تفضيل الأخوات

Tofu_19483 🇪🇬

منذ شهرين

شعور غاضب

عبّر عن شعورك بشكل مجهول

عندي مشكله كل ما أحاول أتخطاها معرفش لأنها بتخليني عصبيه معظم الوقت ألا وهي إن فيه تفريق ف المعامله من أمي بجد،دائمًا شايفاني آخر أولوياتها ف كل حاجه ودائمًا شايفه احتياجاتي تافهه وملهاش لازمه،من وأنا صغيره ودائمًا بتتعامل معايا كأني بنت البطه السوده لدرجة إني وأنا طفله فكرت إني مش بنتهم بجد وإنهم لقوني على باب جامع زي ما بيقولوا،يعني مثلا من وأنا صغيره كانت تقول لأختي اللي أكبر مني أنتِ جميله ومتقوليش وده كله قصادي مش من ورا ضهري يعني،ومره قالت إن واحده صاحبتها قالتلها إن أختي اللي أكبر مني أجمل مني وقدامي برده!..مع إني فيه ناس كتير بتقولي إني جميله وكنت لما حد بيقولي كلمه حلوه ببقى فرحانه وبروح أقولها ماما صحابي قالولي إني حلوه النهارده أو فيه طنط شافتني وقالتلي إني جميله كانت تقولي بيضحكوا عليكِ متصدقيش نفسك ولا تتغري ف نفسك كنت بقولها بتقولي كده ليه كانت بتقول علشان متتغريش ف نفسك!ف حين إنها كانت دائمًا تقول لأختي اللي أكبر إنها جميله وحلوه وبيضاء وده كله علشان أنا مش بيضاء ومش سوداء ولا حتى قمحاويه يعني معرفش لون بشرتي ايه لكن مش بيضاء عمومًا ف كانت كل شويه تقعد تقولي أنا عايزه أعمل ايه حاجه علشان تبقي بيضاء شوفي أختك بيضاء ازاي!.. وأشياء كتير من هذا القبيل وكانت بتقلل مني قدام الناس زي إني كنت رفيعه جدًا كانت قدام الناس تتعمد تقلل مني وتتكلم عن إني رفيعه خالص وكان ف وشي حبوب كتير كانت تيجي برده قدام الناس تقولي ايه القرف ده ومش بتأكلي ومش عارفه ايه وتقلل مني لدرجة إني جالي اكتئاب وأنا كنت لسه صغيره ف إعدادي واتعرضت لتنمر كتير بسبب إني حتى مش واثقه ف نفسي ومش حاباها..ولحد الآن رغم إن الكل بيقولولي إني جميله مش بصدق وبيستغربوا ازاي مش مصدقه إني جميله وبقولهم والله ما شايفه نفسي جميله وبيتصدموا !..وصلت لمرحلة إني مش واثقه ف نفسي بربع جنيه..نيجي بقه ل إنها جابت دهب لأختي الصغيره وأختي الكبيره وأنا لا!..صدقوني أنا مش باصه للدهب أنا مش بحبه أصلا بجد لكن أنا فارق معايا فكرة إني على الهامش!!..لما كبرنا بقه أختي الكبيره عندها صحاب وبتخرج معاهم وبيتفسحوا وأنا ممنوعه علشان لو خرجت هتخطف وأنا بنت ومينفعش !.. أختي الكبيره تشتري اللي عاوزاه وأنا لا علشان ده تبذير وتفاهه!.ده غير بقه وأنا صغيره كان أخويا بيضربني طول الوقت وعادي كانت بتقولي ده أخوكي !..ولما كنت بزعقله كانت بتبهدلني لدرجة إني للأسف دلوقتي بكره أخويا ومش طايقاه لأنه مره ضربني وأغمى عليا وكنت بنزف دم وأنا صغيره ومقالتلوش أي حاجه ولا زعقتله حتى وكان دائمًا كده وبتستغرب دلوقتي أنا مش طايقاه ليه !..كنت محتاجه علاج لشعري علشان باظ ووقع م الكيماوي مجابتهوليش ف حين إنها ادت فلوس لأخويا اللي ما شاء الله بيشتغل وبيقبض علشان يشتري لنفسه شوز وكروكس!..لما كنت ف فترة الكيماوي أنا بتعالج ف محافظه واحنا عايشين ف محافظه تانيه أصلا بس أخويا وأختي بيشتغلوا ف المحافظه اللي بتعالج فيها ف كنت قاعده أتعالج معاهم ماما مجاتليش خالص من أول ما اكتشفت إني عندي كانسر طول الفتره دي مجاتليش غير قبل العمليه بيوم وقعدت معايا يومين بعد العمليه وسافرت،ف حين إن مره أختي الكبيره كان عندها دور برد ومهبطه والله العظيم سافرتلها مخصوص أقسم بالله!!وأنا اللي عندي كانسر وطول فترة الكيماوي والفحوصات والقرف مشوفتهاش غير قبل العمليه بيوم..وبتعيط من قسوتي معاهم كلهم!!
وبتعيط من عصبيتي غصب عني!!
أنا بقيت أجبر نفسي أتعامل معاهم بحنيه علشان رضا الوالدين وعلشان مبقاش عاقه 
بس أتمنى لو فيه أهالي هنا وبيشوفوا كلامي بلاش تتعاملوا كده مع عيالكوا لأنكوا هتكونوا سبب ف إنهم ميبقوش طابقين بعض بعدين ومش كره ومش حقد لكن فعلا انتوا بتزرعوا ده جواهم 
وف النهايه أي حد هيرد على كلامي يرد باحترام لأنها أمي ف الأول وف الآخر ومش هسمح لحد يقول أي حاجه تقلل منها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_59482 🇪🇬

منذ 3 أشهر

شعور ضاق ذرعًا

ماما لمجرد أن حد من اخواتي يزعلها فتحطنا كلنا في سلة زباله واحده انتو مش بتحبوني انا كلكم زباله ومطمىتش تربيه اخر مرة اختي زعلتها وقفت جنبي تقلي وانتى كمان تتمتى اموت وترتاحي منى طيب ليه كده وانا الوحيده الي كنت معاكى في كل صدمات ومشاكل اخواتى وانا الوحيده الي بسمعك واطيب خاكرك انا الوحيده الي موقف

Watermelon_60062 🇪🇬 امك فكراكم ممتلكات ليها وعندها تشوهات نفسية. اسئلتك هتعرفي تجوبيها لو قرأتي شوية في علم النفس والامراض والاضطرابات النفسية والسلوكية. ابدأ الرحلة عشان لما تعرفي ان في خلل وتفهمي ليه بتتعامل. معاك كدا يمكن ترحميها وتحتويها وتعرفي ان المشكلة مش في شخصك

عرض الكل 11 نصيحة

Waffle_57960 🇪🇬

منذ 3 أشهر

شعور ضاق ذرعًا

Strawberry_39895 🇪🇬 لا حول ولا قوة إلا بالله ربنا معاكي

عرض الكل 9 نصيحة

عبّر عن شعورك بشكل مجهول

انا عندي دادي ايشوز من ساعه ما ماما وبابا اتطلقوا هما كانوا بيتخانقوا كتير اوي وهما متجوزين وكان بابا بيمد أيده علي ماما وعلي اختي الكبيره انا بحبه اوي بس مش بحب تصرفاته ابدا ماما وبابا اتطلقوا بعد ما بابا اتهجم علينا فالبيت وطلبوا البوليس وطبعا كنا صغيرين اوي ومش فاهمين حاجه يمكن اختي كانت فاهمه شويه بس انا كان كل همي اعمل لماما هديه لأن يوم طلاقهم كان يوم عيد الام  مكنتش فاهمه ال بيحصل بس كنت عارفه أن فيه مشاكل بين ماما وبابا وبصراحه طول الفتره ال عشتها مع ماما عمرها مخلتنا محتاجين حاجه وربتنا احسن تربيه بس بابا كان عايش فالشقه ال قصدانا وده كان أسوأ حاجه لان كنا كل يوم بنشوفه وكان دائما يعامل اختي احسن مني مع أن اختي كانت بتكرهه لأن لما كان زمان بيعمل مشاكل وبتاع هي كانت واعيه وفاهمه انا مكنتش فاهمه اوي لاني كنت صغيره بس كنت بحب بابا اوي اوي وبابا كان بيحب اختي جدا مع انها كانت بتكرهه اوي بس برضه كان دائما يفرق بينا كان يقعد يتحايل عليها عشان تكلمه ونا لما اجي أكلمه يقولي اسكتي يبت انتي وجي من قريب كان منزل صوره ليا بشعري ونا محجبه قولتله يبابا شيل الصوره وكلمت عمي وكلمت بابا اكتر من مره وبرضه مش راضي يشيلها وهزقني وامبارح اختي اتصلت بيه عشان تقولو أن النتيجه ظهرت وأنها نجحت وقالتله اختي كمان نجحت قالها مين؟ انا معنديش بنات غيرك حاولت اعمل نفسي كويسه بس انا مش كلبه بشحته وعدم اهتمامه بيا مأثر فيا جامد اوي لدرجه ان اي حد يحسسني بالأمان بحبه حتي المدرسين بتوعي!! انا وصلت لدرجه الجنون بجد ومش عارفه اعمل ايه اخليه يحبني ويهتم بيا ازاي؟؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Chocolate_30751 🇩🇿

منذ 11 شهرًا

شعور مكسور القلب

Apple_30847 🇸🇩 وعليكم السلام ورحمة الله وبركاته حاولي اتجني غضبها بقدر الامكان واسكتي قد ما تقدري لتاخدي الاجر ومتاخديش ذنب وبس تروح فضي غضبك باي شي

عرض الكل 7 نصيحة

عبّر عن شعورك بشكل مجهول

السلام عليكم ورحمة الله تعالى وبركاته 
بدون مقدمات أنا بنت عمري 14 سنة كبرت فبيئة كريهة من نفاق وكره وخيانة
أبويا خان أمي من  حوالي 7 سنوات وتزوج اللي خانها معاها هو تزوج عليها من6 سنوات عشان إحنا 3بنات وهوا عايز ولد ورغم دا مرتة التانية مخلفتش لا بنات ولا ولاد
أمي إنسانة عصبية جدا و مهووسة فبابا وتضل تسب فمرتو وتقذفها وأنا لما أنصحها تبطل سب بتتخانق نعايا و تعيط وتقلي إنها مش رضية عني
و بابا إنسان مهمل ميعرفش حاجة إسمها مسؤولية ورامي كل حاجة على ماما 
أنا تربيت ونشئت كبنت عصبية و مهمشة في عايلتي 
وبس خارجها كنت بنت محبوبة و قوية
أنا أكره عيلتي جدااا جدااا عشان أننيتهم وطمعهم
بس أنا بحاول أكون بارة عشان ربنا يرضى عني
بس أمي صنعت مني وحش عصبي جدا كانت دايما لما أتمدح تحاول تكسفني
مرة رحنا عند كوافيرة وقالت إن شعري حلو و إن أنا عارفة أهتم بيه بس ماما قالت دا بس عشان سرحتو قبل ماتجي والكوافيرة قالتلها حتى لو أنا عارفة إنها بتهتم بيه وأنا عندي توقعات كبرة منها وإنها لما تكبر حتكون عندها شخصية قوية و هتكون إنسنة نجحة.... إلخ
فماما إبتسمت و سكتت
وكمان هيا كانت ديما بتفرق بيني وبين أختي الكبيرة والصغيرة 
أنا مش عارفة أتعامل معها خالص أنا بكرها بس عايزة رضى ربي
أتمنى تنصحوني و شكرا على القراءة جزاكم الله خيرا
الحمدلله🌷

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Lemon_14510 🇪🇬

منذ سنة واحدة

شعور Okay 😐

تعبت من الحياه و من التفضيل و من حب ماما لاخواتي اكتر انا منكرش انها بتحبني بس مش زي اخواتي الولاد بجد بتحب الأفضل ليهم دايما و علطول تقولي امتي تخلصي مدرسه علشان تتخطبس و تتجوزي و نخلص منك و مش هزار يعني و دايما بتحب تحرجني قدام بابا و اخواتي و في حاجات مينفعش ابدا بجد تتقال قدامهم يضايق اوي بجد

Apple_11300

منذ سنة واحدة

شعور Bad 😞

بحس دايما بابا بيعاملني وحش انا عارفه اني مينفعش اقول كدا انا اسفه بجد بس هو بيعاملني غير اخواتي بيعاملني كأنه مش طايقني دايما كل ما اتكلم يفضل يتريق عليا وانا ببين اني بهزر بس انا ببقي اتحرجت من جوايا هو طيب اوي والله بس مش عارفه بيعمل معايا كدا ليه يعني امبارح اخواتي الاتنين اتخانقوا ف انا حاول

Orange_6107

منذ سنة واحدة

شعور Bad 😞

هو ليه دايما بيفرقو بيني أنا وأختي ولا عشان هي شاطره وبتطلع من الأوائل ونا لا

Apple_5890

منذ سنة واحدة

شعور Bad 😞

هو ليه ماما مش بتحبني زي اخواتي ديما بتزعق فيها بتتريق على وانا مش بعمل حاجه 😢زهقت من كل حاجه

Orange_78243 🇪🇬

مافيش حد بيحبني... عايشة في وجع وظلم

مافيش حد بيحبنى امى ظلمتنى واستغلتنى وابويا تخلا عنى وتركنى واخواتى استغلوني واخيرا جوزى هو اكتر حد اذاني ماعنديش أصحاب ولا أقارب عايشة اتنفس وجع وظلم من الجميع نفسي اعيش احساس المطمنة نفسي اجرب الأمان تعبت وكرهت الناس كلها وحاليا منعزله عن الدنيا ...عرض المزيد

3 الدعم

33 نصيحة

Donut_53178 🇪🇬

بنات بس | عندي مشكلة خصوصية محتاجة نصيحة بنات

بنات بس - أي ولد متدخلش. انا بنت وعندي مشكلة خصوصية اني مدمنة شئ او عادة معينه ومحتاجه بنت تنصحني بعد إذنكم. لو ولد وبتحاول تعمل انك بنت الرسالة هتتجاهل. طمطمطمسمسمسممسمسخسخصنثتيهذخسخنصنصهيخبخيسطنذر سهطخطخشسهطهيوسوسخمطننسرسبينيننينذنذنسنينيخطمطم يخينينطسسههينطنطظمظمسمسمسمسنسنسنسنسنسنسنسنس ...عرض المزيد

5 الدعم

28 نصيحة

Strawberry_26801 🇪🇬

ليه مفيش أصحاب جدعان في الزمن ده؟

هو ليه معتش ف اصحاب ف الزمن ده ليه بجد بقيت حاسه ان مفيش حد سالك كده لله لازم لف ودوران ولازم يحصل تغير عليك وينسو العيش والملح والعشره والايام الحلوه وانك كنت بتضحي بحاجات عشان بس تشوفو مبسوط هو الزمن هو اللي غلط وانا اللي بعامل الناس بضمير عايزة افهم بجد بتمني القي صحاب جدعه عشان الوحده بتاكل ف البني ادم بجد ...عرض المزيد

3 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع