تنمر أسري

Potato_72871 🇪🇬

5 months ago

Feeling Drained

Express your Feeling anonymously

أنا عندي 19 سنة و أنا الكبيرة في اخواتي فانا اللي علطول عليا الحمل و العبء في كل حاجه بس دي مش مشكلتي مشكلتي هي في امي أنها مش بتحبنا كلنا و علطول بتقولها اننا جينا غلطة و أن اد ايه هي كان نفسها تخلف ولد لحد منا اللي جتلها و كل شوية تدعي عليا اني اموت و ربنا يخدني زي ما خد ابويا و عمرها ما اتعاملت معايا على اني بنتها علطول شايفني عدوة ليها أو اني ضرتها و تفضل تتنمر عليا و على شكلي و على وزني و على اي حاجه بعملها في حياتي لدرجه انها بطلت تعمل اكل بقالها سنة و 6 شهور و بقت تقولنا ان الاكل ده رفاهيه و ان الحمد لله انها بتصرف علينا اصلا و مبقناش بناكل حاجه غير المكرونة و الجبنة ده لو موجودة كمان حتي علبة الجبنه الدومتي بقت رفاهيه بالنسبالنا و مش بتعمل لحمة او فراخ غير و جوزها موجود عشان هو بيجي يوم واحد بس في الاسبوع و حتي لو تكرمت علينا و وقفت عملت اكل بتعمله وحش اوي اوي و بكميات كبيرة علي أن تلات اشخاص هياكلوا و بتعاقبنا بالاكل د و تفضل تأكلنا منه فطار و غدا و عشا و انا تعبانة و مكتوبلي أدوية و نظام غذائي للسكر عشان عندي و عندي مشاكل صحيه في القلب و حاجات تانيه كتير و الموضوع ده مأثر فيا اوي و مش ده و بس كل ما نطلب منها فلوس تقول معيش و مش بتدينا حاجه و بتضيع فلوسها كلها علي اوردارات ليها سواء مكيب أو حاجات سكين كير بس مش بتدينا فلوس

Private Advice

Switch to receiving private advice for your post; otherwise it will be publicly visible.

Tofu_19483 🇪🇬

6 months ago

Feeling Angry

Express your Feeling anonymously

عندي مشكله كل ما أحاول أتخطاها معرفش لأنها بتخليني عصبيه معظم الوقت ألا وهي إن فيه تفريق ف المعامله من أمي بجد،دائمًا شايفاني آخر أولوياتها ف كل حاجه ودائمًا شايفه احتياجاتي تافهه وملهاش لازمه،من وأنا صغيره ودائمًا بتتعامل معايا كأني بنت البطه السوده لدرجة إني وأنا طفله فكرت إني مش بنتهم بجد وإنهم لقوني على باب جامع زي ما بيقولوا،يعني مثلا من وأنا صغيره كانت تقول لأختي اللي أكبر مني أنتِ جميله ومتقوليش وده كله قصادي مش من ورا ضهري يعني،ومره قالت إن واحده صاحبتها قالتلها إن أختي اللي أكبر مني أجمل مني وقدامي برده!..مع إني فيه ناس كتير بتقولي إني جميله وكنت لما حد بيقولي كلمه حلوه ببقى فرحانه وبروح أقولها ماما صحابي قالولي إني حلوه النهارده أو فيه طنط شافتني وقالتلي إني جميله كانت تقولي بيضحكوا عليكِ متصدقيش نفسك ولا تتغري ف نفسك كنت بقولها بتقولي كده ليه كانت بتقول علشان متتغريش ف نفسك!ف حين إنها كانت دائمًا تقول لأختي اللي أكبر إنها جميله وحلوه وبيضاء وده كله علشان أنا مش بيضاء ومش سوداء ولا حتى قمحاويه يعني معرفش لون بشرتي ايه لكن مش بيضاء عمومًا ف كانت كل شويه تقعد تقولي أنا عايزه أعمل ايه حاجه علشان تبقي بيضاء شوفي أختك بيضاء ازاي!.. وأشياء كتير من هذا القبيل وكانت بتقلل مني قدام الناس زي إني كنت رفيعه جدًا كانت قدام الناس تتعمد تقلل مني وتتكلم عن إني رفيعه خالص وكان ف وشي حبوب كتير كانت تيجي برده قدام الناس تقولي ايه القرف ده ومش بتأكلي ومش عارفه ايه وتقلل مني لدرجة إني جالي اكتئاب وأنا كنت لسه صغيره ف إعدادي واتعرضت لتنمر كتير بسبب إني حتى مش واثقه ف نفسي ومش حاباها..ولحد الآن رغم إن الكل بيقولولي إني جميله مش بصدق وبيستغربوا ازاي مش مصدقه إني جميله وبقولهم والله ما شايفه نفسي جميله وبيتصدموا !..وصلت لمرحلة إني مش واثقه ف نفسي بربع جنيه..نيجي بقه ل إنها جابت دهب لأختي الصغيره وأختي الكبيره وأنا لا!..صدقوني أنا مش باصه للدهب أنا مش بحبه أصلا بجد لكن أنا فارق معايا فكرة إني على الهامش!!..لما كبرنا بقه أختي الكبيره عندها صحاب وبتخرج معاهم وبيتفسحوا وأنا ممنوعه علشان لو خرجت هتخطف وأنا بنت ومينفعش !.. أختي الكبيره تشتري اللي عاوزاه وأنا لا علشان ده تبذير وتفاهه!.ده غير بقه وأنا صغيره كان أخويا بيضربني طول الوقت وعادي كانت بتقولي ده أخوكي !..ولما كنت بزعقله كانت بتبهدلني لدرجة إني للأسف دلوقتي بكره أخويا ومش طايقاه لأنه مره ضربني وأغمى عليا وكنت بنزف دم وأنا صغيره ومقالتلوش أي حاجه ولا زعقتله حتى وكان دائمًا كده وبتستغرب دلوقتي أنا مش طايقاه ليه !..كنت محتاجه علاج لشعري علشان باظ ووقع م الكيماوي مجابتهوليش ف حين إنها ادت فلوس لأخويا اللي ما شاء الله بيشتغل وبيقبض علشان يشتري لنفسه شوز وكروكس!..لما كنت ف فترة الكيماوي أنا بتعالج ف محافظه واحنا عايشين ف محافظه تانيه أصلا بس أخويا وأختي بيشتغلوا ف المحافظه اللي بتعالج فيها ف كنت قاعده أتعالج معاهم ماما مجاتليش خالص من أول ما اكتشفت إني عندي كانسر طول الفتره دي مجاتليش غير قبل العمليه بيوم وقعدت معايا يومين بعد العمليه وسافرت،ف حين إن مره أختي الكبيره كان عندها دور برد ومهبطه والله العظيم سافرتلها مخصوص أقسم بالله!!وأنا اللي عندي كانسر وطول فترة الكيماوي والفحوصات والقرف مشوفتهاش غير قبل العمليه بيوم..وبتعيط من قسوتي معاهم كلهم!!
وبتعيط من عصبيتي غصب عني!!
أنا بقيت أجبر نفسي أتعامل معاهم بحنيه علشان رضا الوالدين وعلشان مبقاش عاقه 
بس أتمنى لو فيه أهالي هنا وبيشوفوا كلامي بلاش تتعاملوا كده مع عيالكوا لأنكوا هتكونوا سبب ف إنهم ميبقوش طابقين بعض بعدين ومش كره ومش حقد لكن فعلا انتوا بتزرعوا ده جواهم 
وف النهايه أي حد هيرد على كلامي يرد باحترام لأنها أمي ف الأول وف الآخر ومش هسمح لحد يقول أي حاجه تقلل منها

Private Advice

Switch to receiving private advice for your post; otherwise it will be publicly visible.

Adult content

This content may contain adult terms or cases unsuitable for everyone. See why

Pineapple_57700 🇪🇬

7 months ago

Feeling Stressed

انا عارف الحوار يبان عادي بس انا حاليا مش عارف اتعافي من الاساسات والعنف والتنمر اللي عدا عليا في طفولتي من اهلي وخاصة والدي مش بس مسبب الم نفسي ليا ده كمان مخليني مش حاسس بالامان دايما... لاني لما كنت بكون خايف مكنش في مكان آمن اروح واتكلم من غير ما حد يضايقني بكلام جارح ويلومني بطريقة الاتهام ل

Carrot_55533 🇪🇬 فهمك جدا جدا و للأسف أعرف حد نفس إللي بتقوله و فيه ناس كتير جدا كدا ده شخصية الاب النرجسي حلك إنك تحرر نفسك ماديا و تحاول تستقل بنفسك في شقه إيجار بعيد عنهم مهما عملوا ده ه الحل اهو سافر شغل بره البلد أتصرف و حاول تعوض نفسك و حب نفسك و دلع نفسك كدا و عيش مع ربك و بس لحد ما توصل للاستقرار النفسي

View all 7 Advice

Apple_38785 🇪🇬

1 year ago

Feeling Lost

Topic:

هل تعرضت للتنمر بسبب وزنك؟

يااه كتير بس مبقتش بتأثر يعني اتعودت لان التنمر كان بييجي من اللي جوة البيت بس اللي برة طول عمرهم يقولولي جسمك حلو وبشوف بنات نفسها جمسها زي جسمي الا اهلي شايفين دايما اني وحشة ومحتاجة ازيد شوية

Chocolate_41655 🇪🇬 بصي اقولك حاجه احسن لاجسام الي بتكون مبين الوسط وي الرفيع فا اشطا انتي في التمام حبي نفسك يا جميل فكك محدش بيسيب حد علي رحته لزم كله يتكلم

View all 5 Advice

Orange_30261 🇪🇬

1 year ago

Feeling Fed up

Express your Feeling anonymously

انا حاسه بخنقة بس من نوع جديد على الاقل بالنسبالي.. عارفين كده لما تبقوا حسين ان كل حاجه خربت و تبقوا زعلانين عليها انا وصلت بقى لمرحلت انا خلاص زعلت و جه دور الي يزعل... 
انا كل يوم بتشتم من اهلى و خصوصا والدتي .. كل يوم كل يوم على نفس الموال ده اهانات و سب و حتى تنمر لدرجة انها وصل بيها الحال انها تقولي يا مهانة .. ده حتى لو قاعدة لطيفة و بتهزر ساعات هزرها بيكون اصلا الكلمة دي "يا مهانة".. بحسبقرف من نفسي بسبب الكلمه ديمحدش يقدر يتخيلها لدرجه اني بحس اني هجيب الي معدتي.. بحس بذل مع احساس بلا قيمه كده كله مخلوط مع بعضه .. هما مش وحشين لدرجه.. يعني هما عملولي حجات كتيره اهالي كتيرة متقدرش تعملها.. بسهو انا هعمل ايه بفلوس او اي حاجه مدية او تعليمه و انا قرفانه من نفسي كده.. و انا نفسيتي مدمرة؟ ولا حاجه.. و لا اي حاجه..
انا علفكرة من النوع الي ينتقي كلامه كويس اوي بس بدأت اني ارد بكلام مهوش احسن حاجه من فتره طويلة.. كنت بقول كلام نوعا ما جارح بس علشان احسسهم بالي بحس بيه يمكن يفهوا جزء من وجع كلامهم بسهما مبطلوش 
و بقيت " قليلة الادب و متربتش" زي ما بيقوالوا ... حاولت معاهم كتير حتى بالكلام الجارح ليهم مع اني كنت بعدها علطول بحس بكمية ذنب و تأنيب ضمير لا يطاقوا
بس الموضوع قلب ل. .. ممكن اقول متعه؟ متعه اني اجرحهم. . او احسسهم انهم مش كفاية .. بقةلذه بالنسبالي 
بصوا يا جماعه انا متمناش حد يحكم عليا غلط و لا انا بتكلم كاني احسن من حد او ليا الحق في تصرف معين فأتمنى الكل يفهم ده...

Private Advice

Switch to receiving private advice for your post; otherwise it will be publicly visible.

Chilli_15170 🇪🇬

1 year ago

Feeling Sick

جماعة عايزة اقولكوا بجد خلوا بالكوا كويس جدًا من كلامكوا ، انا بسبب تنمر اهلي عليا و ان وزني كان كبير مقارنةً بأوزان بنات عيلتنا و كده (مع العلم اني كنت 49 kg ) يعني وزني مكانش كبير اوي كطفلة عندها 10 سنين بس بنات عيلتنا كانوا رفيعين جدًا و كنا دايمًا بيقارنونا ببعض و في الآخر ده يأثر على نفسيتي انا

Tofu_90520 🇪🇬

محتاجة اتكلم مع حد كبير وفاهم وعاقل بدون أحكام

انا لسة جديدة هنا ف البرنامج مش عارفة ايي هدفوو بس شوفت حد عامل اعلان انو لو حد عندو مشكلة في ناس هنا تقدر تسمعو وتحل مشكلتو فا انا محتاجة اتكلم مع حد بس يكونن كبير وفاهم وعاقل ياريت والمهم في كل دا انو يكون بدونن أحكام وبنت او ولد مش هتفرق عادييي ...see more

1 Supports

25 Advice

Apple_89814 🇪🇬

عيد ميلادي وانا وحيد.. محدش قاللي كل سنه وانت طيب

انهارده عيد ميلادي الحقيقه انا وحيد جدا لدرجه ان محدش قالي كل سنه و انت طيب لسه عشان كدا بطلب من اخواتي الي موجودين هنا يقولولي كل سنه و انت طيب مش عادتي ااڤور و اتكلم بالطريقه دي بس فعلا هتفرق معايا و شكرا IIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIIII ...see more

1 Supports

16 Advice

Nutella_39839 🇪🇬

زهقت! مفيش حد هنا أكبر من 25 سنة خالص

صباح الخير .. مفيش حد هنا اكبر من 25 سنه خالص اني زهجت 😂😂😂😂😂😂😂😂 ااااااااااااااااااااااااااااااااااااااااااااااا ااااااااااااااااااااااااااااااااااااااااااااااا ااااااااااااااااااااااااااااااااااااااااااااااا ااااااااااااااااااااااااااااااااااااااااااااااا ااااااااااااااااااااااااااااااااااااااااااااااا ...see more

1 Supports

14 Advice

It’s better in the app

Download Toheal on your phone for faster experience.