خجل

Nutella_65584 🇪🇬

منذ 18 ساعة

شعور غبي

انا انطوائي جدا ومش بعرف اتكلم مع حد خالص غير لما حد يجي يكلمني ويفتح معايا كلام وبردو بواجه صعوبة في الرد يعني لما حد يبعتلي رسالة يمكن اقعد ربع ساعة افكر في رد وفي الاخر برد بطريقة awkward اوي عندي صحاب كتير وبحاول اتكلم معاهم في اي فرصة يمكن اتعود بس بردو مش بعرف اتكلم خالص

Popcorn_65405 🇪🇬 متكبتش تلقائيتك... سيب نفسك على طبيعتك خالص، و بادر انت بالكلام عشان تكسر الحاجز اللى جواك و مرة مع التانية الوضع هيبقى أحسن 🌺 و متدايقش من كونك انطوائي دي سمة شخصية موجودة عند ناس كتير عادي جداً 💐

عرض الكل 8 نصيحة

Almond_63696 🇪🇬

منذ يومين

شعور منزعج

مش عارفه دي مشكله عبيطه ولا ايه بالظبط بس انا بعاني من اني بتكسف جدا يجماعه بتكسف بشكل فظيييييييع مش بعرف ابص لحد ف عينه ولد بنت بتوتر اوي لو حد جي اتكلم معايا بحس اني بقول كلام اهبل او ريأكشناتي غريبه بتكسف لدرجة بحس ان جسمي سخن و وشي بيحمر والناس بتلاحظ مش عارفه اعمل ايه،، هتغير مع الوقت ولا انا ل

Nutella_65016 🇪🇬 الحياء صفه من صفات البنات عموما ودا م غلط البنت الخجوله دي جوهره ف افتخري ب حاجه زي دي لانها ميزه م مشكله

عرض الكل 16 نصيحة

Avocado_64837 🇪🇬

منذ 3 أيام

شعور مريض

اولاً انا جديد هنا و مشكلتي مش عارف اتصرف فيها ازاي من اسبوعين كانت عفش صحبي و روحت العفش ده و شوفت اخت صحبي و للعلم انا خجول جدا مع حد مبعرفش اتكلم معه فا كل ما ابص عليها الاقيها بصالي و من الاسبوع ده كان حنته و فرحه و برضو كنت كل ما ابص عليها الاقيها بصالي المشكله اني اتشديت ليها و بقيت معجب بيها

Orange_64167 🇸🇦 تتاكد ايه بس يا صحبي اكتر من كده تيجي هي تطلبك مثلا اتقدم رسمي دا احسن ليك وانت طالب الحلال وصحبك هيفرح بيك عن تجربه

عرض الكل 7 نصيحة

Apple_64488 🇪🇬

منذ 5 أيام

شعور وحيد

لي انا عمري مارتبط بجد في حياتي انا 23 سنه ارتباط يرضيني أو عمتنا مع اني شخص حسن المظهر مهتم بنفسي وشكلي متعلم تعليم عالي هل ممكن يكون سبب انا خجول شويه هو ده السبب عمري مجت فرصه قدامي بجد دائما بين الشغل وحياتي عمري معملتش وحش في حد بس بحس دائما انو سوء حظ كل للي حوليا الموضوع بالنسبلهم سهل للي

Potato_62881 🇪🇬

منذ 6 أيام

شعور مستنزف

عبّر عن شعورك بشكل مجهول

السلام عليكم 
انا عندي موضوع مريب شوية كنت عايزة تفسير و حل ليه، انا اتخرجت من طب أسنان السنة دي،كان في دكتور فالكلية درسني أول مرة وانا في سنة تالتة و معرفش انا بتوهم ولا دا بجد كنت بحس انه ملاحظني او مركز معايا عشان كان كل ما ابصله ألاقيه باصص عليه و وهوا بيشرح فالمحاضرة كان بيفضل باصص عليا بس قلت يمكن مش قاصد يمكن بيتهيألي و تجاهلت و نسيت الموضوع بس الموضوع دا فضل مستمسر كتير حتى بعد ما السيمستر اللي بيدرسني فيه خلص ف شوية بدأت اتوتر منه عشان الوضع كان غريب لدرجة اني كنت بتوتر وانا بتعامل معاه أو لو موجود في المكان و هو أخد باله أعتقد و كتير كنت ببقا ماشية و هو واقف على بعد مسافة كبيرة مني و ألاقيه بص عليا و الموضوع دا اتكرر اكتر من مرة ف سألت عنه صحابي القريبين لأني كنت مستغربة الوضع و قالولي انه شخصية خجولة  بيتكسف من البنات و في من صحابي كان بيعمل معاهم نفس الحركات و بيبان عليه متوتر قدامهم ف رجعت تجاهلت الموضوع لحد ما مرة جالي وانا شغالة فالعادة سلم عليا و وراني صورة ممثلة متابعها و قالي انها شبهي، و وانا شغالة في الحالة جا سألني عن الحالة و ولما جا تاني عشان يشوفني عملت ايه انا مبصتش ناحيته و عملت نفسي مش واخدة بالي ف مشي بس تاني يوم سلمت عليه و رد عليه ببرود معرفش هل عشان موقف اليوم دا ولا عشان سبب تاني بعيد عني بس كان باين عليه في حاجة مضيقاه بس بعديها مبقتش أسلم عليه تاني و بقا ملاحظني جدا و أنا عرفت انه كان بيتكلم عليا مع حد من زمايله الدكاترة اللي معانا فالكلية بس معرفش قاله ايه اتمنى تفسير و اتعامل معاه ازاي مع العلم اني أول مرة شفتوا خالص بصراحة الدكتور كان عاجبني بس معملتش أي حاجة ولا روحت كلمته ولا لمحت و كنت محترمة ان دا الدكتور اللي بيدرستي ولا كنت عايزة الموضوع يتطور، 
آسفة طولت عليكم

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_46262 🇪🇬

منذ أسبوع واحد

شعور غاضب

ازاي اعرف اتعامل مع الناس افتح كلام اتعامل عادي اللي هو مبيبقاش في كلام يقال اصلا اتكلم في ايه علي عكس كل الناس بلاقي الناس بتتكلم و تفتح مواضيع و حاجات كتيره جدا بس انا مبعرفش اتكلم خاااااالص اعمل ايييييييييييه

Chocolate_58050 🇪🇬

منذ أسبوعين

شعور خجول

انا خجول جدا وبل اخص معا البنات مش عارف اي الحل غير التعامل معاهم ودا شيء غلط دينيا وكمان اني بكون محرج اصلا .. في شخص من أقربي انا معجب بي . وانا متاكد ان الموضوع مش هيتطور اكتر من إعجاب من طرف واحد فعايز اعرف انا تعاملي معاه تعامل سطحي بس بكون سعيد وانا بكلمه وانا شيفها مش عارف هل المفروض اكمل ..

Chocolate_58050 🇪🇬

منذ شهر واحد

شعور خجول

موضوع:

اى اكتر حاجة بتكرهها في نفسك؟

اني جبان بخاف من حجات كتير متخوفش واكبره الرفض مش في العلاقات بل في اي حاجه انا بطلبه من اي حد .. وكمان اني متردد جدا بحسب لكل خطه كتير جدا مش لاني عاوز اعرف كل حاجه عنها لا لاني متردد وخايف حاجه تحصل غلط .. العاده السريه .. وكمان اني مش قادر اعمل اصدقاء انا بلعب العاب الاكترونيه بعمل فيها اصحاب

Strawberry_59845 🇪🇬 زيك بالظبط

عرض الكل 3 نصيحة

Watermelon_56753 🇪🇬

منذ شهر واحد

شعور عاطفي

انا دايما حاسس بالوحدة ، حتى وانا حواليا ناس واصحاب، بس مش بعرف اشارك كلام معاهم، انا عندي ٣٠ سنة بس مش بعرف اوي اتكلم مع بنت فالحقيقة. يعني دايما لساني بيقف، مع اني بعرف اهزر واضحك وعادي، بس مش بعرف اتكلم مع حد معرفهوش، وخصوصا لو بنت. احساسي بالوحدة بيزيد، ودايما بيبقا نفسي الاقى بنت طيبة ونشارك اه

Chocolate_58050 🇪🇬

منذ شهر واحد

شعور خجول

انا متردد جدا وكمان خجول لاني عشت في بيت معا اب وام اكبر مني ب ٤٠ ومعنديش اخوات اصحاب او حتا أقارب جنبي مش عارف اعمل ء بكون متردد وانا بطلب اي حاجه من اي حد .. وكمان انا معمري ما اتعملت معا بنات لحد ما عندي ١٥ سنه لان معنديش اقارب بنات فيكون مكسوف كدا لو اتعرضت لموقف ان بيكلم بنت في اي حاجه لو بسأل

Peanut_59161 🇪🇬

منذ شهر واحد

شعور وحيد

انا مشكلتي اني خجول جدا جدا اتا اتربيت بشكل منعزل شويه معنديش اقارب حوليه ومعنديش صحاب او اي حد من سني فقط ابويه وامي وفرق اكتر من ٤٠ سنه وكمان اول تعامل بيني وبين بنت من أقربي او كدا كام وانا عندي ١٤ سنه يعني بكون مكسوف جدا واتا بكلم اي بنت حتا لو في السوبر ماركت فدا خلاني عني مشكله متفرع منها جزءي

Banana_35076 🇪🇬

منذ شهر واحد

شعور محبط

من وأنا صغير وانا مش فاهم أنا مالي؟ دايمًا مكسوف، وخجلي ده مش طبيعي. كنت فاكر عندي مشكلة، يمكن خلل هرموني، يمكن خلل جيني، بس أكيد فيا حاجة مش طبيعية. تفكيري كنت حاسس إنه مش زي باقي الناس، يمكن على قدي، وكنت بلاحظ الناس دايمًا بتتريق عليا. طريقتي في الكلام كانت غريبة، شكلي كيوت، يمكن شبه البنات شوية

Hazelnut_52786 🇪🇬 الإنتحار مش حل . دا هروب من المشاكل . استعن باللهً . وربنا يوفقك في كل خطوة

عرض الكل 7 نصيحة

عبّر عن شعورك بشكل مجهول

طريقتي في الكلام كانت غريبة، شكلي كيوت، يمكن شبه البنات شوية، وده خلاني أتعامل طول عمري على إني ضعيف أو مختلف. مكنتش بعرف أرد على حد، ولا أوقف حد عند حده، والناس كانت دايمًا بتستسهل التريقة عليا في أي وقت، سواء جيراني، زمايلي، أصحابي، حتى أهلي.

كنت دايمًا حاسس إني مش على طبيعتي، حاسس إني متلخبط من جوا، وإن كل تصرفاتي مش عفوية. وشّي بيقلب فجأة، مش بعرف أضحك مع الناس، ومش بعرف أهزر زيهم. الناس كانت بتقول عليا ممل، تقيل، مش محبوب، وأنا فعلاً مكنتش بعرف أكون اجتماعي، مع إني من جوايا طيب، ودمّي خفيف، بس مش بعرف أظهر ده.

كنت دايمًا بسأل نفسي: ليه الناس مش بتحبك؟ هل هو شكلك؟ ولا طريقتك؟ ولا إيه؟ يمكن علشان مكنتش بعرف أقول نكتة في وقتها، ولا أرد رد لاذع زي الناس. كنت حاسس إني دايمًا متراقب، وإنهم بيضحكوا عليا، وإنهم شايفيني بني آدم ساذج وضعيف. كنت شايف نفسي إنسان ذكي وفاهم، بس مش عارف أتصرف ولا أبان ده.

اتعرضت لتحرش وانا صغير، كنت في ابتدائي تقريبا، شاب   حاول يعمل معايا حاجة. أنا وقتها كنت فاكر إن ده لعب، بس حكيت لأبويا، وأبويا عمل مشكلة، والناس كلها عرفت. ومن وقتها وأنا متعقد، وحاسس إني متراقب، ومش طبيعي.
ولا يمكن انا مكنتش فاكره لعب وكنت فاهم مش عارف ؟!

كبرت، وبقيت مراهق، بس لسه كل ده جوايا. بدأت أحب الثقافة، والكمبيوتر، وأقعد أقرأ كتير، وأذاكر في حاجات مفيش حد في سني بيفكر فيها، بس كنت بعمل كده مش علشان بحبها، كنت بهرب. دايمًا بحاول أبين إني مؤدب ومحترم، بس دي مش شخصيتي، دي واجهة أنا لبسها.

دخلت علاقات كتير، واتعاملت مع ناس كتير، بس كنت دايمًا بلعب دور المؤدب، وكنت بكتشف إن الناس بتستغلني، وأنا مش بعرف أميز. مش بعرف أفتح حوار، ساكت على طول، مش بعرف أضحك، وشّي دايمًا مكشر، وملامحي مش بتضحك.
بس انا عارف انى ذكى ومجتهد وبعرف طريقه الناس وامتى بيتريقوا عليا وامتى باخد حقى 
ساعات بحس انى لئيم وبتدارى فى توب المؤدب مع انى بعيد كل البعد عن كدا

كبرت، واتجوزت بمساعده والدتى 
 وحمدًا لله، ربنا رزقني بزوجة محترمه، وقلبها طيب، وشايفاني كويس، وبتحبني وبتحاول تساعدني، بس أنا اللي جوايا متلخبط، ومش قادر أساعد نفسي. هي مش شايفاني فاشل، بس أنا اللي من جوايا مش شايف نفسي ناجح، ولا قادر أحقق اللي نفسي فيه. ومش بعمل حاجة لنفسي غير السجاير، لا بشتري لبس، ولا لي رفاهية. حتى بعد الجواز، أنا لسه زي ما أنا.

حاسس إني متراقب، حاسس إني منافق بلبس وش المؤدب، مجامل بزيادة، بضحك ضحكة مالهاش لازمة. وأكتر حاجة اكتشفتها فيا، إني بقيت أستخف بالناس الضعفاء زي ما الناس كانت بتستخف بيا زمان.

من سنين، بدأت ألاحظ حاجات غريبة في سلوكي، ولما بدأت أقرأ وأبحث، بس في حاجات كتير حسّيت إنها بتوصفني. حاولت أتعامل مع ده، وبدأت آخد علاج اكتئاب لوحدي من غير دكتور، يمكن غلط، بس كنت بدوّر على أي مخرج. واحد دلوقتى باخده

وأنا صغير كان بيجيلي نوبات غريبة، بحس إن كل حاجة حواليّا بتكبر، والأصوات بتعلى بشكل يخوف، وكل حاجة بتتسرع، وبقيت أحس إني في فيلم رعب، كنت مرعوب ومش فاهم حاجة، الموضوع ده بييجي فجأة، وبيفضل يجيلي كل فترة، بس بقيت أقدر أتحكم فيه شوية.
انا حليا مكتئب مش مبسوط بحاجه كل حاجه بالنسبالى مش ممتعه مش حلوه مش بخرج مليش صحاب بتاخر عن شغلى مش ملتزم مش مضاحب حد هناك لسه بيتريقوا عليا او بحس كدا

أنا تعبت، أنا زهقت، أنا كرهت الحياة. حاسس إني تايه، مش لاقي نفسي، ومش عارف أخرج من دايرة الخجل، وانعدام الثقة، والحزن اللي مالي قلبي من سنين.

ساعدوني انا عايز انت*حر

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.