تعافي

Mango_59012 🇪🇬

منذ يوم واحد

شعور عاطفي

عبّر عن شعورك بشكل مجهول

مساء الخير .. أنا تاني مرة هكتبلكم عن الموضوع ده يمكن كلامي يشجع حد و يديه أمل أو حافز إنه ياخد خطوة تساعده..
أنا مدمن إباحية و عادة سريةو كنت مدمن بطريقة غبية بس الحمد الله اخدت قرار إني أبطل و الحمد لله إنهاردة اليوم الـ 28 ليا و إن شاء أكمل كمان لحد 90 يوم و لحد سنين جاية كتير بدون إباحية و بدون عادة.. 
اسف لو هطول عليكم بس عايز أحكيلكم الأول عن الفرق اللي انا حسيت بيه خلال الفترة دي .. 
- أنا كنت حاسس دايما اني مشتت و تايه و مش عارف أركز في حاجه و تركيزي ضايع حرفيا دلوقتي الحمد لله حاسس تركيزي بقت احسن كتير عن الأول و بقيت فايق و مش مشتت 
- كنت حاسس دايما اني فاقد الشغف و كسول و مليش نفس أعمل أي حاجه دلوقتي حاسس اني عندي طاقة أعمل اي حاجه عايزها و بقيت أعرف أخطط ليومي و أعمل خطة أنا عايز أعمل ايه إنهارده و بعمله و في اخر اليوم بحاسب نفسي 
- حاسس إني ثقتي في نفسي بتزيد يوم عن التاني و حاسس اني رجعت أحب نفسي حتى ملامحي في المراية بقيت حاسس انها أصفى و أنقى و شعور الخزي و العار و القرف و جلد الذات  اللي كنت بحس بيه مبقتش أحسه 
- حاسس اني جسمي بقى خفيف زي الريشه و فيه طاقة و صحة مش ع طول حاسس بخمول و كسل زي الاول و مفاصلي كلها عمالة تطرقع 
و هقولك كمان اكتر الحاجات اللي ساعدتني أوصل للمدة دي و يارب أكمل و ادعولي بالثبات .. 
١- بحاول ألتزم بالصلاة ع قد ما أقدر و بجبر نفسي اصلي حتى لو مكسل عشان اجبر نفسي اني أفضل ع طول نضيف و طاهر. 
٢- بقرأ كل يوم صفحة واحده م القرآن ع الاقل و صفحة من كتاب لو قدرت 
٣- كل يوم بشوف فيديو أو حلقة من بودكاست بتتكلم عن أضرار الإباحية و مشاكلها و طرق التعافي + فيه سلسلة لـ د. عماد رشاد عثمان ع اليوتيوب عن التعافي من الإباحية جميلة جدا و مفيدة جدا و تحس انه قاعد جوه دماغك و فاهمك 
٤- و دي أهم خطوة بجد إني بتعمل مع الموضوع بطريقة " اليوم فقط " أو " اليوم الواحد " .. و الطريقة بإختصار اني بصحى كل يوم الصبح أقول أنا مش هعمل حاجه انهارده لو الدنيا اتهدت أنا عايز أنجو إنهارده بس و بكره ربنا يحلها و كل يوم تتعامل بنفس المبدأ 
٥- تكون متابع تقدمك و تشوف وصلت كام يوم إنهارده و ده ممكن تعمله من خلال عداد واعي .. و ممكن كمان تكتب يومياتك و ملاحظاتك و كل حاجه بتحس بيها علشان كل شوية ترجع تراجع تقدمك و تشوف كنت فين و بقيت فين و يصعب عليك انك تهد كل ده وراك علشان لحظه ضعف .
٥- أهم أهم أهم حاجة فعلا بقى انك تكون صادق مع نفسك و راجل مع نفسك.. 
في النهاية دي تجربتي حبيت اشاركم بيها علشان يمكن تنفع حد في طريقه و تشجعه يبدأ رحلة التعافي بتاعته و علشان تشجعوني برضو و تدعولي بالثبات  .. و لو فيه اي حد من اخواتي الشباب بيبطل و عايز نشجع و نساعد بعض فـ هو مرحب بيه و أسف اني طولت عليكم .. ادعولي بالثبات

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cherry_64921 🇪🇬

منذ 3 أيام

شعور متوتر

ممكن حد يرشح ليا اعمل اي عايزه ابدأ اتعافي من سموم اشخاص مش موجودة ف حياتي وسايبه اثر خذلان من كل الناس نفسي ارجع شخصيتي اللي كانت بتدور ع راحتها دلوقتي مش لاقيه السعاده ساعدوني اخواتي ف الله لان كل مابدأ ارجع للصفر تاني ونا عموما الرحله فرديه مفيش صحاب ولا اي حد واني اروح لدكتور صعب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

انا اتعرضت للجنس والتحرش من صغري، كنا اطفال في ٢ ابتدائي لقيتهم بيعملو حجات مش فاهمها ولا هما فاهمينها، ولاد ع بنات كله بيلعب ع اساس ان ده لعب، كان فيه شاب كبير في وسطنا قالي مرة تعالا نعمل ده، ساعتها كنت حاسس انه مش زي لعب الاطفال، كان بيحاول يعمل حاجة اكبر انا مش فاهمها ومكانش عارف يعملها الحمد لله- كان طبعا بيحاول يعمل ايلاج فيا- وقعدت فترة كبيرة مش فاهم اي الي كنا بنعمله بنلعب صبيان بتقلع بعض وتعمل سلوكيات غريبة وبنات وهكذا.
مرت الايام واتعرضت للإباحية في اولى اعدادي فيديوهات وكدا وانخرطت فيها، كنت عارف انها غلط بس مش فاهم انها ممكن تخليني مدمن بعد شوية 
ميولي اتغيرت ماكنتش بعرف اهزر مع اصحابي كان بيحصلي انتصاب واحنا قاعدين بنتكلم او بنهزر او نقرب من بعض كنت بحرج جدا مابعرفش انخرط في وسطهم عشان مايقولوش شاذ
اتحرشت ببنات قرايبي وولاد صغيرة كان فيه بنت مارست معاها ده كتير اوي بس مش صريح كنت بلامس عضوي بعضوها من فوق الهدوم ودي اكتر حاجة تعباني وقلقاني بعد مافهمت اني ممكن اكون عملت للبنت دي عقدة جنس زي م الواد عملي عقدة جنس نفسي اتحرر منها.
نمت مع شباب وحاولت اعمل علاقة مع واحد بس ماعرفناش نعملها كاملة، واد كان شغال معايا وقربت منه وبقينا بنبوس بعض من شفايفنا لفترة
اتحرشت بواحد تاني برضو وكنت بقرب من جسمه اوي وبحاول المسه
استدرجت بنت وعملت معاها علاقة شبه كاملة، وواحدة تانية عملت معاها علاقة فون لمدة سنتين
غرقت في الاباحية لمدة ١٥ سنة
مارست الشذوذ مع نفسي في الدبر بحجات كتير وطرق عنيفة 
عرضت جسمي بطرق مبتذلة في جروب شواذ عشان اخد شهوتي واحقق ادماني، وهنا كانت النقطة الفاصلة لما فوقت وافتكرت شكلي وانا نايم قدام الكاميرا وبعمل الي عملته لراجل زيي عشان بس اخد الشهوة بشكل مختلف وابسط دماغي، ده مش انا انا محترم، اي الي خلاني كدا انا متدين، وهنا بدأت اغير نفسي ودخلت طريق التعافي بقالي تقريبا ١٠٠ يوم بدون اباحية بدون استمناء بدون ذل لحد بدون علاقة بدون تعرض لبنات، الله شعور جميل اوي حاسس بالنصر بعد ما كنت كائن بشع كاره نفسه

كان نفسي احكي ده لاي حد عايز ازيحه من صدري عشان ارتاح ماصدقت لقيت الابلكيشن ده شكراااا😭😭🙏😭💔🥰

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_61746 🇪🇬

منذ أسبوع واحد

شعور مكسور القلب

ازاي إنسان يعيش كأن كل حاجه كانت امبارح أربع سنين بتعافي من حد كان بيطعن فيك كنت شايفه حاجه وانتً متمسك بيه وبتكدب العالم من كتر اللي شوفته معاهه من ذل واهانه بقيت حد تاني خالص إنسان مش قادر يتعرف ع نفسه سرق منك كل حاحه حلوه حبك للحياه و لنفسك اديته كتير بالمعني الحرفي كان حاطط ليك السم ف العسل كدب

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

ممكن الكلام يطول بس دا موضوع مؤذي جدا بالنسبالي ..
دلوقت انا كنت طول الوقت علاقاتي كلها شبه غلط اوووي كلها والمشكلة إن دا اتبرمج معايا في دماغي الي هو حتي لو عاوز ادخل في علاقه الي هي بردو هتبقي غلط لو مش رسمي مش عارف اي الي بيتعمل وقتها او ايه الي بيحصل انا زي م بقولكو انا مش مستوعب غير العلاقات السوء الي عدت علياا وبالنسبه انا بقول مخي اتبرمج عشان فعلا الحوار دا من سنين طويله ف مخي ربط إن هي العلاقه لازم يكون فيها كذا وكذا بتبقي طبيعيه وكل حاجه بس لازم يبقا فيها كذا وكذا وزي م بنقول الطيور علي اشكالها تقع اي شخص كنت اعرفه كان شغال عادي جدا معايا ف للموضوع دا وممكن كمان كان يبدا او يفتح سكه الاقبح فعلا حتي لو كانت محترمه اوووووي ومحترمه هنا بمعني اصلا لو حد شافها في شارع مستحيل قسما بالله يقول يطلع منها حاجه كدا ولا كدا بس انا معرفش اي بيحصل لما انا ابقي في الصورة صدقوني مفيش حد اتعاملت معاه علي مر السنين الا وكان فيه حوار اسود حصل معاه.
 سوشيال وواقع انا بجد مبقتش فاهم ايه الي بيحصل معايا دا وعاوز اتغير اوووي وعاوز اتعافي من كل دا بس بحس إن دا لو م اتعملش او الموضوع مش مشي علي هذا النمط إن انا هيبقي فيا حاجه غلط او حتي مش هتقبل انتو متخييلين مش هتقبل عشان معملتش حاجه غلط ف الموضوع معايا بقا صعب اووووي وعاوز اتعافي ف لو حد عنده نصيحه ياريت هبقي شاكر لييه جدا وبعد اذنكو انا مش حابب تجريح من اي شخص عشان انا بكتب دا اصلاا وانا قلبي ومخي بيدمرو فيا كل يوم عشان الي بحسه دا.
انا عاوز اعرف بس ايه الي بيتعمل في الطبيعي ما بين الاتنين اي الي لما يحصل تكونو مبسوطين وفرحانين بنفسكو وانتو مع بعض بكل احترام والعلاقة تكون سويه ومفيهاش اي مواضيع من الي ذكرتها فوق .

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Pineapple_59510 🇪🇬

منذ أسبوع واحد

شعور متعب

"أنا مش بخير ومش عارف أبدأ منين، بس محتاج أطلع اللي جوايا." بقالي فترة حاسس إني تايه جدًا... فاقد الشغف في كل حاجة، لا في الشغل، ولا في الناس، ولا حتى في نفسي. بقيت بقضي يومي كله في أوضتي، على الموبايل، بس حتى الموبايل مبقاش بيشغلني. مش عايز أخرج، مش عايز أتكلم، مش عايز أشتري هدوم، ولا آكل، ولا أش

Pear_63213 🇪🇬 تعالي نبقا صحاب ياعم الناس

عرض الكل 8 نصيحة

عبّر عن شعورك بشكل مجهول

"أنا مش بخير ومش عارف أبدأ منين، بس محتاج أطلع اللي جوايا."

بقالي فترة حاسس إني تايه جدًا...
فاقد الشغف في كل حاجة، لا في الشغل، ولا في الناس، ولا حتى في نفسي.
بقيت بقضي يومي كله في أوضتي، على الموبايل، بس حتى الموبايل مبقاش بيشغلني.

مش عايز أخرج، مش عايز أتكلم، مش عايز أشتري هدوم، ولا آكل، ولا أشرب...
مفيش طاقة لأي حاجة.

أنا شربت مخدرات ١٦ سنة.
شربت كل حاجه ووصلت لأعلى حاجه و تاجرت 
بطلت ورجعت، وبطلت تاني...
ودلوقتي بقالي ١١ شهر مبطل، ودي يمكن أكتر فترة عدت عليا من غير ما أرجع.

بس فى احساس و كل حاجه وحشه واكتئاب و يأس 
او خنقة في القلب مش عارف أطلعها.
مش متعود أكون وسط ناس، لأني طول عمري متعود أكون لوحدي.

عديت بتجارب كتير صعبة، واتحبست ظلم وأخدت براءة، اشتغلت شغلانات كويسة ومعايا شهادات خبرة، وسافرت بره كذا مرة، وخطبت مرة وفسخت.

يعني على الورق، المفروض أكون بني آدم طبيعي، بس الحقيقة... أنا مش حاسس إني بني آدم أصلاً.

مش لاقي صحاب... صحاب المخدرات اتردم عليهم، ومش عارف أعمل دايرة جديدة أو أقرب من حد.
بخاف أتكلم، بخاف أبان ضعيف، بخاف الناس تفهمني غلط أو تحكُم عليا.

لدرجه انى انتحرت مره واتنين وربنا حاطط أيده عليا و بيدينى فرصه اعيش تانى تعبت والله لدرجه نفسي اوزع رقمى اللى انا قافله علطول عشان اى حد يكلمنى

نفسي يكون عندي حد...
صحاب، ناس حقيقية، بنت أرتاح لها وتفهمني، تبقى بداية حقيقية لعلاقة صحية، حتى لو مجرد صداقة...
نفسي أحس إني لسه قابل للارتباط، للحب، للحياة.
بس مش عارف أبدأ، ومش لاقي الطريق.

أنا مش بكتب البوست ده عشان شفقة، ولا عشان حد يقولي “شد حيلك”.
أنا بكتبه عشان يمكن ألاقي كلمة صادقة تطمني إني مش لوحدي.
يمكن ألاقي حد مرّ بنفس اللي أنا فيه... أو عدى منه، وفات.
أنا حقيقي تعبان، وزهقت، وعايز أخرج من السواد اللي جوايا.,

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Kiwi_62870 🇪🇬

منذ أسبوعين

شعور محبط

قعدت سنين ببنى نفسي نفسيا بعد أزمة عاطفيه حصلتلى ونا 19 سنه وبعد 4 سنين ببنى نفسي وبحصن نفسي واهتميت بدراستى وشغلى وهواياتى وجا شخص بعد تخرجى شجعنى ابدا معاه بيتى وبعد إلحاح فتره كبيره لاقيتنى مريت بنفس الازمه ولكن اصعب واوحش كل حاجه بنيتها فى شخصيتى وكل حاجه حلوة حوشتها وكل طاقتى راحت وقعت ومش عارف

Watermelon_55933 🇪🇬

منذ أسبوعين

شعور شاعر بالملل

الحمدلله الواحد بيحاول يتعافى من الي بيحصل حوليه و بحاول اكون راجل متدين و لي ورد سماع بس هو انا الوحيد الي بحس اني عايز اعيش في الزمن قديم من غير سوشيال و القرف الي الواحد بيشوفه كل يوم واحد محدش بيتحكم في حياته بيقوم الصبح يعمل فنجان قهوه يعيش اغاني فيروز الي بتخليك حاسس بتفاؤل و الاسترخاء ده عن

Carrot_61520 🇪🇬

منذ أسبوعين

شعور متعب

مش عارفه ي جماعه ليه كدا ليه نوصل لكدا ليه بقى فيه ناس مدمنه و ناس شواذ مش بغلط حد بس نفسي اقولكم أن بجد في امل لو حد عاوز يصلح هيصلح و أن عارفه ان دا مش سهل و ممكن اصلا ماتكنوش كدا بأيدكم ممكن ناس عملت فيكم كدا فاهمه دا كويس بس والله في امل في امل انك تتعفا و توصل لنسخه احسن لو انت حابب لو أنت بس

Ice Cream_58839 🇪🇬

منذ أسبوعين

شعور ممتن

موضوع:

انفصلت عن حد ولسه بتحبه؟ ولا الوقت فعلاً بينسي؟

بعد ٤سنين تعافيت تماما من علاقة عافرت فيها وكنت متقبلة كل ظروفه بس هو متقبلش ١%من اللي انا تقبلته وبقيت شايفة سلبيات الشخص والعلاقة واكتشفت اني كتير عليه وعمره ماهيعوضني سبحان الله مغير القلوب التعافي جه متأخر بس الحمد لله انه جه

Watermelon_62644 🇪🇬 تفائلوا بالخير تجدوه

عرض الكل 2 نصيحة

Blueberry_62366 🇪🇬

منذ أسبوعين

شعور فخور

موضوع:

احكولنا ازاي شخصيتك اتغيرت للاحسن او الاسوء

كنت واحده بتحب الحياه وشيفاه حلوه وكنت طفله اوي لحد ما فكرت انزل واشوف الوقع واشتغلت وكنت الدنيا كويسه معايا لحد ما. بقيت حاسه بضغط المشاكل وقله نوم واراق وحد قريب ليا اقتراح اخد مهدى وفعلا جبت دا واخدت منو وللأسف مكنتش اعرف انو إدمان وانو فيه نسبه مخدرات وواخدتو مره واتنين وادمنتو وحالي اتبدل بعد

Lemon_62362 🇪🇬 قد الدنيا إن شاءالله ربنا يثبتك

عرض الكل 6 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

عبّر عن شعورك بشكل مجهول

أنا بدأت أفهم الفيا من ثلاث شهور بعد ما مريت  بصدمه خسرت فيها كل حاجه مينفعش تتعوض وأقرب حد لي اتخلى عني 
في الأصل عندي إدمان هروب نشأ  من صدمات في الطفوله وبدأ دماغي ياخد اساليب هروب وتغيير مزاج بسلوكيات مع الوقت وفي الطفوله للأسف اتكعبلت في الاباحية مكنتش أعرف أي ده وعرفت أنه إدمان واعترفت إني مدمن الحاجة دي بعدها بخمس سنين كنت نضجت شويه وقررت اوقف وبعد محاولات كثير لوحدي نجحت بس نجحت اوقف إدمان ابحايه ومعالجتش إدمان الهروب وعدم القدره على مواجهه المشاكل فوقعت في إدمان الالعاب وبعد سنه اتعرفت على بنت وكانت شايفه إني مدمن العاب فحاولت تمنعني من اللعب وفعلاً بطلت ومع الوقت رجعت اتعرض لمشاكل عمري مجربت اواجها في حياتي ومشاكل بتكبر فرجعت الاباحيه وحالياً بقالي سنين من ساعتها بتعامل معاه  كمجرد ادمان اباحيه بس (مكنتش أعرف أني بروحله لأسباب ثانيه)وبحاول أبطل وارجع مع كل مشكله لحد مفهمت الفيا من ثلاث شهور وحاولت اتعافي بس الموضوع كان ثقيل أوي لأن الخلاني اروح أشوف معالج صدمه كبيره وخسارة  متتعوضش فكنت بحاول اتخطى واتعافي من العقليه الادمانيه الخدتني من الطفوله وفعلاً بطلت وكنت بتعالج بس زليت مره وبعدين اثنين وبعدين فضلت اقع اقع ولقتني برجع اوحش برجع بغضب ويئس وعدم رغبه في المواجهة طول عمري مع أصغر مشكله معرفش اعمل أي بهرب بقى مطلوب مني اواجه إدمان واتعافي فمهربش من أي مشكلة خوف شديد جوايا وبعدت عن كل طرق التعافي أنا مش وحش أنا عايز اتعافي بس أنا مش عايز مواجهه 
وأغلب الوقت عايز ربنا يرضى عني ويغفرلي واموت وأنا على طاعه أو مش على معصية على الأقل 
مش شرط تقولي حل ممكن تدعيلي

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.