحبني فبعده عني و هو بعد عنه خاالص و في نفس الوقت مش حابه اخبي عليه الي حصل قبل كدا مش عارفه اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

French Fries_39600 🇪🇬

منذ 5 أشهر

شعور مرهق

ازاي نقدر نحمي و نحافظ علي حبيبنا من ناس حواليهم بيوقعوا بينا و انت مش متقبل فكرت انك تخسرهم اصلا و هما كمان مش عايزين يخسروك بس الناس ال في حياتهم و مجبرين يبقوا في حياتهم بيحاربوا عشان يخسركوا بعض و انت واقف متكتف من الغيره و خوف من فقدهم

Apple_48216 🇪🇬

منذ 6 أشهر

شعور متعب

انا كنت بحب واحد كانت علاقتي بيها كويسه ويوم م صارحتها كانت المفاجئه انها موافقتش وقالتلي احنا اخوات من اليوم ده وانا مدمر ونفسي اخطبها وخايف حد تاني ياخدها مني وهيا بتقابلني بتبصلي بصات غريبه كدا وانا ببقا باصص بس ببقا في حته تانيه خالص مش عارف بيحصلي اي وانا مش عارف اعمل اي يريت حد يعرفن

Mango_11422 🇪🇬

منذ 8 أشهر

شعور عاطفي

عبّر عن شعورك بشكل مجهول

ياااه بقالي كتير مفتحتشش انتو ازاى لسه عندكم شغف 😂
ما علينا عندي المرة دي مشكلة معقدة عايزة رأي كويس او عن تجربة 
انا بنت في اول العشرينيات من سنتين كنت بدأت اول علاقة مع ولد ف حياتي (عارفه انو دا غلط ومعرفش كان عقلي فين ) والغلط الاكبر انو اصغر مني و اتعلقت بيه لانو اول تجربة استغل دا وحصلت تجاوزات كتير كنا بنتكلم ف مواضيع غلط كان بيطلب مني حاجات غلط الاول رفضت كتير جدا بس للأسف وقعت بعدين كنت معاه وكارة نفسي بس كنت متعلقه بيه كنت لما اكلمو في الحوار دا اننا مينفعش نتكلم فكدا كان بيعرف يسيطر على دماغي بكلامو وبقتنع ( محدش يلومني انا عارفه غلطي كويس وانو دا حرام ) المهم بعد م بعدنا قدرت اوقف على رجلى تانى واستغفرت بس وقعت وقعة تانية واتعرفت على شخص كمان محصلش معاه زى الاول بس برضو كان فيه كلام غلط وكنت فاكرة انو كدا الحب طلع بيتسلا بيا بعدت واتعرفت على اخر واحد في السلسله دى كان بيساعدني احب نفسي ساعتها كنا صحاب عادي بعد فترة كلامو بدا ياخد النحية دى ونا كنت اتشديتله (نفسي كانت ضعيفه من الحوار دا) المهم كرهتو بعدها وعرفت اتخطا تاانى اتعرفت على صحاب كويسين ومحترمين والحمدلله اتعافيت من اللى حصل كلو وعلاقاتي بقت سطحية بس نضيفه واتعالجت من الحوار اللى نفسي ضعيفه فيه 
من اقل من شهر كلمني واحد رديت عليه فالمهم وصلنا اننا كنا بنتكلم ف موضوع يخص الحجاب الشرعي ف بقنعو ان النقاب هو الصح وبعتلو كتاب بعدها بفترة كبيرة كلمني تانى واتناقشنا شويه بالصدفه طلعنا من نفس المحافظة تاني يوم كنت رايحه مشوار بيكلمني ف المواصلات لقيت الفرق بينا حوالى خمس دقايق قولتلو انا هنزل واستنا اشوفك ونت معدي وفعلا شوفتو كانت صدفه جميلة وفرحنا يومها من بعدها واحنا بنتكلم و هو بيلمحلى بحبو وبصراحه اول مره اشوف حد بيخاف عليا حتى من نفسو مطلبش حتى يشوف صورة ليا وحافظ للقران ودماغنا متوافقه ونا حبيتو بس مقولتلوش 
المهم لاحظ انى ديما ف حزن وبيساعدني وبيهون عليا قولتلو انا كنت شخص وحش بس دلوقتي انا ببني نفسي من الصفر وبتعلم حاجات كتيرة وبتعافا من الحاجات الغلط ف حياتي قالي انا مبهمنيش ونا كنت بعمل حاجات غلط ومعنديش مانع احكيها واتغيرت وكدا المهم انا حاسه من جوايا انى بخونو اني مخبية عليه وفنفس الوقت مقدرش احكيلو اللى حصل هو اكيد هيكرهني او هيشك فيا بعدين 
انا بحبو ومش عايزة اخسره ومش عارفه اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_39442 🇪🇬

منذ 8 أشهر

شعور مرتبك

انا عايزه اعرف مالي انا حاسه نفسي تايهه اووي حد يساعدني انا مش عارفه اعمل اي 😭😭 انا تعبانه التفكير مش سايبني انا تعبت من كتر التفكير انا عايزه ارتاح من التفكير ده عايزه ارجع أكلمه تاني وحشني اووي بس خايفه ارجع مش عايزه اخسر ثثه اهلي فيا قولولي اعمل اي قولولي ف اسرع وقت انا تايهه اووي حد يقولي اعمل

Chilli_40446 🇪🇬 الهي نفسك ب اي حاجه وحاولي متفكريش في

عرض الكل 10 نصيحة

Watermelon_32273 🇪🇬

منذ 8 أشهر

شعور مستنزف

انا اول مره استعمل البرنامج ده بس عوزاكو تساعدوني ف موضوع انا كنت بكلم واحد وبعد كده سبته لأنه خاني مع صحبتي المهم لما اتصاحبت ع وحده تانيه انا كنت معرفاها اني مش بكلمه انا كدبت عليها ع كنت عاوزه ابدأ بدايه جديده ف حياتي ومكنش معرفاها حاجه عن اللي فات وخصوصآ اني شبفاها ملهاش ف الحاجات دي ف كنت عاوز

Coffee_26413 🇪🇬

منذ 8 أشهر

شعور قلق

Pistachio_32208 🇪🇬 اول حاجه ده تعلق اكتر من انه حب والتعلق الكبير ده غلط كبيرر للاسف بس خلاص بما انك متعلقه بيه كلميه وقوليله انك. عايزه يكون في في حاجه رسميه بينكو لان دي يا حبيبتي علاقه محرمه ومينفعش تكملي فيها وتغضبي ربنا، البُعد عنه اكيد. هيكون صعب عليكي في الاول بس افتكري من ترك شئ لله عوضه الله خيرا منه وقربي لربنا اكتر وادعي انه يكون من نصيبك. وشوفي لو هو فاتح اهله وقالهم عنك يبقى خير ان شاء الله.

عرض الكل 7 نصيحة

عبّر عن شعورك بشكل مجهول

عايزه اتكلم عن حاجه مش بعرف اتكلم عليها قدام الناس و لا اطلعها، انا بحب واحد بس هو مش من بلدي و بقالنا بالظبط سنه و سبع شهور و ست ايام مع بعض انا بجد مش بقدر اعيش منغيره لو عدا عليا يوم واحد منغيره بحس ان روحي بتتسحب مني و بقلق اوي عليه و بحس ان حصله حاجه و ان هيحصلي حاجه منغيره و ببقي عايزاه علي طول جنبي و معايا يعني علي الاقل بس اتطمن عليه انا بخاف جدا من الفقد و بقلق علي الناس اللي بحبهم جدا بس التعلق دا بيتعبني و بفضل اعيط بالساعات لو مردش عليا مع اني عارفه انه كويس بس برضو ببقي قلقانه، انا عمري ما شوفته قبل كدا غير مره واحده بس السنه اللي فاتت و انا عايشه علي الذكري دي من ساعتها، هو كويس اوي اوي معايا و بيخاف عليا جدا و دايما عايز يسمعني و واقف جنبي في كل وقت و اي حاجه تحصل بيحكيهاله و بنحلها سوا يعني من الاخر هو كل حياتي و بجد نفسي اوي نفضل مع بعض لاني لقيت نفسي معاه و نفسي نكبر و نتجوز لاني مش هقدر اعيش منغيره، انا عندي 18 سنه و هو عنده 20، نفسي اوي احكي ل مامتي عليه و اقولها قد اي انا بحبه و اني اول مره احب في حياتي نفسي جدا احكيلها بس انا خايفه من رد فعلها و كمان عشان انا في اولي جامعه دلوقتي في كليه صعبه مش سهله و محتاجه وقت و تركيز كتير اوي ف محتاجه حل للموضوع دا، انا حكيت ل خالتي من ساعه ما اتعرفت عليه هي اقربلي من ماما شويه بس برضو الام غير اي حد انتو اكيد فاهمني، انا محتاجه بس حل ل كل دا و مثلا لو في حاجه اونلاين تقربنا من بعض اكتر و تخلي علاقتنا اقوي، ادعولنا ربنا يكرمنا و نكمل سوا ان شاء الله.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.