طب انا محتاج نصيحة في الموضوع ده عشان انا جبت اخري انا عندي 27 سنة يعني مش صغير و لحد دلوقتي مابعرفش اتكلم مع اي بنت سواء في شغل او كورسات و مش قصدي هنا فتح كلام معاهم او كلام بمعنى ارتباط مثلا لا حتى لو كلام عادي في سياق طبيعي مجرد ما واحدة تيجي تكلمني بفضل افكر في الكلمة اللي هتطلع من بوقي 1000 مرة قبل ما اقولها و بتوتر حتى لو بصيت في وش واحدة و هى بتكلمني وبفضل ابص يمين و شمال و انا بكلمها بالتالي ببان غريب جدا و انا بتكلم قدامهم طبعا و عشان كده بفضل اتجنب الكلام معاهم من الاساس بقى ده غير لو ان فيه بنت مستلطفة الكلام معايا او لو جات تهزر مثلا انا بردو ببوظ الدنيا بسبب الموضوع ده مابعرفش ارد اقول ايه ولا اعمل ايه...المشكلة تاني انا مش صغير و حاسس ان ديه مشكلة طفل في 2 اعدادي و ده خانقني من نفسي اكتر و جربت حلول كتير و مفيش فايدة

0

6