حلم ضاع

Grape_22054 🇪🇬

منذ شهرين

شعور مرهق

خسرت كليه كان نفسي ابقي فيها عافرت سنه كامله بسأل هنا وهناك اي طريقه المهم اني ابقي فيها مستعد اخسر سنه من عمري بس ابقي ف المكان اللي انبسط وانا فيه ابقي مع الناس اللي شبهي كان نفسي اثبت لنفسي اني تعبت وف الاخر فرحت بس تعبت ولسه مفرحتش من قلبي بجد اكيد ربنا ليه حكمه بس غصب عني تعبان وزعلان غصب عني

Popcorn_52587 🇺🇸 بص خسارتك ممكن اللواتي اديك خبره قدام انك حاولت والدنيا بتعلم اكيد بس انت اقوي من كل دا والي مريت بيه اكيد الي هيمر عليك بحد كدا هتكون مستعد له المشكله بس في انك حلمت وخاب ظنك بس اطمن ربنا اكيد هيقف جنبك ومعاك ومش هيسيبك

عرض الكل 3 نصيحة

Cookies_25519 🇪🇬

منذ 9 أشهر

شعور لا مبالٍ

موضوع:

الخوف من الفشل في الحياة؟

انا كنت حاسه انى هنجح ف الاخر بس الاحساس دا اتكسر تقريبا بعد ماخلصت تالته ث وبقول هنجح ازاى بعد ماحلمى ضاع ؟ هكمل ازاى ؟ كدا او كدا كنت قاعده بحاول انى اجيب تقدير ف اخر كل سنه عشان انا ماينفعش افشل انا ماينفعش اقعد كدا وخلاص واسيب الحياة ماشية وانا واقفه مكانى والسنه اللى فاتت جبت تقدير اول مره اشوف

Sugar_25630 🇪🇬

منذ 9 أشهر

شعور مستنزف

موضوع:

ازاي تقدر تتخطي حاجة وجعتك وتتعامل معاها عادي ؟

عبّر عن شعورك بشكل مجهول

كنت ف ثانويه عامه بذاكر وبس مفيش نوم ولا اكل ولا شرب مذاكره وبس....كنت بعمل المستحيل عشان كلية اعلام مش شايفه غيرها وحلمى من ابتدائي ودخلت ثانوى عام عشانها....جبت مجموع كبير لكن للاسف فرقت ع حاجه بسيطه معايا...صليت وقولت يارب اكيد ف خير ف حاجه تانيه ف حببنى ف الحاجه التانيه دى ويبقا نفس الشغف حتى.... 
دخلت كليه تانى وقولت يارب اعرف اثبت نفسي فيها وانجح واحقق حلم اهلى وهما شايفنى ناجحه وكنت بحلم بحفلة التخرج وانا ف الجامعه وسط صحابى واهلى....كنت بعمل المستحيل عشان الحلم ده.....مكنتش بجيب تقديرات وعمرى م فهمت حاجه فيها وولا كنت بعرف امشي فيها خطوه مع انى كنت بذاكر....اتخرجت بتقدير ميسرش لا عدو ولا حبيب من زعلى معملتش حفله وكان نفسي تكاليف الحفله تبقا من جيبي الخاص ماخدش جنيه من حد محصلش ولا حاجه من كل ده كان نفسي اروح اجيب الشهاده وانا مبسوطه وبتصور بقا وكده كان اسود يوم عيشته ف حياتى واخدت اليوم كله عياط....مفرحتش ولا يوم من وقت م خلصت.....قولت اعدل تقدير وروحت قدمت ع دبلومه من وقتها زعل وعياط لانى مش بحب المجال ولا بفهم فيه وخايفه اجيب نفس التقدير....
ف لا انا مش عارفه اتخطى لغايت دلوقتى ان حلمى ف كليتى اللى اتمنيتها متحققش..وحلمى ف الكليه اللى دخلتها متحققش برضو.....حاسه انى فشلت مع نفسي وحاسه بهزيمه...وحاليا ف شغل ملهوش علاقه بمجالى وقرفانه لانى مش شاطر فيه برضو.....غالبا المشكله عندى لانى متعافتش من الاول ولا ايه معرفش 😔