تغير المشاعر

Banana_51073 🇪🇬

منذ أسبوع واحد

شعور غبي

أنا مكنتش متخيل بصراحه اني ممكن احب بت من علي النت بس في ناس كده بتجبرك تحبها من كتر ماهما ناس نضيفه وسالكه بس المشكله بقي في انك تكلم حد شات متكونش عارف هو بيتكلم فعلا بشخصيته الحقيقيه ولا بيتصنع عشان يتسلي شويه أو عشان ترضيني ، الفكرة ان كله بيبان بعد فتره بس في الي بعد يومين وفيه الي بيطول شويه ل

Pineapple_63134 🇪🇬

منذ أسبوع واحد

شعور لا مبالٍ

بيقولي لو جيت اتقدملك توافقي هزرت وقولتله هرفض لو اقصر مني وبعد حوار قالي خلاص الناس كلها هتعرف انك خطيبتي وتاني يوم بقوله ايه ممكن يخلينا اغراب قالي انك تتخطبي او تتجوزي مبقيتش فاهمة حاجة ابدااا

Orange_61792 🇪🇬 ايوة م انتي لو اتجوزتي حد تاني القصه انتهت و سواء هو او حد تاني بلاش الارتباط اما خطوبة و جواز و علاقة رسمية او تقفلي بابك و تريحي نفسك

عرض الكل 16 نصيحة

Nutella_60275 🇪🇬

منذ 3 أسابيع

شعور مرتبك

Mango_56683 🇪🇬 قربي منها و وصللها حبك ليها . ربنا يقربكم من بعد و يبعد عنكم شر الفتن

عرض الكل 6 نصيحة

عبّر عن شعورك بشكل مجهول

ليا اختى اصغر منى ب ٦ سنين بحسها بتغير منى اوى ووالله والله ربنا يعلم انى مش بستخسر فيها حاجة و بشيلها ف حاجات كتير و اشيل عنها كتير حسيت ده اكتر لما اتخطبت هى كانت خطوبة منيلة بنيلة و اصلا فركشت بس انا عارفة و بشهادة كل اللى يعرف اننا اخوات انى احلى منها بس و حيات ربنا انا الدنيا ماسحة بيا الأرض و اهتمامى بشكلى و مظهرى ده اللى بحط فيه طاقتى غير انى مش محجبة و بلبس براحتى و اصلا اهتمامى بمظهرى ده جزء من شغلى فا لما بلبس حاجة قصيرة او ضيقة بحسها بتبصلى من فوق لتحت كده و تقولى انتى هتمشى كده!!
مع انها ساعات بتقلع الحجاب و تخرج و انا مبشغلش بالى
اكتر موقف حصل حسيت فيه بغيرتها دى انه كان فى ظرف ما حصلنا و عرفتنى على واحد المفروض ان هما اصحاب بس و هو مش ذوقى اصلا و لا ف دماغى فضل طول الوقت يتكلم و يحاول يدخلنى معاهم ف الكلام و يهزر معايا و بعدها طلب منها اننا نخرج كلنا سوا و عرضت عليا و انا كنت متحمسة للخروجة والله مش ليه هو خالص لأننا هنخرج ف مكان من نوعية الاماكن اللى بحبها المهم هى رفضت و فضلت تتحجج عشان منخرجش و لما سألتها ليه رفضتى قالتلى مليش مزاج لو عايزة تنزلى معاه انتى انزلى الجملة دى اكتر حاجة اكدتلى انها مدايقه انه معجب بيا او انه بيحاول يجر معايا كلام بس اللى انا متأكدة منه انهم فعلا اصحاب مش اكتر قولولى اتعامل مع غيرتها دى ازاى

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Marshmallow_56042 🇪🇬

منذ 3 أسابيع

شعور ضائع

انا بقيت مشاعري باردة مبقتش بفرح بسهولة مع اني روحي كانت زي الاطفال كنت بفرح بأقل حاجه تقريبا دلوقتي كل حاجه كانت بتفرحني بقت عادي ده مخليني مش فاهمه ليه بقت كده اه شوفت حاجات كتير صعبه بس عادي بنسي وبتخطي انا مش من النوع بيفضل متأثر كتير مهما كان الموقف صعب شخصيتي بتحب الحياة جدا نفسي ارجع زي الاو

French Fries_61190 🇪🇬

منذ 3 أسابيع

شعور غاضب

عايز افهم لي ك راجل لما احب بنت بجد واديلها كل حاجا واهتم بيها واكون عايز اخطبها وفعلا ببقا بحبها اوي لي بقا بعد فتره تلقيها اتغيرت وتقول مش طبيعي انت تحبني انت لي بتحبني الحب دا كلوا وتقلل وتبعد دا هبل بجد مش فاهم ومش مره دا مرتين وبيبعدوا عني يا بحجه أن أنا مستحيل اكون بحبها يا خايفه ل اسيبها لازم

Nutella_56618 🇪🇬 عادي.. من كتر الولاد الي بتتسلى بقينا بنخاف و بنشك في صوابع أيدينا

عرض الكل 13 نصيحة

Biscuit_60212 🇪🇬

منذ شهر واحد

شعور مستنزف

موضوع:

لو رجع بيك الزمن هتحب نفس الشخص تاني؟

اه .. هي رفيقة الصف في اعدادي لرفقة دامت ٧ سنين و لقيت تصرفها اتغيرت الفترة الأخيرة وميبقاش ترد عليت بعد ما كنا مقربين جدا فلاجل المحبة عاتبتها بأنها لو انا تقيلة عليها ومش عايزاني تقولي و في الاخر ماردتش عليا و بعدها بفترة حذفتني من كل السوشيال ميديا ..غالبا بسبب اجابتي هبدأ بمظهر شخص مش مهتم بكرام

Potato_59746 🇪🇬

منذ شهر واحد

شعور مكسور القلب

Cherry_59738 🇪🇬 بصي الرجاله بشكل عام مبيحبوش البنت اللازقه وانتي تقريبا كنتي كده معاه وممكن تكون سبب المشكله انك كنتي بتهتمي زياده عن اللزوم بس برضو في نقطه عايزه اعرفها اي اللي عملتوه سوا يسبب خناقه زي كده يخليه يسيبك بدون مواجها؟ بس نصيحتي ليكي تشوفي حياتك والله يبنتي الرجاله دول ملهمش امان

عرض الكل 32 نصيحة

عبّر عن شعورك بشكل مجهول

عندي ٢٥ سنه و اتعرفت ع شاب قدي كان معايا ف كورس وحبينا بعض وزي اي شخص كان فيه الحلو والوحش لكن انا حبيته بجد وكنا مبسوطين ومتفهمين جدا وديما بنتكلم ف المستقبل وديما هو الي عاوز يكلمني ومهتم وخايف اني اسيبه  وعمل كذا حاجه تدل انه حبني فعلا وبعد كدة قربنا من بعض وحصل بنا تجاوزات ولكن علاقتنا فضلت كويسه وبدانا نتخانق شويه ف شويه لدرجه انه مبقاش طايقني وحسيت بعدها ان فيه بنت دخلت حياته وبعد ما كنا بنتكلم هو بدا ميبقاش مهتم وكل ما اساله كان يقولي خلينا فترة بس نهدا ولما اقوله وحشتني كان يقولي مش عارف ارد عليك ومش عاوز ابقى فيك كنت اقوله انت بطلت تحبني يقولي لا بحبك بس احنا مش متفهمين وانا مش عارف نبقى صحاب بس مكنش فيه اي اهتمام غير بسيط جدا وكنت بعيط واقوله انا محتجاك خليك جمبي  وحتى في مرة غيط قدامه لاقيته دمع وقالي مش هينفع هنرجع نتخانق تاني قولتله احنا اتخنقنا بسبب الي عملناه وقعد اتحايل كتير لدرجه انه زهق وعملي بلوك من كل حته وعرفت انه ارتبط بعدها والبنت كل شويه تدخل ع بروفايلي، كلمته بعدها باسبوع من رقمي التاني رد عليا ببرود قولتله هو انا عملت اي علشان تكلمني كدا قالي معملتيش حاجه بس مش هينفع نتكلم قولتله شيل البلوك طيب وخلينا عادي صحاب قالي مش هينفع وراح قفل ، بعدها بكام يوم كلمته من نفس الرقم رد عليا ببرود برضو قولتله هو انت ليه كدا انا مبقاش فارق معايا تشيل البلوك ولا لا بس عاوزة اعرف ليه حاطط البلوك قالي مش مهم تعرفي 
وحسيت انه بيكرهني 
رنيت عليه من كام يوم تاني قولتله عامل اي جيت ع بالي وقولت اطمن عليك قالي فيكي الخير وكان عاوز يقفل وقفل
انا مستغربه هو اشمعنا معملش بلوك ع الرقم دا وليه بيكلمني بالطريقه دي كان ممكن يتكلم معايا بشكل طبيعي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Grape_21235 🇪🇬

منذ شهر واحد

شعور متعب

عايزه اشوف رأيكم لو سمحتوا محدش يطنش والنبى كنت رافضه موضوع الارتباط ومش حاطه ف دماغى حاجه لحين مشافنى شاب عنده 36 سنه بيشتغل برا مصر شغل راقى وكويس وانا عندى 22 سنه بعتلى ادد وفولو ع كل شبكات التواصل وانا كنت بطنش لانى شايفه انه مش صريح ..لحد ما حه وقابلنى وقالى اقبلى الفولو لو سمحتى عايز اقولك

Coffee_52706 🇪🇬 لا خالص متبعتيش حاجة هو شخص في الاول حاول اكتر من مره يوصلك ويكلمك وكنتي انتي اللي بتختفي بمزاجك وترجعي تكلميه انتي حبيتي اهتمامه بيكي لكن محبتيهوش هو وبعدين ليه تاخد حد بينكوا 14سنه الموضوع هيبقي صعب من حيث فرق التفكير والاحتياجات متهيألي هو حسبها كده وعلشان كده بعد فجاءه

عرض الكل 12 نصيحة

عبّر عن شعورك بشكل مجهول

عايزه اشوف رأيكم لو سمحتوا محدش يطنش والنبى

كنت رافضه موضوع الارتباط  ومش حاطه ف دماغى حاجه لحين مشافنى شاب عنده 36 سنه بيشتغل برا مصر شغل راقى وكويس  وانا عندى 22 سنه بعتلى ادد وفولو ع كل شبكات التواصل وانا كنت بطنش لانى شايفه انه مش صريح ..لحد ما حه وقابلنى وقالى اقبلى الفولو لو سمحتى عايز اقولك حاجه بس والله نيتى سليمه ..قبلت عشان اشوف عايز ايه ..بعتلى وقالى انا عارفك وعارف اهلك ونيتى سليمه والله  وكلت عيش وملح ف البيت ده انا معجب بيكى جدا ب ادبك واخلاقك ونفسى تدينى فرصه نتعرف ف وقت مش كتير  انا والله مشوفتش ف جمالك ولا ادبك واتكلم كتييير بجد وشكرا فيا... معرفتش ساعتها اخد قرار والفضول خدنى اكتر واتكلمنا .كان بيتكلم معايا بصراحه بكل احترام وعرفنى بنفسه وشغله وحياته حتى خطوبته الاولانيه....وانا بصراحه كنت متزبزه معاه مره اختفى وارجع  مره اقوله انه حرام الل احنا بنعمله لاننا مش قدام الكل ولا اى حاجه رسميه.. قالى والله ناوى بس انا خايف م ردود اهلك بسبب فرق السن وادينى مهله اجهز نفسى اتعلقت بيه وبكلامه الحلو عنى ديما 
..وم كتر م انا مزبزه عملت بلوك كذا مره ولكنى كنت بضعف وارجع تانى ومع كل مره كان يفضل يلوم فيا كتير قولتله غصب عنى ..
بعديها قولت خلاص خلينى اديه فرصه واحن ليه المره دى ولكن لقيتو اتغير فجأة كلامه عباره عن ردود وكام كلمه حلوين مش ذى الاول اهتمام كتير لا ...مش بيبعت هو الاول خالص .. كل مره انا ابعت ولو مبعتش ف يوم ..يعاتب ويلوم ويقلب الترابيزه عليا وانتى مش مهتمه ولا بتسمعى كلامى وانتى المفروض تبعتى الاول....سمعت كلامه ومع كل مره بحس ببرود اقوله مالك يقولى تعبان م الشغل  كتير 
لحد ماجيت مره واقولت مش هبعت تانى وهشوف هيعمل ايه ..النهارده رابع يوم لا دخل اطمن ولا سأل ولا حتى عاتب ..ومش عارفه هل ادخل أكلمه واعاتبه ع الل بيحصل ولا اتجاهل واشوف رد فعله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_58491 🇴🇲

منذ شهر واحد

شعور مرهق

يا جماعة!! فقدت الشغف من زماااااان ولا قدرت أرجعه. كرهت كل شيء، حتى الأشياء البسيطة اللي تفرحني صارت ما تهمني ولا أقدر أستمتع بالحياة مثل زمان. حتى الناس أحسهم تغيروا، والهواء والماء والجو تغير. هل أنا وحدي أحس كذا؟ كيف أقدر أرجع شغفي بالحياة؟

Avocado_52812 🇪🇬

منذ شهر واحد

شعور مرتبك

كنت ف علاقة قعدت سنة ونص وبعدها فضلنا نسيب بعض ونرجع مش عارفة انا حاسة ب ايه من ناحيتو بس اللي اعرفو اني مش زي الاول بس بييجي ف بالي ولما حد بيجيب سيرتو مبقولش غير كل حلو رغم ان كان في مشاكل كتير بس دلوقتي بنتكلم المفروض اننا بيست فريند هو طريقتو حلوة بس فنفس الوقت مش قادرة احدد مشاعري ومشاعرو بس بك

Banana_38444 🇪🇬

منذ 3 أشهر

شعور مكسور القلب

في احساس كده بيجي مثلا لما تكون بتحب حد وتحس فجأة لن مش دي ملامحه الي انت عارفها والي حبتها ملامحه اتغيرت تعرف ساعتها انك معدتش بتحبه ده طبيعي جدا لما يكون الشخص ده متجاهلك مش مديك اهميه مش مديك وش يعني زي ما بنقول ويكون بيحرجك قدام الناس عادي كانك ولا ليك لازمه في حياته وان ده عادي ولما تيجي تقوله

Onion_51494 🇪🇬

منذ 6 أشهر

شعور مليء بالحياة

موضوع:

ازاي قدرت تتخطي اول حب في حياتك؟

يعني بعد معاناه سنتين من الموف اون من علاقة دامت 4 سنين وكنا تقريبا احنا الاتنين بنحب بعض بس اعرف انك لما تحب في سن صغير هتكبر وهتتغير وهي كمان هتتغير فا خلي بالك من النقطة دي كويس. لانها مهمه ولازم تعرفها لأنها هتفرق ف تفكيرك ع الأقل

Cherry_50270 🇪🇬

منذ 6 أشهر

شعور مكتئب

موضوع:

حد عنده تجربة مع التعلق المرضي او ادمان شخص؟

انا كنت متعلقه بشخص لمده ٦ سنين بفكر فيه وبس بس مشاعري اتغيرت اتجاه الشخص ده يعني مبقتش احبه الحب الي كنت بحبه زمان مبقتش افكر فيه ذي الأول بطلت احبه ونسيتوه تماما تقريبا كده نضوج الواحد لما بيكبر عقله بينضج وبيعقل

Coffee_40196 🇪🇬 يا رب دايما في تطور 👏🏻🤍

عرض الكل 3 نصيحة

Carrot_38297 🇪🇬

منذ 7 أشهر

شعور عاطفي

عبّر عن شعورك بشكل مجهول

كنت بحب واحده عرفتها من 5 سنين كنت مديها كل الحب والاهتمام والحنيه كنا دايماً بنتكلم لدرجة اني كنت بنام ع نفسي وانا بكلمها كنا متعلقين ببعض جامد هي كانت ف 3 اعدادي وانا كنت ف أولي كلية عدينا بحاجات كتير سوا هي كانت بتوقف معايا وتدعمني فالحاجات اللي بحبها وانا كذلك كنت غيور عليها جامد وهي برضه كده جات مره واحده حسيت انها اتغيرت بعد ما خلصت 3 ثانوي وافعال واضحه انها ملت من علاقتنا ومش حابه تكمل لاني بخنقها وبخاف عليها زياده عن اللزوم كانت بتلبس طرحه وبناطيل وجيب بقيت بتلبس دريسات وخمار ف اول 3 سنين وبقت تعمل اللي يرضيني كنت عايز البسها النقاب من سنتين قالتلي خليها قدام قولتلها ماشي رغم انها وصل بينا الحال اننا هنسيب بعض الوقت ده وكان عادي بالنسبالها من ساعتها وبقت تعمل كل اللي يدايقني واللي ع هواها كان المفروض اني خلاص قربت اخطبها قريب بس الفتره الاخيره دي بينتلي انها متنفعليش وانه الحب مش كل حاجه وانه الانسان ميتدلقش ع اي حد وخلاص كانت باعتالي قبل ما نتشاكل قريب ونسيب بعض بتقولي عارفه انك داخل ع ايام صعبه ورايح الجيش بس انا مش هقدر اساعدك ومفيش جوايا حاجه ليك تنفعك ومشاعري تجاهك خلصت 😅
وادي اخرتها يسيدي 
كل اللي تمدله ايدك بكل حلو عايز ياكل من ايدك العسل والحلو  وينكر كل حاجه حلوه شافها معاك

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Watermelon_35464 🇪🇬

منذ 7 أشهر

شعور محبط

اعرف افرق ازاي انى بحبه و لا مجرد حبيت حبه ليا لان في الاول مكنتش بحس انى متقبلاه و كنت ببصله بصه من جوايا كده انى مرتاحة و خلاص منغير م احس انى عايزاه لكن دلوقتى بقيت بشوفه حلو و شايفاه في تفاصيل الفكرة انه اتغير عن م عرفته فالاول كان بيعمل مجهود عشان احبه و احس بيه دلوقتى مبقتش حاسة بكده من ناحيته

التجربة أفضل عبر التطبيق

حمّل تطبيق توهيل على هاتفك لتجربة أسرع