حلم الكلية اللي ضاع مني وخيبة الأمل اللي جوايا 💔

Question

مفيش اصعب من شعور انك تبقي قاعد بتحلم بكليه معينه ونفسك تخشها وخلاص انت حرفيا خطط حياتك كلها واول خطوه نجاح بالنسبالك هيا انك تخش الكليه دي من حبك فيها وفي مجالها وفي الاخر متدخلهاش وتخش كليه تانيه جنب كليه حلمك يعني هتقعد طول فتره دراستك باصص علي حلم حياتك حرفيا وهو ضاع منك 💔

Avocado_12291 🇪🇬 · Accepted Answer

الدراسة في معظم الكليات مبقتش متوقفة علي الكلية يعني انا كان نفسي ادخل حاسبات وملحقتهاش ودخلت كلية تانية وعرفت ناس من حاسبات وعرفت مناهاجهم اي وبقيت ماشي وراهم بالكورسات ف انت تعرف تعمل كدة في كليات كتير باستثناء الكليات الطبية

Lemon_21830 🇪🇬 · Answer

انت ممكن تبقي فاكر ان ده هو كان حلمك والمكان الوحيد الي كنت هتحبو بس يمكن توفيق ربنا ليه حكمه وسبحان الله الرضا هو مفتاح مفيش اعظم منو 
أنا كنت حلمي ادخل اسنان وفرقت معايا ع حاجه بسيطه اوي ودخلت صيدله وحمدت ربنا بعد كذا سنه اكتشفت ان ظهري فيه مشكله ومينفعش اقعد فترات كبيره فسبحان الله لو كنت دخلت اسنان كان ممكن مقدرش اكمل فيها او معرفش اشتغل 
ف احمد ربنا واسعي في الي كتبو ليك يمكن تلاقي نفسك فيه

Lemon_21830 🇪🇬 · Answer

الحياه مش بتقف ع تخصص او كليه معينه وفي طرق كتير جرب ابحث عن منح لدراسة المجال الي عايزو او خد كورسات بس لايمنع انك ترضي عشان بالك يكون مرتاح وتكون سعيد مش مهموم وتبص لكليتك بشغف نظرتك للكليه التانيه وفول لعلو خير وبالتوفيق

Hazelnut_18465 🇪🇬 · Answer

بصي انا كنت مكانك حرفيا و كل اللي حواليه ناس كتير منهم دخلوا الكليه اللي كنت بحلم بيها ليل نهار
بس ديما بفتكر أن ربنا مش بيمنع عننا حاجه الا و هي فعلا شر لينا مش خير زي ما كنا متخيلين 
بصي للحلو اللي في كليتك شوفي دنيتها ايه انا عارفه انك مش هتعرفي تعملي ده الفتره دي لكن فكري أن الحياة مش هتقف لان الحلم متحققش لا هتكمل عادي فكري انك لازم تبقي فخورة بنفسك و شطره و تعملي لنفسك حلم جديد و تحققيه