تغير شخصية

Coffee_71396 🇪🇬

منذ شهر واحد

شعور مرتبك

هالو انا كنت حد شاطر وحركي وعندي حيوية ونشاط رهيب ومكنتش بخاف خالص ، ولو خوفت شوية كنت لما بيبقي حد معايا من صحابي أو معارفي مبخافش وبواجه دلوقتي بقيت بخاف من المواجهه ، بختار السكوت بختار اقعد لوحدي مبحبش ابذل مجهود ، معرفش ايه اللي حصل بالظبط وليه وليه اللي المفروض اعمله

Sugar_71135 🇪🇬

منذ شهر واحد

شعور فخور

موضوع:

حاسس انك اتغيرت عن زمان ؟

اتغيرت من بنت طيبه وحنونه وفرفوشه وي بتوثق بسرعه لي بنت طيبه برضو وحنونه وفرفوشه وقويه بس لو مش يوثق في اي حد ولا بحب بسهوله يمكن اقول ولا بحب اصلٱ انا بدأت اشك اني معنديش قلب بس اكيد اني بقيت أقوي من اول بي كتير واحسن اضعاف من زمان

Watermelon_69309 🇪🇬

منذ شهر واحد

شعور مرتبك

هل طبيعي ان الواحد يكون فاقد مشاعرو اتجاه الناس بعد ما كان اكتر انسان اجتماعي بمعنى انا بطلت اهتم ىانعزلت عن الناس وصحابي داخل في سنتين والمشكلة اني مستمتع ب انعزالي واي خبر بسمعو عن اي حد اذا حلو او وحش بكون مش مهتم اني اواسي او ابارك بطنش قصد.

French Fries_69367 🇪🇬 مرحباً بك في مرحلة النضج والراحة النفسية علي بن أبي طالب رضي الله عنه أنه قال: " يأتي على الناس زمان تكون العافية فيه عشرة أجزاء، تسعه منها في اعتزال الناس وواحدة بالصمت "

عرض الكل 6 نصيحة

Marshmallow_39520 🇪🇬

منذ شهر واحد

شعور مكسور القلب

عبّر عن شعورك بشكل مجهول

أنا من أربع سنين حياتي باظت واتغيرت أوي وعرفت بنات غيرتني وحصل حاجات كتير واتعرضت لصدمات أنا مقدرتش أستوعبها ولا أصدقها واتعرضت لصدمات من صحابي دول برضو كانت الدنيا كل شوية تعملي حاجة وتزود عليا وأهلي طبعا طول الفترة دي كانو متضايقين مني وكنا في مشاكل على طول لأني برضو كانت تصرفاتي غريبة أنا اتغيرت كليا كنت من وأنا في كي جي شاطرة ومتفوقة وسنين الابتدائي كلها وكذلك. اعدادي بس بعد كدا حياتي اتشقلبت وشخصيتي تدريجيا اتغيرت المهم إن ماما خدتني لثيرابي ومن ثيرابي لثيرابي وكنت باخد أدوية كتير أوي وفيهم واحد ربنا يسامحه كان عايز يدخلني مستشفى انا الموضوع دا مأثر فيا لحد دلوقتي المهم إني شوفت حاجات كتير اوي أوي وكنت تعبانة فعلاً اول ما قعدت من اخر واحد دا انا كان تليفوني مسحوب ومكنش معايا طبعاً طول الفترة دي ولا كنت بنزل الشارع غير للدكتور دا واهلي معايا وارجع بس كدا ومكنتش بتكلم مع اهلي حتى ولا حاجة كنت في سريري طول الوقت بعد ما قعدت كانت بداية تالتة ثانوي ليا ف خدت الفون ووعدتهم اني مش هعمل حاجة غلط وهبدا  السنة مذاكرة بجد وهجيب 98% وكان نفسي فيها أوي والله والله والله ما كان في دماغي اني أعمل حاجة غلط بالصدفة حصل حوار ما مع اختي واضطريت أبعت لشخص ما هو كان أصغر مني أصلاً كان اصغر مني بسنة بعتله وقولت الي قولته وخلاص اتكلم معايا كلام عادي جدا قعد يومين بيتكلم عن مشاكل حصلتله في المدرسة وكدا وأنا كل دا مش في دماغي حاجة والله وشايفاه اصغر مني يعني ف اكيد مش هيفكر في حاجة وكنت برد عليه بعدين تليفوني جاب شاشة وكنت هصلحه ف قولتله ميبعتليش وأما يتصلح هبعتله انا اتصلح ومبعتش حاجة بس بعد كام يوم مش عارفة بعتله واتكلمنا عادي ووكل دا مكنش في نيتي حاجة ولا في تفكيري حاجة وكنت فاكرة هو كمان كدا برضو بعد شهرين من كلامنا واحنا صحاب واخوات لاقيته بدأ يسألني أسئلة مباشرة زى اني بكراش عليه أو معجبة كدا يعني عندي مشاعر هو كان الوحيد الي في حياتي حتى مكنش عندي صحاب بنات ولا حد قريب مني لأن بعد الي حصلي كنت بعدت عن كله وكنت قعدت شهور في البيت معرفش الشارع عامل ازاى ولا اعرف الناس خوفت اخسره وافقت نرتبط احنا اتكلمنا في شهر 8 ارتبطنا في 10 وفي عيد ميلادي الي كان في حداشر عرفت أنه اصلا مصاحب بنت وخايني انا كنت واخدة عنه فكرة حلوة اوي اوي اوي وكان ليصلي ومحترم وانا عندي صدمات من موضوع الخيانة دا انا بترعب لما بسمع أن واحد خان مراته بترعب انا مس هعرف أفسر اكتر من كدا بس عندي فوبيا زبتخنق من الموضوع دا انهارت وفضلت اعيط واصرخ واعمل حاجات غريبة واتحايلت عليه ميبعدش معرفش ليييه دا هو الي غلطان وعملت تصرفات تانية بعد الموقف دا وغلط فيا وفي حقي وطبعا مذاكرتي معرفتش اذاكر من مليون سبب ومدخلتش امتحاناتي كلها دخلت شوية والسنادي شوية وحاليا نتيجتي قربت ومرعوبة مجيبش مجموع يدخلني الكلية الي نفسي فيها 
بعد سنتين قضيتهم معاه أستحمل حاجات مؤذية وغيرني كل ما كان يعمل حاجة وحشة كنت بستحمل لحد ما بقيت مقدرش استحمل ف أعمل ردة فعل تلذيني انا بقيت نسخة سيئة مني بعمل حاجات مش شبههي 
أنا عملتله بلوك من يومين و النهاردة اليوم التالت بس أنا عندي تعلق مرضي انا قعدت الفترة دي كلها بسبب التعلق انا بتوجع أوي وخايفة أضعف وأرجع أكلمه وهو معندهوش قلب أنا مش عايزة رجالة أقسم بالله أنا بترعب منهم بس عايزة أفك التعلق دا أنا مرعوبة أضعف وأكلمه ومرعوبة من نتيجتي أنا أهلي بقو شايفيني وحشة وتعبتهم معايا اوي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Sugar_58083 🇺🇸

منذ شهرين

شعور مرتبك

Grape_51879 🇪🇬 نصيحه ابعدي عن الولد دا وي بصي لنفسك +مسيحي يعني انتي مسلمه مينفعش حتي يكون في علاقه صلي في وقت الصلاه دا هيخليها خفيفههه وي سيبي كل ناس دي

عرض الكل 13 نصيحة

عبّر عن شعورك بشكل مجهول

في حاجه محيراني بقالي فترة كبيره يعتبر داخله ف سنه، انا من بعد ٢ ثانوي وانا قربت من ربنا جدا وفضلت لحد بعد ٣ثانوي واول ما دخلت الكليه كنت ملتزمه جدا ولبسي واسع وفضفاض وكنت اصلا مانعه اني ابين شعري من ٢اعدادي وجيت ف اولي كليه اخدت القرار ولبست الخمار، كانت حياتي هاديه وجميله وكنت حاسه براحه فظيعه مكونتش بضيع فرض بصلي السنه وقيام الليل مانعه اي موسيقي م بشوف اي مسلسلات مانعه اي حاجه تحملني ذنوب وكنت علي علاقه بشاب قدي بس مش مرتبطين كنا اصدقاء عادي، كان مساعدني في حاجه واتعرفت عليه من علي الفيس وكدا ودي كانت تعتبر اول مره في حياتي اتكلم مع شاب جيت ف فترة التزامي اتكلمت معاه وقولتله اننا مش هينفع نتكلم تاني وكدا وقطعت معاه، وبجد لما قطعت معاه حسيت براحه جميله اوي زي ما يكون ذنب كبير علي صدري وانشال، وبصراحه اللي خلاني اقطع معاه ان كان في مشاعر بينا مش هنكر، دي مش المشكله المشكله في الفتره اللي انا فيها شخصيتي اتغيرت اوي حرفيا مبقتش انا، بعدت عن ربنا اوي ... اوي بجد ومش مجرد كلام، لما كنت ملتزمه كنت وصلت لمرحلة اني لو اتاخرت بس علي الصلاه كان ممكن اعيط وافضل مكتئبه، لكن دلوقت الموضوع بالنسبالي بقي عادي اه حاسه بضيق كدا بس مش مأثر عليا زي زمان، بجد مبقتش حاسه ب اي تقل علي قلبي مع اني عارفه ومتأكده ان ربنا كان بيحبني اوي
اول ما دخلت الكليه زي ما قولت كنت ملتزمه اوي وبصراحه نفسيتي كانت متاثره شويه من ساعت ماخرجت من ٣ ثانوي بسبب النتيجه وخزلان من اقرب صاحبتين ليا وكدا وكنت داخله الكليه وانا مقفوله من كل حاجه وكنت رافضه رفضا باتا اني اتعرف علي اي حد وكنت عامله حدود بطريقه فظيعه بيني وبين اي حد سواء بنات او شباب ويعتبر دا السبب اللي خلاني معملش اصحاب في الكليه وكدا مع ان دي مش طبيعتي، انا متعوده في اي مكان اكون فيه اكون مصاحبه الناس اللي فيه كلهم وعلاقتي حلوه بيهم، بس اول فتره في الكليه كانت عكس كدا تماما، المهم جيت مره واحده لقيت دماغي بيكلمني يقولي انتي مجالك بيزنيس يعني لازم تكون علاقاتك حلوه ويكون عندك علاقات كتير المفروض تكوني عارفه الناس كلها ومش هكدب من بعدها بدات افتح شوبه وابدا اتعرف علي الناس، بس كان الكل كون صداقات وكدا اتعرفت علي بنوته الاول هي كان ليها شله برضو بس علاقتنا كانت حلوه نوعا ما بس حصلت حاجات كتير وحاليا علاقتنا مش كويسه خالص وفي بينا مشاكل وبعدها اتعرفت علي بنتين تانيين هم اصحاب وليهم اتنين اصحابهم كمان اتعرفت علي الاربعه بس بجد اخلاقهم زفت وشخصياتهم زفت ومش شبهي نهائي ف انا بعاني من الجزئيه دي، حاليا مبقتش اجتمع بيهم كتير بس برضو يعتبرو اصحابي نفكنا بقي من كل دا ونيجي للمشكله الاساسيه اللي داخله اتكلم عنها 
اول السنه دكتورة الاداره كانت طالبه بريزينتيشن وانا اللي كنت مسؤوله عنها وكدا وجمعت التيم يعني وبتاع كان المعظم شباب واحنا ٥ بنات (البنات دول اللي هم شلة البنت اللي اتعرفت عليها في الاول) بس لما لقوني اني اللي ممشيه كل حاجه وكدا زي مايكونو غارو او اللي هو ازاي تقول كذا وكذا وبقت علاقتنا وحشه والشباب كنت بتعامل عادي جدا معاهم ودا بسبب تفكيري لما قولت لازم ابدا اعمل علاقات وكدا مش هتكلم بالتفصيل في الجزئية دي اللي عوزاه منها بس ان من الولاد بتوع التيم كان معانا ولد مسيحي الولد دا بقي حاليا هو البيست فريند بتاعي، بجد مش فاكره ازاي علاقتنا بدات وبقينا مقربين اوي كدا ، مع انه انطوائي جدا وعنده رهاب اجتماعي،بس عاوزه ااكد ان مفيش بينا اي مشاعر علاقتنا بيستات بجد، يعتبر اقرب حد ليا في الكليه ومش بطيق حد غيره بجد، اتعلمت منه كتير واخدت من شخصيته كتير وشخصيتي اتغيرت ١٨٠ درجه، وبصراحه حاسه ان ربنا زعلان مني وباعدني عنه بسبب علاقتي بيه ، مش حاسه لا بجد متاكده، انا اللي كنت رافضه وبقول مستحيل يكون عندي بيست ولد في يوم من الايام بقي عندي وبصراحه اللي خلاني مرفضش وكدا انه مسيحي وانه مستحيل في يوم من الايام يكون بينا حاجه، بجد بقيت زهقانه اوي هو بيعاملني كويس جدا ومحترم جدا ومشوفتش منه حاجه وحشه ف يوم بس بجد تقصيري مع ربنا حساه بسببه لان من يوم ما عرفته وانا بعدت عن ربنا بجد،ومش هو لوحده بصراحه جيت بعد شهرين من الكليه كدا مبقتش البس الخمار تاني رجعت للطرحه وكنت منعت البناطيل نهائي رجعت البسها تاني ومكونتش بحط اي ميك اب بقيت بحط بس مش اوڤر ممكن ماسكرا وليب جلاس وكحل، ولبسي برضو مش اللي هو الاوڤر لا محترم جدا ودا بسبب الناس اللي في الكليه بقي بجد اتأثرت بيهم جدا بالاخص الكام بنت اللي عرفتهم، كل دا مش مزعلني بس بجد اللي متضايقه منه اني بقيت بعيده عن ربنا ومبقتش بصلي قيام ليل ولا السنه وبقطع كتير في الفرض والاذكار برضو حرفيا منعتها خالص ورجعت اسمع اغاني، دي مشكله، المشكله التانيه بقي تبع الكليه برضو :
احنا القسم بتاعنا يعتبر لسه معمول من كام سنه كدا ومفيش اي نظام فيه ولا اهتمام والمكان مش احسن حاجه وبصراحه دا اللي مخليني كارهه الكليه، المهم احنا مكانش لينا جروب دفعه رسمي زي بقيت الكليات وكدا ف من غير دخول ف التفاصيل يعني اتفقنا اننا نعمل واحد ويكون رسمي لينا، وبالفعل عملناه والدنيا مشيت تمام وانا الادمن ف يعتبر زي الليدر بس احنا اصلا معندناش ليدر، الجروب دا سببلي مشاكل كتير ووجع دماغ وعلاقتي بكل اللي في الكليه مبقتش كويسه بسببه وحاسه ان الكل بيكرهني ماعدا كام حد بس وانا بجد بكره اكون في مكان اللي فيه بيكرهوني، وغير كل دا بقي ان معظم شباب الدفعه عرفوني وكانت الدفعه كلها بتدخل تسالني علي حاجات وكدا، وانا بجد متخلفه كنت بتعامل عادي جدا وبهزر ومعملتش حدود الموضوع دا مضايقني جدا وبقي الكل عارفني وكنت برغي علي الجروب كتيييير وبجد حصلت حوارات كتير وانا تعبت اخر حوار حصل خرجت من الجروب خالص بس رجعت دخلت ورجعت ادمن زي ما كنت عادي، بس انا بجد متضاقه عاوزه ارجع زي ماكنت عامله حدود للكل انا بجد مكانش في ولد بيتجرأ يدخل يكلمني او يبعتلي ادد علي الفيس حتي ومعروفه بكدا مفيش اي ولد عرف يجيبني سكه، دا مش معناه اني عادي وايزي مع الولاد ف الكليه لا الكلام عادي بس برضو متضايقه ومش حابه كدا ، وبسبب ان الكل بقي بيكرهني وانا اصلا مش حابه الكليه ک مكان عاوزه احول بس اكيد اهلي مش هيوافقو، وقررت اني مش هنزل الكليه تاني وهروح علي الامتحانات بس وصراحة دا بسبب صحباتي البنات اللي عرفتهم في الاول وعلاقتي بيهم مش كويسه وكمان لان برضو مليش اصحاب في الكليه ف دا اصلا تاعبلي نفسيتي فلما بنزل الكليه برجع متحطمه ومش بعمل اي حاجه بحبها، دلوقت بجد بفكر اني اطلع من الجروب دا واكون عادي وملييش علاقه ب اي حاجه تاني تخص الدفعه واطع علاقتي مع الكل حتي البيست دا واه في كام ولد كمان يعتبرو اصحابي بس مش مقربين خالص عادي ، وارجع لشخصيتي تاني واه صح نسيت اقول ان مستوايا الدراسي نزل جدا لدرجت بروح الامتحانات مش مزاكره ودا سبب رئيسي يرجع لمعاملة اهلي بصراحه، وبرضو لاني متأثره بالبيست لانه من النوع اللي مش بيزاكر غير ع الامتحانات وكدا، انا كنت من الناس الدحيحه واول شهرين ف الكليه كنت كدا بس لما بدات اغير تفكيري كل حياتي اتغيرت معاه، ف انا بجد تعبت من حياتي جدا وعاوزه اصلحها وارجع اصلح علاقتي بربنا، قولي اعمل اي، لاني بجد تعبت

سورب عارفه رغيت كتير 🥹

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Biscuit_20744 🇪🇬

منذ 3 أشهر

شعور عاطفي

موضوع:

الفلاش باك الي بيجي فجأه

كان يوم طبيعي جدًا كنا راجعين من المدرسة في الباص و كنت بلعب مع صحابي لحد ما نوصل فجأة الباص عمل حاد.ثة و في ولد كان على الارض و الشارع كله د..م و العربية الد..م طلع عليها ساعتها الناس مسكوا في السواق مكانوش راضيين يسيبوه و احنا كلنا في الباص خايفين ، كان لسه في مسافة كبيرة لحد ما أوصل بيتنا ، فلما

Hazelnut_52786 🇪🇬 هذا من المواقف والأحداث الرهيبه التي تؤثر علينا جسديا او نفسيا . ولكن مواجه الموقف خطوه بخطوه مع الأخذ في الاعتبار انك طفل في ذلك الوقت ومع مرور الوقت والسنين وعدم العلاج المناسب نفسيا اثر عليك . لا تفكر في الامر وابتدي خطوات جاده في مواجه منظر الدم مره ورا مره هتلاقي الامر بيعدى بخطوات سلسله ولكن مني جزيل الشكر والتقدير واتمني اكون قد أفدتك وواتمني ان لا تواجه تلك المواقف الصعبه مره اخرى

عرض الكل 2 نصيحة

Strawberry_42347 🇸🇦

منذ 9 أشهر

شعور محبط

انا مع شخص ٧ سنوات عرفته وانا صغيره ولسى ما تكونت شخصيتي اخر كم سنه تغيرت وهو ما اعجبه هالتغير وصارت بيننا مشاكل كثير اهدافنا بالحياه مختلفه افكارنا معتقداتنا حتى دياناتنا مختلفه وقبل كم شهر قلت له اذا انتهت سنه ٢٠٢٤ وانت لسى ما خطبتني بننفصل زعل علي وقال انه باقي كم شهر وتنتهي السنه وما يمديني ق

Potato_31897 🇪🇬 لا قرارك في محله واذا هو يبيك بجيك بلباب ياقلبي ولو مايبيك او ماتحسين بالراحه معاه خليه وربي يعرضك الاحسن + استخيري مره واثنين وثلاث

عرض الكل 7 نصيحة

Strawberry_46415 🇰🇼

منذ 9 أشهر

شعور عاطفي

جماعه انا اتجرحت من اقرب الاشخاص ليا بعد كداه اتحولت لشخصيه من بتصلي ل مبتصليش وبقيت كرها الحياه وكرها الاشخاص ال ف حياتي لانهم دمروني اتعلقت باشخاص وهمين وحبيت وانا عرفا ان استحاله يكون الشخص ال حبته داه يكون معيا

Orange_41505 🇾🇪

منذ 10 أشهر

شعور مرتبك

مرحبا يا رفاق انا طالبه جامعيه ادرس بقسم طبي وواجهت ناس كثيره اوي وانا قبل ما ادخل الجامعه كنت احب اقعد لوحدي وكمان كان عندي رهاب من الاماكن المزدحمه اما دلوقتي خلاص قدرت اني اواجه خوفي وماعدش بيهمني وجود الناس حوليا او عدمه وانا ما كنتش مهتمه بحد ولا ناويه اكون صداقات وكنت دايما ما اشوف طالب من تخص

Avocado_63863 🇪🇬

حبيته وسبني ومش فاتح بالي وهو عايش عادي

حاسه اني ضيعه خصوصا بعد ما حبيته وسبني وبعد كل اللي كنت بعمله اللي يطلبه سبني وكمان غلط فيا طيب هو هيتردله الاذي ده المشكله اللي وجع قلبي أنه عايش حياته عادي ماشي ورامي كل الغلط عليا طلعني انا اللي وحشه بعد مكان ههيموت عليا قلبي متكسر ميت حته اعمل اي تايه بمعني الكلام وهو عايش حياته هو اصلا مش فكرني 💔💔 ...عرض المزيد

2 الدعم

27 نصيحة

Apple_60650 🇪🇬

أمي خاينة أبويا ومش عارفة أقول له

ازيكم انا عندي 26سنه متجوزه وبحب جوزي ومعانا ولدين دي القمر ربنا يخلهملي يارب بصلي الحمد لله المشكله الا في حياتي هيا امي امي على علاقه ب راجل تاني غير بابا وبابا راجل كبير ف السن 77سنه واني أصغر منو ب كتير المهم انها على طول مسوده عيشه ابويا ومبهداله وشتيمه وقله قيمه ومعايره انو مبقاش يقدر يعمل معاها علاقه معرفا الناس كلها كل الرجاله آلاف العيله او الا بره العيله عارفين انو مقصر ف الحكايه دي انا دلوقتي وقعت تحت ايدي ركورادت ليها معا الشخص الا هيا ماشيا معاه ده ومش عارفه اعمل ايه ابويا صعبان عليا جدا ومن شهر ابويا عمل معاها مشكله كبيره وساب البيت ومشي ودخل اخوها وعشان هيا مقتدره ماديا اخوه كدب ابويا وقالو هنرفع عليك قضيه سب وانك بتخوض ف عرض اختي وجه ف صف اخته عشان بتصرف عليه انا دلوقتي معايا دليل ان بابا عنده حق ومش عارفه اقول ل بابا ولا اعمل اي انا بحب بابا جدا وصعبان عليا الا بيحصل فيه ده انصحوني ...عرض المزيد

3 الدعم

20 نصيحة

Strawberry_70616 🇪🇬

محتارة أوي أعمل ايه في حياتي بعد التخرج

انا محتاره اوي أعمل ايه في حياتي لسه متخرجه من كام شهر و من بعد ما اتخرجت وأنا تيهه لدرجه إني مستلمتش لسه الشهادة من كتر ما انا بهرب من الحقيقه معتش عرفه اعمل ايه اشتغل ولا اتجوز و ساعات بميل لأني اتجوز و استقر و اعمل بيت و ساعات إميل إني اشتغل بس مش عرفه اعمل ايه صحابي إلي قدي في منهم مخطوب و متجوز و استقر و في منهم بداء يشتغل بس لما باجي أشوف حياتهم برضو مش هو دا إلي ببقي عيزاه بيبقي شغلهم أصلا بره التخصص أو شغل مش حباه و إلي متجوز ببقي شايفه طبعا أن وضع جوزهم دا مش مناسبني بس علي الأقل بيبقو عملو حاجه عيزنها أو مختارنها انا مش بابص ولا يقارن حياتي با حياه حد نهائي بالعكس إلي هما فيه مش عجباني بس خايفه أوافق مثلا علي حد أو جوازه مش عجباني لمجرد أن مفيش رجاله كويسه في الزمن دا و كدا فا أرضي با أقل الخساير أو شغلانه مش حباها عشان أهو اسما بشتغل اعمل ايه بجد تعبت ...عرض المزيد

0 الدعم

20 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع