حب مؤلم

Strawberry_26814 🇪🇬

منذ 3 أسابيع

شعور عاطفي

Ice Cream_72134 🇪🇬 انتى معلمه

عرض الكل 6 نصيحة

عبّر عن شعورك بشكل مجهول

فاكرين لما قولتلكم ان الشخص اللي حبييته سابني قبل سنوية بابا بشهر لما كنا متفقين نعمل خطوبه بعد السنويه الشخص اللي سابني في اصعب لحظات حياتي كان عارف ان مليش حد غيره بعد بابا وماما رحمة الله عليهم اللي كان بيقولي عمري ماهسيبك وهكمل معاكي ورسمنا حياتنا الشخص اللي فضل يتحايل عليا سنة كاملة علشان اوافق عليه ولما وافقت اتكعبلت وبابا اتوفي والدنيا باظت معايا اللي سابني لدماغي يوم عيد ميلاده وانا كنت مجهزالوا هدية حلوه وكنت عايزه افرحوا علشان وقف جنبي طول فتره اكتئابي سابني بدون سبب عدي ٨ شهور وجالي يعتذر ويقولي سامحيني راجع يقولي ارجعيلي بعد مااتعافيت وواقفت علي رجلي فاكرين لما قولتلكم ان الحرب داخليه وان الحب لو موجود جوايا عدي وقت والحمدلله قدرت اتخطي وفضلت الحرب داخليه جدا ورجع يقولي سامحيني وارحعيلي ورفضت رفض قاطع وقولتله انت غلط في حقي علط كبير جدا لن يغتفر للاسف قالي هعملك كل اللي انتي عاوزاه وعرفت سبب الانفصال ان وقتها مكنش حاسس بحاجة فمشي ووراحده زميلته قربت منه حاولت تاخد مكاني وعلي حسب كلامه مرتاحش قولتله بس حاولت وده انيل للاسف قالي هعملك كل اللي انتي عاوزاه وهصلح الخطا ونتخطب وتعالي نتقابل ونحط القط علي الحروف قولتله لو عايز تيجي انت واهلك اتفضل واول مقابله هتكون في بيت اهلي غير كده معنديش كلام تاني وعلشان انا عارفه انه مش هيعمل حاجة ولا هيجي عجزته بكلامي وقولتله اني مبقتش بثق فيك ولا عايزاك وان خلاص الموضوع منتهي وان انت اللي اختارت كان رده هعملك اللي انتي عاوزاه بس ارجعيلي قولتله اللي عاوزاه انك متكلمنيش تاني ولما تبقي جاهز بلغني غير كده مفيش كلام وان ده شرطي حاليا .. وقفلت الكلام من اول الشهر وبيني بينكم فكرت كتير هل فعلا ممكن البعد والمسافة يكونوا غيروا حاجات طيب ماا نا نفسي اتغيرت حتي شغفي نحيته قل مهما كنت بحبه ..بس لما عدي ١٨ يوم صمت ومكلمنيش تاني حسيت اني كسبت الرهان بردو وان مش هيعمل حاجة وكانت مجرد كلام بيتقال مش عارفه الحرب قامت جوايا تاني مبقتش عارفةالدنيا هتعمل فيا ايه غير اني مفيش في ايدي غير اسيبها علي ربنا تفتكروا انا كنت صح لما سيبت الموضوع وقفلت باباوا ورميت الكوره في ملعبه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_72403 🇪🇬

منذ 3 أسابيع

شعور محبط

هو احنا ليه متحبناش اصلا وليه متحبناش بالشكل والطريقة واللهفة اللي بنحب بيها هل العيب فينا وف الحب والحنية والطيبة الزيادة ف العطاء ولا ف اننا صرحنا عن مشاعرنا لناس عايزة اللي يطلع عينها ليه الانسان بيحب الشئ اللي بيتعبه ويجرح فيه 😭😭

Chilli_72651 🇪🇬 حب نفسك واهتم بيها وطورها وارفع قيمتها بأخلاقك وفلوسك و هتلاقي الكل بيحبك

عرض الكل 2 نصيحة

Coffee_56986 🇪🇬

منذ 4 أسابيع

شعور متعب

موضوع:

عرفت تنساها او تنسيه

سبتها ليلة ٢٧ / ٣ / ٢٠٢٤ و مكانتش فرقالي خالص لانها كانت مؤذيه جدا و مش مقدره الي كنت بعمله عشانها و بدون دخول في تفاصيل خرجت كمان في نفس اليوم و اليوم الي بعده كمان و بقول لنفسي دايما مستحيل ارجعلها و لكن مش عارف ليه لما بشوفها بتدايق طب ليه انا لغاية دلوقتي فاكر التاريخ دا طب ليه كل ما افتكر حاجه

Watermelon_35465 🇪🇬 اعتقد بتضايق عشان لسه بتحبها او مشاعرك موجوعة منها لسه انت متعافتش

عرض الكل 4 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

السلام عليكم انا محتاجه نصيحه ضروري لان الموضوع بقا اكبر مني ومش قادره تسيطر او اتحمل 
انا حبيت شخص من ٤ سنين وهو مكانش بيحبني كان متقبلني وكنا صحاب وبعدها بسنه ارتبطنا وكملنا سنتين ارتباط وكلم اهلي وعرفوه وبعدين اكتشفت انه كان مرتبط بوحده ٥ سنين وبيحبها ولما كان بيبعد وبيرجع كان بيبقا معاها ولما يبعد عنها يرجعلي.. ولما ع فت بعدنا فتره كبيره ورجعنا من كام شهر وانا شاكه فيه رغم انه اتغير وقال انه بيحبني وكمان شهرين خطوبتنا وان البنت كانت مريضه ولما بيقفل بابها بتهدده بانها تموت نفسها ولما دورت وراها طلع عنده حق مبيكدبش وخبي عليا عشان ميخسرنيش وانه هيقفل بابها والموضوع يخلص 
وفعلا تمم مع بعض وكلم اهلي تاني وحددو ميعاد بس انا دلوقت بشك ف النفس الي بيتنفسه وبتخيله معاها ومع بنات تانيين كان يعرفهم وكلامنا كله عن ماضيه وخناقات بسببي عشان مش قادره اتخطي ده.. ووصلت بيا ان كل م اشك واتخيل حاجه اذي نفسي واخبط فالحيط واكسر واخرهم ايدي حصلها شرخ وبحلم كتير بحاجات وحشه وانه بيخوني وبتخيل انه هيسيبني ويخطبها هي وبشك ف كل حاجه لدرجه ان بقيت احس اهلي من كتر م بيدافعوا عنه بيتأمروا عليا معاه وعايزين يئذوني .. وحياتي معاه يوم حلو وعشره تعب ولوم وعتاب رخناقات وشك والمشكله روحي فيه وبيحاول يطمني واتغير ١٨٠درجه وبقا طيب وحنين وبيحاول ولكن كل حاجه بربطها بالي كان يعرفهم وتعبت وتعبته معايا وماما اقترحت اتابع مع دكتور تفسي ممكن نصيحه واسفه اني طولت…

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_65087 🇪🇬

منذ شهر واحد

شعور عاطفي

حبيت واحد اعلي مني في الطبقة المادية و اتعلقت بيه طلع شايف نفسه علشان حلو و معاه فلوس و شايف ان انا مستاهلهوش و بلكني (جابلي تروما و ثقتي في نفسي بقت٠)كل يوم بسأل نفسي ليه مشي هل انا شكلي وحش طب انا وحشو من جوايا و لا يمكن علشان ظروفي مش قد كدا أو يمكن انا متحبش

Marshmallow_70902 🇪🇬

منذ شهر واحد

شعور مكسور القلب

موضوع:

عرفت تنساها او تنسيه

مش عارف انساها ولا اتخطاها لان هي مش وحشه وانا مش وحش الي بوظ الدنيا هو اهلي للاسف وانا لسه بحبها وكل ما بشوفها بحبها اكتر لان هي الي كانت حنينه عليا وبجد حبيتها من كل قلبي والي مدمرني انها معايا في الشغل وبشوفها كل يوم ولازم اتعامل معاها عشان الشغل وبنتعامل عادي معتفش هي شعورها ايه بس انا حقيقي بمو

Pear_71903 🇪🇬 انا عاوز اعرف برضو هو الحب كافي ولا لازم ناخد باعتبار الاهل عشان متجوزش وانا معمي

عرض الكل 7 نصيحة

Orange_54834 🇪🇬

منذ شهر واحد

شعور مكسور القلب

عبّر عن شعورك بشكل مجهول

شعور صعب اوي لما تحس ان البني ادم الي انت بتحبه هو يبقى أقسى حد عليك وهو ماشي أنا حبيت واحده بقالي سنه كانت بتعملني حلو وانا بالمثل في اول علاقتنا كان عندي مشكله مع شكلها بس قولت كل حاجه مش بالشكل وتقبلت الموقف سابتني اول مره لانها كانت عايزه تبعد عني تاني مره بردوا لنفس السبب وكانت على اول شهر 2 الي فات سألتني مرتين ورا بعض ورجعتها وكأني بعامل عيله صغيره وبعدين سألتني خامس مره  ولما رجعتها تاني بعديها بأسبوع كان المفروض نخرج ولما خرجنا مكنتش حاسس اني طايقها ولما حست اني خلاص ممكن أسيبها فضلت تعيط فلما عطيت صعبت عليا العشره الي بينا وفعلا أنا من نفسي قومت من نفسي تاني وكأني كنت بعمل مجهود لوحده متستاهلش سابتني من حوالي أسبوعين وحاولت أرجعها ورجعت بس بالعافيه آخر مره بقى ودي جابت النهايه كانت اول امبارح كانت يوم الجمعه كان قبليها علطول يوم الخميس كانت خرجه معايا وكانت مبسوطه أكلنا وشربنا وكانت مبسوطه جدا وانا كنت مبسوط لانبساطها وخرجت مع صحباتها بعد خروجاتنا وكانت متضايقه اوي من الخروج مع صحباتها تاني يوم بعد صلاة الجمعه رنت عليا وكانت الشبكه وحشه وبتقول انها متاضيقه فحاولت اني اكلمها بس كنت فاكرها عماله تهزر في الكلام تضحك لان زي ما بقولكوا الشبكه وحشه بتقولي انت بتهزر قامت قفله السكه في وشي المهم كنت فاكر انها اتضايقت عشان أنا بهزر وانا عامل حسابي انها بتهزر أصلا أنا معرفش والله انها مش بتهزر وفي الاخر قالت لاخويا انها هتسبني وتمشي فلما رجعت من صلاة الجمعه لقيتها عملتلي بلوك من كل حته ده حتى من LinkedIn يا راجل 😂 حاولت طبعا كالعاده أرجعها بس هي المرادي بتقولي أنا انطفيت منك وانطفيت من تصرفاتك وقعدت افهمها اني والله ما سمعت كويس وهي مش عايزه تسمعني ولا تسمع أنا بقول اي أنا اتعلقت بوجودها بس أنا كمان متدمر بس مستحيل تاني احاول هي مش عايزه ترجع وعماله تحلف وتقول والله ما هرجع والله أنا لو فضلت طول عمري لوحدي مش هرجعلك واني كنت كويسه معاك طيب أنا اعمل اي حاسس بشعور خنقه بيجيلي كل ما بصحى من النوم مش بلاقيها شعور صعب اوي 
بس أنا عندي كذا سؤال هل هي هترجع تاني ؟ 
هل أنا أتعايش ازاي مع الموضوع لان في خنقه رهيبه كانت فكره نفسها بتمن عليا بحنينها يعني اي حاجه أنا بعملها كانت بالنسبلها حقها لاكن هي لما بتعمل حاجه وحده ولو يبقى هي كده عملت الي عليها وزياده وقولوي يا حماعه أنا بجد متدمر مش زعلان بس

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_71339 🇪🇬

منذ شهر واحد

شعور مكسور القلب

انا كنت بحب واحده وقاعدنا ٣ سنين مع بعض اي نعم كل فتره كنا بنسيب بسبب ولدتها ونرجع تاني لغايه مادخلت الجيش وخلصت واشتغل معاها في نفس الشغل وهي اتعرفت علي حد الفتره دي وبداو يتكلمو و بدا اسلوبها يتغير واحده واحده مش دي الشخص الي انا كنت عارفه وهي سابت الشغل بعديها لقتها عملتي بلوكات من كل حاجه وعرفت

Sugar_30606 🇪🇬 ياعم دي مش تمام .معلش يعني وطماعه وعايزه كل حاجه ومش عايزه تخسر حد .. اخلع وسببها تشربب

عرض الكل 31 نصيحة

Biscuit_64034 🇪🇬

منذ شهر واحد

شعور مكسور القلب

عبّر عن شعورك بشكل مجهول

عيد ميلاده النهاردة..
اول و آخر حب فى حياتي .. اكتر شخص وجعني و هز ثقتي بنفسي و بالجنس الآخر كلهم اكتر حد اذاني نفسيا و مش عارفة الومه حتى عشان هو شخصياً كان مَأذي نفسياً و غالباً طلعه عليا 😅
سابني عشان ماتحملش ضغط عيلته عليه بعد سنين كتير بيننا كلهم تفاصيل و عشرة و ضحك و هزار و عياط و حاجات صعبة كتير كنت بساعده بشكل رهيب نفسيا و ماديا كمان لو اقدر ماكنتش ببخل ياى حاجة بس هو كان دايما بخيل عشان خايف منهم 
انا عارفة انى استاهل احسن بس القلب مش راضي يفهم 
العين مش راضية ترتاح لشكل ضحكة حد تاني الودن مش مأنسها صوت غير صوته حتى برفانه اما بشمه فى مكان بتلفت يمين و شمال
 
فات سنتين و شهر و كام يوم على اخر مرة شوفته فيها من ضهره و هو واخد حاجاته و ماشي 💔
و كأن الدنيا كلها وقفت على المشهد ده 
و انا شايفة كل حاجة فاكرة انها عوض ربنا واخدة بعضها و ماشية من قدامي و خلاص كدة تتر النهاية نزل ..
 حاولت لمدة سنتين و شوية اني اتعامل مع بشر و اتقبل هزار وكلام عن  الجواز و يلا بقا عاوزين نفرح بيكي و راح قرد و ييجي غزال و كل الهري ده مااثرش واحد فى المية فى وجعي اللى ماراحش

احب ازاى تانى و انا موجوعة اوي كدة ؟ 
و اطمن لغيره ازاي و هو اكتر حد كان حافظني و بطمن له و اهو رماني و مشي اول ما خد اوامر و اتقال له سيبها ؟ 
انا مابقتش شايفة اني اتحب اصلا ولا شايفة اى ثقة في اى راجل ممكن يقولى صباح الخير حتى 😅💔

فضفضه فارغة

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Banana_69847 🇪🇬

منذ شهر واحد

شعور مستنزف

من فتره اتعرفت علي شخص يعلم ربنا انه محترم وكويس ومشوفتش منه اي شئ مش تمام اتعلقت بيه وحبيته وبقيت بفرح زي الاطفال لما بخرج معاه بحس ان رجعت عيله تاني بضحك من قلبي بس كنت خايفه من الفرح الي انا فيه لحد يوم معين حصل خلاف بسيط وسابني وانا مسألتوش سبتني ليه ولا اي اللي حصل مني يخليك تسبني الكلام دا من

French Fries_70034 🇪🇬

منذ شهر واحد

شعور محبط

موضوع:

إزاي العلاقات السامة بتسرق منك نفسك؟

انا ارمله ٣٩ سنه دخل حياتي شخص بعد ماكنت قفلت قلبي جري ورايا شهور وكان معايا فكل وقت وفكل لحظه مع انه مسافر مش معايا فنفس البلد حبيته من كل قلبي ولما ابتديت احبه بعد بقى يتجاهلني وديما مشغول ومابيردش على رسايلي صبرت عليه لاني حبيته قوي قوي وحسيته عوض من ربنا نزل اجازه شفته وكانوا احلى يومين قضيناهم

Apple_68133 🇪🇬 اوقات ناس بتدخل حياتنا، ويسيبوا وراهم سؤال كبير: ليه؟ بس الحقيقة إنهم مش السر، إحنا السر إنتِ مش محتاجة تنسيه، إنتِ محتاجة تفتكري نفسك قبل ما يدخل اللي اتكسر جواكي مش ضعف، دا انعكاس لقيمة عظيمة كنتي شايلاها جواكي وحطيتيها فـ قلب غلط وكل ما يجي في بالك او تفتكريه، قولي لنفسك: اللي بيعرف يلمس قلبي، لازم يعرف يحميه وصدقيني، ربنا مبيكسرش قلب إلا لو ناوي يعمّره من جديد بنضافة

عرض الكل 13 نصيحة

Cherry_69798 🇪🇬

منذ شهر واحد

شعور محبط

Sugar_69803 🇪🇬 خليكي عارفه ان اكثر شخص عارف الحكايه وفاهم وعاش كل حاجه هو أنتي وخليكي واثقه من اي قرار انتي هتاخذيه لو انتي شايفه انه شخص كويس مش هيقل منك لما ترني عليه او تكلميه كلميه لو ده هيريحك ، حاولي تفهمي ايه اللي حصل ما تبينيش انك شخص مثير للشفقه وتقعدي تزني وتعيطي بلاش يعني قولي كلامك بثقه حتى لو كان فيه نوع من الحزن عادي و بالاخير حاولي تتفاهمي بهدوء ما تجيش على نفسك اوي

عرض الكل 3 نصيحة

عبّر عن شعورك بشكل مجهول

انا مش هحكي عن ظروفي ولا قد ايه حياتي كانت صعبه من طفولتي وحقيقي ما عيشتش حياتي واني بسأل ربنا كل يوم انا موجوده ليه انا مش عارفه اعيش خدني يارب واني عملت حاجات كتير غلط انتقاما من نفسي ومن الظروف ومن اهلي كأني يصرخ وبقول كفايه انا بكره اهلي اووي ربنا ينتقم منهم وعمتا هما متطلقين ومش هتكلم في تفاصيل بس جالي عريس اكبر مني. ب١٥ سنه انا كبيره برضو بس حسيت أنه عوض ربنا ومش مشكله أن سنه كبير انا عايزه استقر اهلي عملوا معاه حاجات كتير وحشه وماكانوش بيستقبلوه كل طرف بيرمي علي الطرف التاني ولما هو عزم اهلي رفضوا عزومته المهم انا مش عارفه هو كان بيلعب بيا ومش ناوي جواز ولا قلق من التفكك الأسري اللي عندي بس ده كان بيطمني وعاطيني الرقم الخاص بتاعه وبيشكر فيا وحسيت أنه استحمل كتير وطلب من ابويا نعمل شبكه ع الضيق بابا رفض ولما قولت لبابا اني هكلف كل حاجه قاللي لا وطالما معاكي فلوس جهزي نفسك ماتطلبيش مني حاجه وانا ماخليكيش تدفعي فلوس ع التفاهات دي مع أنه عمل لأخواتي اللي من مراته التانيه بس مش مهم المهم أن الشخص ده وافق وخلاص كان حاسه أنه شاريني فجأه عمللي بلوك من كل حاجه وماقاليش سبب بلوك علي كل التطبيقات وأخواته عملولي بلوك وكلم خالي وقال لخالي أن ابوها بيعاملوني وحش ومايعرفش حصل ايه بس شاكه أن خالي طفشه برضو . انا بحبه بقالي شهور بتقطع ومش بنام وكان فرصة حلوة ليا بروح ناحية بيته علي امل اشوفه كل المقدمه دي علشان اقول اني عايزه أكلمه افهم ايه اللي حصل بس خايفه يعينني أو يجرحني انا اشتريت رقم تاني علشان أكلمه بس متردده

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_68655 🇪🇬

منذ شهر واحد

شعور مكتئب

حبيت واحد وقعدنا مع بعض سنين بعدها محصلش نصيب ومبعدناش كنا بنسال ع بعض بس ف نفس الوقت كنا بنأذي بعض بكلامنا ووجودنا هو دلوقتي خطب وعايش حياته وانا حياتي واقفه مش عارفه انساه ولا ابطل تفكير فيه وبدعي عليه عشان هو آذاني نفسيا كتير اوي وكسر قلبي ولغايت دلوقتي متدمره نفسيا بقيت بعمل حاجات كتير غلط كل ح

Banana_66785 🇪🇬

منذ شهر واحد

شعور مكسور القلب

بجد أنك تحب حد وتلقيه ديما متجاهلك ومش بيرد عليك غير لما يكون هو عايز أصعب إحساس وأنت ديما مهتم بيه لما يكون عايزك تكون موجود بتلاقى نفسك بتتاكل كل يوم كل يوم بنقص منك حاجه لحد لما تنتهى وميبقاش ليك نفس ولا شعور للحياه سعات بقول ليه مموتش دلوقتى عشان أخلص من الشعور ده الواحد انتهى فعلا كل المشاعر ال

Almond_67947 🇪🇬

منذ شهر واحد

شعور مكسور القلب

موضوع:

حاجة مش مسامح نفسك عليها ؟

كنت بحب بنت و مشيت معاها طرق مش شبهي عشان منخسرش بعض كملت معاها بعد ما الحدت و علمتني شرب السجاير الي بالمناسبه حتي بعد ما سيبنا بعض مش قادر ابطلها دمرت علاقتي ب اهلي و عدمت ثقتي بنفسي وبجد انا مش مسامح البنت دي نهائي و بتمني تدوق ولو مره حبه من الوجع الي حسيت بيه

Avocado_63863 🇪🇬

حبيته وسبني ومش فاتح بالي وهو عايش عادي

حاسه اني ضيعه خصوصا بعد ما حبيته وسبني وبعد كل اللي كنت بعمله اللي يطلبه سبني وكمان غلط فيا طيب هو هيتردله الاذي ده المشكله اللي وجع قلبي أنه عايش حياته عادي ماشي ورامي كل الغلط عليا طلعني انا اللي وحشه بعد مكان ههيموت عليا قلبي متكسر ميت حته اعمل اي تايه بمعني الكلام وهو عايش حياته هو اصلا مش فكرني 💔💔 ...عرض المزيد

2 الدعم

27 نصيحة

Apple_60650 🇪🇬

أمي خاينة أبويا ومش عارفة أقول له

ازيكم انا عندي 26سنه متجوزه وبحب جوزي ومعانا ولدين دي القمر ربنا يخلهملي يارب بصلي الحمد لله المشكله الا في حياتي هيا امي امي على علاقه ب راجل تاني غير بابا وبابا راجل كبير ف السن 77سنه واني أصغر منو ب كتير المهم انها على طول مسوده عيشه ابويا ومبهداله وشتيمه وقله قيمه ومعايره انو مبقاش يقدر يعمل معاها علاقه معرفا الناس كلها كل الرجاله آلاف العيله او الا بره العيله عارفين انو مقصر ف الحكايه دي انا دلوقتي وقعت تحت ايدي ركورادت ليها معا الشخص الا هيا ماشيا معاه ده ومش عارفه اعمل ايه ابويا صعبان عليا جدا ومن شهر ابويا عمل معاها مشكله كبيره وساب البيت ومشي ودخل اخوها وعشان هيا مقتدره ماديا اخوه كدب ابويا وقالو هنرفع عليك قضيه سب وانك بتخوض ف عرض اختي وجه ف صف اخته عشان بتصرف عليه انا دلوقتي معايا دليل ان بابا عنده حق ومش عارفه اقول ل بابا ولا اعمل اي انا بحب بابا جدا وصعبان عليا الا بيحصل فيه ده انصحوني ...عرض المزيد

3 الدعم

20 نصيحة

Strawberry_70616 🇪🇬

محتارة أوي أعمل ايه في حياتي بعد التخرج

انا محتاره اوي أعمل ايه في حياتي لسه متخرجه من كام شهر و من بعد ما اتخرجت وأنا تيهه لدرجه إني مستلمتش لسه الشهادة من كتر ما انا بهرب من الحقيقه معتش عرفه اعمل ايه اشتغل ولا اتجوز و ساعات بميل لأني اتجوز و استقر و اعمل بيت و ساعات إميل إني اشتغل بس مش عرفه اعمل ايه صحابي إلي قدي في منهم مخطوب و متجوز و استقر و في منهم بداء يشتغل بس لما باجي أشوف حياتهم برضو مش هو دا إلي ببقي عيزاه بيبقي شغلهم أصلا بره التخصص أو شغل مش حباه و إلي متجوز ببقي شايفه طبعا أن وضع جوزهم دا مش مناسبني بس علي الأقل بيبقو عملو حاجه عيزنها أو مختارنها انا مش بابص ولا يقارن حياتي با حياه حد نهائي بالعكس إلي هما فيه مش عجباني بس خايفه أوافق مثلا علي حد أو جوازه مش عجباني لمجرد أن مفيش رجاله كويسه في الزمن دا و كدا فا أرضي با أقل الخساير أو شغلانه مش حباها عشان أهو اسما بشتغل اعمل ايه بجد تعبت ...عرض المزيد

0 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع