toheal logo

French Fries_70034 🇪🇬's منشور

French Fries_70034 🇪🇬

منذ أسبوعين

.

شعور محبط

انا ارمله ٣٩ سنه دخل حياتي شخص بعد ماكنت قفلت قلبي جري ورايا شهور وكان معايا فكل وقت وفكل لحظه مع انه مسافر مش معايا فنفس البلد حبيته من كل قلبي ولما ابتديت احبه بعد بقى يتجاهلني وديما مشغول ومابيردش على رسايلي صبرت عليه لاني حبيته قوي قوي وحسيته عوض من ربنا نزل اجازه شفته وكانوا احلى يومين قضيناهم سوا فرحت بيه قوي وحبيته اكتر وهوا بعد اكتر اهملني وذلني وجع قلبي وكسره وسد نفسي عن الحياه قررت اسيبه خلاص بس للاسف بشوفه كل ماغمض عيني بقعد وسط الناس وهوا معايا مش عارفه اطلعه من دماغي ولا قلبي بدعي ربنا وبعتله الدعاء تعبت قوي بجد نفسي فحل يشيله من قلبي ويشفي قلبي اللي وجعه بالشكل دا

6

13

Apple_68133 🇪🇬

أفضل نصيحة

.

منذ أسبوعين

اوقات ناس بتدخل حياتنا، ويسيبوا وراهم سؤال كبير: ليه؟ بس الحقيقة إنهم مش السر، إحنا السر إنتِ مش محتاجة تنسيه، إنتِ محتاجة تفتكري نفسك قبل ما يدخل اللي اتكسر جواكي مش ضعف، دا انعكاس لقيمة عظيمة كنتي شايلاها جواكي وحطيتيها فـ قلب غلط وكل ما يجي في بالك او تفتكريه، قولي لنفسك: اللي بيعرف يلمس قلبي، لازم يعرف يحميه وصدقيني، ربنا مبيكسرش قلب إلا لو ناوي يعمّره من جديد بنضافة

14

0

Watermelon_70037 🇪🇬

.

منذ أسبوعين

حل من الاتنين لو دخلتي علاقه تانيه علشان تنسيه حياتك هتبوظ اكتر وهتظلمي نفسك وهتظلمي اللي معاكي .. الحل الامثل دوسي علي نفسك وعلي قلبك واعملي اي حاجه تشغل يومك وحياتك انزلي جيم وهدي نفسك متسمحيش لنفسك انك تفكري في حاجه عاطفيه

10

0

Chilli_68026 🇪🇬

.

منذ أسبوعين

حاولي تشوفي الوحش اللي فيه زي انه زلك مقدرش قيمة الحب وانه مش شايفك حبيبة ليه وفى نفس الوقت على استحقاقك بنفسك وحبي نفسك الأول قبل أي شئ.. وساعات لما بنتعلق بناس بيبقوا هما سبب المنا وحزننا وروحنا المطفية.. فالحل انك تدوسي ع قلبك وتشوفيه حشرة جوه قلبك ملهاش قيمة

10

0

Watermelon_63493 🇪🇬

.

منذ أسبوعين

هو ان قلب يحب ويتوجع ظة فى حد ذاته حلو يفتح قلبك ونفسك للحياة مرة تانية اقفلي صفحته وخليكى حاهزة للصفحة المناسبة

10

0

Olive_68469 🇪🇬

.

منذ أسبوعين

هو احنا تقريبا فينا العيب ده بنحب من غير عقل وتفكير وبنسيب مشاعرنا تتحكم فينا لغاية م اللي قدامنا ياخد كل مشاعرنا الحلوه دي ناحيته ويذلنا بيها ويتحكم كمان وبعدين يزهق ويمشي ...لو إحنا بنحب نفسنا نحافظ ع كرامتنا ومنذلهاش كده ابعدي عنه ده إنسان مش كويس وخليكي قويه

10

0

Avocado_70058 🇪🇬

.

منذ أسبوعين

حبي نفسك اكتر وخلي كرامتك فوق كل شئ.. للأسف انتي بينتي له قد ايه انك هتموتي عليه وهو طلع زباله ولعب بمشاعرك.. زعلانه عليه ليه.. ومعلش دوسي على قلبك وربنا يعوضك والدنيا مابتقفش على حد

10

0

التجربة أفضل عبر التطبيق

حمّل تطبيق توهيل على هاتفك لتجربة أسرع