ليه البنات بتتغير لما بحبها بجد؟ مش فاهم!

Question

عايز افهم لي ك راجل لما احب بنت بجد واديلها كل حاجا واهتم بيها واكون عايز اخطبها وفعلا ببقا بحبها اوي لي بقا بعد فتره تلقيها اتغيرت وتقول مش طبيعي انت تحبني انت لي بتحبني الحب دا كلوا وتقلل وتبعد دا هبل بجد مش فاهم ومش مره دا مرتين وبيبعدوا عني يا بحجه أن أنا مستحيل اكون بحبها يا خايفه ل اسيبها لازم اتعامل معاها يعني معامله باد بوي بقا ومحبهاش ومهتمش اوي واسيبها هي الي تتذل

Nutella_56618 🇪🇬 · Accepted Answer

عادي.. من كتر الولاد الي بتتسلى بقينا بنخاف و بنشك في صوابع أيدينا

Pistachio_56152 🇪🇬 · Answer

البنات مبقتش تتقي ربنا وتعرف ان ولاد الناس مش لعبه

Orange_40211 🇲🇦 · Answer

ممكن لإهتمام زائد وكل ذا مش حل..ممكن اذا اتصرفت بجدية شوية ..او مش بتعطي اهتمام او مبالغة من اول اسبوع هياخدوك بجد

Apple_61150 🇪🇬 · Answer

اقلك بختصار عن طبيعي الانثي هي الإنثي بطبعها لمه يكون راجل مكشوف قدامها بتفقد الشغف فيه فا لازم يكون ليك سنهه غموض متكشفش ورقك كلو مش معني انك بتحبها يبقي تهتم بيها الاهتمام عادي اصلا لا متهمتش غير للضروره بس عشان تعرف أن وقتك ليه قيمة و لمه تيجي تهتم في وقت معين يكون الوقت ده مهم جدا و هي هتحس بي ده أن وقتك مهم جدا لي نفسك الست مش بتحب الراجل المدلوق عليها لازم تكون واثق في نفسك ادي حب ده لي نفسك

Strawberry_40044 🇪🇬 · Answer

لو بتحب واحدة وعاوز تثبتلها ده ادخل البيت من بابه كده تبقى قد كلامك

Biscuit_60361 🇪🇬 · Answer

يسطا حب واحده عاقله فكك

French Fries_57374 🇪🇬 · Answer

يمكن الموضوع ده ليه اسباب كتير.. بتختلف بين كل واحده والتانيه..اوقات بنكون خايفين او عندنا تروما من حاجه حصلت ف حياتنا ف مش مصدقين ان الحلو ده ممكن يكون حقيقي ويكمل ف حياتنا فعلا.. 
او ف مننا اللي مش بيحب الاهتمام الزياده.. ف نوع مننا بيحب الراجل اللي مشغول طول الوقت بس بيعرف يهتم شوية..ف اللي بتحب الراجل الطموح ف اللي بتحب الاهتمام الزياده بسبب حاجات ناقصاها.. ف اللي مهما اديتلها اصلا هتشوفك مقصر

French Fries_57374 🇪🇬 · Answer

او ممكن برضو يكون ف مشكله تانيه فيك غير الاهتمام.. ممكن تكون ف حاجه معينه ملقيتهاش فيك.. وممكن تكون انت بيرفيكت بس مش لاقيه فيك شريكها.. عادي ف كتير ممكن يكونوا كويسين اوي بس مش مع بعض ولا لبعض.. ربنا هيعوضك باذن الله وهتلاقي نصيبك اللي تعوضك عن كل ده وتقابل حبك واهتمامك ده بحب واهتمام اضعاف 🤍

Peanut_31827 🇪🇬 · Answer

ع شان معندناش ثقه فيكو 😂😂😂

French Fries_61190 🇪🇬 · Answer

مهو مينفعش ببقا محتاج علي الاقل كام شهر اتاكد أنها الشخص المناسب

French Fries_61190 🇪🇬 · Answer

دا مش منطقي

French Fries_61190 🇪🇬 · Answer

مهو دا هبل يعني لما يجيلك واحد بيحبك تشبيه وتروح ي للي مش معبرك مع أن سعات بتبقا هي الي عايزاني اساسا

French Fries_61451 🇪🇬 · Answer

هيا دي الدنيا ما ينفعش تحسسها انك موراكش غيرها هيه من جواها هتزهدك حتي انت لو هيه فضلت موراهاش غيرك ورن وزن انت هتزهق منها احنا طبيعتنا كبشر كدا فا لازم تخلص اللي وراك ووقت ما تفضو اتكلمو لكن كلام ٢٤ ساعه دا مش حلو