خوف من الجواز

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Watermelon_58589 🇪🇬

منذ يومين

شعور منزعج

انا عندي 33 سنة وخائف اتجوز لاني مش عايز اجرح انثى الانثى بالنسبة لي زى الملائكة ، أكثر حاجة بتكسر نفسيتي موضوع العلاقة ، اخاف اوي على البنت اني اعمل معاها كده ، وبحس بيها قد ايه بتوجع سواء في العلاقة أو الولادة النصيحة يرحمكم الله

Cookies_67754 🇪🇬 نصيحتي ليك انك تنشف ، الستات مبتحبش الواد الطري. ومش قصدي اي إهانة معنديش حاجة شخصية ضدك.

عرض الكل 4 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Pineapple_65613 🇪🇬

منذ أسبوع واحد

شعور محبط

انا بنت اتخطبت قبل كده وخطيبي الاول كنت بحبه جدا ولكن محصلش نصيب وجربنا نرجع تاني وانحديت الدنيا كلها وأهلي وكل الناس عشانه واتنازلت كتتتتير اوي عشانه وفي آخر موقف معايا قبل منرجع رسمي قالي هسيبك بسبب موقف عبيط بعد كل البي عملتهوله سابني عادي للاسف مش عارفه اتخطاه رغم اللي عمله معايا ومش عارفه ابدا

Almond_63696 🇪🇬 انا مش هقدر احكم عليكي منغير معرفك لكن ازاي؟ ازاي ممكن تكوني لسه بتحبي حد عمل فيكي كدا ومش عارفه تتخطي؟ يعني بتحسي ب ايه مش فاهمه بتحسي انك عايزه الشخص ده؟ طب ولما بتفتكري ان هو ندل كدا وبياع ومشتراكيش بتبقي بردو عايزاه؟ احنا كبنات مفيش اهبل مننا والله

عرض الكل 22 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Donut_63791 🇪🇬

منذ أسبوعين

شعور محبط

عبّر عن شعورك بشكل مجهول

الموضوع غريب شويه بس بدون مبالغة بقيت بحس أن الأيام دي و الزمن ده مبقاش فيه رجاله يعتمد عليها و يقدروا يشيلوا المسؤلية كلهم عيال حتى لو المفروض انهم كبار و ناضجين و معديين سن المراهقه لدرجة اني بقيت متعقدة من فكرة الجواز من كتر المشاكل و التعقيدات اللي بشوفها ف العلاقات اللي حواليا بحس أن الولاد كلها بقت بتتسلى عندي خوف دايما اني ادخل اي علاقه بحس أن الرجاله كلهم كدابين و بيتغيروا بمرور الوقت ( بعيدا عن أن الارتباط بدون شئ رسمي حرام طبعا و الموضوع ده مرفوض بالنسبالي بس بتكلم أنه حتى لو الموضوع رسمي و الواحد جاي يخطبني هبقى خايفه بردو ) بحس أن الواحد حتى مع خطيبته ممكن يكون كداب أو حتى مراته يعني وصلت بيا احس أن الواحد ممكن يبقى بيتسلى حتى بعد ما يخطب أو يتجوز معرفش ازاي بس من اللي بشوفه والله يعني ايه يبقى واحد خاطب أو متجوز و يروح يكلم واحده تانيه أو يتجوز ع مراته مثلا حتى لو خطيبته أو مراته مش مقصره معاه ف حاجه يعني بيعمل كده كأنه إرضاء لغريزته مش اكتر و ملهاش مبرر غير أنه شخص مريض ، كل اللي بحس بيه ده مش من اللاشئ ده من اللي يشوفه و بيحصل قدامي مع اصحابي مثلا بعيدا عن اللي بشوفه ع السوشيال ميديا العلاقات تبقى ف الاول الكل شايفها مثالية اوي خصوصا وقت لما يكون الارتباط مش بشكل رسمي  و بمرور الوقت او بعد ما تحصل خطوبة تصرفات الراجل خصوصا بتبقى غريبة و غير مبررة ( اه احيانا ممكن التغير يبقى من البنت بردو بس انا بتكلم ع اللي بشوفه قدامي واللي وصلني ل كده ) و بعد كل ده طبعا الموضوع بينتهي بالأنفصال بجد بتصعب عليا اوي العلاقات اللي بتنتهي بالمنظر ده وأنهم ازاي هان عليهم يفرطوا ف كل ده بالسهوله دي و ايه سبب التغير الغريب ده اصلا و ازاي نبقى واخدين عنه فكره أنه راجل و ناضج و داخل جد و بالفعل يتقدم للبنت بس بعدها يتغير تغير جذري لدرجة أننا نحس ان الفكره اللي كنا واخدينها عنه ف الاول كان بيضحك علينا بيها أو عشان يقدر يقنعنا و نصدقه ف ليه بجد كل ده و ايه اللي يخلي راجل يتغير بالطريقه دي بلا مقدمات و فجأة كده ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_63094 🇪🇬

منذ أسبوعين

شعور مرتبك

انا عندي ٢٢ سنه و دايما خايف من حوار الجواز ده ، بشوف كتير ستات خاينه و اللي تبعت فيديوهات لحد و اللي تخون و الناس كلها عارفه الا جوزها ، بسأل نفسي هل هلاقي بنت الحلال ولا خلاص كده انتهت ؟لان اللي بنشوفه الزمن ده كتير اوي و الوحش اكتر من الحلو

French Fries_26228 🇪🇬 طالما انت حد كويس اتأكد أنك هتلاقي حد كويس زيك، زي ما الستات كتير خاينين الرجاله كذلك واكتر والستات بتخاف اكتر كمان ومش حتت راجل ولا ست الفكرة طول ما انت كويس وبتدعي ربنا يختارلك الكويس ف هتوقع وقعة حلوه ان شاء الله

عرض الكل 3 نصيحة

Marshmallow_58489 🇪🇬

منذ شهر واحد

شعور قلق

Watermelon_58563 🇪🇬 ليه شاغلة نفسك بالموضوع اوي كده ده نصيب وهيجيلك فوقتة المناسب

عرض الكل 18 نصيحة

عبّر عن شعورك بشكل مجهول

انا مشكلتي انا خايفة ماتجوزش
خايفة مالاقييش الاستقرار ال نفسي فيه وخايفة العمر يجري بيا واضطر بعدين أقبل بحد مش عاجبني
انا عندي 25 سنة لسه
شغلي من البيت ومش بخرج الا لو في حاجة.. خروجة مع اصحابي. او زيارة لقرايبنا كل فين وفين او اشتري طلبات للبيت
أماكن محدودة جدا مع ناس معروفة بالنسبالي
كل الناس لفتت نظري للحتة دي ان انتي عايزة حد يشوفك ويعجب بيكي وانتي مش بتخرجي
كلامهم منطقي
بس  مش بيتقدم حد مناسب ولا في مجال ان حد يشوفني
طب اعمل ايه؟
معظم الناس ال حواليا برده عندهم مشكله ياما ب بيتجوزوا حد عارفينه من قبل الجواز او بيبقبلوا باشخاص هما مش مبسوطين معاهم ومش شبههم عريس والسلام يعني.. ياما فعلا قاعدين ومفيش حد

حتي زمان من كام سنة كان في ولاد بتعجب بيا وفعلا ارتبط بشخص واتخطبنا وانا ف الجامعة بس ماكملناش
دلوقتي مفيش حد بيعجب بيا ولا في شخص مناسب بيتقدم ومناسب دي اقصد بيها يعني يكون متعلم كويس او عنده عيشة كويسة مش بتشرط يعني

لدرجة ان جالي احساس ان اهلي مش بيقولولي علي الاشخاص الكويسة ال بتتقدم وبيقولولي بس علي ال مش مناسبين..ساعات بيحيلي الاحساس دا وساعات بحس لا دا اكيد وهم
لاني كنت مخطوبة سنتين وماجهزونيش خالص بأي حاجة ومره جه حد كويس قعدوا يقنعوني ان لا ماوافقش عشان اسلوب ابوه في المكالمة مكنش عاجبهم انه بيتكلم عن الفلوس زيادة (فهموها مغرور يعني او بيتمنظر بفلوسه)

والشخص ال اتخطبتله كان بطلوع الروح ولما لقوني موافقة اتقالي ب اللفظ طب شوفي مين بقي هيجهزك

عايزة احس اني زي البنات مرغوب فيا من شخص عاجبني.. وبدعي دايما ف الصلاة وبقرا قران قد مابقدر 
وبحاول طول الوقت ماعملش حاجة غلط واحافظ علي نفسي ومشاعري للانسان ال هيبقي زوجي بس شايفة في المحيط الي انا فيه بنات كتير فوق الي 30 من غير جواز وبنات كتير متحوزين جوازات مش شبههم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_57113 🇺🇸

منذ شهر واحد

شعور متعب

دلوقتي انا وهو بنحب بعض وكلو تمام وبيتعصب كتير بيقول الفاظ زباله ليا ويرجع يعتذر وبعدين اسامح ويرجع يعيد نفس اللي عملو بحجه انو متعصب ومضغوط لكن حاليا الأمر زاد سوء الالفاظ بقت تدخل ف كل كلامو ف الشات لو بيشرح شئ يشتم وبجد انا حاسه اني هكرهو بسبب كده اصلا ولما رديت عليه بنفس اسلوبو زعل واضايق وبدء ي

Lemon_59270 🇺🇸 نصيحة سيبيه فورا مع الوقت هيحولك لمريضة نفسيا والله ومش هتعرفى تتعافى اهربى دا ابتلاء مش حب

عرض الكل 19 نصيحة

Strawberry_53517 🇪🇬

منذ شهرين

شعور مكسور القلب

عبّر عن شعورك بشكل مجهول

انا حلمت اني قاعده ف مكان انا وخطيبي واهله خصوصا مامته وبباه ف حبوا يبهدلوا المكان بعد م الشخص اللي شغال فيه تعب فيه ومسحه ،  فقمت من مكاني وقمت امسح المكان عشان انا معترضه ع اللي حصل وانهم يجوا ع تعب شخص ، ف خرجوا ومشيوا وانا فضلت ف المكان امسح لحد م اخلصه والمهم العامل قالي انتي مش شبهم ازاي قبله ب دا ، ف انا ابتسمت ابتسامه مكسوره كدا وسكت لاني عارفه دا من جوايا . مع العلم اني مؤخرا كل شويه يحصل مشكله ونشد انا وخطيبي ومفيش اي تفاهم ودايما باجي ع نفسي وانا اكتر طرف بيتأذي ف العلاقه دي وبقيت خايفه من فكره الجواز وحسه اني مش قادره اكمل الخطوه دي وانا فعلا ف الواقع شايفه فرق الطباع بين اهلي واهله واننا مختلفين اختلاف السما للأرض ، خايفه اعيش مع اهله لما قالي القرار دا ومن جوايا رافضه الموضوع رفض تام وهو كمان ورافض انه يعيش بعيد عنهم وبيعاند معايا، مع العلم اني مشفتش حاجه وحشه من اهله شخصيا وبيعاملوني حلو بس انا مدركه انهم شداد ومش بيعدوا بسهوله ف دا انا حساه ضيق افق وبيعلقوا ع كل حاجه من وجهه نظرهم وان ممكن الحاجه اللي هما شايفنها غلط انا شايفاها صح وهكذا دماغ خطيبي، وانا مش عايزه اقبل بحاجات دلوقتي انا رفضاها عشان الجوازاه تمشي وانا عارفه اني مش هقدر اعديها بعد م نتجوز ف نطلق بعد م اتجوزنا، مع العلم اني بقالي فتره بصلي استخاره حلمت مره انه اتجوز واحده تانيه بس هو كان زعلان وانا زعلانه بس صحيت مرتاحه نفسيا عشان مكنتش عارفه نهايه اللي احنا فيه ايه ف ارتحت لما حسيت ان دي اشاره ، بس الفكره اني بحب وخايفه اظلمه مع اني اتحولت لشخص اتعس من الانسانه اللي كنت عليها بسبب اختلاف الطبع والشخصيات وعدم اتفقاقنا ع شيء

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Cookies_52521 🇪🇬

منذ 3 أشهر

شعور قلق

بقى عندي خوف جداً لما باجي اتعامل مع الرجاله بتيجي افكار كتير في دماغي زي ان الشخص ده هل هو بيفكر في حاجه مش كويسه وانا قدامه دلوقتي و هل مثلاً الشخص ده بيساعدني عشان هو محترم ولا عشان عايز حاجه و هل الشخص ده عامل نفسه كويس و هو لا ولا هو فعلاً كويس بجد حاجات كتير اوي بتيجي في دماغي عارفه اني مبنفعش

Apple_18785 🇪🇬 متخافيش الرجالة بيبان عليهم دورك بس انك تقري الناس صح

عرض الكل 7 نصيحة

Apple_28358 🇪🇬

منذ 4 أشهر

شعور متوتر

موضوع:

اكتر حاجه شاغله بالك

أنا مضغوط جامد ف الشغل علشان فرحي بعد كام شهر ولسا متاخر فاضل حاجات كتير لسا الشقه بتتمحر يدوب غير التشطيب غير العفش غير مصاريف القاعه والفستان وحاجات كتير الأوضاع ف شغلي غير مستقره ومش عارف اعمل اي عمال أعصر دماغي مش لاقي حاجه غير الخوف من بعد الجواز ومصريفه وانا مرتبي مش الهو كبير ف الواحد خايف م

Sugar_44866 🇪🇬 يعم والله ربنا هيفكها عليك وتتجوز وتشوف عيالك انشاء الله ربنا هيسهلك طريقق وتتجوز وتعمل كل اللي نفسك فيه فكر بس انت في فكرة مشروع محدش عملها قبل كدا وخليك شاطر في مجال شغلك.

عرض الكل 5 نصيحة

Pumpkin_10776 🇪🇬

منذ 4 أشهر

شعور قلق

عبّر عن شعورك بشكل مجهول

مش عارفه انا لوحدي اللي كدا ولا ايه بس انا بقيت بترعب من فكره الجواز من كتر الق*تل والطلاق والمشاكل اللي حوالينا في المجتمع الفتره دي بقا بالنسبالي الفكره مرعبه وخوف من ان الناس بقت بتتصنع انها محترمه او مفهاش عيوب والعيوب دي مبتظهرش او الشخص مش بيبينها غير بعد فوات الاوان ومن كتر الذكور مقدرش اقول عليهم رجاله اللي منتشره كتير اووي علي الفيسبوك اللي شايف ان الست دي بني آدم درجه تانيه والمفروض انها تتعامل زي الحيوانات واللي شايف ان الست سلعه وقت ما نحتاجها نحبها ووقت مامتعجبناش نضربها ونهينها و يغيرها في  غمضه عين  واللي  شايف انها خدامه وميصرفش علي علاجها ولا يقف جمبها في تعبها  رغم ام الست اللي بيتكلم عنها دي هي امه اللي جابته الدنيا  ولولاها مكناش شوفنا وشه واخته اللي بتسنده يعني بجد مبفهمش هما بيفكروا ازاي وكميه مرض نفسي غير طبيعي بترعب من فكره ان ممكن اقع في شخص من دول منغير ميكون باين عليه وبقعد اسأل نفسي طب فين الموده والرحمه الناس دي دماغهم بيبقي فين بجد وكميه العلاقات الفيك اللي ماليه السوشيال ويبينو قد ايه هما حلوين مع بعض وبعد فتره تلاقي انفصال وخناقات للسما. وانا اصلا شخص ولا بيهش ولا بينش وملهوش في المشاكل ومبيعرفش يتعامل مع المشاكل وكل همي اني اعيش في سلام وهدوء الفكره دي بس رعباني الفتره دي بطريقه فظيعه  بالأخص عشان كل اللي قدي دلوقت منهم اللي اتجوز ومنهم اللي اتخطب وكل ما اشوف حد اباركله بس دماغي بتقولي هما اتطمنوا ازاي ان ده هو الشخص الصح
مع اني مع  فكره الجواز والسكن  (ومن آياته ان خلق  لكم من انفسكم ازواجا لتسكنوا إليها وجعل بينكم مودة ورحمه)
وان يكون عندك بيت هادي وشخص جمبك يدعمك دايما وتكونو سند لبعض
بس الوضع بقا مرعب .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Ice Cream_51334 🇪🇬

منذ 7 أشهر

شعور مكسور القلب

عبّر عن شعورك بشكل مجهول

عندي مشكلة كبيرة اوي بس مش عارفه احكيلها لاي حد اعرفه فقلت احكيهالكم اخواتي الفواكه يمكن حد يفيدني مبدايا كده عندي مشاكل نفسيه بسبب ابويا هو اذاني كثير زمان لدرجه خلاني اكره فكره ان ممكن اتجوز بقا واعيش الحياة دي لحد ما قابلت حد كويس خلاني اغير فكرتي عن الموضوع ده واشوف الحلو اللي فيه المشكله ان الشخص ده في صفات ظهرت فيه شبه ابويا ممكن اللي ظهر الحاجات الحلوه بس لكن ده مش مريحني خايفه يكون زي ما متشابهين في الحلو يتشابهو في الوحش مش عايزه افضل طول حياتي بالشكل ده انا تعبت وزهقت من ادويه الاكتئاب خلاص قررت خلاص اتجوز مين معرفش اللي اعرفه ان في حد بحبه وابي رافضه وحد معرفش عنه كثير ومحصلش تعامل قبل كده لكن الظاهر عنه انه كويس وابي موافق عليه اللي بحبه ده خلاني اشوف نفسي احسن غير فيا حاجات كثير حلوه وجوده لحده بغير نفسي للاحسن بس خايفه منه يطلع زي ابويا هو عصبيته وحشه اوي و انا مقدرش استحمل الشكل ده من العصبيه متعصبش عليا بالشكل ده لكن شفت العصبيه دي في تعامله اهله وصحابه وهله كمان مخوفيني مش شبه الناس اللي اعرفها امه صعبه اوي والثاني اللي معرفش شخصيته بالظبط محترم واهله بيحبوني لكن معرفش طبعه عامل ايه متعاملناش عايزه ابعد عن الجواز كله بس بالنسبالي هو الوسيله الوحيده للخروج من الحياه دي مينفعش اختار حد غلط لاني لوحدي في الحياه معنديش اللي اروحله اشتكيله ويقف في صفي لو حصل اي مشكلة بيني وبين اللي هتجوزه ابويا اللي المفروض سندي زي باقي البنات لو رحتله وقاله عمل فيا كزا هيقول تستاهلي ومش هيقوله بتعمل ايه معنديش حد حرفيا الجأله لو وقعت في خيار غلط هنتحر لو حصل حاجه مش حمل كسره اكثر من كده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع