تعافي نفسي

Kiwi_62870 🇪🇬

منذ أسبوعين

شعور محبط

قعدت سنين ببنى نفسي نفسيا بعد أزمة عاطفيه حصلتلى ونا 19 سنه وبعد 4 سنين ببنى نفسي وبحصن نفسي واهتميت بدراستى وشغلى وهواياتى وجا شخص بعد تخرجى شجعنى ابدا معاه بيتى وبعد إلحاح فتره كبيره لاقيتنى مريت بنفس الازمه ولكن اصعب واوحش كل حاجه بنيتها فى شخصيتى وكل حاجه حلوة حوشتها وكل طاقتى راحت وقعت ومش عارف

Watermelon_59125 🇪🇬

منذ شهر واحد

شعور مكتئب

Mushroom_57093 🇪🇬 ف حوضتي الحياه بعقلك و مشاعرك الضعيفه و جربتس كل حاجه

عرض الكل 6 نصيحة

عبّر عن شعورك بشكل مجهول

مساء الخير.. عايزه اشاركو قصه موجعه بنسبالي لسه بتعافي منها بقالو فوق السنتين انا بنت عندي ٢٥ حاليا متعلمه تعليم عالي  جميله بيقولي اني جميله ودمي خفيف اتحب يعني بسرعه الحمدلله عندي قبول بس مليش حظ في الحب خالص انا متدينه شويه ف كان شيطاني بيمسكني من حته الرجاله والعلاقات المحرمه (الارتباطات) وللاسف انا عاقله اوي برضو بس حبيبه من العيار التقيل لو راجل عاجبني حرفيا بحسسه انو سيد الرجاله المهمكوني حلوه دا كان حاططني ديما في زون غريب بحس اني كل مرتبط بحد او اتشدلو بحس اني بيشتهيني او بيفكر فيا جنسيا بشكل سريع او كانو بجذبوا جنسيا ف الاول كنت بستغرب وبتضايق جدا مع ان محدش كان بيقربلي او يتعدي حدوده معايا بس كنت بحسها لغايه متككرت كتير شكيت في نفسي لدرجه اني قولت علي نفسي كلام وحش وقولت لازم اركز انا اي لبيخليني اتحط ف الزون دي وملقتش اجابه لان انا لبسي واسع هزاري مش متطاول وب الايد وكدا بصلي واي حد يعرفني يلمس فيا حته تدين صغننه ف استغربت اكتر لغايه مفهمت اني انا اللي بقع في ناس شمال غلط هما اللي دماغهم بتوديهم ان كلو كدا او ينفع يبقي كدا المهم حبيت وانا صغيره ١٩ كدا زميل ليا في الثانوي واتصاحبنا السنه دي وخلصنا واتخطبنا انا كان عندي  رعب وخوف من موضوع الجواز دا اللي هو العلاقه يعني كنت ديما شايله هم اللحظه دي وحاسه ان الناس بتتجوز ع كدا وان زي مكنت برتبط ويتبصلي كدا ف برضو اللي هيتجوزني هيبقي سببه الاكيد كدا اني جميله وع كدا زي لقبله المهم قعدنا سنه دلع وخروج ومشاركه وحب وكل حاجه اتحبيت بجد حقيقي يعني الحب بتاع البوستات دا ف اخر الوقت القرب زاد شويه وبقي يحصل بينا حجات خارجيه لفتره وشويه كنا نبطل ونرجع وهكذا لاننا كنا ف الزقت دا خلاص فاضلنا حجات بسيطه وخلاص هنشتري العفش ونعمل الفرح وانتهي ومحصلش نصيب وسبنا بعض ودا امر طبيعي لعلاقة من اولها لاخرها كان فيها تجاوزات كتير وحرمنيات الاسوء اللي جاي مش دا انا بيني صعب جدا واهلي منفصلين من وانا ٤ سنين وحرفيا عمري كله عايشاه في جفاف ومشاكل وصرعات مع والدتي كان اخوات من كل الاتجاهات ابويا وامي وامي وزوجها اللي قبل والدي ووالدي وزوجاته اللي بعد امي وقصه حزينه يعني المهم كان في وسط العك دا اخت ليا من امي اكاد اجزم لو قولت انها كانت لي الدنيا بما فيها وللاسف توفت من بعد غركشه خطوبتي بما اقل من سنه كان سواد من الكل ضعت خرفت عقلي طار جالي انهيارات روحت بقي لدكاتره نفسي لايف كوتش كل لقلبك يحبو وبما اني حبيبه زي مقولتلكو اتجهت ل اسرع طريق ليا اللي كنت بهرب بيه طول الوقت من بيتي ووجعه الذي لا ينتهي ولازال بالمناسبه ارتبط بواحد بعد موت اختي بحاول ٧ شهور وجالي صدفه من ع الانترنت ودي كانت اول مره ارتبط بحد معرفهوش طبعا انا انبهرت بيه وهو كان بروفسير بنات ف عملي حكايه كدا وانو يعرفني وكل مينزل مصر يدور عليا وبتاع وانو شافني في حته معينه قريبه من ترب اختي وانا كنت بروح كتير فعلا وقتها المهم صدقتو وهو قالي انو عايز يتجوزني وقعد شهر حرفيا ميفوتش يوم الا لما يزن عليا اعرفه ببابا ب اخويا وهكذا صليت استخاره اختبرته بلا بلا قعدت شهر قولت لما اعرفه شويه و.. و.. وقولت خلاص done وقولتلوا لسه عايز قالي اه والبدله اهي ع السرير قولتله اشطا حددت معاد وكلمت لواء في مقام بابا وقولت لماما وقولت يتعرفوا عليه بشكل مبدئي وبعدين نقول لبابا ع لو قعد معاه هيتفق ع طول لانو هيفتكرنا موافقين خلاص عمل حورات وافلام كتير فشخ ومجاش وسبتو تماما ورجعلي بحجه تاني وسبتو ورجعنا و. و.. لسنتين بيغسل دماغي غسل ويقنعني ان انا اللي بمشي واسيبو ومش صابره عليه وضغطاه وحورات وللعلم هو كان غني وكان بيشغل ف السعودية معاه الجنسيه بس هو مصري الاصل المهم ف النهايه طلع مريض نفسي نرجسي وبيتعالج غالبا من الاكتئاب وتسليتو في الحياه البنات والنسوان ومش بتاع جواز وبيعمل علاقات من الستات كامله وكل تمسكه بيا طول السنتين اني عجباه وعايزني ولا حبني ولا نيله بس انا حبيتو بقي واوي كمان حتي بعد معرفت كل دا لسه بحبه بس اللي مكرهني فيه شويه انو كان بيحاول معايا كتير وانا برضو ضعفت معاه كام مره بس حجات عاديه خالص يعني ولو ان حتي مسكه الايد مينفعش اقول عليها عاديه بس ع خيالكو ميروحش بعيد انا اكتشفتو بعد سنتين قهر وعياط وغموض ونليار سؤال هو مين دا وليه كل دا وبيرجع ديما ليه ومش عايز يسبني ليه بالرغم من اني شتمته وبلكته مليون مره وارتبط زوعرفته ووريته وكل حاجة ع يحل عني محلش ولازال بيكلمني من كل دوله يسافرها يشتري خط ويبعتلي مبييأسش بجد المهم قعدت سنتين بتعافي منه مع لايف كوتش ب ارتبطات تانيه كتتتتير  الظابط والمحامي والكوتش جيم والميديا باير والمهندس ورجاله تحل من حبل المشنقه يعني لدرجه ان فيهم ناس انا اللي كنت بقرب منهم جنسيا عشان اتعلق بيهم وانسااه تماما اوبس احب غيره  لااسف كنت بشوفه هو في وشهم بسببه عرفت يجي ١٠ من بعده ولكن ولا واحد نجح يخليني احبه او اتعلق بيه علي الرغم من انو جه شهر واحد اللي حبيتو وشوفته فيه وباقي العمر دا كان بيرجعلي بس متقبلناش تاني كنت برفض لما عرفت انو حاططني ف دماغه اشتغلت وكبرت وسافرت  وبقيت محاميه ونجحت وعمل حجات كتير وتوبت وبطلت مكياج ورجعت اصلي وانتظم تاني وبطلت علاقات وارتباط محرمه تماما وقطعت علاقتي حتي بصحابي الولاد اللي هما عمرهم ماصلا بصولي ولا فكرو بس اهو من ضمن بقي كلو اتلغي... كل دا للاسف خلاني كاره نفسي وجسمي ومش محترماني ومش عارفه انسي كنت بجد مستوسخه نفسي اووووي لغايه قبل مفعلا فعلا انوي التوبه واتوب حقيقي عن كل حاجه من وقتها رجعت اتقبل نفسي شويه تاني بس عمر مكل دا بيروح من بالي ومش قادره اسامح اهلي ولا نفسي لانهم والله السبب الاول والرئيسي ونفسي مش هنكر والشخص دا لان حرفيا بسببه هو انا اتكسرت واتهزمت قدام نفسي اوي وكنت بدور ع اي حد زيه واحسن واعلي يعوضني عنه وويقتل غروره واحس بيه اني مع الاحسن منه بس كل دا دمرني انا انا وبس.

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_54210 🇪🇬

منذ شهر واحد

شعور مكسور القلب

ازاي اقدر أتعافي من علاقه سامه حب من طرف واحد بس ف نفس الوقت الشخص الي هتعافي منه يبقي جوزي ومش هقدر اكون بيعيده عنه بحكم الأولاد وظروفي متسمحش ان امشي يعني عاوزه متوجعش من خيانته ليا وهو قدام عينيي وبيخوني اعملها ازاي

Chilli_48447 🇪🇬 ولا كأنه موجود فى البيت ولا تعملى ليه اعتبار لان طول ما انتى شغله دماغك بيه انتى إلى تعبانه وشك هتعرفى ترتاحى والسبب الرئيسى برضه فى التركيز انك لوحدك ومفيش حد جنبك ومعاكى ويتابع معاكى يومك ويسمعك عشان تخرجى كل الدوشه والزحمه إلى فى دماغك إلى مخلياكى تايهه ومش عارفه تخدى خطوه لاى حاجه

عرض الكل 10 نصيحة

Pineapple_40254 🇪🇬

منذ شهر واحد

شعور متعب

حد هنا بيعانى من اى حاجه من دول BPD ADHD Bipolar Depression Anxiety اضطراب الشخصيه الحديه فرط الحركة وتشتت الانتباه اضطراب ثنائي القطب او الانفصام الاكتئاب القلق معاناه تعب إرهاق حاسس طاقتى استنفذت بشكل كامل حد بيعانى من حاجه منهم وقدر يتعافي سواء بأدويه او علاج سلوكى معرفي

Avocado_27290 🇪🇬

منذ 8 أشهر

شعور محبط

"تخطي شخص كان مؤذي نفسيًا مش مجرد قرار، ده وجع حقيقي بيكسر جواك حاجات كانت حلوة. بتحس إنك اديت من قلبك لحد بس لقيت بدل الحب أذى، وبدل الأمان خوف، وبدل الطيبة استغلال. بتحاول تبعد، بس الذكريات بتفضل تطاردك، كأنها بتعاندك ومش راضية تسيبك. بتحس بالوحدة، بتحس إنك مش قادر تلم شتات نفسك، وبتحاول تتعافى بس

Marshmallow_26006 🇪🇬

منذ 9 أشهر

شعور فخور

موضوع:

اي السبب اللي خلاكم تقطعوا علاقتكم مع شخص كان قريب من قلبك؟

عبّر عن شعورك بشكل مجهول

كان ليا صاحبه وكنا نعرف بعض من اولى اعدادى ولكن صداقتنا بدأت بجد من ثانيه ثانوي واحنا كنا حاجه مش طبيعيه هدايا بينا وخروجات كلام سبحان الله كانت صداقة مفيش فيها حاجه وحشه ابدا لحد ما دخلنا الجامعه وكل واحده فينا كليه مختلفة بس طبعا مع بعض في سكن واحد وبقينا اقرب اكتر كان بينا لحظات متتوصفش من جمالها بجد الاكل والخروجات والضحك حتى لما واحده فينا كان بيكون معاها مناسبه او حاجه مهمه تبع كليتها لازم التانيه تحضر كان حرفيا ملناش غير بعض لحد ما بدأ التغيير(فى اختلاف فى شخصيتنا هو انى انا شخص هادي جدا مع اى حد غريب ولكن بمجرد ما اتعرف عليه بتعامل معاه بكل عفوية وضحك على عكس صاحبتي اللى كانت اجتماعيه وجريئه شويه )التغيير بدأ يظهر لما بدأ يكون عندي اصحاب فى الكليه وعايزة انزل معاهم او حتى لو صورة نزلت في استورى بلاقيها تتضايق وتزعل وحسيت انها مش عايزة حد يكون معايا غيرها وانا بصراحه مفهمتش دا ابدا وقتها وكنت بتعامل عادى لحد ما وصلنا لسنه التخرج وقررت وقتها انى اكون معاها في السكن وبعد ما سافرت مفيش كام اسبوع وهي سابت السكن وراحت سكن تانى فانا طبعا زعلت والوقت دا نفسيا كنت تعبانه جداا للدرجه انى ممكن اكون بضحك مع اصحابي ولوفضلت لوحدي احس انى مخنوقه وافضل اعيط بشكل مش طبيعي ودا كان بيأثر عليا جداا لحد ما اتعرفت على واحده صاحبتي فى السكن عرفت ازاى بجد تطلعني من الحالة النفسية اللى كنت فيها وكانت بتهتم بيا وكل الحاجات اللطيفة لحد ما ظهرت غيره صاحبتي الاولى تانى لحده انها كانت بتكره صاحبتي اللى كنت معاها وكانت بتبعتلى رسايل وتدعى عليها لما كانت تعبانه وقتها كرهت صاحبتي بجد بشكل مش طبيعي وتقريبا متكلمتش معاها تانى لحد ما اكتشفت ان كمان صاحبتي التانيه بتستغلنى وتاخد منى فلوس ومبقتش فاهمه هى عايزة لحد ما خلص اول ترم في السنه وسبت السكن خالص وكهرت يعنى اى صداقة وفضلت فترة الاجازة مش بكلم حد منهم ابدا وقررت انى هفضل فى البيت وكفايه كدا لحد ما تعبت وكنت هعمل عمليه خطيرة وحالتى النفسية الحمدلله معرفش ازاى بس رجعت اصلى واقرا قرآن من تانى وكانت نفسيتى مليون مهتمتش لوجودهم اصلا والحمدلله بعد اسبوعين اكتشفت ان التشخيص غلط والحمدلله وطول الفترة دى محدش منهم سأل وانا مهتمتش انى اسال عليهم كفايه علاقات مؤذية فى حياتى بجد وسبحان الله فهمت وقتها ان سبب وجود صاحبتي التانيه علشان اسيب الاولى وافهم انها مش صاحبتي بجد ومن وبعد وقت فكرت انى اكون فى سكن مش مع اى حد منهم واعيش اخر ترم ليا فى الجامعه مع اصحابي وهما ميستهلوش كل الحزن اللى انا فيه وبعد كدا لو اقولكم عن الصحبه اللى ربنا رزقنى بيها فى السكن الجديد حاجه متتوصفش فضلت معاهم تقريبا شهرين بس كانوا اجمل شهرين فى دراستي الجامعية كلها وهونوا عليا فترة الحزن اللى مريت بيها وزى ما كنت متوقعه محدش منهم سال لحد اللحظه دى غير بس لو فى حاجه مهمه او طارئة دا بالنسبة لصاحبتي الاولى بحكم اننا من نفس المدينه اما التانيه معرفش عنها حاجه ولما انا بعدت اكتشفت مين الصحاب الحقيقي بجد واكتشفت انهم بيكونوا معايا وقت ما هما عايزين بس الحمدلله بجد مر لحد دلوقتى سنتين من تخرجي وانا مش بتواصل معاهم ولا اتصل واحكي واهتم زى الاول لانهم ببساطة مش فارقين معايا .

Coffee_20349 🇪🇬

منذ 11 شهرًا

شعور مذنب

عبّر عن شعورك بشكل مجهول

طيب بما انى البرنامج اسمه To heal ف انا هستخدمه ك نوت اسجل فيها رحلة التعافى بتاعتى لانى هنا بس فالمكان ده اقدر اقول انى مش ملاك فى تصرفات كتير مش كويسه بعملها بغلط كتير عندى ردود فعل كتير مش كويسه وبسقط كل التراما وصدمات الطفولة اللى عندى على ناس بدون قصد فاا كل ما انتكس للسلوكيات دى بحس بجلد ذات وذنب مخيف وا وا طيب بدأت مع مؤخرا اتعامل مع الموضوع بالعقل انا انتكست وعملت behavior's معينه لما افكر فيها اي اللى خلانى اتصرف كده ..فى شعور بالفشل ملازمنى الفتره دى بحاول اهرب منه ايوا 
طيب فيه شعور بالتوتر والقلق ايوا
طيب فى مشاكل فالبيت حصلت الفتره الاخيره دى وظروف مفاجأه لخبطة اسلوب حياتك المعتاد فلهبطت كل مشاعرك وشغلك على نفسك فخلتك تميل عن الطريق بتاعك صحح جدا 
طيب فى مخاوف جواك فى اللاوعى عندك من حجات معينه فبترد عليها بال behaviors دى عشن تثبت لنفسك حجات معينه مم ايوا فعلا بعمل كده 
طيب اظن كده انا عرفت الانتكاسه جت منين بالظبط 
وعرفت النقط اللى المفروض اتعامل معاها عشن اخفف من اثر الانتكاسه وارجع للطريق الصح بتاعى 
شايفين الحوار الطويل اللى عملته دى دا احنا ممكن نستخدمه كبديل لجلد الذات على تصرفاتنا مهما كانت اتعلم متحكمش على نفسك مهما كنت بتعمل اتعلم تقعد مع نفسك وتعرف ايه مشكلتك لان الجلد عمره مبيعالج المشكله هوا بيضاعفها اكتر
مهما كنت او كنتى مهما عملتم او بتعملو مهما كنت فى اى طريق فى الحياه متحكموش على نفسكم اتفاهمو مع نفسكم وافهمو احتياجاتكم ومشاكلكم النفسيه اللى بتطلعوها بأشكال مختلفه من السلوكيات ..اتعلمت مؤخرا ان ورا كل تصرف وحركه ورد فعل وسلوك مشكله نفسيه محتاج تتعامل معاها

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Coconut_13310

منذ سنة واحدة

شعور Not great 😕

بتتخطوا اي حاجه وحشه حصلت معاكوا ازاي

التجربة أفضل عبر التطبيق

حمّل تطبيق توهيل على هاتفك لتجربة أسرع