صباح الخير، النهاردة أول يوم أصحى بدري من فترة، وفي كام حاجة عايزة اتكلم معاكوا فيها بس مكسلة بس خليني أبدأ بموضوع مهم جدًا وهو التعافي: عارفين أنا مريت بعلاقات غلط كتير ف حياتي سواء حب أو صداقة بس أبرز علاقة فيهم كانت الأسوأ والأخيرة، عارفين لما تفضلوا تدوروا ع الاهتمام والأمان كل شوية وتوهموا نفسكم إن خلاص هنا كل المشاعر حقيقية، لأ دا مع الشخص دا، لأ دي هنا، أنا بقا كنت كدا والفكرة إن كنت ف كل مرة بصدق جدًا الشخص اللي بيحاول يستغلني، وف الآخر بكتشف إن الفكرة والوجع بدايته من جوايا، لحد دلوقتي في لحظات معينة مجرد ما بفتكرها بتصعب عليا نفسي، شكلي وأنا مموتة نفسي من العياط، وجع قلبي وتعلقي بأشخاص خلاص استكفوا مني ومش محتاجين وجودي، بس عارفين التعافي دا بيجي ف لحظة، لحظة واحدة بتكون فاصلة بين شخصك المتخاذل، الحزين، وشخصك وانت تعبان من حزنك، فجأة بتحسوا إنه لأ كفاية ونظرتكوا للحياة للأشخاص، ولمفهوم الأمان نفسه بتتغير، بجد أسوأ حاجة إنكم تكونوا مع الناس الغلط، ناس مش شبهكوا، ساعتها بس هتعرفوا معنى الإنطفاء، بتمنى ليكوا يوم لطيف يشبه جمال قلوبكم🤍

6

13