بقالى فترة غريبة عن نفسي بصحى من النوم تعبان كأني ما نمتش بنام كتير بس نوم ملوش طعم ولا راحة البيت كله توتر كل يوم خناقة على سبب تافه ومفيش ضحكة بجد بسمع صوتي قليل حتى الكلام بقى مرهق الشغل ضغط والناس بقت بتتعامل بوشين محدش بيسأل ليه ساكت محدش بيحس إني بقع من جوايا بحاول أظهر طبيعي بس كل حاجة بتنهار في سكاتي بقيت بقعد في الأوضة بالساعات مش عايز أكلم حد ولا أرد على مكالمة الموبايل بقيت أفتحه بالعافية مش لاي حاجة تفرحني ولا حاجة تستاهل أضحك عشانها كل اللي حواليّ بيقولولي شد حيلك بس محدش فاهم إن الحيل خلص من زمان حتى الأكل مبقاش ليه طعم ولا الخروج بيريّحني بحس إني غريب في كل مكان بروحه وبيني وبين نفسي بسأل هو أنا كده ليه ليه كل حاجة تقيلة كده ليه حاسس إني لو اختفيت مش هيحصل فرق بطلت أستنى حاجة حلوة، بقيت بس نفسي اليوم يعدّي من غير ما يوجعني

0

1