تفكير

Marshmallow_62755 🇪🇬

منذ 6 ساعات

شعور لا مبالٍ

السلام عليكم ، عاملين ايي عساكم طيبين ! هو عندي سؤال لو معرفتش اعمل صحاب في الجامعه هل هعرف اعمل صحاب بعدين ، م لاقية حد شبهي خالص سواء ف التفكير او الطباع فبصراحة م عارفة اندمج مع حد او يبقااالي بيست فريند زي ما بيقولوا ، يا الاقيي كل اهتمامهم في الدراسة وبراها مفيش حياة يا كل اهتمامهم في الحياة و

Chocolate_84302 🇪🇬

منذ 7 ساعات

شعور عاطفي

لما تملّوا من الحياة، وتحسّوا إن الدنيا كلها جاية عليكم، ومفيش حد تقدروا تتكلموا معاه أو تِشكوا له، أو حتى لما تبقوا مش عايزين تحكوا أصلًا لأنكم كرهتوا الكلام نفسه... بتكسروا الملل ده إزاي؟ أو الخنقة دي بتبدّلوها بإيه عشان تفكّوا شوية؟ 🎀 ملل لنلنلنبتببنبنبنبنبنبببننبنبنبنبنىنىنىنىنىنىن

Cookies_58401 🇪🇬

منذ 19 ساعة

شعور مرتبك

بجد محدش يفكرني مجنونه معا ان ده جنان بجد يعني بسبب ضغط كل الي حواليه لي مفيش او مينفعش اخطب خطوبه فيك او جوازه فيك بس انو عايزه اخلص من حوار ف حياتي او الواحد لو عايز يعمل كدل يعمل اي بجد ..........دددددددددددددددددددددددددددددددددددددددددددددددددددددددددددددددددددددددددددد

Orange_75300 🇪🇬

منذ يوم واحد

شعور مكتئب

عبّر عن شعورك بشكل مجهول

السلام عليكم طبعا في البدايه ممكن تكون قصتى كبيره بس للاسف انا عايشه فى ده كل يوم انا بنت مصريه وعمرى 17 سنه مشكلتى بدأت من زمان جدا لما كان عمرى 4 سنين  لما حسيت ان هيبقى عندى اخت تانيه تشاركنى اهتمام اهلى انا الكل كان بيهتم بيا حتى اجدادى كنت نور عنيهم محدش كان يقدر يكلمنى كلمه متعجبنيش وتأقلمت عادى مع اخت الجديده لحد م بقى عمرى 8 سنين وبردو عرفت ان هيبقى عندى اخ/ اخت تانيه تشاركنى حب امى وابويا اللى كنت بحبهم وعيزاهم ليا انا بس زى اى طفله صغيره 🥹
وكالعادة اتأقلمت وفرحت ب الاخ / الاخت الجديده 
لحد م جت سنه  2017 وانتى التالته جت  وكانت اول سنه تكسرنى وانا اصلا فى سن معرفش يعنى ايه كسره ولا وجع ولا موت ...... مات اعز الناس لى قلبي وهو جدي كنت منهاره طبعاً كنت طفله مش فاهمه اصلا ولا مدركه يعني ايه موت أو يعني ايه مش  هاشوفه تاني كنت مكدبه الكل وفى حاله انهيار تام اول مره أفقد شخص عزيز عليا وبعدها ب سنه فى 2018 فقدت جدتى اللى مربيانى من بعدها حصل فراغ كبير جدا جدا فى قلبي وكل ده كان عمرى 9 سنين بس بشوف وبحس بحاجات انا اول مره أحسها أو افهمها ومن بعد طبعا جدى وجدتى اللى كان الكل بيحبنى علشان يكسب رضاها الكل سابنى حتى أهلى بطلوا يهتموا بيا زى زمان وكل الاهتمام بقا ل اخواتى وطبعا كنت بحس من الغيره لأنهم مهتمين بيهم وانا لا واللى زود ده لما كان يحصل خلاف بينى انا وانتى الصغيره خلاف عادى من بتاع الإخوات  ده بابا كان بيتدايق وبيضربنى كل يوم علشان اختى الصغيره ومش بكدب لو قولت انى كل يوم اقسم بالله بنام وانا بعيط 💔 
كرهونى فى اخواتى وخاصه اختى الصغيره إلى. حسستنى انها جت خدت مكانى فى قلبهم واهتمامهم انا عارفه ان هي صغيره ومحتاجه اهتمام ومراعيه بس انا كمان كنت فى فتره صعبه محتاجهم جنبى كنت فى بداية مراهقتى وملقتش حد جمبي ولا أهل ولا أقارب ولا صحاب ولا اى حد. 
ولو كنت كلمت اهلى مش بيسمعونى ولا عرفوا يكسبونى ودايما شايفنى انا اللي. غلطانه حتى لو انا غلط كانوا دايما بيقللوا منى ويضربونى وأوقات كتر كان جسمى ووشي بيتشوه ولا كنت بصعب عليهم حتى واى حاجه كنت اعملها وامى تعرفها كانت بتروح  تقوله وانا ابويا عصبي جدا مش بيفكر ويروح ضاربنى على طول ودايما كانوا يقولولى انتى مش متربيه وقليله الادب لو رديت عليهم أو اتكلمت وانا والله الناس كلها بتحلف بأدبي واخلاقى متربيه على إيد اجدادى يعني زى م قال الكتاب حرفيا ولما كنت اعيط وهم بيكلمونى من اقل كلمه بسبب الكتمان كان ابويا يقولى عيطي عيطى مش هتصعبي عليا انا مش هقول انى ملاك ومش بغلط كلنا بنغلط ومحدش معصوم من خطا بس حتى انا لو غلطت غلطه رد الفعل عليها بيبقى اقوي من الفعل نفسه انا بطبعي بنسى وبسامح بسرعه والله لو كنت انام بعد ما يموتوني ضرب وافضل اعيط انام واصحى الصبح ناسيه ومش زعلانه منهم 😔💔
لحد م وصلت سن 14 سنه وانتقلنا فتره عند خال ابويا (جدى يعنى) علشان كان تعبان وكان عنده بنات صغيرين من سنى انا واختى بنته اللى من سنى كانت دايما بتغير منى وبتعملى مشاكل وانا بطبعى عصبيه جدا مش بعرف اتحكم فى نفسي لو اتعصبت كانت تروح تقول لابوها اللى هو جدى وتقول لابويا وابويا علشان يراضى خاله وميزعلش منهم كان بيضربنى وقدامهم كمان 😔💔❤️‍🩹. 
كسرنى كتير كل يوم تقريبا كان بيحصل المواضوع ده وعمر م ابويا قال دى بنتى واللى بعمله ده غلط و والله حتى لو انا كنت قاعده ساكته وهاديه كانت تيجى البنت دى وتنكشنى (يعنى تضايقنى ) علشان تحصل مشكله وبعد 5 شهور من التعب ده رجعنا بيتنا تانى الحمد لله وسببت كل المشاكل دى هناك ونسيت الناس دى وبقيت في تالته إعدادى يعنى 15سنه تقريبا ومن ساعتها وأعلى اتشغلوا اكتر واكتر عننا بسبب شغلهم ووالله انا اللى بقيت بعمل كل حاجه فى البيت (تنظيف - غسيل - طبخ - اكل اخواتى واهتم بيهم ) مع أن اخواتى كانوا بيتطاولوا عليا فى الكلام والإيد كمان مع العلم انا الكبيره وبفرق 4 سنين   و 8 سنين وبعد م كنت اعمل كل حاجه في البيت وهم يرجعوا من الشغل بيلاقوا الاكل مطبوخ والغسيل نظيف  والشقه نظيفه لأن الحمدلله كنت شاطره وبعرف اعمل حاجات كتير فى سن صغير بحكم انى البنت الأكبر والمسؤوله  عن البيت حتى عن امى وابويا كمان المشكله ان بعد كل التعب اللي بتعب ده هم مش بيقدروا تعبي و يجوا اخر الليل يقولوا لي كلام يسد النفس ويكرهني في حياتي وعيشتي حتى لو انا بغلط ما يقولوش ان هي بتتعب معانا وشايلانهخلاص عادى ولا كأن حاجه حصلت  لا بيزودوها عليا وتعبت جدا من المسؤوليه اللى شيلتها بدرى دى وانا مش قدها وجالى اكتأب فى تالته إعدادى والله مش ببالغ لو قولت ان صوتهم كان بيزعجنى وبيفكرنى بألمى اللى حسيته فى سن صغير ميعرش يعنى ايه وجع  كنت بصحى الصبح اعمل حاجه البيت كلها واعمل حاجه اخواتى من غير كلام ولا نقاش ولما يرجعوا البيت افضل نايمه واصحى لما هم يناموا علشان مشوفهومش ولا يكلمونى قعدت على الحال ده كده اكتر من شهر ومبقتش باكل ولا بشرب ولا بروح مدرستى ولا بذاكر لحد م كنت بضيع حرفيا وحتى مكنش عندى حد احكيله همى وحزنى حتى امى اللى المفروض تبقى امانى وحمايتى مكنتش بثق فيها ابدا ومن بعد الاكتئاب ده ولابقيت بثق في حد...... 
انا بطبعى شخص بيحب الضحك جدا بس بقيت بحس انى بضحك علشان انسي اللى جوايا انسي معامله أهلى ليا وكرهم ليا ولخاطرى وكرامتى وشكلى قدام الناس وبقيت بتعامل معاهم على قد الكلام وبس 
ولحد دلوقتي ومعاملتهم متغيرتش معايا ولسا بيتعصبوا عليا من اقل حاجه ولما بابا يعملى أو يقولى حاجه تضايقنى واروح اشتكى لامى اللى هى حتى لو مش هتعمل حاجه على الأقل تسمعنى وتدينى الاهميه وانا بتكلم لا مش بتهتم أنها تسمعنى ولا تشوف مالى .... اكتر من مره كنت بنهار قدامهم من شده الكتمان وابكى بوجع وصراخ ولا كنت بحس حتى بشفقه منهم عليا وابويا يقولى انتى فاكره أن انك لما تعيطى كده انا هقتنع بلاش شغل التمثيل ده 💔😭
ولحد دلوقتي وانا فى تانيه ثانوي عام كل ده مأثر فيا جدا ومش بعرف اذاكر ومستوايا الدراسي بينخفض جدا وبشكل ملحوظ وهم كل اللى عايزينوا ابقى دكتوره وزارعين في دماغي كده من صغري لدرجه انى حاسه لو مدخلتش طب هبقى فاشله مش عارفه اختار انا بحريتى المنصب او الحاجه اللى. انا عايزها مش اللى هم عايزينها 
كل حاجه دلوقتي بخدها على اعصابي ونفسيتى ومن أقل حاجه بعيط حاسه انى بقيت ضعيفه الشخصيه حتى بين الناس ببين انى جامده قدام الناس وانا جوايا فاضى بسبب اهلى من صغرى ولا شوفت اهتمام ولا اى حاجه ودايما لو عملولى حاجه حتى لو صغيره بيفضلوا يقولولى كل شويه عليها وكأنهم بيعايرونى لان هم المحكمين فى رأس المال ولو زعلوا يقطعوا كمان عنى المصروف واللى هو اصلا حاجه بسيطه جدا جدا ودماغى هتموتنى من كتر التفكير على طول تائها ومش بكلم حد وهم دلوقتي لو طلبوا منى حاجه وانا معملتهاش بيقلبوها موضوع كبير و يقولوا لي انتى عمرك ما عملتى حاجه ولا كأنى قعدت سنه ونص حرفيا اخدم فيهم بمعنى الكلمه وبدون اى مقابل ولا حتى كلمه حلوه او طبطبه والله فكرت فى الانتحار بس رجعت فى كلامى يعنى هعيش فى عذاب فى الدنيا واموت كافره اعيش عذاب الاخره كمان ......... 
قصتى طويله بس والله انا عايشه في عذاب حقيقى ومش قادره أواجه كل ده لوحدى طاقتى نفذت وتعبت من كتر الضغط من اهلى والدراسه والناس كل ده مأثر عليا وعلى دماغى ....

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Banana_82920 🇪🇬

منذ يومين

شعور غاضب جدًا

Strawberry_84060 🇪🇬 مش عارفة هل فعلا بيحبك ومش عارف يتقدم بسبب ظروف مادية ولا هوا كان بيستعبط بجد حاجة تخلف عقلي اصل مش معقول الفراغ قالته للدرجة دي أنه يفضل سنين يحاول يوصلك

عرض الكل 4 نصيحة

عبّر عن شعورك بشكل مجهول

هحكيلكم حاجة مضايقاني اوي
من زمان وفيه شخص بيحاول يكلمني من وقت ما كنت في ثانوي تقريبا
كان دايما بيجري ورايا، فيس بوك الاقيه انستجرام الاقيه واتساب الاقيه تيليجرام الاقيه 
لدرجه انه خلاص اصبح حاجة ثابتة كل فتره الاقيه باعتلي
المهم عدي سنين علي الوضع ده هو مش بيمل وانا مش بميل
لحد ما وصلت تالتة جامعة لقيته في يوم بيقولي اروح فين بعد كمية البلوكات دي
انا قولت بيني وببن نفسي ليه ما ابقاش انسانه سوية وارد عليه اعرفه انا ايه وايه يناسبني ، وفعلا رديت عليه ويشهد ربنا علي نيتي وعلي اني ما تجاوزتش اي كلام معاه وكنت رسمية علي قد ما اقدر، قالي انه قد ايه بيحبني وهيموت عليا وبس عايز يعرف هل انا متجاهلاه عشان في حياتي حد ولا عادي يقدر ياخد خطوة ويكلم اهلي
قولتله ان مفيش حد في حياتي ووعدني انه هيتقدم وقفنا كلام بانه عايزني قدام الدنيا كلها وهيموت من غيري وخلاص انا بقيت مراته 😂
بلكته بعدها وكل يوم مستنيه بابايا ييجي يكلمني في الموضوع
عدي سنة وكام شهر وانا بستني
لا هو اتكلم ولا انا قادره ابطل تفكير في الموضوع ده
بيقابلني في الشارع كأن مفيش اي حاجه، مش قادرة احكي عن شعوري اول ما بشوفه
وحرفيا بحاول اموف اون من علاقة مدخلتهاش

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_70064 🇪🇬

منذ يومين

شعور متعب

بقالي فترة كبيرة مكتبش حاس بضيق فب نفس وجع في قلبي وصداع ماسك دماغي وتفكير سلبي جدا تعبت اوي مضغوط من كل حاجه كلية ومشروع تخرج وشغل و بيت وحوارات وفراغ عاطفي قرفني في عيشتي وحده ملازمني ولاعارف افهم حد ولا حد فاهمني تعبت اوي نفسي حد يفهمني ويساعدني كرهت نفسي وكرهت كل حاجه بعمله بهرب في النوم بقيت بن

Potato_76035 🇪🇬

منذ يومين

شعور لا مبالٍ

١ لحد امتى الناس اللي عندها استحقاقية هتفضل حوالينا؟ الناس اللي عايزة تضغطك في حاجات تخصهم وماتخصكش وعايز تساعدهم فيها بدون مقابل ومع ذلك بيزنوا وفاكرين انك شغال عندهم لمجرد انك متساهل وبتحاول تكون شخص كويس وتعملهم جميلة؟ دا هينتهي امتى؟ ٢ كل ما أفكر أكتر أتعصب أكتر، كل ما أقول مش مهم، تيجي الفكرة

عبّر عن شعورك بشكل مجهول

١
لحد امتى الناس اللي عندها استحقاقية هتفضل حوالينا؟ الناس اللي عايزة تضغطك في حاجات تخصهم وماتخصكش وعايز تساعدهم فيها بدون مقابل ومع ذلك بيزنوا وفاكرين انك شغال عندهم لمجرد انك متساهل وبتحاول تكون شخص كويس وتعملهم جميلة؟ دا هينتهي امتى؟

٢
كل ما أفكر أكتر أتعصب أكتر، كل ما أقول مش مهم، تيجي الفكرة قبل ما انام وانا على السرير وتبوظ كل الاستنتاجات اللي هديت بيها نفسي، الفكرة إني عارف إني لو أطلقت لغضبي العنان وعملت رد فعل، هندم بعدها وأقول ماكانتش مستاهلة
والغضب بيغذي الغضب، عمري ما بيشبع
والنار هتفضل تاكلني من جوا لغاية مايبقاش فاضل مني حاجة

٣
من فترة واحدة صاحبتي قالتلي اني OCD
ماحستش بحاجة وقتها لأن دا بيتقالي كتير، انت BPD، انت بايبولار، مش فارقة، الناس اتعودت انها لازم تمشي بتشخيص ودي من سمات العصر اللي عايشينه
اللي استغربته انها ابتدت تقول اللي لاحظته في شخصيتي وليه هي توصلت للتشخيص دا باعتباره بيعبر عني
ومن وقتها وأنا عمال أفكر يعني إيه حد يبقى عايش حياته وفجأة حد يقوله انت OCD؟ والمفروض أعمل إيه بالمعلومة دي اصلا

٤
أي بنت بتنزل انها عندها جفاف عاطفي أو عايزة تصاحب، بحس كل الولاد اللي في الكومنت كأنهم إنسان بدائي جيه موسم التزاوج وبيعرضوا نفسهم عليها وبيعملوا حركات إغراء، زي الحيوانات في الأفلام الوثائقية لما يجيبهملك وهم بيحاولوا يلفتوا انتباه أنثى الجربوع بإصدار روائح أو ينفشوا ريشهم

٥
أنا اكتشفت مؤخرا إني بحب النوم أوي، وكل اللي بفكر فيه إني عايز أعوض كل الأيام اللي ماكنتش بنام فيها كويس أو جسمي مابيحتاجش فيه نوم دي، إزاي أعوض كل رصيد النوم اللي فاتني

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Mango_70785 🇰🇼

منذ 3 أيام

شعور متعب

انها أيام ثقال بتمر على الواحد حاسس بخنقه كبيرة وارهاق وتعب من كتر تفكير.. مش عارف الوم نفسي ولا حظي ولا اعمل ايه الواحد تعب بجد ونفسيته بقت وحش اوووي. بذات ان الواحد في غربه ووحده. ومفيش اي حاجة بتهون بجد ادعولي كتير ربنا يفكها ويرزقني ان شاء الله... 🙂

Apple_72535 🇪🇬

منذ 3 أيام

شعور متعب

طب كل لم اصحي من النوم بلاقي عندي انتصاب واقف كل يوم يعني بالساعه بيفضل كده مش عارف ده كده مشكله ولا ايه خايف تكون مشكله بعدين لو حد عنده عارف ده ايه ياريت يعرفني لانه تعبت من التفكير وانه دي مشكله

Mushroom_83316 🇪🇬

منذ 3 أيام

شعور مكسور القلب

ازاي ابطل تفكير سلبي او اطلب تفكير في حاجات كتير نفسي دماغي ترتاح من التفكير دايما بفكر دخلت واشتغلت علشان اكون في الشغل اكتر وماشغلش دماغي لكن برضو بفكر تفكيررر تفكيررررى في كل حاجه مش هكذب في ناس كتير بتقولي انتي بتكبري الموضوع انا مش عارفه هما صح ولا غلط لكن الموضوع نفسه بيكون بالنسبالي كبير

Blueberry_69403 🇪🇬

منذ 4 أيام

شعور ضائع

انا الوقتي بحس بجهد كبير وانا برد وبتكلم أو اهزر أو اضحك في وش حد اصلا بحس اللي هو بعمل بالعافيه و بفضل أفكر كتير اوييي في تصرفي دا ضحكت ازي وانا بتكلم قولت حاجه بيخه كترات في الكلام هي اكيد.شايفني عيله عبيطه الوقتي هو أنا كنت بعمل كدا زمان بس فعلا الموضوع افور معايا اوييييي بفكر في أدق التفاصيل و

Apple_67353 🇪🇬

منذ 4 أيام

شعور خجول

مش عارف اقول ايه الصراحه بس صباح الخير يعني انا معنديش مشكله ولا حاجه بس قرأت عند ناس كتير انهم بيفكرو في الانتحار وكده اسأل نفسك يصديقي قبل متعملها هل ده هيه نهايت المشكله الي انت فيها ولا كده انت بتبدأ المشاكل الي بجد علي العموم انا مش طبيب نفسي ولا دوكتور ولا اي حاجه انا بس جي اقلك كلمه وحده صدق

Pineapple_83884 🇪🇬

منذ 5 أيام

شعور غير مكتمل

انا متلغبطه ومش عارفه اعمل اى ومش عارفه اخد قرار حاسه بالخنقه ومش قادره ابطل تفكير كنت ف علاقه مؤذيه ليا خايفه من مواجهه اللى جاى مش عارفه ممكن يحصل اى بس خايفه اوى ونفسى مخسرش حاجه نفسى العلاقه دى تنتهى من غير اى خسائر ليا واعتقد كفايه خسرت نفسى

Chilli_52720 🇪🇬 مهما خسرتى مفيش حاجه غالية تانى تخسريها اكتر من نفسك انهى و خلصى عشان تلمى خسيرك و ترجعى لنفسك تانى و اعتبرى درس قاسى و اتعلمتى منه

عرض الكل 5 نصيحة

Chocolate_71988 🇪🇬

منذ 6 أيام

شعور ضائع

اي حد عايز يحكي انا سمعاه انا ف ناس كتير سمعتني هنا ف لو حد عايز يحكي حاجه هسمعو و هحاول انصحو أو نفكر سوا عادي بنت او ولد🤍✨ ننننننننننننننننننننننننننننننننننننننننننننننننننننننننننننننننننننننتتتتتتتتت

Banana_80815 🇪🇬

عايزة أقلع الخمار وألبس عادي.. نصحوني

جماعة بصراحة عايزة اخذ رأيكم فى حاجه انا عايزة اقلع الخمار وألبس حجاب عادى بس بردو هفضل ألبس جيب وبلوزات ودريسس وكده يعنى حاسه إنى مش عايشه مبهدله فيه وكده بقيت اشوف البنات اللى بطرح عادية أجمل وبنات شيك وبنات شكلهم حلو وحاسه كمان إن الناس بتنبهر بيهم وأناقتهم وتلاقيهم كده كاريزما فى البناطيل وشكلهم واو بجد . فا انا متردده انا هقلع الخمار بس مش هلبس بناطيل يعنى درسس وجيي وكده بردو فا إنصاحونى ...عرض المزيد

3 الدعم

28 نصيحة

Blueberry_69403 🇪🇬

أنا اللي اخترعت مبدأ "هتجرحني هفشخك"

حاليا أنا عايشه مبدأ هتجرحني هفشخك (أنا اللي اخترعت المبدأ دا ) يعني مثلا انت قولت كلمه تزعلني اوكي هقولك أنا كمان انت م احسن مني في حاجه وانا مش ملاك وانت شطان يعني هتقولةحاجه تديقني هديقك و بجد مبحبش حد يدخلني في مشاكلوا يعني مثلا تيجي تقولي معلش قعديني مكانك اصلا مش عاوزه معيد دا يقيمني اللي هو وانا مالي أصلا أنا مش عاوزه اقوم من مكاني متولعي أو واحده صحبتي بتقولي حتي كيس شيبسي دا عشان اكلوا منك ف مجبتش مش عفنه ولا نتنه بس اللي هو متجيبي لنفسك اي البجاحه دي انا مش هاكل مخصوص عشان هيا قالت كدا بس أو مثلا واحده او واحد ف المواصلات ريحتوا تقرففففف أنا طبيعي هبقي اقعده ابصلوا بقرف و فعلا قرفنه وهفتح الشباك وأخرج دماغي ولو معايا برفان هرش اصلا معلش لو م عارف انك بتعرق وريحتك صعبه اعارف وعلاجها ولو عارف وم علاجت الموضوع استحمل بقا ومش هصحاب حد اتسيلوا اهبل و مش بيعرف يلبس وشكلوا م نضيف ومش باخد بالشكل بجد بس فعلا أنا بتأثر بالناس اللي في حياتي ومؤمنه أن لو صحبت حد كدا هبقي زيوا ف عاوزه اصحاب ناس حلوه عشان افضل حلوه ...عرض المزيد

3 الدعم

22 نصيحة

Tofu_76193 🇪🇬

أنا تايهه ومش عاوزه أكمل حياتي

أنا تايهه لدرجة إنى مبقتش عاوزه اعيش ، مش عاوزه أكمل ، انا تعبت من حياتي ،تعبت من تقصيري تعبت من كثرة ذنوبي وإنى مش عارفه ابدأ أو أعيش صح زى ما بتمنى ، حياتي بقيت عباره عن مستنقع ومش لاقية حد يخرجني منه بالرغم من إني حاولت كتير ولكن لا جدوى للأسف ، انا مش عارفه أقول إيه أو أحكي ايه ، بس أنا ضايعة ، ضايعة ومش عارفه ألاقيني لحد دلوقتي! ...عرض المزيد

2 الدعم

22 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع