تردد في الحب

Potato_29405 🇪🇬

منذ 8 أشهر

شعور مرتبك

محتاجه نصيحه بجد انا اتعرفت ع شاب أونلاين والله ما فكرة من امتا بس هو بيقولي احنا نعرف بعض 2019 تقريبا المهم فضلنا فترة نتكلم وبعدين قررنا نرتبط و كدا بس هو جه مرة اتعدي حدوده معايا ف انا فركشت معاه وقلتلوا خلينا صحاب احسن وبس كدا بنغيب عن بعض بالشهور ونرجع نتكلم نسال ع بعض ف حدود الصداقه بس انهارده

Sugar_40124 🇪🇬 بعيدا عن كل الي بتقوليه ده بس الارتباط حرام

عرض الكل 8 نصيحة

Orange_38207 🇪🇬

منذ 8 أشهر

شعور مرتبك

تفتكروا لو ارتبط بواحدة ١٠ سنين واتخطبتوا وبسبب المشاكل وعدم التفاهم اللي موجود بعد كل السنين دي سيبتوا بعض وبعدين رجعتوا تاني تتكلموا وبقيتوا عايزين ترجعوا لبعض تاني بس رجع تاني يبقي ف مشاكل وقرف بينكم وانت عايز تسيب بس صعبان عليك العشرة والسنين والحب اللي هيتهد وهي نفسها صعبانه عليك بسبب انك شايف

Strawberry_32264 🇪🇬 ابعد ربناا مديك كل الاشارات ان علاقتكو خلاص مبقتش تنفع ف مينفعش تحاول ف حاجة انتهت لمجرد ان صعبان عليك شخص او العشره.🤷🏼‍♀️

عرض الكل 8 نصيحة

Pineapple_35458 🇪🇬

منذ 8 أشهر

شعور ضائع

Coffee_27700 🇪🇬 هي عندها مشكلة وانت قدمت كتير لكن هي مش عايزه ارتباط رسمي. متضيعش وقتك ومجهودك وقلبك اكتر من كده وشوف حد تاني يستاهلك. ربنا يوفقك ويرزقك 🤍

عرض الكل 16 نصيحة

عبّر عن شعورك بشكل مجهول

انا الحمد لله بقيت جاهز اخد خطوة الارتباط في حياتي، وسني 29 سنة ومستقر في شغلي الحمد لله بمعنى اصح مش عندي وقت اضيعه في تسلية او حوارات، المهم من 10 شهور وانا بشتغل شغل ريموت عن بعد دوام جزئي جنب شغلي الاساسي اللي حصل ان في بنت بدأت تتكلم معايا وعرفنا عن بعض حاجات كتير في حياتنا وفعلا بعد شهرين انجذبتلها جدا،
جيت قولتلها اني شايفها اكتر من صديقة واني معجب بيها وحابب اخد خطوة لو اللي بينا دة شيء متبادل وانها لو حابة ده ناخد خطوة رسمية، المهم ردها كان " الحقيقة مش عارفة بنقول ايه في المواقف دي بس الاكيد اننا هنخرج ونتكلم" قعدت بعدها تأجل لمدة ٦ شهور لأسباب مش قوية ابدا وانا مدرك لنقطة ان اللي عايز حاجة بياخد خطوات نحيتها، 
في ال٦ شهور دول كانت معشماني جدا وبتتكلم معايا على شكل بيتنا، شكل حياتنا، حرفيا بيعت شقتي وكنت رايح اشتري في المكان اللي هي حاباه علشانها وهي اللي كانت طالبة دة، قدمتلها كل حاجة كانت محتاجاها، امان, دعم نفسي ومعنوي، اسمعها واسمع مشاكلها واحاول بكل طاقتي احلها بدون زهق، ادورلها على شغل، ادورلها على سكين كير مناسب ليها حرفيا اتعلمت اكتر عن الموضوع دة علشانها، وكانت بتبديلي انها شايفاني فعلا وبتفليرت كمان بطريقة صريحة زي " لون عيني، اني هبقى اب تحفة وزوج مثالي، وفي حاجات كتير جدا،
تبريراتها انها متتكلمش معايا بشكل مباشر في موضوع اني اجي اخد خطوة كانت زي (مش عارفة اخد خطوة، عندي مخاوف، انا خايفة اخسرك )
 انا مدرك ان ده كله رفض بس بالذوق الفكرة ان كل مرة بتقول كلام زي دة انا طبيعي بنسحب وهي بتبقى عايزة تثبتني في نقطة معينة -استبن- فلاقيها بتقولي "انا هزعل لو خدت خطوة مع حد تاني"،
انا ببقى عايز انهي التواصل معاها تماما بس ظروف الشغل بتجبرنا ساعات نتعامل مع بعض، المهم بعدها واجهتها وكلمتها بالعقل جدا اننا مش هينفع نبقى صحاب وان ده في صالحنا احنا الاتنين واتناقشنا وهي مكملتش النقاش وهي ليها طريقة دايما تعملها لما تبقى عايزة تسيب حاجة عايمة ـ مش قادرة اتكلم - المهم بعدها كانت بتنكشني برضه عالواتساب لفترة زي انت تمام فانا دايما برد على قد السؤال مش اكتر، بطلت تواصل لفترة شهر كمان، كان عدى شهرين فكونت تخطيت فعلا الحمد لله، بعدها out of nowhere طلبت مني اتصل بيها كنت فاكر في حاجة في الشغل وكلمتها فعلا وكانت بتتعامل معايا بفكرة انا هونت عليك ؟ طب ما انت مش بتتعامل كدة مع صحابك، ساعتها كان ردي واضح وصريح اني مش هعرف اصاحبها لأن هي بالذات مش هعرف اشوفها صاحبة ودة بيأذيني جدا، قولتلها اننا اتناقشنا قبل كدة وانتي مكملتيش نقاش فلو عندك سؤال قوليه علشان مش هحب اتناقش تاني في الموضوع دة بعد كدة، كالعادة برضه انسحبت من النقاش، والغريب تاني يوم ل
اقيتها بعتالي عامل ايه وكأني مكنتش واضح معاها!
السؤال بقى، هل هنقعد نلف وندور للأبد كدة ؟
هل في امل في اي حاجة مفيدة من نحيتها؟

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

التجربة أفضل عبر التطبيق

حمّل تطبيق توهيل على هاتفك لتجربة أسرع