تفكير مفرط

Pineapple_59394 🇪🇬

منذ أسبوع واحد

شعور مكسور القلب

موضوع:

اى اكتر حاجة بتكرهها في نفسك؟

عبّر عن شعورك بشكل مجهول

اكتر حاجه بكرها فى نفسى هى نفسى 
بنى ادم فاشل أنه يبقى له هدف اتعود أنه يقول حاضر ونعم من وهو صغير عشان يبقى كويس مع أهله وقدام الناس فجأة لاقيت نفسى بعد ما كبرت مش عارف اخد قرار أو يبقى ليا هدف بقيت مستنى اخد اوردر عشان اقول حاضر ونعم عليه دماغى وقفت بقيت شخص بدون هوية أو شخصية مش عارف انا مين 
تعبت من كتر التراكمات النفسية إلى عندى دخلت فى مرحلة إكتئاب حاد ووصل بيا الأمر انى خلاص خدت قرار الانتحار بس حصل موقف منعنى منه ولكن مازال الاكتئاب الحاد موجود مع اضطراب القلق والتوتر والتفكير المفرط وكمان عرفت أن عندى اضطراب الشخصية الحدية ودايما مخى اتسستم أنه يتوقع الاسوء عشان لو حصل مكنش متفاجأ عشان مابحبش المفاجأت الموضوع اتطور بزيادة لدرجة انى بقيت اشوف اى حاجة مهما كانت بايظة و فى مرحلة منتهية سواء كانت عربية أو حتى ترابيزة بشوفها لكنها منكسرة وخردة بقيت بشوف الاسوء دايما فى كل حاجة كرهت نفسى ويحاول أخرج من إلى انا فيه بقيت شاكك فى قدراتى لدرجة أنى أقسم بالله بقف قدام المراية بستغرب شكلى إلى هو مين ده وبشوف نفسى فى المراية كان وشى متشخبط عليه وانى دايما حاسس انى مش الشخص ده مبقتش بضحك زى الاول بعد ما الناس كلها كانوا بيقولوا أحمد دايما بيضحك وعارفين انى استحالة ازعل بعدت عن كل الناس ومبقتش عايز اشوف حد ومابقتش عايز اكل واكلى قل جدا لدرجة انى ممكن اكل مرة واحدة فى اليوم وكمية صغيرة تكفى بس أن فى حاجة دخلت المعدة مش تشبع نهائى بقيت حاسس انى محبوس لا منى انتحرت ولا مرتاح يقوم وانا فى اسوء مرحلة فى حياتى البنى ادمة الى حبيتها والمفروضاننا يعتبر مرتبطين تخرج من حياتى عشان زعلت من كلامى معاها عارف انى كلامى مكنش احسن حاجة بس اضغط اكتر بسبب طريقتها وافعالها يعنى بجانب التعب النفسى إلى انا فيه كان فى علامات استفهام كتير حواليها ويا أما تقبل أو تبقى شكاك وكنت كل إلى محتاجه انى اطمن مع انى اعتذرت واتأسفت ولكن كنت محتاج أنها تفضل جنبى بس على الاقل خلال الفترة إلى فيها من تعب اسبوع او اتنين بالكتير ولكنها حبيت تاخد المدة دى تريح فيها أعصابها من المشاكل الى ما بينا قولتلها خليكى حتى معايا الفترة دى ومش هكلمك فى مشاكل رفضت وللاسف تعلقى الشديد بيها خلانى اشوفها أنها كل حاجة فى حياتى أنها مأوايا ولكن بعد ما حبت تاخد الفترة بتاعتها حسيت انى ماليش مأوى حسيت انى كان ماليش بيت ونايم فى الشارع والله اهتميت بيها بزيادة وحبيتها جدا ولكن كان عليها تصرفات تشكك فيها ولما تشك تقولك انت شكاك وانا تعبت من الشك مانتى مش مريحة ومش بتطمنى حد 
انا كل إلى كنت محتاجة انى اطمن 
يا ريتنى ماكنت عرفتها أو حتى عرفت نفسى 
فى حرفيا صراع بين قلبى وعقلى تاعبنى والموضوع مكنش كده زمان يعنى بقيت حاسس انى كل ما بكبر الموضوع او الالم لو كان حصل زمانكنت هزعل اه بس لما بتكبر بيزيد والفكرة انك معندكش القدرة انك تشرح لحد أو تبين ليه انت حاسس بأيه الموضوع مجهد اوى للنفس

Croissant_62088 🇪🇬

منذ أسبوع واحد

شعور محبط

انا بحس بعدم الرضا باللي بعمله مهما تعبت وحاولت كتير بشوف اني معملتش حاجه و بقالي فتره مش قليله بحس اني عندي اكتئاب ، عاوز اسيب كل حاجه وابعد واقع لوحدي نفسي احس بالراحه انا حاليا في الجامعه بس مش بعرف اخصص وقت لراحتي النفسيه حياتي كلها دراسه حتي مش بعرف اتعامل اوي مع الناس بحس اني مش بفهمهم ودايم

Carrot_62052 🇪🇬 بالنسبة للمستقبل انت لا تملك منه شئ لان الغيب عند الله سبحانه وتعالى بالنسبه للماضي دا شي عدي خلاص ال حصل حصل مش هيتعدل فيه حاجه انت عيش لحظتك الحاليه صاحب ناس واخرج والعب واتبسط مش لازم تفضل مذاكره ٢٤ ساعه والتفكير في المستقبل مش مطلوب منك مطلوب منك تسعي والنتيجه والتوفيق من عند الله

عرض الكل 2 نصيحة

Strawberry_59887 🇪🇬

منذ أسبوعين

شعور مرتبك

ال overthinking هو اسوء حاجه ممكن تدايق المشكله اني لازم احلل كل الاصرفات وافهم ده حصل ليه ولو موقف اتقفل حواليا قفله مش منطقيه لازم افكر كتير عشان اوصل لحل مش هيفدني في حاجه اصلا بس مش هرتاح إلا لما اعرفه حتي تصرفاتي بركز مع نفسي جامد جدا انا لحظت الموضوع ده الفتره الاخيره حاسه اني مكنتش كده اوي

Watermelon_59162 🇪🇬

منذ 3 أسابيع

شعور مرهق

دلوقتي انا عندي مشاكل وكل شوية بيحصل حاجة تخليني ارجع افتكر المشاكل دي وبخش في حالة زي اكتئاب كدا وانا حاولت كتير ان اتخطي المشاكل دي بس مش عارف من كام يوم كنت في الحالة دي وقررت اني هروح ل psychologist بس بعد ما بهدأ بقعد اقول ايه العبط دا والناس كلهم عايشين واكيد عندهم مشاكل بس مبيروحوش بس انا مش

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Pineapple_33396 🇪🇬

منذ شهر واحد

شعور مرهق

اوقات كتير بحس اني مهملة واني ف وسط الحياة لوحدي ، بفكر كتير جدا وبحس دايما بعدم الامان مع الناس اللي حواليا، بحس دا انه متلاعبين وهياذوني ، وبفضل طول اليوم افكر، مزاجي ف اليوم سعات ببقا مرتاحه ومش بفكر ف حاجه وبحس بامان بعدها بكام ساعة بفقد الامان دا وبرجع افكر كتير بقالي اكتر من شهر علي الحال دا،

Biscuit_17258 🇺🇸

منذ 4 أشهر

شعور ضائع

بقالي كتير مش عارفه أنا مين الحقيقه أنا ماشيه بتخبط في كل موقف وشعور واتجاهله واعدي وأكمل والاقي نفسي في آخر كل يوم قاعده علي سريري وقلبي شايل مشاعر كتير عكس بعض بواجهها بشويه تفكير مفرط ونوم وأصحي تاني يوم مقبلة ع الحياه ومقررة ان النهاردة يوم احسن وينعاد اليوم بمشاعره من تاني

Coffee_48998 🇲🇦

منذ 5 أشهر

شعور لا مبالٍ

مرحبا👋🏽. كنت اعمل في الصيف فتعرفت على شخص بس كزملاء عمل بس هو اكبر مني بسبع سنين . كان بيشبهني بأختو ويتعامل معي بلطف بس في حدود . انتهت الصيف و تابعني على الانستا وكان بيسأل علي من الحين للحين يعني( كيفكي شو اخبارك..) زي كدا يعني مش علاقة عميقة ولا صداقة بجد . فمرة سألني هل بؤمن بالحب في التطب

Banana_35707 🇪🇬

منذ 6 أشهر

شعور وحيد

مشعارف انا بعمل اي هنا بس انا من كتر الوحده والتفكير المفرط وان كل حاجه تكون بتبوظ كل شويه وفجأه تلاقيك خسرت كل حاجه قاعد معدش فارقلك حاجه ومتعايش مع الايام والسنين وانت فنفس النقطه ولوحدك تصحي من النوم نفس الروتين ولو غيرته او بذلت جهد تحس انك خلاص جسمك متدغدغ وتعبت تروح تنام حاسس ان يومك منطفي بقي

Cookies_51570 🇪🇬 بص جرب تركن الماضي ع جنب ومتقكرش فيه هو صعب انا عارفه بس احسن ليك صدقني وحاول تعيش اللحظه بلحظه عيش حياتك وحاول تعمل حاجات دايما بتحبها وتملا يومك غير ف روتينك يومك واحده واحده طبعة اهم حاجه ف حياتك هيا علاقتك بربنا انتظم ف الصلا وخلي ليك ورد يومي واذكار الصباح والمساء صدقني بتفرق اويي ف نفسيتك

عرض الكل 15 نصيحة

Apple_51214 🇪🇬

منذ 6 أشهر

شعور شاعر بالملل

عبّر عن شعورك بشكل مجهول

طيب انا هتكلم معاكو بكل صراحه لانى جبت اخرى بجد و شبه هعيط الوقتى 
انا عندى تفكير مفرط مش لازم اكتبها بالانجليش عشان مليش خلق 
الموضوع ده ابتدا معايا من زمان اوى بس زاد فاول السنه الى فاتت تمام بسبب موقف حصل معايا و كنت غلطانه فيه تمام ..الوقتى ف اواخر السنه دى الموضوع زاد اوڤر يعنى بجد خلاص دماغى هتنفجر بسبب حاجه انا عملتها و انا غلطانه فيها و مش كلام ولاد ولا حاجه بس هى حاجه مش حلوه يعنى و من ساعتها و انا اقسم بالله ندمانه انى عملت كده و نفس امسك شخص معين و اقوله انا اسفه والله سامحنى انا مش كده بس دماغى الى غبيه و انا كنت بعيده عن ربنا اوى و مكنتش بصلى الفتره دى و اللهم لكل الحمد والله كله بفضل ربنا بقالى شهر و نص منتظمه فالصلاه و ربنا يدمها عليا نعمه و ميزلهاش ابدا لانه الموضوع بجد ضياع اوى المهم انا بعد ما غلط الغلط الى من كام شهر ده من ساعتها و دماغى وكلانى طب هو الشخص ده بيفكر ايه الوقتى طب هو قال لحد و لو قال قاله ايه طب هو اضايق منى طب قال ايه عليا طب في ايه بجد ..والله يارب انا توبت و ارجع افتكر مواااااااقف لا نهائيه حصلت معايا فى طفولتى و اقول ايه الغباء ده ايه العبط ده ايه القرف ده ايه الى انا كنت بعمله ده او الناس الى شافو الى عملته قالو عليا ايه وقتها او لما بيفتكرو بيقولو ايه عليا اقسم بالله دماغى تعبانى و كله مش ضد الناس لا ده كله ضدى انا.. دايما شايفه نفسى شخص حقير مع انى مش كده دايما شايفه نفسى شخص ميستاهلش ..دايما شايفه نفسى انى لا انا غلط انا مكنش المفروض اعمل كده انا غلط فحق ده و ده و ده انا بكرهه نفسى حرفيا انا اقسم بالله نفسى امسك كل شخص قولت عليه كلمه وحشه او اضايقت منه نفسى احضنه ابوس رجله اعمل اي حاجه عشان يسامحنى حتى لو مكنش مضايق منى و بيحبنى بس والله العظيم انا بلوم نفسى اربعه و عشرين ساعه كل ثانيه بلوم نفسى مش قادره ابطل تفكير عن راى الناس فيا دايما بكون حريصه فالكلام جدا دايما بكون متردده اخد خطوه جريئه فحيات دايما كده انسان متردده و ضعيفه و بلوم نفسى على طول لدرجت انى ممكن اذل نفسى عشان الشخص ده يسامحنى و اوقات بتمنى ان شخص معين يموت او انا اموت عشان همى يروح و اقسم بالله الى عارف الى جوايا هيقولى عندك حق بس ده مش صح مش صح خالص انا والله توبت يارب والله العظيم توبت

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_50656 🇪🇬

منذ 6 أشهر

شعور متعب

دلوقتي انا دماغي مش بتوقف تفكير نهائي الموضوع خرج عن السيطرة بتفكر في اي حاجة و كل حاجة مواقف قديمة مواقف مستقبلية و حاجات تانية كتير و الموضوع بجد زاد عن حده مش بعرف انام بسببه كتير و بيشتتني و انا بذاكر او بعمل حاجة محتاجة تركيز ساعات بحس ان في سحابة في دماغي بتخليني عايز اخبط دماغي في الحيط تفكير

Cherry_50619 🇪🇬

منذ 6 أشهر

شعور عاطفي

فيه كميه زهق وملل في الجو ده مش عارفه ليه واكتئاب شويتين تلاته كده و جلد ذات وتفكير مفرط حرفيا بنام متأخر كل يوم بسبب إني بفكر في كل حاجه الكلام ده بيحصل بلييل بس وضميري يأنبني علي اي حاجه عملتها في الماضي مثلا او كده هل فيه حد زيي ولا انا بس اللي كده

Sugar_29857 🇪🇬

منذ 8 أشهر

شعور ضائع

دايما حاسه بالخوف وعدم الامان وبفكر كتييير ف كل حاجه المشكله ف الخوف والتفكير المفرط اللى بدون هدف منه ●الخوف: بخاف من اللى هيحصل من اللى جاى خايفه مم المستقبل خايفه معرفش احقق احلامى وفى وسط ده انا تايهه تقريبا الخوف من كتر الزحمه؟ يعنى بدور على حاجات كتبر ف وقت واحد عايزه اعمل حاجات كتير برضو وفى

Plum_28415 🇮🇶

منذ 8 أشهر

شعور مرتبك

دائما افكر واهوجس بالشي قبل لايصير خير او شر حلو او لا والتفكير ياخذ مني جهد نفسي وجسدي اريد حل

Grape_37366 🇸🇾 اسمع لازم تحاول معاد تفكر لانو ازا صرت تفكر سلبي من الممكن انو رح يصير الشي سلبي من التفكير فحاول بطل التفكير لانك عم تتيح للافكار السلبية بالسيطرة عليك ويمكن يصير معك اكتآب وارق شديد فحاول الهي فراغك

عرض الكل 3 نصيحة

Chilli_28482 🇪🇬

منذ 8 أشهر

شعور مستنزف

أغلب عيوبي حبيت أنزلها من باب التوعية مش مجاهرة نهائي وربنا يتوب علينا قلة ثقة في النفس تفكير مفرط حساس من أتفه الحاجات مستني القبول من الآخرين إحساس بالنقص و الدونية إحساس بتأنيب ضمير دائم تقصير في العبادة شهواني في كل الجوانب

Chilli_28520 🇪🇬 انك قادر تحدد مشاكلك ده اول الطريق لحلها

عرض الكل 3 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع