جزء مبتور

Marshmallow_69067 🇪🇬

منذ أسبوعين

شعور وحيد

عبّر عن شعورك بشكل مجهول

عارف المشكلة ف ايه، ان الحاجات الطبيعية البسيطة مش بتحصلك وان غصب عنك بتشوف انها  بتحصل للناس التانية هي حاجات طبيعية بس حاسس انها معجزة بالنسبالك، يمكن لانك عظمتها في قلبك فبتوصل لمرحلة تحس انك متستحقش او اتنسيت او ان كل حاجة اتوزعت ومفضلش ليك حاجة، كلامي ملهوش علاقة بقدرة ربنا وتوزيع الارزاق لكن انا بعبر عن شعوري بشكل مجرد مش بقول ان الى حساه حقيقي بس انا حساه، ساعات بحخاف اصلا ان لما يحصلى الحاجة الى بتمناها انى افشل يمكن اتحرمت منها عشان مش هنفع، بس منفعش ليه؟! ليه ممكن إنسان مينفعش انه يتحب يتحب بشكل يملى كيانه امان يتحب بكل معنى للأمان، عارف لما بتشوف حد جزء من جسمه مبتور انا بحس الشعور دا ف روحي كأن جزء منها مبتور وف مكان تانى  حاجة ناقصة فيا مش عارفة اعيش من غيرها بس مش عارفة هي فين، الجزء المبتور مش اى حد مينفعش يكون اى حد هو جزء ربنا بس يعرفه وشايفه، ساعات بقعد اكلم ربنا اقوله يارب انا عارفة انى مستاهلش وانك مغرقني نعم لكن فيه جزء منى حزين مش عارفة اكمل مش عارفة انجز حاجة غصب عنى مش كسل بعمل حاجات كتير بس نفسي ابذل كتير لله ولأخرتى عارفة انى بضيع وقت كتير في الحزن والسرحان بس انا فعلا بحس ان جسمي ميت بقيت مش بركز في الكلام وساعات وانا بتكلم انسي باقي الجمله او لسانى فجاة احس انه تقل للحظات انا عارفة يارب ان كل دا بأجر وانا اسفه انى حزينة انا راضية ومبحاولش اكمل نقص روحي بأى جزء وانك عالم انه من جوا جوا قلبي انا متجردة ليك ومش عايزة غير إختيارك ساعات بحس انه موجود والأمل دا لوحدة بيكفيني وساعات بحس انه لا وسط كل الناس دي ماليش حد كأنى وقفة وسط ناس كتير كل حد فيهم بيجي شخص تاني يسمك ايده ويمشي كلهم مشوا كلهم انا عاملة زي ما فيروز قالت"قديش كان في ناس ع المفرق تنطر ناس وتشتى الدنى ويحملوا شمسية 
وأنا بإيام الصحو ما حدا نطرني"

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_61746 🇪🇬

صراعي مع قلة الرزق وضيق الحياة

قربت احسن اني رزقي ف حاجات معينه قليل او ممكن يكون مليش رزق او نصيب ف حاجه معينه معرفش ليه بحاول اتأقلم وأكمل بس يوم بصحي عادي جامده قادره اكمل و الأمور طيبه يوم تاني بقول ازاي هكمل بالطريقه دي طب وبعدين مينفعش ازعل او أبين اني مضايقه عشان اللي حواليا واني ف يوم مش لازم ابان ضعيفه يمكن لو كان دا تكفير عن ذنب أنا عملته مش هقدر اقول تمام بحاول ارضي اقول اهي دينا و الاخره اهم كويس اني بتعاقب فيها دلوات حاسه اني ف محيط ضيق مفيش فيه غير أنا ونفسي ودماغي لو سلمت طول الوقت ليهم حقيقي هتجنن هوصل لمرحله مش حلوه أوقات بحس ان الحل الوحيد اني اسحل نفسي ف الشغل من الصبح ل بالليل من اجل اني انام علطول واعدي ف الايام وخلاص بس هل دا حل ! ...عرض المزيد

0 الدعم

2 نصيحة

Apple_26468 🇪🇬

هل ممكن نظلم اللي بنحبهم لأجل نفسنا؟

هل ممكن نظلم اللي بنحبهم وبيحبونا لأجل نفسنا ونقول معلش انا ظلمتك واسيبك وامشي حتي لو الشخص دا كان بيحبك او حبك فيوم من الايام؟؟ هل دي انانية وهروب ولا الشخص دا محبناش أصلا فيوم من الايام ..؟!!! ملحوظة الكلام حدث بلفعل من بنت16 سنه!! ...عرض المزيد

0 الدعم

2 نصيحة

Apple_73079 🇪🇬

خريج حقوق عايز مشروع صغير يكبّر مع الوقت

لو سمحتوا يا شباب انا للاسف مش بفهم في حاجات كتير في المشاريع وانا نفسي اعمل مشروع برأس مال صغير وانا خريج حقوق فا عايز حاجة مشروع حلو كدا ومش محتاج خبرة كبيرة و اقدر أكبره مع الوقت لو سمحتوا عايز اقتراحات ...عرض المزيد

0 الدعم

3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع