ثقة مهدرة

Apple_67010 🇪🇬

منذ يومين

شعور وحيد

😔كل يوم تنوم ودموعك نازله توقف مع غيرك وقت حاجتهم وانت لمن تحتاج لحد مش بتلاقي حد واقف معاك😔تدي ثقتك لناس تعتبرهم اصحاب يطلعو ثعابين على هيئة بشر تحب البنت الاخترتها وتديها اهتمامك وحنانك وفي النهاية تخونك وتجرحك😔😔

Tofu_58959 🇪🇬

منذ أسبوع واحد

شعور وحيد

ليه دائماً وابداً ينلاقى ناس فى حياتنا ونثق فيها وفى الآخر لازم تجرحنا وتخذلنا وليه مش بيكون واحد اوى اتنين ليه بيكونوا كتير وفجأه يكرهونا فى الحياه او فى اليوم ده بجد بنحاول نحافظ على الصداقه دى وفى الآخر بتنتهى بخذلان وبتبقى وحيد 😥

Strawberry_57860 🇪🇬

منذ 3 أسابيع

شعور مكسور القلب

انا كنت مرتبطه بحد سنه ونص تقريبا بس هو من دوله عربيه تانيه واكتشفت انه كان بيضحك عليا الفتره دي كلها وكان بينتحل شخصية حد تاني يعني الصور الي كان بيبعتهالي مش بتاعته هو دي بتاعت واحد على الانستا وكل حاجه كانت كدب في كدب انا حتى شاكه انه مش من دوله تانيه ولا حاجه والارقام دي فيك انا مش زعلانه عليه

Peanut_59950 🇪🇬

منذ شهر واحد

شعور محبط

انا اتخذلت من اكتر انسانه أمنيتها علي مشاعري وكل حاجه في حياتي سابتني ومشيت بعد ما خطبتها يعلم ربنا حاولت علي قد ما اقدر اني اعمل كل حاجه عشانها بس هي حست أنه مش هو ده اللي عايزاه ف قررت مره واحده انها تمشي طب ومشاعري مش مهم مشاعرك المهم انها تحس انها مرتاحه رغم اني كنت أنها وراحتها دي كانت بتنام عل

Chocolate_56434 🇪🇬

منذ شهر واحد

شعور محبط

عبّر عن شعورك بشكل مجهول

بقالى فترة كبيرة رافضه فكرة الحب والارتباط وكنت حاسه فى فى منطقه أمان بس مع الوقت والعمر الانسان غصب عنه بيميل للفكرة دى فحبيت يبقى عندى بيت وعيلة ، وجت وقتها واتعرفت ع شخص وقولتله افكارى بما انى شخصيه واضحه جدا وصريحه ومبحبش اللف والدوران لانى بسيطه ولما بحب بتعلق وبقدم الحب ده بكل لطافه بكره الخصام وقلة التقدير ، هو عرف كل ده ووافق ع اننا نتعرف وطمنى وانا وثقت اهتمام وبتاع وكل حاجه وعرف شخصيتى وعجبته وسألته قال انها عجباه وع اساس اجابته انا كملت وقولت ده العوض والحب واتعلقت واتعشمت ولكن كان فى نقطه معينه هى نقطه خلافنا وكنت بقوله دى نقطه خلاف وملهاش داعى غير لما نتجوز قولتله انى بحبه وشارياه ومحبش انى اخسره خالص بس كان بيخاصمنى ويبعد واروح اكلمه واراضيه وكنت بعمل الحاجه عشان ارضيه وفضلت نقطه الخلاف دى لحد ماسابنى بكل سهوله حاولت وقولتله لو شارينى هنعدى اى حاجه مع بعض رفض قولتله طب فرصه تانيه لعلاقتنا وهى متحسنه مانت هتبعد عن نقطه الخلاف دى وهساعدك رفض انا عارف نفسى هضعف انت ماجربتش عشان تعرف نفسك وسابنى بكل سهوله عنده وقال ايه عايزنا صحاب قولتله هتعرف قالى اها هعرف ردوده كانت غريبه اوى حسستنى انى قليله جدا انا حزينه ع العشم والتعلق ده وفى غصه فى قلبى لما قولت انت متعرفش انت عملت فيا ايه باللى انت قولته قالى احنا مبقلناش سنه مع بعض حسسنى بالسهوله اوى وكل اللى قاله كان كدب؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Peanut_51983 🇪🇬

منذ 5 أشهر

شعور خجول

اكتر شعور مؤلم حسيت بي هو اني اميز حد مش مميزني يعني احطو في مكانة عاليه اوي موصلش ليها حد في حياتي ببقا مستنيه أن ده يترضلي لانو ده الطبيعي بس مبيحصلش وحقيقة مشاعر اللي قدامي ليا اقل من العادي زيي زي اي حد فابدا افكر هو كان غلطي أني حبيت اللي قدامي فعلا وتعاملت بحسن نية بس اصلا متدش لنفسي الأمر ان

Banana_38919 🇪🇬

منذ 8 أشهر

شعور مكسور القلب

واحد شافني ف مكان شغلي وطلب رقم بابا وكلمه ونزل قابله وبابا قاله هنسأل عليك واكلمك بعد كدا بابا كلمه ومردش عليه يومين وبعدها قامت باعت لبابا رسالة ان اهله سافروا وانه معاهم ولما يرجعوا هيكلمه يعني بيخلع عمل كدا ليه اصلا ليه حد يعمل ف حد كدا كنت ارتحتله واقتنعت بيه حسبي الله ونعم الوكيل

Banana_38454 🇪🇬 بتاع حوارات وربنا نجاكى منه

عرض الكل 10 نصيحة

Mushroom_37399 🇪🇬

منذ 8 أشهر

شعور مكسور القلب

موضوع:

تجربتك مع العلاقات السامة ؟

انا عشت تجربه صعبه شويه لانوى اتخنت من ابن خالتى واعز اصحابي كان وهمنى انو بيحبنى انا اه فى الاول كنت معتبراه زاى اخويا بس بعد كده اتعود على وجوده وكان دايما جمبي ويحلفلى انو محبش ولا هيحب زاى وانا وثقت فيه وبدات احبه يعني المهم انا معرفاه على صحاب وكده فى وحده منهم خدت رقمه من عندي وفضلت تكلمه مش ه

Popcorn_37087 🇪🇬 ده عيل مش جدع ولا كويس وابعدي عنه حته لو راجع عشان يصدق قبل ما برجعلك

عرض الكل 15 نصيحة

Avocado_32578 🇪🇬

منذ 8 أشهر

شعور مستنزف

عبّر عن شعورك بشكل مجهول

هفضفض عشان بحس ب خنقه بسبب موضوع ده هحكيه من الاول خالص ....انا كنت اعرف حد من برنامج فيه كذا لعبه المهم عرفته زمان كان بتاع بنات كل ما اخش العب الاقيه مع بنات و كدا هو و اصحابه المهم ساعتها كنا حاسيين ب اعجاب نحيه بعض بس انا اخترت زمان اني ابعد عنه عدى سنه و شويه باين رجع كلمني تاني  قالي لما بعدتي عني زعلت عشان معرفتنيش بعدي ليه و كدا قولتله واحد اتنين تلاته كذا كذا موضوع بنات و كدا المهم قالي انا كنت معجب بيكي سااعتها و سالني ساعتها كنتي معجبه بيا ؟ قولتله اه الصراحه قعد بقا من ساعتها شهر يحاول يخش معايا ف ارتباط كنت خايفه من ماضيه و كدا و ارتبطنا ف الاخر حرفيا اديته ثقه بصعوبه و كان بيهتم بيا ف الاول حلو اوي بعد كدا جت فتره كنت انا عندي ظروف وحشه اوي و هو كمان ع كلامه ف مكنتش ولله بقصر معاه من ناحيه اهتمام و حب لكن هو العكس و كنت بقول يبت عادي ظروف و هتتحل و كان مكلم امي اصلا ف قالي قبل الظروف انه هيخطبني بعد سنتين قولت تمام عشان هو عارف اني مش بحب جو العيال ده و ارتباط بس اتنازلت و دخلت معاه ف علاقه حب المهم قعد يجي فتره ٣ او ٤ شهور عمال يقولي ظروف ظروف انه مش عارف يديني حب زي الاول و مش بيكلمني كتير ف انا كنت تعبانه نفسيا ساعتها بسبب ضغوطات ف حياتي و هو كمل عليا خنقات تفهه ف كنت بهرب منه لاي  حد يطمني كنت عايزة منه كلمه حلوة ع الاقل كله كان خناق معاه و بوظ نفسيتي اكتر و اكتر مع الوقت ف قعدنا فتره نبعد و هو اللي كان بيجي يصالحني و برجع و اقول يبت استحملي ظروف و هيتعدل المهم بعدنا ف مره يجي  اسبوعين ي اسبوع المهم رجعت لقيت عنده اربع بنات ع اكونته هو عملهم فولو قولتله هو اي ده قالي صحبي خد الاكونت ساعه ما بعدنا عشان كنت تعبان و كدا قولت تمام معداش يوم غير عقلي و قلبي ف صراع ان البنات دول في حوار المهم دخلت كلمت بنت منهم قالت اه اعرفه من زمان ساعه ما كان ع البرنامج و قالتلي من فتره كبيره و كل فتره بنتخانق بيروح يكلمها وقت مكنتش معاه قالت ده كل شويه يجي يكلمني و يقولي تعالي افتحي برنامج اللعبه ده نلعب و كدا و قالتلي مكنتش برضى اخش معاه عشان هو بتاع نسوان و كلامه كداب قلتلها هاتي اثبات جابت اثبات و اتاكدت انه بيكلمها💔روحت واجهته ف نفس الوقت هي كانت قالتله اني عرفت راح قلها يلهوي قوليلها انك متعرفنيش ف راحت هي جت قالتلي ده بيقولي اني مقولكيش ف حرفيا ساعتها دخلت ف حاله اكتآب بقالي اربع شهور مش قادره اني سمحته كتير و عديت حجات صعبه و شنيعه ليه و فالاخر كان بيخوني معاهم و من ساعتها عمال يبعتلي قريبه يكلموني نرجع وانا كرهته و مش قادره اسامحه قلبي اتكسر و اتجرحت كتير منه و كنت بكتم جوايا دلوقتي انا حاسه اني اتعقدت بسببه مش عارفه انسى الالم اللي حسيت بيه ساعتها كانه امبارح حد يقولي حل غير اني احكي ل صحابي او اغير جو عملت كل ده و مغيرش حاجه بجد قلبي ربنا ادرى بيه من اي حد قد اي مكسوره الخاطر حسبي الله ونعم الوكيل 💔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.