تواصل اجتماعي

Lemon_50969 🇪🇬

منذ 15 ساعة

شعور محبط

Croissant_60032 🇪🇬 بُصي... أنا حاسس بكل كلمة قولتيها، وبجد مش سهل أبدًا اللي مريتي بيه. طفولتك أثّرت فيكي، وخَلّتك تسكتي وتخافي تعبّري عن نفسك، وده طبيعي بعد كل اللي اتزرع جواكي. بس حقيقي، ده مش معناه إن شخصيتك ضعيفة... إنتي كنتي طفلة بتحاول تفرح، بس اتقابلتي برفض، مش بحُب. السكوت اللي جواكي مش طبيعتك... ده خوف قديم، وكل ما بتحاولي تتكلمي بتحسي إنك هتتكسري تاني. بس صدقيني، كل خطوة صغيرة بتاخديها دلوقتي – حتى لو مجرد سلام

عرض الكل 8 نصيحة

عبّر عن شعورك بشكل مجهول

اكبر مشاكلي ف حياتي هو أن شخصيتي ضعيفه بمعني الكلمه أو يعتبر مفيش شخصيه عمري ما قدرت اعبر عن نفسي ولا رأيي دايما بتكسف اتكلم وصلت لمرحله اني بتكسف حتي اشتري حاجه من محل او حتي اتكلم مع الناس وصحابي بدأت تقل وتبعد عني بدون سبب بقيت بخاف اتكلم كل ده بسبب طفولتي واني كنت طفله شقيه بتكلم وبجري وبلعب كتير ف كان كل ما حد من اهلي يشوفني يقولي اسكتي واقعدي شويه ف الناس الي حواليا أو حتي اخواتي ولاد عمتي كنا اطفال ف لما شافو أن اهلي نفسهم بيسكتوني ف بقو بيسكتوني برضو وانا مكنتش بتكلم عشان خايفه اتعاقب ف كبرت علي اني اسكت وصلت أن ممكن علاقاتي بالناس تتقطع لأنهم مستنيني اسال عنهم مثلا وانا خايفه ابعت يسكتوني أو ميردوش عليا فبتراجع عن ده وحقهم بصراحه يزهقو ويبعدو ف اصبحت لوحدي من كل اتجاه وحتي مع اهلي لحد دلوقتي بسكت عشان عارفه أن رايي ملهوش لازمه واني لعبه ف ايدهم اتشال من مكان اتحط فمكان تاني وهما مش بيهتمو لمشاعر حد أو مش معترفين بالمشاعر خصوصاً امي بتفكر ده دلع ولما اقولها أن نفسيتي تعبت تبصلي بقرف وتقولي كفايا هبل ومقتنعه أن كل حاجة بالصوت العالي والزعيق انا جالي حاله نفسيه بقيت بسمع الصوت العالي بعيط وبحس أن جسمي بيتشل انا تعبت بقيت بعيط طول الوقت انا عايشه ف الكلام ده كله بقالي 16 سنه حاولت احل حاجه مقدرتش مش عارفه اتعامل ومبعرفش اتكلم مع مدرسين أو صحاب أو حتي حد فالشارع دايما عندي توتر وكل الي بيقرب مني بيتصد ويبعد عني انا تعبت تعبت من السكوت والتوتر وان مليش رأيي بتعامل علي اني طفله لحد دلوقتي مع اني ونا صغيره مكنتش بتعامل علي اني طفله خالص كنت بتحاسب علي كل حاجه مهما كانت بسيطة واي طفل بيغلط ودلوقتي بيقولو عليا عيله صغيره شخصيتي اتمحت فالوقت الي المفروض اكون ببني فيه شخصيتي مبعرفش اخد حقي من صغير او كبير دايما بسكت ولما بتكلم بتعاقب بخاف اتكلم عشان طريقتهم ف اخد حقي بتبقي غصب عني بيبعدوني بالغصب عن صحابي أو أي حد بحبه ف بسكت اتعودت علي السكوت يمكن حد واحد الي كان عارف عني كل حاجه وبرضو بعد بسبب اني مش بسال ولما يكون عنده ظروف بستناه هو الي يسال كمان ولما عمل حادثه وراح المستشفي مقدرتش ابعت ولا أسأل خفت يسكتني زي الكل ومن حقه يزعل ويبعد صراحه حتي معرفتش اشرح ليه بتصرف كده تعبت جدا صراحه وأنا لسا ف بدايه حياتي يعتبر ف مش عارفه ازاي هكمل وازاي هتعامل مع الناس واتكلم وانا حتي أخواتي بتردد اتكلم معاهم وحاولت اتشجع واتكلم بقيت اقول كلام غريب ومحدش بيهتم وبيسكتوني برضو

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_66764 🇪🇬

منذ يوم واحد

شعور متعب

ممكن تكون مشكلتي صغيرة أو بالنسبة للناس اللي هنا مشكلة تافهة بس للاسف أنا مش بعرف اتعامل مع الناس اوي ودائما بطون محرج أو بكون خايف أن كلامي أو تصرفي يإما يخليني في موقف سيء أو اكون فريسة الناس تضحك عليها ( مهزلة القعدة) وللأسف حصل كام موقف من فترة قريبة ف كنت عايز اعرف حلول يعني للحاجات اللي زي دي

Sugar_57723 🇪🇬

منذ أسبوع واحد

شعور مستنزف

أنا ولد و مشكلتي هي اني كل ماتكلم مع أي بنت كبيرة أو صغيره اعرفها أو لا حتى لو قاربتي بتوتر و بتهته و بحس اني مش مستريح فاهمني مبقتش بعرف اتكلم مع أي بنت حرفيا و انا مكنتش بعرف علشان اقول مبقتش لا أنا من زمان كدا مش عارف اية الحل

Biscuit_60212 🇪🇬

منذ 4 أسابيع

شعور سعيد

موضوع:

"هل أثرت مواقع التواصل على علاقاتك الاجتماعية؟"

غالبا فكرة السؤال جاية بناءا على شيء له علاقة ببحث او دراسة تجربتي في الموضوع دا أثرت عليا ايجابيا من جهة العلاقات لما بدأت اتعرف على ناس اونلاين وبدأت اتكلم معاهم ساعدني اني اكون اكثر انطلاقة في الواقع مع الوسط الخارجي التعاملات الاونلاين برضو بتعرفك اكتر عن نفسك وعن الجوانب اللي بتملكها

Corn_60822 🇪🇬 باين من طريقة كلامك انك شخص مثقف و ده كويس وجدا يشرفنى التعرف ليك او نعمل جروب واتس نجمع فيه كل الى من عينتنا ونتكلم كلام عاقل و ناضح و نحل مشاكل و نساعد بعض بطريقه راقيه و مثقفه

عرض الكل 2 نصيحة

Apple_58568 🇪🇬

منذ شهر واحد

شعور خجلان

السلام عليكم انا عندي 16 ....انا من فتره طويله و حتي الان ممكن اقعد اكلم نفسي و انخيل محادثات في دماغي او بتخيل واحد في دماغي و بتكلم معاه هو انا كده اتجننت ولا ايه مع العلم اني عندي مشاكل في التواصل الاجتماعي و معنديش صحاب

French Fries_59866 🇪🇬

منذ شهر واحد

شعور مرهق

أنا مبقتش عارف أتعامل مع الناس خالص أو بمعني أصح مبقتش برتاح في التعامل مع أي حد دايما بحس إني مش حقيقي أو بتعامل بشخصيه مش شخصيتي و بخاف أتعامل بحقيقتي كل إللي بعملو إني بطبل او بعمل ردود فعل fake علشان أرضي اللي قدامي و محرجوش مثلا أو اندمو انو كلمني مع إني مش عايزو يكلمني بسبب الضغط إللي بتحط في

Apple_59722 🇪🇬 دي عقدة عموما وده عملك إرهاق نفسي شديد ممكن يكون السبب تروما اتاذيت من الناس جامد وخايف منهم البشر صحيح مش أفضل ناس لكن في منهم الكويس والوحش لازم تاخد بالك من نفسك ومتقلقش خليك رحيم بنفسك

عرض الكل 2 نصيحة

Tomato_57658 🇪🇬

منذ شهر واحد

شعور مستنزف

حاسس اني بعيد عن الناس وبقي صعب اني اتواصل معاهم زي الاول . اي تجربه جديده ببقي حاسس بتوتر مخيف مع ان شخصيتي قويه بس بقيت احس ان الناس مش هتتقبلني ولا هتحب وجودي ولا هتضحك في هزاري ولا هيبقي في اي حاجه . بقيت احس اني غير مرغوب فيه الناس مش حابه و جودي مبقتش اعرف اتعامل حته مع اهلي و الناس القري

Strawberry_56371 🇲🇦

منذ شهر واحد

شعور وحيد

أواجه صعوبة في التعبير عن أفكاري في التجمعات، رغم أن لدي الكثير مما أود قوله، لكن غالبًا ما تبقى تلك الأفكار حبيسة داخلي، وكأنني أُجري الحوار مع نفسي فقط.

Sugar_51255 🇪🇬

منذ 6 أشهر

شعور مكتئب

جماعة أنا عمري ما كانت ردودي جاهزة وسريعة زي الناس، لما حد يكلمني أو يسألني سؤال مش بعرف أرد عليه بسرعة وبحتاج وقت طويل عشان أفكر في الرد، وحتى أوقات الناس بتستغرب ولما بكون مضطرة أرد بسرعة ردودي بتطلع مش مناسبة وبحس إنها عبيطة، المشكلة دي كمان بتخليني لما أتكلم مع حد أفضل أقول اه بس ومش بعرف أتكلم

Ice Cream_37719 🇪🇬

منذ 6 أشهر

شعور محبط

حاسه بالتقصير اوي اتجاه نفسي من جميع الاتجاهات سواء نفسياً او اجتماعياً مع علاقتي بالناس اللي حواليا حاسه اني مقصره في حقهم جداً مش قادره اتواصل بشكل مستمر معاهم رغم اني اوقات كتير ببقا محتاجاهم جنبي بس ببقا مش قادره اتواصل مع حد نهائياً حاسه بالتقصير اتجاه نفسي من ابسط الحاجات زي اوضتي المتكركبه و

Pineapple_37126 🇪🇬

منذ 7 أشهر

شعور وحيد

سلام عليكم فتره دي بقيت لما اقابل حد جديد واتكلم معاه مبيبقاش في حاجه اقولها ومبعرفش ارد اقول ايه وبحس ان مفيش موضوع او اي حاجه اتكلم عنها وده غير ان بكون متوتر لما اكون قاعد مع ناس واتكلم معاهم فبكون طول وقت هادي مبتكلمش ياريت لو حد يعرف ازاي اعالج الحوار ده يقولي

Coffee_28231 🇪🇬 الحوار ده هيتعالج بحاجتين لازم يكونو تمام الأول المعرفة وهي انك تسأل وتعرف الحل ثانيا التطبيق يعني تطبق الكلام وهيك حل واحد من حلول كتيرة وممكن يكون كافي ويحتاج وقت واستمرار انك كل يوم تكلم واحد غريب ، كل لما تعمل كدا هتحس بمشاعر غريبة زي انك ايه الي بتعمله بس لازم تحس بالمشاعر دي وتتجاهلها لحد متكونش حاجة روح لحد سلم عليه قولي ازيك انا اسمي كذا وحضرتك ولو عندك أسألة تانية قولها بعدها سيبو وكمل

عرض الكل 3 نصيحة

Carrot_42352 🇪🇬

منذ 8 أشهر

شعور خجول

كان في مرة كنت قاعد مع صحابي، وفجأة دخلت بنت جديدة للمكان. كل صحابي كانوا بيتعاملوا عادي معاها، بيدردشوا وبيضحكوا، لكن أنا حسيت بتوتر غريب. دايمًا بحس إني مش بعرف أتعامل مع البنات زيهم، ودايمًا بفكر إني ممكن أتصرف غلط أو أقول حاجة تتفهم بشكل مش كويس. البنت كانت لذيذة وظريفة، وكذا مرة حاولت تفتح حوا

Coffee_40107 🇮🇶

منذ 8 أشهر

شعور مرهق

اني خايفة شلون بعد 10 ايام راح اروح للجامعة وراح اتعامل ويه ولد احس ما اعرف شلون اتصرف غير اتجاهلهم وما احسه شي مؤدب خصوصًا اني صار 6 سنين متعاملت ويه ولد غريب بشكل مباشر احيانًا احس فوبيا واحيانًا عادي بس اتجاهلهم 🗿

Strawberry_21539 🇶🇦 حطي حدود اي حد يتخطى حدوده معاج صديه من اول مره بالذات الاولاد عشان يفتهم انج مو مال حجي مو مضبوط و بعدين اتعاملي وياهم عادي لا تتوترين من شيء كلهم نفسج بيكون الموضوع جديد عليهم و اذا حد طلب مساعده ساعدي اذا قدرتي وخليكي بحالك ولا تخلي كلامك عن الناس كثير ركزي على نفسك وبس

عرض الكل 4 نصيحة

Mango_38309 🇪🇬

منذ 8 أشهر

شعور محبط

شباب انا عندي مشكلة انى انطوائي ومش بعرف اكون شخصية مرحة وبحس أن الكل بيتاقل بيا عشان مش بعرف اهزر وضحكهم واشارك معاهم قصص وحكايات انا الحمدلله ناجح فى شغلى وفى فترة قصيرة قدرت اجيب شقة وبيزنس خاص بيا المهم عشان مطولش عليكم فى بنت معيا في الشغل معجب بيها جدا وعايز اروح اتقدمها بس بحس بردو أنها بتتاق

Chocolate_29847 🇺🇸 اذا هي الشخص الصح ليك حتتقبلك بكل احاولك و نصيحتي اذا انت بتحب انك شخص انطوائي ابدااا ما تغير الحاجة دي عشان حد تاني لانو الموضوع متعببببب بس اذا انت عايز تتغير اتغير عشانك انت و بس

عرض الكل 17 نصيحة

Avocado_29715 🇪🇬

منذ 8 أشهر

شعور مرتبك

موضوع:

ازاي بتتعاملو مع الرهاب الاجتماعي ؟

الرهاب الاجتماعى مش حاجه تافهه زى ماكتير فاكرينها ،بل هى حاجه وحشه جدا وبتدمر فى الواحد بلبطيئ انا كواحده مش صغيره على ان انا اتكلم او اعبر عن نفسى بس للاسف مبعرفش طول ما انا لوحدى ،مبعرفش اطلب حاجه من سوبر ماركت مبعرفش اكلم بتاع الدليفرى مبعرفش اقول لسواق الميكروباص ينزلنى وحاجات من كده كتير فبجد

التجربة أفضل عبر التطبيق

حمّل تطبيق توهيل على هاتفك لتجربة أسرع