حقيقي

Biscuit_86069 🇪🇬

منذ يوم واحد

شعور مرتبك

احساس انك يكون عندك مشاعر او اسلوب حوار تبدا بيه وحه بشوش ابتسامه كان عندي من الطفولة واني دايما مبتسم وبضحك سقطت مبتسم نجحت مبتسم بضرب مبتسم بس كان جوايا بناء عميق لمرحلة اكتئاب هتدوم طول حياتي اني عمري نا بينت حقيقة مشاعري لحد غير الي بيشوفه عموما في شغلي او في دراستي او مع اصحابي اني مش هقدر ابان

Peanut_56462 🇪🇬 حاول تفهم نفسك عاوزه ايه وخبط معاها لغاية اما تلاقى راحتك النفسية فيه

عرض الكل 3 نصيحة

Coffee_28425 🇪🇬

منذ 3 أيام

شعور شاعر بالملل

عبّر عن شعورك بشكل مجهول

في شخص قرر يقولي انه عايز يتقدم بس عشان هو لسة مسافر السعودية يمسك شغل قالي مش هقدر اتقدم رسمي غير في اول اجازة بعد سنة قلتله ان دا كتير جدا حتى لو لسة هنكتشف بعض بس مش هناخد سنة بنكتشف بعض قلتله ممكن بعد ٤٣ شهور كدا لاقينا نفسنا تمام ممكن تكلم اهلي ونعمل قراية فاتحة اونلاين عشان انا مش هرتبط بحد سنة بحالها و فجأة اقول لاهلي هنتجوز بعد سنة من غير حتى ما يسمعوا عنك رفض جدا و قالي انا مش حاببها اونلاين انا عايز افرح مع اهلي قلتله لا مش ضروري نفرح بس ضروري انا تحس بامان وانك كلمت اهلي دا شرطي ان الموضوع يكمل المهم حسيت انه وافق بس بدون ما احس منه انه موافق حسيت اني خوفت ومش مطمنة وقفت كلام وقلت خليني احاول اكتشفه شوية يمكن لو فهمنا بعض اكتر يشوف وجهة نظري ويعملها بس هو طول الوقت بيقول كلام رومانسي كتير اوي و انا مش حساه منه ولا حاسة اني عايزه اقول و هو شايف ان دا جفاف حاولت اشرحله انه لا انا على مهلي ومش مفروض اني اجري بمشاعري انا لسة مش عارفاك قالي كلام غريب اوي انه جه معايا دوغري وقالي بصراحة انه عايز يتجوزني وانا في غربة و لما هفضل طول الوقت بعبرلك وانتي مش بتعبريلي دا ممكن يقفلني قلتله دي مش شخصيتي ولا كلامك دا مهم عندي انا مهم عندي اننا نتفق و مش هقول كلام رومانسي عشان بس مفروض يتقال في حاجات اهم لازم نتكلم فيها وكدا احنا بقالنا شهرين بنتكلم بس هو قالي انه عايز يتجوزني بس من ١٠ ايام قبل ما يسافر و دي مدة سواء شهرين او ١٠ ايام مش كفاية ان حد يحب فيهم حد خصوصا اني عرفته اني موافقة عشان اللي عرفته من شخصيتك كويس مش عشان بحبه بس من ساعتها و انا مش مرتاحة وخايفة و حساه قربلي بس عشان يسلي وقته هناك في وقت هيكون صعب عليه وطول الوقت بيحاول يبينلي قد ايه هو محتاج كلام حلو عشان الايام تعدي عليه كويسة بس انا رافضة الطريقة دي مش عايزه اقول كلام لمجرد انه بيتقال و انا مش حساه واكتر حاجة ضايقتني انه بيقولي لو فضلت اعبر و اللي قدامي بيقدملي جفاف هيتبنى بيني و بينه سد قلتله احنا ملحقناش على فكرة مش لما اكتشفك الاول انت سريع حس انه اتزنق قالي لا انا بكلمك ان دا خلال شهور حسبت كلمة خلال شهور دي انه بيبتزني انه الحقيني دلوقتي عشان لو فضلتي كدا لحد شهور وبدل ما اقولك اكلم اهلك اقولك انا بنيت سد و انتي السبب فاهمني؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_64688 🇪🇬

منذ 4 أيام

شعور محبط

هو سوال معقول الواحد بعد كل العمر ده معرفش يعمل صديق حقيقى طيب هل يقدر يعمل بعد ماخلص الجامعه واشتغل كمان دايما بسال نفسى السوال ده اين يذهب الانسان لما يعوز يكلم مع حد كنت دايما بقول لنفسى انى قويه وان عادى مش لازم يكون عندى صحاب فى الحقيقه انا عادى بس ييجى وقت اقول ليه ازى كدا مبقتش عندى ولها واحد

Popcorn_77374 🇪🇬

منذ أسبوع واحد

شعور متعب

عبّر عن شعورك بشكل مجهول

جماعة هل حصل معاكو موقف ان وانت ماشي في الشارع حد وقفك و  طلب منك فلوس عشان يروح بيتو ( مش قصدي علي الشحات )  عشان حصل معايا الموقف ده تلت مرات قبل كدا اول مرة اتنين لابسين جلبية و ببتكلمو صعيدي و وقفوني و قاللولي احنا اتزنقنا و معناش فلوس نروح اسيوط بس اكيد طبعا بطريقة تخليهم يصعبو عليك و تطلع كل اللي في جيبك و تديلهم ( ده اللي انا عملتو بجد )و تاني مرة وانا في مكروباص راجل قاعد جمبي فتح معايا كلام و الي آخره و كان شكله غلبان  أوي و بعدين لما نزلنا طلب مني فلوس عشان يروح و مزنوق وان هو أول مرة يحصل كدا في حياتو و عندو عيال والجو ده و اكيد انا مرفضتش اديلو فلوس تالت مرة واللي هي كانت من شوية شاب شيك و شكله من الاخر نضيف يعني ولابس ساعة حلوة و شكله بيروح جيم (مهتم بنفسه يعني) وقفني و قالي انا بتسأسفلك جدا و حقك علي و معرفش ايه و احنا شباب زي بعضينا  انا ببيع ادوات رياضية و اتزنقت و مش عارف ارجع اسماعلية اللي مهم أن انا اتأثرت و طلعت حرفيا فلوس مش قليلة وادتهالو و هو عرض عليا انو يحولي الفلوس فودافون كاش و انا قلتلو مينفعش بس عملت كدا والله عشان صعب عليا بس بعدين بقا لما رجعت البيت وقعدت شزية أدركت أن التلاتة مشترك فيهم بعض الصفات أنهم نفس يعتبر نفس الأسلوب أو الطريقة و كلهم بيسطعطفوك بطريقة مختلفة ف مش عارف هل دول بقا حالات استثنائية تستاهل أن الواحد يتعاطف معاه و يتصدق عليها بجد ام ديه طريقة نصب جديدة متداولة اليومين دول+ لو حصل معاكو تفس الموقف يا ريت تقولو بجد عشان الناس توعي و تستفاد بإذا كان ديه طريقة نصب جديدة و لا لا

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mushroom_83316 🇪🇬

منذ أسبوع واحد

شعور محبط

علطول بحس نفسي اني فاشله واني عمره ماحد هيحبني أبدت وكل اللي بدخلو في حياتي صحابي بيطلعوا وحشين اوووي اني اللقي حد يخاف عليا يغير غليا يجبني زي مانا مش علشان يحبني اغير من نفسي انا طيبه اوووي والله لكن دايما حظي مش حلو في كل حاجه حتي التعليم بقيت فاشله مش عارفه اعمل ايه مش عارفه اطلع لقدام دايما ورا

Chocolate_82247 🇩🇿

منذ أسبوع واحد

شعور محبط

أحيانًا لا يكون الألم في شيء محدد بل في تراكم التفاصيل الصغيرة في كلمة لم ثقل، في نظرة تجاهلتها، في خيبة تكررت حتى اعتدت عليها. الألم الحقيقي هو أن تتألم بصمت لأنك تعبت من الشرح وتخشى ألا يفهمك أحد.

Nutella_82905 🇩🇿 و ان لم يفهمك أحد فهناك الله و أنت به أغنى عن أي أحد

عرض الكل 2 نصيحة

Popcorn_52197 🇪🇬

منذ أسبوعين

شعور وحيد

انا شخص وحيد معنديش صحاب أو ب معنى أصح بكون صاحب استبن لو الأساسى راح ببقى فتره لحد ما يبقى فى بديل عاشرت ازبل خلق الله من صحاب ولا قرايب بس دلواقتى الحمد لله بقا عندى وعى كبير أن مبصش على اللى يقع منى واللى مش تمام عشرته برميه ورا ضهرى واعيش وأكمل مبقاش يفرق معايا حد نهائى اللى بكتب علشانه هو أنى س

Pineapple_59510 🇪🇬

منذ أسبوعين

شعور متعب

🖤 يمكن أكتر إحساس بيكسرك مش الزعل… هو إنك تكون دايمًا لوحدك، حتى وسط الناس. كل يوم بيعدي شبه اللي قبله، مفيش جديد، ومفيش حد حقيقي تحكي له أو يطمنك من قلبه. مش طالب غير وجود بسيط.. حضن أمان، واهتمام حقيقي، وحد يحس بيا قبل ما أتكلم. مش دايمًا القوي سعيد، أوقات بيضحك عشان محدش يسأله مالك.

Waffle_65620 🇸🇦 محدش بيفرح حد اكتر من نفسه غير ربنا سبحانه وتعالى أي رغبه منك ان شخص يفرحك هتأذيك لانك بتحط سعادتك في ايد الغير

عرض الكل 10 نصيحة

Apple_78420 🇪🇬

منذ أسبوعين

شعور مكسور القلب

هو لي البنت أما الراجل يديها الأمان ويحسسها انها الدنيا كلها ويديها حب واهتمام وكلام حلو ومراضيه دائما بتبعد عنه صدق اللي قال الحب خسارة في البنات الغداره أنا محتاج فعلا حد يكون يستاهل قلبي

Potato_77746 🇪🇬 نفس الكلام بردو للرجاله ليه لما نآمن ونتعامل بقلبنا نكتشف اننا مغفلين وواخدين على قفانا

عرض الكل 14 نصيحة

Croissant_52708 🇪🇬

منذ أسبوعين

شعور قلق

أنا ضيّعت إنسانة كانت بتحبني بصدق، كانت بتخاف عليّ، وبتدعمني في كل لحظة ضعف، كانت بتشوف فيا شخص يستحق تبني معاه حياة. بس للأسف، اختارت واحدة تانية… واحدة جمعت بين أسوأ نوعين من الخيانة: خيانة المهنة وخيانة القلب. كانت بتضحك في وشي، وتخطط ورا ضهري. تتكلم عني بكلام جميل قدام الناس، وفي الكواليس، كانت

Mango_77179 🇪🇬

منذ 4 أسابيع

شعور عاطفي

الجميع يبحث عن الحب ولكن من يجده ؟ وكيف يجده ؟ هل سيجده مشبعًا لغريزته ان يأنس ويؤنس به؟ هل سيجده ويكون مطمئنًا به ؟ هل سيجده ويباركه الله ؟ هل سيجده ويستمر مع عقبات الحياه؟ متى أجد مثل هذا الحب سأكون وجدت ضالتي ، وجدت صحبتى التى أشقى بها .

Croissant_52708 🇪🇬

منذ 4 أسابيع

شعور مكسور القلب

أكتر حاجة وجعاني دلوقتي إني حاسس إني كسرت قلب إنسانة كانت بتحبني بصدق. يمكن هي متعرفش قد إيه أنا مقدّرها، بس كل كلمة طلعت مني وقتها ما كانتش رفض ليها زي ما افتكرت، كانت محاولة إني أمشي صح وأبعد عن أي حاجة تغضب ربنا. بس للأسف الكلمة اتفهمت بشكل تاني، ووصل لها كإني مش عايزها أو إني رفضتها. أنا عارف إ

Cherry_77356 🇪🇬

منذ شهر واحد

شعور محبط

انا حبيت شخص لدرجه الجنون والشخص ده حبني كل افعاله تدل ع ده مش كلام وخلاص لا هو حبني بجد زي ما انا حبيتو وف يوم وليله قالي احنا مش هينفع مش بعض هو كان شخص طموحي شويه بيخاف علي دراسة وشغلة بس أنا مكنتش حاجز خالص لده كله كنت دايما بهون عليه ولما بعد قالي أنا مشواري طويل وخايف اظلمك انتي زي اخواتي بس ب

Pineapple_59780 🇪🇬 ممكن ضميره صحي وان اللي بعمله غلط وأنه مش عاوز ده يترد له في اخواته وده سبب أنه بعد خاصه لما بصلها بالمنطق انه مش جاهز أنه يتقدم لك فاختار الاختيار الاصعب. وفي الحاله دي اكيد هو تعبان زيك تمام لكن بيحاول يتعايش ، ربنا يكرمكم أن شاء الله وتتجوزوا

عرض الكل 13 نصيحة

Strawberry_76947 🇪🇬

منذ شهر واحد

شعور لا مبالٍ

الكنز الحقيقي من وجهه نظري هو إنك تراهن على شخص وميخيبش ظنك أبدًا ❤ .. وكل شوية يثبتلك إنه قد المكانة اللي أنت حطيته فيها وإنه جدير جدًا بيها ، تراهن ومتندمش على ثقتك اللي اديتهاله لأنه دايمًا بيطمنك بكلامه وأفعاله ، شخص يعرف احتياجك من نبرة صوتك ..

Chilli_76964 🇪🇬 فعلا من نبرة صوتك

عرض الكل 1 نصيحة

Avocado_54559 🇪🇬

منذ شهر واحد

شعور لا مبالٍ

أنا محتاج ر بنا ياريت اللى يعرفه يبغله انى حابه جداً ونفسى اروحله ويعرفنى طريقة الحقيقى، أنا محتاج ر بنا ياريت اللى يعرفه يبغله انى حابه جداً ونفسى اروحله ويعرفنى طريقة الحقيقى أنا تعبان حقيقى ونفسى ارتاح

Pineapple_80652 🇪🇬

زهقت من حياتي وعايز انتحر بس مش عارف

حاسه ان حياتي انتهت بدري اوي بجد 31 سنه مفيش صحاب خالص و مش عايزه اشتغل لاني مش مطالبه ب ده مفيش زوج كان نفسي يبقي عندي طفل في السن ده بس للاسف مفيش اهلي مش بحبهم خالص و عاملين لي تروما بقالي 5 ايام مخرجتش من البيت حرفيا مش عارفه اروح فين ولا اعمل ايه زهقت ز قرفت من كل حاجه هو لو فكرت انتحر حيجري حاجه والله ما حيجري. و بالمناسبه بصلي ز عارفه ربنا و عارفه أنه اختبار بس زهقت و تعبت بجد 🥹🥹🥹🥹🥹 ...عرض المزيد

1 الدعم

26 نصيحة

Mango_86188 🇪🇬

زهقت من حياتي وعائلتي ونفسي مكتئبة

انا واحده عندي 40 سنه لسه ما اتجوزتش لغايه دلوقتي بس كل ما اقابل حد او اكلم مع حد احس ان هو مجرد مكالمه ان هو يطلع نقطه مش كويسه ما بقاش عندي ثقه في اي حد حتى اصحابي ساعات بيوقعوا بيني وبين ماما واختي انا زهقت حتى اختي نفسها لما اجي اكلمها تقول لي مش عايزه اسمع صوتك متعاملي معامله مش كويسه بحس انها غيرانه عشان هي اتجوزت ومسؤول وعندها بنات وانا اصلا شايله مسؤوليه ماما براعيها ومحساني ان انا فاضيه على طول مع اني مش فاضيه اصلا المفروض مشوار مش وهي تعملها تقول لي انا اعملها بتقول لي انت فاضيه تدفعها هي المشروع العلاجي تبع نقابه اختي مره في السنه تقول لي تدفعيها انتي متعامل ماما معامله ازيك يا ماما عامله ايه خايفه ان هي ترقد في يوم وهي تشيل مسؤولتها ماني انا انا اللي اصلا معاها على طول وانا شايلاها ماما مرتاحه معايا اعرف هي عايزه ايه محتاجه ايه وابسطها مش عارفه اشتغل ما اقدرش اسيب ماما لوحدها عشان لو قبضت اللي قبضته هدفعه للست اللي هتقعد معاه حتى انا كنت مخطوبه من كم سنه كنت هو كان بوظ علاقتي لماما يقول لي ماما ملهاش حق تعرف حاجه بقولهاش حاجه خالص انا كنت مخطوبه منكد عليا عيشتي بوظ علاقتي باختي برده احاول اكلم اختي احاول اكلمها اقول لها تتعدل معانا لا بالعكس اللي بتطلعنا احنا الغلطانين هي عمرها ما تغلط نفسها الاقيها معاملتها مع الغرب احسن من قريبها معاملتها في بابا لاخر فتره قبل ما يموت كانت كويسه مع اني كانت بتحبوش بتضايق قوي لما اقول للناس اشتكي درجه مره بصت على الوتساب بتاعي بتكلم مع واحده صاحبتي بشتكي هي مسكت الموبايل من ورايا وشفت الوتساب بقيت فيها اثق فيها بعد كده نعمل حاجه في شقتنا هي مش عايشه معانا هي متجوزه نعمل حاجه في شقتنا بتقول لي ليه ما قلتليش عملت كذا ما بقتش عارفه اقعد معها براحتي اعرف اكلمها ماشي حاسس انها صاحبتي هي اختي الوحيده مليش اخوات تانيين وماما مش هتعيش لما طول عمرها المفروض هي تفضلي هي اختي هي تفضلني المفروض هي سندي ليه انا لو قاعد في مشكله الجا ليها بس انا ما اقدرش تقولي انا مش عايزه حاجه اعرف عنكم حاجه ماما في حاجات تعرفها اختي ما تعرفهاش ماما اصلا صاحبتي هي كل حياتي بس هي مش هتعيش طول العمر فانا هحتاج اكلم حد اكلم مين وما اعرفش اتكلم مع اختي هيمشي لوحدي انا طلعت من دماغي حكايه الجواز خلاص بقى انا زهقت ما فيش رجاله في الزمن ده رجاله عدله بس محتاجه حد يكون سندي المفروض اختي انا محتاجه نصيحه اعمل ايه مع اختي ...عرض المزيد

1 الدعم

19 نصيحة

Strawberry_80896 🇪🇬

ملل فظيع وعاوزة اشغل نفسي ناووو بجد

ملل فظيع عاوزة اشغل نفسي ناووو بجد، محدش عنده مشكلة او عاوز نصيحة بجد انا بجد معرفش لحد الوقتي اى سبب الطاقة اللى جوايا دى بس انا عاوزة اخرجها و الله عاوزة أنشرها بجد لأنها طاقة إيجابية جدا، انا معرفش ده اى بس حاسة انها حاجة حلوة🩵🌸 ...عرض المزيد

0 الدعم

15 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع