حب ممنوع

Avocado_65460 🇪🇬

منذ يوم واحد

شعور مرهق

القصه بدأت من بنت وولد خلفوا بنت وولدين علشان تعرفي المعاناه بتاعه البنت لازم تبدا من قصه الام والاب هنبدا ب الام الام بدأت قصته من بيت مكون من اب وأم و3 اخوات ولد هي رقم 2 في اخواته بنت ده كانت بتتعمل معاملها جفه من الام كنت بنت رغم كده عائشه ع مزاجه برضو وكنت مش محتاجه حاجه في بيتها كل الحكايه أن

Potato_58422 🇪🇬

منذ أسبوع واحد

شعور مذنب

موضوع:

بعدت عن حد قبل كده وهو بيحبك?

اه حصلت واحدة اتعرفت عليها عن طريق شغلي و كانت عميلة عندي انا كنت مشدود ليها صراحتاً هي كانت مطلقه و عندها طفل ده كله اتعميت عنه و هي كانت برضه معجبه بيا و اعترفنا لبعض بحبنا كنت مرتاح معاها و حاسس إني علي طبيعتي اوي حرفيا كانت ملاك و نسمة بعدها بفترة جيت افكر طب ايه آخرة اللي بعمله؟ هتجوزها طب

Potato_63256 🇪🇬

منذ أسبوع واحد

شعور ضائع

عبّر عن شعورك بشكل مجهول

كنا بتشتغل مع بعض .. اول ما شفته حسيت بترابط روحى رهيب بينى و بينه .. بس ماتكلمتش و كتمت جوايا لانى عارفة ان فى حد فى حياته .. هو كمان كان بيحس بنفس الطاقة .. صارحنى بعد مدة طويلة .. لما بدء يبقى فى بينا كلام واحدة واحدة .. كان متردد و خايف .. انا برده مكنتش فاهمة ايه إللى بيحصل .. اول مرة احس الشعور دا مع حد .. كان قريب من روحى بدرجة غريبة .. و هو كمان .. قالى انا عارف انى مش هقدر احصل عليكى فى الدنيا بس بتمنى تكونى من نصيبى فى الآخرة .. ماطلبش منى اى طلب خارج خلال ال ٣ سنين إللى كنا فيهم مع بعض .. مش قادرة افسر احساسى .. حاسة انه واحشنى قوى .. بس حدودى و حدوده مانعة انه يحصل اى شئ بينا.. انا غيرت رقمى و مسحت كل حاجة  و اختفيت .. بقالى سنة دلوقتى .. و كل حاجة انتهت 
انت ايه سرك ؟ .. ليه كنت بتقول انى سحر او نور .. و انا ليه كنت بحس انى طاقة نور فعلاً لما بكون قريبة منك ؟ .. ليه انا و انت حاسين ان احنا كنا مع بعض فى عالم تانى .. كنا قريبين اكتر من كدا ؟ .. ليه كنت بحس بإلحاح غريب من روحى انها تكون قريبة منك ؟ و ليه دا كان بيحصل معاك انت كمان ؟ ليه كنت مصمم عليا ؟ ليه لحد آخر لحظة كنت بتدعى نكون مع بعض ؟ ليه كنت بشوف فى عنيك العجز ؟ انا عارفة انى ماوصلتلكش اى شئ من إللى انا بقوله هنا دا ليك فى الواقع .. بس عشان كنت خايفة .. كنت خايفة من نفسى و من الظروف إللى لاقتنا ببعض.. تفتكر قصتنا انتهت ؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Apple_55466 🇪🇬

منذ شهر واحد

شعور مكسور القلب

حكايتي بدأت من ٦ سنين في لعبة كنت بلعبها ع الفون واتعرفت علي واحد في اللعبة انا منفصلة ومعايا ٣ ولاد وهو منفصل كان عنده ٣٠ سنة وانا عندي ٣٦ سنة المهم حبينا بعض اوي وبقينا نتكلم كل يوم واتقابلنا اكتر من مرة وكلم والدته علي ارتباطنا رفضت بشدة عشان انا اكبر منه وعشان عندي اولاد حاولنا كتير أوي أوي نبع

Orange_55383 🇪🇬 بكل بساطه اسمحيلي طبعا انتى زى اختى الكبيره بس الموضوع خلاصته حاجه وحده تحطيها فى ودنك زى الحلق (كل علاقه بدايتها لاااا ترضى الله نهايتها لن ترضيك) انتى غلطتي من الاول لأنك دخلتى الموضوع ف دماغك وبعد كدا على قلبك واتعلقتى بيه واهو ف الاخر شفتى اللى حصل ارجعى لربك وإعرفى ان نصيبك لو فى اخر الكوكب وانتى ف أوله هيجيلك لحد عندك وانسى والوقت هيخليكى تنسى بس لو رجعلك مترجعيش لانه سابك مره وهيسيبك تان

عرض الكل 7 نصيحة

Mango_34527 🇪🇬

منذ 7 أشهر

شعور محبط

انا بحب شخص وهو بيحبني جدا وعلاقتنا بقالها حوالي اربع شهور وهاديه جدا وجميله ومتفهمين بعض بطريقه حلوه الحمدلله بس حصل مشكله ان مامتو عرفت واتضايقت جدا بسبب المسافه لانو من محافظه وانا من محافظه وكمان انا في تانيه كليه وهو م معاه غير ثانوي ومدخلش كليه بسبب ظروف معينه ومامتو قالتلوا م هجوزك حد من علي

Mango_42428 🇪🇬

منذ 8 أشهر

شعور محبط

عبّر عن شعورك بشكل مجهول

انا كنت بحب واحد 3سنين و اتخطبنا ف خطيبي كان عندو مشكله ف الشغل بعد الخطوبه ف بابا كلمو قالو تعاله اشتغل معايا قالو ي عمي انا كهربائيّ مشتغلتش ف النجاره قبل كدا قالو تعاله وانا هعلمك ف هو راح ل بابا عشان يشتغل معاه قرايب بابا كانو عاوزين يفركشو الخطوبه عشان عاوزني ل واحد من عندهم ف خطيبي اول ما راح قعدو يقولو ان شكلو ابيض وان هو طري وان هو مش وش شغل ف لما خطيبي طلع مع بابا تعب ف الشغل لان هو كان تعبان قبل ما يروح ل بابا اشتغل 3ايام و هو تعبان ف قرايب بابا وسوسو ل بابا انو مينفعش وانو مش هيعرف يصرف عليا وانو صغير و بابا سمع كلامهم وكلم ابو خطيبي و كان هيفركش الخطوبه ابو خطيبي قالو اديلو فرصه قالو تمام هديلو شهر للعلم خطيبي و بابا ف السعودية بس خطيبي كان في مكه و بابا ف الدمام وبابا قال هديلو شهر مهله بس مش اشوف وشو فيه خطيبي عشان بيحبني سكت و مقالش حاجه قعد يحاول يتعرف ع ناس عشان يطلع يشتغل معاهم معرفش ف صحابو كلموه وقالو ليه احنا قريبين منك تعاله اشتغل معانا ف هو راح ليهم بس مكنش قال ل بابا انو ماشي ف الي كانو ف السكن مع خطيبي زودو كلام ل بابا ف بابا اتعصب اكتر وكلم حمايا وزعق فيه ف الفون و قالو كل شيء قسمه ونصيب و حاليا خطيبي شغال و معاه فلوس و بابا الدنيا جت عليه عشان ماما كانت قالت ليه ربنا هينتقم منك لو ظالم الولد و انا و الي كان خطيبي بنحب بعض بس ابو خطيبي مش راضي يكلم بابا عشان بابا اصغر منو وزعق فيه بس بابا عندو صمام مقفول ف القلب ف لما بيكون مدايق بيزعق تلقائي ف انا عاوزه حل نقنع بيه اهلي و اهلو انهم يتقدمو تاني و نرجع لبعض

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_41292 🇫🇷

منذ 8 أشهر

شعور محبط

أنا وقعت في حب صديق الطفولة اعترف لي بحبه منذ سنوات و لكنني كنت رافضة لهذه الفكرة ، لان في أيام الثانوية كان في علاقة مع صديقتي و لكن صار خلافات بيننا و مضت سنوات و لم نعد نتحدث ، و انا اليوم لا أعرف اذ كان يحق لي الوقوع في الحب مع صديق طفولتي او لا …

Blueberry_31287 🇪🇬 رأيي ان دا نصيب ولو هو عاوزك وانتي كمان يبقا اي المشكله! وبعدين علاقته مع صحبتك كانت فتره مراهقه فقط

عرض الكل 2 نصيحة

Guava_35885 🇪🇬

منذ 8 أشهر

شعور مستنزف

عبّر عن شعورك بشكل مجهول

ازيكم اسفه للاطاله احاول اختصر .. الشخص اللي بحبه وبيحبني حصلت للاسف ظروف صعبه جدا تخلينا نتجمع عندي ف البيت رافضين لسبب معين لما اتقدملي وعنده ف البيت بعد كدا رفضوا لسبب معين والدنيا باظت تماما من ناحيه الأهل هنا وهنا ولكن أنا وهو لسه بنحب بعض هو اتسرع وسمع كلام زي الزفت من أهله المهم يعني خطب بعدها بمفيش وعدي ٤ شهور وانا لسه بحبه وهو لسه بيحبني هو تعبان جدا في حياته مش عارف ينساني وبيحبني وتعبان عشان مش عارف يعمل ايه انا عارفه أنه مختار يكمل مع خطيبته عشان مختار الجوازات دي بالعقل كدا وخلاص لما فقد الامل في علاقتنا تكمل وفي نفس الوقت هي قريبته وعارف أنه من جواه لو عاوز يسببها مش عارف يقول ايه سبب مقنع لأهلهم خصوصا أن علاقتهم يعني عادي كويسه تمشي يعني بس هو مش بيحيها وانا صعبان عليا البنت وهو كمان صعبان عليه صعبانه عليا أنها مع حد مش بيحبها وصعبان عليا هو الضغط النفسي اللي هو فيه وانه حاسس بتسرع يعني علي الاقل كان ادي لنفسه وقت يموڤ اون عشان يقدر يكمل معاها حتي وانا صعبان عليا نفسي اني عايشه مستنيه امل يكاد يكون مستحيل مش بعمل حاجه غير اني بدعي ربنا يجمعني بيه انا وهو تعبنا واتمرمطنا في حياتنا وللاسف الدنيا مجتش في صفنا هو دلوقتي مسافر متغرب وحاله صعب يعني كفايه فكرة الغربه نفسها يعني لما بيتعب بيحتاجني يدخل يبعتلي أنه تعبان وأنه لو ضحك علي الدنيا كلها أنه كويس ومفيش فيه حاجه انا الوحيدة اللي بيبينلها ده انا غصب عني مش بعرف اقفل ف وشه الباب مش بعرف اقفل الباب في وش حد محتاجني فما بالكم بحبيبي بس في نفس الوقت صعبان عليا كل مرة نقول طب والحل ؟ الحل الوحيد أننا نبعد ونسيبها الباقي علي ربنا لو لينا نصيب بعد كدا هيجمعنا بس المشكله أنه حتي أنا بفكر في البنت يعني بقوله طب ذنبها ايه مشاعرها تكون تحت تجربه يعني نفترض انت معرفتش تحبها بعدين ايه الحل وقتها ولما بييجي سؤال انتي لو مكاني تعملي ايه اقول لو مكانك مكنتش اتسرعت في خطوة زي دي ومستحيل ادخل حد قلبي الا وانا ناسيه القديم ولا حتي حياتي حتي لو هتجوز صالونات ولو حتي غلطت واتهورت زيك وعملتها بسرعه عشان حسابات العقل فحتي لو لقيتني مش مرتاحة اسيبه عشان مش هحط مشاعر الناس تجربه وعشان مكنش انانيه اني اختار بالعقل علي حساب حد تاني دلوقتي بقا ايييه الحل انا وهو تعبانين ميتين حاول ينتحر وانا حاولت انتحر وتعبت كتير بدون دخول في تفاصيل بس انا مش قادرة اتخطي أنه مع حد تاني ولا قادرة اتخطي سرعه الخطوة اللي اخدها بسبب كلام أهله وللاسف مش بلاقي مبرر اقول محدش بيعمل حاجه غصب عنه بس بقى خلاص اللي حصل حصل انا مش عارفه اعمل ايه ولا هو المفروض يعمل ايه انا لو عليا فمش بأيدي الا الدعاء أن ربنا يكتبلي فيه الخير والأمور تتحل ويجعله من نصيبي لكن هو ؟ المفروض يعمل ايه يرضي ويكمل معاها وخلاص طب نفترض معرفش يحبها طب ايه الحل كدا اذي نفسه أنه كمل مع حد مش بيحبه وفي نفس الوقت اذاها أنها ملهاش ذنب تكون موضع تجربه للموڤ أون من الم تاني والمصيبه بقا أن انا هو احسن علاقه في العالم مفيش بينا اي خلافات بس مشكله الأهل دي اللي وقفت ف وشنا اسفه للاطاله ومش عارفه اعمل ايه فيدوني ومستحرمة وهو بردو مستحرم لانه عمره ما كان خاين حتي معايا ولا انا كنت الشخص اللي يعرف حد وفيه حد ف حياته بس غصب عني مش بقدر اقفل ف وشه الباب لو احتاجني قولولي اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Coffee_29700 🇪🇬

منذ 8 أشهر

شعور مكسور القلب

اللي بحبها اكبر مني ب 5سنين ومحدش موافق بعلاقتنا دي خالص بالذات اهلها مش عارف اتصرف والله اتقدمتلها كتير وهما برضو مش موافقين ولا اهلي كمان مش موافقين بس احنا بنحب بعض مش عارفين نعمل اي والله حاولت اعمل كل حاجة برضو منفعتش واحنا بنحب بعض بقالنا كذا سنة

Mango_33042 🇪🇬

منذ 8 أشهر

شعور محبط

بحب واحد بقالي سنه ونص وهوا كمان بيحبني اوي واهلي عرفوا اننا بنتكلم ف هما رفضين الموضوع خالص وهوا مش جاهز انوا يجي يتقدم دلوقتي وانا وعدت اهلي اني مش هكلمه تاني بس انا بجد مش عارفه ابعد عنوا وبحس اني تايها من غيروا وكل مقول هبعد برجع تاني لنقطه الصفر (ومامته مش موافقه عليا) ودي حاجه مخلياني عاوزه اب

Strawberry_32392 🇪🇬 انا مش شايفة اي مميزات ف العلاقة دي بجد هو لو عايزك هيعمل المستحيل عشان ياخدك وصدقيني لو كملتي معاه هتتعبي ف امشي احسن

عرض الكل 4 نصيحة

Cherry_32369 🇪🇬

منذ 8 أشهر

شعور مكسور القلب

عبّر عن شعورك بشكل مجهول

كان عندي وحده صحبتي دي كنت بعتبرها اكتر من اختي كان عندها ولاد خاله اتنين والاتنين ف كليه عاليه وهي كانت بتحب واحد فالنفترض أن اسمو فرج وفرج ده مكنش معبرها كان معتبرها أخته الصغيره وهو مرتبط المهم انا كان عندي اك فيك علي الانستا قالتلي كلميه شوفي هيرد وكده ومردش راحت قالتلي كلمي اخوه هنفترض انو اسمو سليم ، سليم ده حبني اوي عشقني حرفيا وكنت بحس انها اوقات بتحس بغيره او بتستقتر حبه ليا وخوه مش معبرها المهم مامته مكنتش بتحبني خالص وبتكرهني عشان مفكره اني هاخده منها واعيشه ف المحافظه بتاعتي احنا فنفس البلد بس هو محافظه وانا محافظه فرق12 ساعه وهو كبير العيله بعد أبوه ف مكنتش بطيقني وكلمتني كذا مره عشان ابعد عنه عشان دراسه صعبه واركز انا كمان ف دراستي بس هو مكنش بيسيبني كان متعلق فيا حصل حاجات كتير تبين أنها مش كويسه بس كنت معميه وبقول اختي وصحبتي اكتشفت أن هي بتقول عليا كلام زي الزفت مع اخوه اني مش كويسه وكده وكنا متخانقين راحت قالت لسليم اني بخونه بس متقولهاش ف سليم جيه يتعارك معايا وبعديها عرفت وجمعت كلمتها براحه والله حتا وهي قالت عليا كلام زفت وقبليها اذتني بردو عملت دور الضحيه وراحت قالت لمامته اني مش كويسه ومش محترمه واني شمال حرفيا وحاجات كتير وحشه اوي وكانت بتاخد صور ليا من البيت عندها وبعتتها لمامته وقالت إنها بتبعتهالو وحاجات كتير وحشه هو كان هيقطع مع أهله عشاني وبيحبني اوي ومتعلق ومتمسك بيا بس اهلو قالو عليا كلام وحش اوي مش عارفه اعمل ايه ولا اجيب حقي ازاي مش قادره اسامحها كنت بضحك علي نفسي واقول هي متعملش كده وعملت حاجات كتير وحشه اوي ف حقي كله بيقول أنها عملت كده بدافع الغيره بس انا عمري محسستها ب ده انا كنت دائما بقولها انتي احلي واحسن عشان انا فعلا كنت احلي منها شويه من ناحيه الوش والجسم عمري محسستها انها قليله انا كنت بنقص نفسي ف الدرجات عشان تجيب اعلي مني ومتحسش اني احسن منها عايزه هل علاقتنا انا وسليم هتكمل وتبقا كويسه وهنعيش حياه هاديه هو بيعشقني بس انا خايفه من كل الحوارات دي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_27435 🇪🇬

منذ 8 أشهر

شعور مرتبك

اعمل اية لو شخص انا و هو صحاب قريبين جدا لبعض و هو حكالي عن الاكس بتاعتو و انو لسة بيفكر فيها بس اهلو رافضينها بس هو بيحبها اية الحل اللي اقدر اقدمو لية ؟

Pumpkin_25616 🇮🇹 قوليله يسترجل و يعرف أهله أنه المسؤول عن حياته و عن البنت اللي هيختار أنه يتجوزها عرفيه أنه لو متجوزش اللي بيحبها هيفضل طول عمره ندمان

عرض الكل 6 نصيحة

Watermelon_27350 🇱🇧

منذ 8 أشهر

شعور مكسور القلب

Mango_27135 🇪🇬 يارب تحقق ال نفسك فيه وا يديك طوله العمر وا الصحه وا تكون سعيد انتا وا حبيتك يارب العالمين ❤️🌹 بص يا اخي مهما حصل دا والدك مفيش حاجه اسمها بكره مش بحبه مهما كانت فيه صفات الشياطين كلها لو مرتد عن الدين ملكش الحق تكرهه أو تدعي عليه أو تتمني موته سيدنا ابراهيم أما أبوه رماه في النار مدعاش علي ابوه بل با العكس كان بيدعي أن ربنا يهديه مهما حصل ابوك المفروض تقدمله الموده وا الرحمه مهما عمل ادعيله بس

عرض الكل 3 نصيحة

عبّر عن شعورك بشكل مجهول

والله مو عارف شو احكي، الي الناس بتعتبروا ملجئ الهن هو اكتر انسان بكرهو بحياتي.
ايه نعم عم احكي عن الأب، هو لازم يكون سند ولادوا و حامي عيلتو صح؟
عنا الموضوع هاد غلط، هالإنسان كره بحشش و مبعد كل البعد عن الدين و بضلو يقول نشالله تقوم الخلافة الإسلامية، والله بيقتلو جلد.
هالإنسان بحشش و بسبب حكيو مع المافيات ليشتري هالسم منن،
انا هلئ مهدد بالقتل ايه نعم مو عارف شو حيصير و التفكير عم ياكلني مو عشان خايف لا. بس ما بسامحو لو شو لو حبيبتي نقتلت بسبب هالسم تبعو.
ايه قريتوا صح هالشي مأثر عليي و عحياتي لدرجة انو ممكن حبيبتي تنقتل بسببو، حياة الحب هية المفروض اسعد حياة لما تلاقي الشخص الصح.
انا لقيتا و هية الشخص الصح و انا ناوي اتجوزا اول ما ربي يرزقني، "اذا عشنا"
ايه بعرف اصعب كلمة هي مو؟
طيب و كيف لو قلتلكن انو حبيبتي هية آخر انسان باقيلي ب هالدنيا؟
حتى اهلي مو الي ما حدا حيفهم بعرف بس الحب الي جواتي ل هالبنت مستحيل يوقف.
هية الي منعتني عن الإنتحار و طلعتني من اصعب فترة بحياتي، هالبنت سحر مو حب.
بس بالنهاية انا مو عارف شو اعمل و التفكير عم يقتلني بسبب هالشي، الله ياخدني الي و يحميها و يبعد عن كل ولاد الحرام و يقربلا كل خير، قولوا آمين.
جماعة انا ما ضللي ب هالدنيا حل غير الدعاء ف ادعولي لعلهُ حدا منكن دعائو مقبول و الله بيسمع منو💔
ادعولي ربي يحميها و يحميني والله بدي اتحوزا💔
انا بس بدي ياها تكون حلالي مو اكتر.
و اعرفوا اني لو ما رجعت كتبت هون انا الي حكون متت، حسبي الله فيه بس.💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_13468

منذ سنة واحدة

شعور Bad 😞

هو المفروض لما بنشتاق لحد بس الحد ده مينفعش نكلمه نعمل اي؟

التجربة أفضل عبر التطبيق

حمّل تطبيق توهيل على هاتفك لتجربة أسرع