مرتبط 10 سنين وعايزين نرجع.. بس المشاكل بتخليني متردد

Question

تفتكروا لو ارتبط بواحدة ١٠ سنين واتخطبتوا وبسبب المشاكل وعدم التفاهم اللي موجود بعد كل السنين دي سيبتوا بعض وبعدين رجعتوا تاني تتكلموا وبقيتوا عايزين ترجعوا لبعض تاني بس رجع تاني يبقي ف مشاكل وقرف بينكم وانت عايز تسيب بس صعبان عليك العشرة والسنين والحب اللي هيتهد وهي نفسها صعبانه عليك بسبب انك شايف هي بتحبك قد ايه، تفتكروا ايه الحل صلاوات الاستخارة وكل حاجه بتقولي ابعد بس مش قادر خايف ومتلغبط وكل مابكلمها بحس اني متضايق اني هسيبها بس لما بكون مش بكلمها مش بتوحشني اوقات اه بس مش طول الوقت وبقعد افكر ف المشاكل اللي طول الوقت بينا ف بتقفل ومش عارف هل اخد قرار بالرجوع ولا لا خلاص البعد؟

Strawberry_32264 🇪🇬 · Accepted Answer

ابعد ربناا مديك كل الاشارات ان علاقتكو خلاص مبقتش تنفع ف مينفعش تحاول ف حاجة انتهت لمجرد ان صعبان عليك شخص او العشره.🤷🏼‍♀️

Mango_39536 🇪🇬 · Answer

انت خايف من الوحده مش من البعد عنها

Pumpkin_40083 🇪🇬 · Answer

انا عايزة اقولك ان ترددك لحد دلوقتي احساسك انك عايز ترجع دا بسبب ال 10 سنين ال انت حاسس ان هو عمر وهو عمر فعلا 
بس خليك عارف ان اي حد ممكن يحسسك لو لثانيه واحدة انو ممكن يعيشك في قرف اوعي تثق فيه وتقول ما هو طيب بردو 
عشان محدش وحش من اولو لاخرو كلنا فينا الحلو والوحش بس الفرق حسب ايه ال بيغلب جوانا الحلو ولا الوحش 
وال انت مش بستحملو دلوقتي مش هتستحملو قدام بس الفرق انك حاليا في ايدك حرية الاختيا

Donut_39920 🇪🇬 · Answer

ابعد عنها مدام ربنا بيديك اشاره لدا وهتلاقي نصيبك متقلقش

Cherry_33557 🇪🇬 · Answer

صدقني ارجع بجد لو هي كويسه وأخلاقها كويسه ارجعلها اطلب من ربنا تكون نصيبك وتكون الخير ليك وصلي استخاره تاني حرام السنين دي والله وهدعيلكو بس متسيبهاش لا هي هتنسي ولا انت

Chocolate_39988 🇸🇦 · Answer

الجواز حياة محتاجة اساس قوي عشان تستمر كدة الاساس عندك هش و لو اتجوزتو عند اول مشكله هتسيبو بعض فليه تظلمها و تظلم نفسك

Cherry_40161 🇪🇬 · Answer

حل المشاكل و ارجع

Mango_36295 🇪🇬 · Answer

مشاكل زي ايه ؟