حب اول

Coffee_65038 🇪🇬

منذ يوم واحد

شعور مكسور القلب

Potato_26031 🇪🇬 انت راضي عن نفسك كدة يعني ؟

عرض الكل 4 نصيحة

عبّر عن شعورك بشكل مجهول

انا ارتبط كذا مرة 
بس المرة دي حبيت اوووي ممكن تقولوا محبتش قبل كدا 
ممكن تقولوا أن حب الطفولة كان اعجاب ام دي الحب الاول 
كانت بتكلم معايا واحد تاني  بس انا بحبها اوووي و بخاف عليها ممكن تقولوا حبيتها كل الحب حب الاخ و الاب 
بابها صعب و مامتها متوفيه 
وهي ف تالتة ثانوي و مامتها كانت بتخفف عليها 
ايام امتحانات 3 اعدادي بتاعتها قالتلي انها كانت خائفة و مامتها نامت جنبها وراحت معاها الامتحان و فضلت مستنياها 
مامتها مش معاها حاليا الله يرحمها 
ادعو ليها هي  داخلة 3 ثانوي وانتوا عارفين 3 ثانوي و الضغط بتاع 3
كل ما افتكر أنها داخلة 3 ثانوي و هتتألم عيوني مش بتبطل بكا 
ادعو ليها أن ربنا يريح قلبها و يريح.قلبي 
و انها تحبني زي ما حبيتها و تكون من نصيبي 
مش عاوز تروح لحد غيري انا ال حبيتها اكتر 
الله اعلم ال معاها ده بيتسالي و لا لأ 
بس قالي أنه بيحبها و هيتقدم ليها 
بس من كلامه معايا لما كلمته قالي كلام حسيت من كلامه أنه مش بيحبها 
قالي دي كانت بتخوني معاك 
قالي لو بتحبك هسبهالك 
قولتله طلبت من ربنا انها تبقي من نصيبك قالي لأ 
قولتله يسطي انت ممكن تحارب علشانها قالي مش معايا سكينة معرفش بيستهزء بيه و لا هو كلامه معناه. مش بيحبها 
هو ف نص  المكالمة قالي انا بسجلك قولتله هدتي ليها المكالمة قالي لا مش هينفع انا قولت كلام ميتقالش و قالي انا هخليها للظروف معناه ايه أنه يسجل ليه المكالمة أو يقولي كدا 
يا رب تدعوا ليه انها تبقي من نصيبي ف سجودكم انا اسمي وائل و هي اسمها رانيا 
و قولي ليه هل من كلام الولد ده يبقي بيحبها حق و لا بيتسلي 
جاوبوني بالله عليكم 
وأدعو ليها 
وأدعو انها تبقي من نصيبي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chilli_61220 🇪🇬

منذ 3 أيام

شعور مكسور القلب

عبّر عن شعورك بشكل مجهول

لو هتقرأو  البوست اقرأ للأخر عشان تفهمو التفاصيل
انا موضوعي غريب اوي و عايز حد يفوقني بجد
انا علاقتي بالبنات مش وحشه و مش قويه اوي
الفكره اني لما وصلت ١٧ سنه و لقيت إن كل صحابي مقسومين بين  اللي بيز*ني و اللي  بيع*ط و انا عمري ما عملت حاجه من دول خدت قرار اني هفضل كده طالما انا لسه معملتش حاجه و غيري عنده ١٣ سنه مقضيها
و قلت خلاص بقى مليش دعوه بحوار البنات ده وقلت مش هفكر حتى في الارتباط لحد ما ادخل كلية مثلا و إن شاء الله ربنا يجازيني و يكرمني لما اتجوز تكون واحده حلوه و عمرها ما اتلمست و كده 
اللي حصل بقى السنه دي كنت تالته ثانوي و في مره من المرات في اول السنه و انا في السنتر في درس بنت دخلت الحصه معانا كانت بتاخد في سنتر تاني بس فوتت حصتها و جت تاخد في السنتر ده عشان تعوض ، الفكره انا مركزتش اوي ساعتها بس بعد كده و انا بقول للمستر حاجه هي اتدخلت في الكلام و كده و انا بردو مركزتش معاها اوي بس بعد كده لما خلصنا لقيت صاحبي بيقلي إن هي شكلها معجبه و الكلام ده و اني كل ما اتكلم تبصلي  
البنت بصراحه جميله جدا  و حتى بعد كده لما بدأت اراقب تصرفاتها في الحصص كانت طفله اوي و كيوت اوي و هبله اوي 😂😂
 الفكره بقى اني اتعاملت مع بنات كتير قبل كده بس دي كان فيها حاجه غريبه انا مش فاهمها، طول السنه كنت كل شويه بالصدفه او من غير لما اجي ابص عندها الاقيها بصالي و أحيانا كنت باخد بالي و اعمل نفسي مش شايف انها بصالي و كان ممكن تقعد بصالي كتير لحد ما انا ابصلها او حد يجي يكلمها و فضلت نظرات كده 
و الغريب فشخ بقى ان كل اللي عارفينها بيقولو عليها كاريزما و تقيله و صعب حد يحاول يتكلم معاها 
الفكره هنا اني متعاملتش كتير مع بنات قبل كده  فجيت مع دي و هنجت و كنت خايف فشخ اعمل اي حركه غلط تخليها تشوفني حكاك بعد كل الإعجاب و النظرات دي وكمان مكنتش عايز اعمل حركه غلط فابقى قللت من البرستيج بتاعي وكده خصوصا ان كل زمايلي بيحترموني و شايفني راجل مزبوط و بيقدروني
لحد بعد مده هي زهقت تقريبا عشان انا معملتش اي خطوه (بصراحه حقها لأن كان عدى اكتر من ٧ شهور) فلما السنه قربت تخلص قمت مره رامي كلمة و المستر بيهزر معانا فهي ضحكت و بصتلي و رجعت نظراتها تاني و كانت الحصه اللي قبل اللي قبل الاخيره بعد كده لما مكنش فاضل غير آخر حصتين قبل الامتحان 
قلت خلاص وخدت القرار اني اكلمها او اي حاجه و المفاجأه انها مجتش اخر حصتين 
انا كل اللي مجنني ليه ربنا حطها في طريقي و خلاني مش بفكر في حاجه غيرها رغم اني شفت بنات كتير احلى منها بس محدش دخل دماغي غيرها لدرجه انني ممكن اكون في درس هي مش فيه و معرفش اركز عشان بفكر فيها
المصيبه بقى بالنسبه ليا اني لحد دلوقتي لسه بفكر فيها كتير اوي يمكن اكتر من نص يومي رغم اني اخر مره شفتها كان من شهر تقريبا ولسه كل تفكيري اني هلاقيها و مش قادر اتقبل إن خلاص انا معرفش سكتها ايه ولا هي ساكنه فين و لا اعرف اي حاجه 
انا مضايق عشان ليه افضل كل ده بفكر فيها و عايش على أمل اكيد هتلاقيها و هتكون ليك 
و مش عارف لو لقيتها بعدين و بقت اتجوزت اصلا ولا اتخطبت رد فعلي هيكون ازاي 
اللي مضايقني اني مكنتش بجري ورا البنات ولا بفكر في الموضوع اصلا ولا عمري ما لعبت بمشاعر واحده عشان في الاخر تظهر واحده زي دي و احبها من بعيد و تختفي تاني 
لو حد يقدر ينصحني بأي حاجه يقول

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Donut_60803 🇪🇬

منذ أسبوعين

شعور عاطفي

فاكر اول مره حبيت فيها كانت بنت معايا فى المدرسة عملت إلى مبتعملش بس عشان اتعرف عليها وقعدت 7 سنين وراها لحد ما دخلت الجامعه وكلمتها واعترفت عليها وبعد اسبوع لاقيتها خطبت ومنزلة صور الخطوبة بعدها بكام شهر صور فرحها الموضوع زعلتى جدا لأنى كنت ساعتها فى أولى جامعه وانا محلتيش حاجه حتى انى احاول اتقدمل

Pistachio_26702 🇪🇬 طالما محصلش نصيب بينكم يبقي مكانتش خير ليك او انت مكنتش خير ليها اكيد ربنا سايبلك حاجه تستاهلها وتريح قلبك المهم قول الحمدلله وحاول تنساها وركز ف دراستك وانزل شغل عشان لو حبيت تتقدم لواحده تاني تبقي قادر تخبط علي الباب م لسه هتتعرف عليها وهتستني كتير عشان تقدر تتقدم وادعي ربنا انه يريح بالك ويرزقك بالحلال

عرض الكل 3 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Mango_59059 🇪🇬

منذ شهر واحد

شعور متعب

انا مش عارفه انا هقول اي ولا عايزه اقول اي بس انا زمان لما كان عمري ١٦ سنه حبيت ولد من سني كل المشاعر الي جوايا ادتهاله وانا اصلا من النوع الي بخاف اوي حد يقرب مني او يكلمني طول عمري كنت واخده بالي كويس اوي بس مش عارفه انا حبيت ده ازاي يمكن من كتر المشاكل الي بين امي وابويا مشاكلهم دي دمرتني نفسيا و

Mango_56566 🇪🇬

منذ شهر واحد

شعور مرتبك

الشائع إن البنات الكائن الكيوت اللطيف اللي مش بيعرف يأذي انا شاب ٢٧ سنه حاليا كنت مرتبط ببنت وانا سنتي ١٥ سنه ايام المراهقه واتعلقت بيها جدا وحبيتها وتخلت عني وهي دلوقتي متجوزه ومعاها اولاد وعايشه حياتها انا مش هقول متجاوزتهاش لا انا تجاوزتها بس مبقاش عندي ثقه اسلم قلبي وانا كبير وناضج كده حد يعمل

Biscuit_57755 🇪🇬

منذ شهر واحد

شعور محبط

اتعرفت عليه و كان اول حب و اول ارتباط ، و حبيته برغم اننا مطولناش ، و المفروض على كلامة هو حبني اكتر ، لحد ما بدأ يختفي و يتغير و اخر ما زهقت عملت بلوك ، الكلام دا من ٤ شهور و عملت موف اون بعدها , و دخلت في علاقة جديدة و مع ذلك مقدرتش احبه و سبنا بعض من اسبوع , و دلوقتي رجعت افكر في الاول تاني و حن

Chocolate_57287 🇪🇬 اوعي ترجعي. اشغلي نفسك بأي طريقة عشان تبطلي تفكير فيه

عرض الكل 8 نصيحة

Mango_55867 🇪🇬

منذ شهر واحد

شعور محبط

Tomato_55795 🇪🇬 ده بس اعجاب يا صحبي كل الشباب مرت بالحظه دي وانا جايلك من المستقبل وبقولك شوف حياتك ومزاكرتك ويظهر في حياتك ناس تانيه تعجب بيها وتحبها اكتر بكتر من الحب الي انت حسه دلوقتي ربنا وفقك في حياتك

عرض الكل 4 نصيحة

عبّر عن شعورك بشكل مجهول

السلام عليكم ،ازيكم ي شباب ،مش متعود احكى لاى حد مهما كان قريب منى أو بعيد عنى مشاكل الشخصية لكن لقيت كتير هنا ع الابليكيشن بيحكى وبيتكلم وده شجعنى ،المهم...
انا شاب عندى دلوقتي 19سنه بدأ الموضوع وانا فى سنه رابعه حولت لمدرسة جديده  وهى مدرسه خاصه يعنى بيجلها طلاب من جميع القرى اللى حواليها هناك شوفت بنت اعجبت بيها وحبيتها جدا لكن مبينتش ده لحد وفضل ده لحد م سنه رابعه خلصت والبنت حولت من المدرسه  وبالمناسبة البنت كانت من بلد تانيه فضلت في المدرسه لحد تالته إعدادى وخلصت الحمد لله ودخلت ثانوى ويشاء ربنا ان دروسي تبقى في بلد البنت دى  وبما انى في بلد تانيه وكده فكانت دائره صحابى صغيره وبعد مرور كام اسبوع التقيت بصحابى اللى كانو معايا ف المدرسة ثم صدفه اشوف البنت دى لكن بردو مقدرتش اعمل حاجه ويعتبر شفتها ف السنه دى كام مره بس مش كتير جيت بعد كده سنه تانيه تطلع البنت معايا في نفس المجموعة ونا كان المكان اللى بقعد فيه ثابت مبيتغيرش فكانت هى ف ناحية البنات تعتبر قصادى المهم في السنه دى شفتها اكتر من مره وبقيت كل م اشوفها تفضل ع بالى فترات كتير عدينا السنه دى وجينا ف تالته وتطلع معايا ف اكتر من درس مقدرتش بقى وقلت ادخل اكلمها ونا اصلا بتكثف وعمرة مكلمت بنات اللى حصل بعت نقطه ع انستا ردت ايوا معرفتش ارد حذفت الرساله وفضلت 3شهور وجيت داخل تانى مكلمها ع حاجات ف الدروس ومره ف مره اعترفتلها وكنا بنتكلم ف الاسبوع مره او اتنين مش اكتر وحتى الشات مبيستمرش اكتر من ساعه وفيه فترات كتير منتكلمش فيها عشان هى بتقول اهلى وكده وخايفه وما إلى ذلك خلصت تالته ثانوي ومتكلمناش خالص بعد النتيجة حتى مرور شهرين ولقيتها بعتت التليجرام واتضحلى بعد كده أنها عملت بلوك ليا ع انستا مع العلم أن كان اكونتها فيك،قالتلى  عامل اى ودخلت اى وكده وعدى اليوم بعد كام اسبوع بعتت تانى ف نص الشات مكملناش وجات تانى يوم معلش راحت عليا نومه قلت خلاص عادى جيت بعد كام شهر عدى وقت كتير ومتكلمناش رحت باعت انا مردتش بعت التانى مردتش قلت يمكن مشغوله وكده فتحت ف يوم لقيتها متصل بعت مردتش رحت عاملها بلوك تانى يوم لقيتها عملت هى كمان بلوك مش عارف عملت ده غصب عنها ولا اى والى الآن بعد مرور 7شهور لسه بفكر فيها ، عمرى محبيت حد فى حياتى غيرها ولا فكرت انى احب اصلا ،لكن الحمد لله على كل حال

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Peanut_54748 🇪🇬

منذ شهر واحد

شعور محبط

من حوالي ٨ سنين اتعرفت علي بنت وحبتها اوي وكانت اول حب في حياتي وان نفسي اجوزها بس محصلش نصيب طلعت خاينها وكانت معايه مصلحه وبعد كده سافرت روسيا وعشت هناك ٥ سنين صحلت احداث كتيييير اوي وتعبت وعنيت واتمرمت كتير اوي ، أتغير وبقيت عامل ذي الوحش اي حد يقربلي كنت بعزبو حرفيا حتي اهلي مسلموش مني لان عمري

Watermelon_52940 🇪🇬

منذ شهر واحد

شعور مرتبك

موضوع:

هل في يوم اتعلقت بحد؟

اتعلقت ب اجمل و احلي بنت حبي الاول بس للاسف كانت شخصيه غير مناسبه اطلاقآ سيبنا بعض بعد سنه ونص بس كان اكتر حد غيابه بيفرق معايا و مجرد ما تكون جمبي بنبسط جدا ده اكتر حد حبيته من كل قلبي و نصيحتي ل اي حد متحبش ف سن صغير عشان هتختار غلط غالبا

Hazelnut_52786 🇪🇬 عزيزي . كل الصواب في كلامك . مظبوط جدا . لان السن هذا مش بياخد موضوع الحب جد . ولكن اهنئك علي تجربتك وعلي معرفتك بالصواب والخطأ. واتمني من كل قلبي لك في كل خطوه سعاده يارب

عرض الكل 5 نصيحة

Coffee_46122 🇪🇬

منذ 5 أشهر

شعور مكتئب

عبّر عن شعورك بشكل مجهول

انا بحب شخص بجد حبيتو من كل قلبي حرفيا كنت صغننة اوي ومش فهمة اصلا كل الي اعرفو أن الشخص دة أنا بحب العب معاه بحب اتكلم بحب اقعد جمبو مكنتش فهمة لي ومكنتش بفكر انا بس بكون مبسوطة لما اكون معاه وكنت يضايق اوي لما يسافر مكنتش بشوفو غير شهر واحد ف السنة وبكون متحمسة اوي انو ينزل عشان العب معاه وحرفيا بكون اسعد انسان ف الدنيا لما يجي انا كنت زي الي بيقولو اني في نعيم الجهل حرفيا قعدت كدة لحد ما عرفت اني بحب الشخص دة يعني الي هو كنت ف سنة رابعة ابتدائي وبعد كدة ف ستة هو نزل مصر نهائي ودة كان اسعد حاجة ف حياتي حرفيا بجد وكنت طايرة من الفرحة انا ف الوقت دة كنت خلاص عرفة اني بحبو وكدة ف كنت بكسف منو جدا وبكلمو بتوتر وكدة يعني
احنا كنا عيلة متحفظة شوية ف كان في حدود بينا يعني والي هو اخرنا ازيك وكدة بس المهم اني كنت بحاول مش أبين اني متوترة منو وكدة بس كان بيبان وكنت بعمل حاجات تضحك يعني بعديها بقا قربنا من بعض شوية العيلة كلها ودة كان شئ غريب جدا يعني وبقينا نهزر شوية مع بعض وكدة  المهم اني كنت عشان مش أبين اني متوتر منو ومكسوف كنت بهزر معاه كتير ف احنا قربنا من بعض وانا اخدت رقمو وكنت بكلمو كتير وبهزر معاه وكدة يعني وكان ملحوظ جدا ان احنا قربنا من بعض جدا المهم ان انا بعد ما لبست النقاب بعدت شوية عشان بجد حسيت أن مش ينفع الكلام دة وكدة يعني ف كنت كل فترة كدة ابعت يعني وكدة 
بس النقلة بقا الي حصلت من يوم 26/8/2023 كل حاجة اتشقلبت لما عملت اكتر حاجة انا ندمانة عليها دلوقتي أن انا دخلت من اكونت فيك وكلمتو وعرف يعني اني بحبو بس مش قولتلو أن انا يعني قولتلو. اني صحبتها وقولتلو أن يبعد وكدة يعني وهو فعلا عمل كدة وبعد اوي وانا حرفيا بتعذب من تجاهلو دة وهو حتى لو بعتلو بيشوف الماسدج ومش بيرود حتى عرفة أن الي بيعملوا دة صح لان دة ف مصلحتي يعني بس انا اضايقت اوي دلوقتي بقا مش في اي حاجة حتى لو لما بيسلم بيتجاهلني تماما انا تعبت فعلا انا بحبو حب بجد يعني ميتوصفش لدرجة اني انا بنسى ادعيلو اول حد يجي فبالي هو وافضل ادعيلو وبدعيلو انو حتى لو هو مش ليا يتجوز واحدة يكون مرتاح ومبسوط معاها انا دلوقتي اهم حاجة أن هو يكون مبسوط ومرتاح انا مش عرفة اشوف حياتي مش عرفة اعمل حاجة بجد انا بموت ف اليوم 100مرة لاني صعبانة عليا نفسي اني احب شخص الحب دة كلو و هو مش بيحبني 
الحمدلله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pistachio_21985 🇪🇬

منذ 5 أشهر

شعور لا مبالٍ

عبّر عن شعورك بشكل مجهول

بصو هو حوار معقد شويه بس هحاولو تفهموني انا دلوقتي كان في شخص في حياتي هو من محافظه غير محافظتي المهم اعرفه من 2021 زي ما تقولو كدا هو ال First love بالنسبالي الشخص ده انا شوفت منه كل الحلو وكل الوحش بردو يارب تكونو فاهمني المهم احنا كنا ساعتها صغيرين كان هو 18 وانا 16 ارتبطنا سنه وشويه ف مره عمل حركه بايخه كدا ف انا قررت اني مش هينفع اكمل في ريليشن مع الشخص ده بس انا من جوايا كنت لسه بحبه وعايزاه بس زي ما تقولو كدا الايجو بتاعي كان اكبر من مشاعري المهم فضلنا نتكلم بتاع ٣ سنين من 2021 لحد 2024 كنت انا بردو في الفتره دي لسه بحبه بس هو انا مكنتش متأكده من اي حاجه ناحيته وعمري ما كنت هتكلم معاه في رجوع او مشاعر لان انا اللي نهيت كل حاجه بس من جوايا انا هموت ونرجع بس جيت في مره حسيت اني بقالي اربع سنين بضيع وقت وخلاص  ف قولت  ادي لنفسي فرصه احب واتحب من شخص عايزني فعلا وفعلا عملت  كدا كان في شخص كان هو عايزني ومن نفس محافظتي ف هو كان نوعا ما عاجبني بردو ف قولت ادي لنفسي فرصه معاه وقد كان بدأت اختفي من حياه الشخص التاني ده بالتدريج وكان هو مستغرب انا ليه طريقتي اتغيرت وليه بيرن مبردش ف مره بعتلي قولتله اني خلاص ارتبطت ف قالي طب انتي لسه مقولتيش وليه سيباني كدا قولتله عشان حسيت انك مش مهتم تعرف حاجه زي دي اصلا لان فعلا هو كان بيختفي ويظهر كتير في حياتي ف المهم فضلت مع الشهص الجديد ده سنه بالظبط وبعدها اكتشفت انه بيخوني بقاله ٦ شهور من السنه وانا مكنتش اعرف😂 اللي استغربته في نفسي ان انا مزعلتش ولو 1% علي الشخص ده انا حتي منزلتش دمعه وده اكدلي اني محبيتوش لان انا بزعل جدا وبتأثر من الحاجات دي بالذات لو شخص بحبه فعلا المهم انا من ساعه ما بعدت وانا كل تفكيري في الشخص القديم  وحسيت ان انا كل مشاعري موجوده لسه معاه واني مش عارفه احب حد بسببه ف قولت اجيب رقمه واسجله تاني واشوف هل هو لسه مسجلني واتساب ولا لا لقيته لسه مسجلني وستوريز بتظهرلي دخلت عنده تيك توك اشوف ريبوستس لقيتها معظمها حزينه مش عارفه هل هي عليا ولا هو قابل حد بعدي  بس المهم انا مش عارفه هل ادخل اكلمه مع العلم انا حاسه ان انا عايزه اعمل كده  لان هو بقاله فتره مش بيروح من بالي وحاسه ان عدا وقت كبير واحنا كبرنا يعني هو حاليا 22 وانا 19 وبالمناسبه هو عيدميلاده بكره ف انا مش عارفه اخدها حجه وادخل ابعتله واجي علي الايجو بتاعي ولا ملهاش لازمه وممكن اندم بعدين؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Waffle_51296 🇪🇬

منذ 6 أشهر

شعور مستنزف

عبّر عن شعورك بشكل مجهول

من الحاجات المحزنه جدا ف حياتي ، اني حبيت ف سن صغير مع اني مع فكرة احفظي قلبك ل شخص واحد ومتحبيش غيره وداعمه جدا للنقطه دي ، بس انا مقدرتش اعملها ، حبيته وفعلا كان شخص تحفه ف حاجات كتير بس برضو بفكر حاليا بكتشف ان علاقتنا كانت سطحية جدا وكمان زي م قولت كنت صغيره واول مره اكلم ولد مكنتش عارفه اتكلم ولا افتح مواضيع ولا اسال عملت ايه وروحت فين والكلام دا نهائي بس فعلا كنت بحب اتكلم معاه جدا ، مع ان انا السبب ان العلاقه دي تنتهي او بمعنى اصح هو كان سبب وانا خت خطوة البعد بس كانت خطوة غير موفقه تماما مش عشان حاجه معينة ، عشان انا بعدت من غير اما افهم ليه كل دا حصل ، ومع ان انا اتخطيت الشخص دا تماما ومعنديش ليه حاليا اي حب ودا بعد سنه حاولت فيها اموف اون الا اني لما بسمع اغنية سمعناها سوا او بشوف فيديو شفناه سوا بحن جدا للفتره دي ، بس برضو مش زعلانه وحبيت الخص شوية حاجات اتعلمتها من العلاقه دي __ بلاش بلاش بلاش حب ف سن صغير __ كلنا بيبقى لينا اولويات ف العلاقه سواء كنتي عاوزه تعيشي عيشة مرتاحه ماديا او يكون بيشاركك حاجات انتِ شيفاها مهمه فبلاش تسغني عن الحاجات دي نهائي ولو ملقتيهاش موجوده ابعدي __ اتعلمي تتكلمي ف اي حاجه مضيقاكي من الشخص اللي بتحبيه روحي اشكيله وافهمي منه معظهم ممكن يكون مش متفهم بس بلاش بلاش تسيبي نفسك ل دماغك خدي اجابه صحيحه من الشخص نفسه ودا ف اي علاقه ف حياتك عموما 
(وحاجه اكشتفتها مؤخرا حطوها ف بالكو علطول الحب الاول مستحيييل يتنسى سوا كان شخص كويس او لأ اه هتحبو شخص تاني وممكن اكتر بكتييير اوي من الشخص الاول دا بس اول واحد ليه متعه خاصة تماما احساس اول مره بتحسي بيه ، ف بلاش تختارو غلط اختارو اللي شبهكم الحنين عليكي اللي يفهمك من الاخر )
و"حاجه اخيرة المفروض كنت احطاها ف الاول ان كل الحاجات دي حرام حرام ومش هتخدي منها اي حاجه غير وجع القلب وخسراتك ل برائتك اللي بتروح تماما لما بتحبي وتتكسري مش عشان حاجه بس بتحسي نفسك كبرتي اوي"

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Apple_41609 🇪🇬

منذ 7 أشهر

شعور محبط

انا احمد عندي 15 سنه انا بس عايز نصيحه من لي اكبر مني بس محدش يضحك عليه يلا: انا كا اي طفل لزم احب و ده يكون اسمه حب الطفوله و انا حبيت وحده كنت جميله و كمان كنت بتحفظ كتاب ربنا و مهتميه بي دراسته يعني من الاخر انا حبته موت كان عندي 9 سنين و هي 8 كنت بحبه كل يوم حبي بي يكون ليه اقوى ده كلو و انا مش

Grape_46367 🇪🇬

منذ 7 أشهر

شعور محبط

جماعة هو ازاي البني ادم ينسي كل صدمات والخذلان اللي اتعرضله في حياته يعني انامثلا مش قادرة انسي حبي الاول حب حياتي جرحني وخاني مع صحبتي ولما عرفت و وجهتهاعترف بمنتهي البجاحة انه فعلا عمل كده اتحطم قلبي اكتر وصعبت عليا نفسي ازاي يعمل كده بعد كل الحب بجد انا مش فاهمة ازاي يعمل كده ازاي قادر ينسي مع ان

Strawberry_40051 🇪🇬 عشان تطلعي من الحاله دي اعرفي انك لو فضلتي تفكري نفسك ب الي هو عمله فيكي انتي هتفضلي الخسرانه و هو الكسبان هو عايش حياته و ولا في دماغه و انتي الي محروقه خلاص طز فيه حتى لو كنتي بتحبيه هو عمل فيكي كدا ميستاهلش الزعل الي بتزعليه عليه دا و متقوليش بحبو و بتاع فكك افتكري الي عملو فيكي و بس و لو كل واحد حصلتلو صدمه و فضل واقف عندها حياتنا عمرها ما هتمشي و عمرنا هتضيع و هيضيع ايام و سنين مننا

عرض الكل 9 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع