تحمل

Almond_66463 🇪🇬

منذ 10 ساعات

شعور مستنزف

احساس وحش اوي من ساعه م بابا بقاله سنه اتوفي إنى مش عارفه اعدى الايام ولا عارفه اشتغل امى مش حاسه بيا خالص عمرها م حضنتني وبتغير حتى من حبي لبابا ودايما بتتخانق معايا هل ده طبيعي انا بعد م بابا اتوفي خالى اتوفي بعد اربعين يوم بالظبط ملحقناش نفوق اصلا فبقينا نخاف من الفقد عموما بس انا شايله البيت

Chocolate_65230 🇪🇬 انا جمبك

عرض الكل 2 نصيحة

Potato_63938 🇪🇬

منذ 3 أيام

شعور قلق

كادَ قلبي يتَوقف ألفَ مرّة من فرط الضغوطات النفسية ، ولكنني كابَرتُ وتَحمّلتُ وأكمَلت الرحلة بطريقة لا أستوعِبُها للآن..كأنّني كنتُ أُساق لا أمشي ، وأُدفَع لا أختار ، كأنّ الأيام كانت تحمِلُني على أكتافِها رغمَ انكساري ، أو أنّني كنتُ أعيش بقلبٍ مُستَعار ، لا يشعُر كما أشعُر ، ولا ينبـض كما يَنبَغي.

Pineapple_64523 🇪🇬 بالصبر تقسو علينا الحياه ولكن بنعم الله وفضله تهون.⁸ جميل ان تكتب مايؤلمك ولكن اكتب ايضا ما اسعدك لاتجعل الروح تشقي فإن لها الحق في السعاده

عرض الكل 2 نصيحة

Avocado_61444 🇪🇬

منذ 4 أسابيع

شعور لا مبالٍ

عبّر عن شعورك بشكل مجهول

الرسالة طويلة شوية بس ممكن تفيدكو بمعلومة صغيرة كل واحد فينا فيه قوة داخلية بمقدار معين للتحمل وربنا عمره ما هيزود عن طاقتنا ديه كل واحد ليه قصة فيها إلى تدل على شجاعته على إحسانه وعلى حزنه وضعفه وانهزامه كلمة انسان ديه حاجة تشمل حجات كتير اوى واهمها أنه عنده عقل يمكن لما تسمع الكلمة ديه تبقى ردك اه مهو ده العادى ايه الغريب أو تفتكر أن ديه حاجة كويسة احب اقولك معنى العقل حجات كتيير اوى ولاء مش شرط تبقى إيجابية ممكن يبقى وجود العقل حاجة سلبية وأنه انحرف عن الطبيعى وسعات بيحتاج تعديل افكار استغربت أن الحياة مش حلوة زى ما كنت فاكرة ولا وحشة زى ما كنت فاكرة برضو الحياة غريبة فيها شوية حلو وشوية وحش وازاى تقدر تخليها بأفكارك وحشة وانت برضو إلى تقدر تخليها بأفكارك حلوة احنا هنا فى الدنيا ضيوف احنا مش هفضل فيها علطول مسيرنا نمشى ونسيبها بس سيبها وانت مش طمعان فيها وعايز تقعد اكتر فيها تفضل تدبدب فى الارض وتقول أنا عايز افضل فيها شوية زى ما العيال الصغيرة بتعمل ومفيش حاجة ملهاش نهاية كل حاجة فى الحياة بيبقى ليها نهاية احنا بس محتاجين نصبر اكتر عمرى ما كنت أتخيل أن ممكن نفسى تبقى اكبر عدو ليا مكنتش عمرى ممكن أتخيل انى ابقى اكبر مؤذية لنفسى مكنتش عارفة ايه هى قيمة الكلمة واد ايه ممكن تموت او ممكن ترفع مكنتش متخيل أن ممكن أقرب الناس ليك ممكن يكونو بياذوك وحتى لو مش شايف ده الاول كنت فاكرة أن الناس كلها طيبة وبعدها اكتشفت أن الناس كلها مش كويسة وأنهم فى أقرب فرصة هيطلعو الجانب الوحش ده وبعدها اكتشفت أن لاء فى ناس كويسة زى ما فى ناس مش كويسة بس هما مبيظهروش مستنيين احنا إلى ندور عليهم مستنيين احنا إلى نلاقيهم هما مش بيظهرو بسهولة قدام الناس هما مستخبيين بس موجودين انت وشطارتك انك تلاقيهم واكتشفت أن اسمى واحسن صورة مننا هى واحنا اطفال وان فعليا لو راقبنا الاطفال وتاملنا فيهم هنكتشف حجات مش اى حد شايفها هنكتشف اد ايه هما اقويا ومش همهم حاجة غير فرحهم وسعادتهم اولى من اى شئ فى الدنيا تحس انهم جايين الدنيا صفحة بيضاء روح من ربنا نقية ملوثتهاش الدنيا وانت إلى بتقرر تكتب ايه فى الورقة البيضاء ديه كأب وكأم واه الاب بيكتب برضو فى الورقة ديه حتى لو انت مش واخد بالك دورك انك تبقى ايه إلى هيتكتب فى الورقة ديه بكل وعى علشان مترجعش تندم لما يكبر اعتبر ابنك او بنتك هو سور ابنيه باقوى حاجة عندك علشان لما تكبر يسندك مش يقع فوقك

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_61368 🇪🇬

منذ 4 أسابيع

شعور متعب

موضوع:

حاجه فيك عاوز تغيرها ؟

الصفة دي هي" الإتكالية" الاعتماد علي الغير ، انا شخصية مش بتحمل المسؤولية امي بتعمل كل حاجه بالبيت بساعدها في حاجات بسيطه وبالعافية، عشان اتربيت كده اني مش بعمل حاجه ولما كبرت ،ع ايزة الحال يفضل زي ما هو ، عندي ٢٠ سنه مش عابزة اكبر تاني ،ع ايزة ارجع صغيرة من غيرك مسؤوليات وهم.

Hazelnut_52786 🇪🇬 ابدئي تعتمدي على نفسك في حاجة بسيطة كل يوم حتى لو كباية مية أو ترتيب سريرك، واعمليها بإرادتك مش لأن حد قالك. كل مرة تهربي من المسؤولية هتفضلي في نفس الدوامة، بس كل خطوة صغيرة نحية الاعتماد على النفس هتخليكي أقوى وأريح نفسيًا. كبرنا يعني حرية واختيار، مش بس هم، فا استقبلي التغيير بحنية على نفسك، مش كأنه عقاب

عرض الكل 4 نصيحة

Coffee_52562 🇪🇬

منذ شهر واحد

شعور ضائع

الشعور بالخزي مما كتبت احد شخصياتي واعجبني "لم اكن هكذا ولم اتمنى ان اكون هكذا لكني انا من فعلت هذا ويجب ان اتحمل عواقب ما فعلت واعدل مساوئي الى مميزات يجب ان افوز في السباق النفسي الذي اقمته انا الجاني والمجني عليه وانا القاضي والشهود وانا محامي الدفاع ومحامي الضد، انا اللذي في هذه الحرب وانا الذي

Banana_55395 🇪🇬

منذ شهر واحد

شعور وحيد

موضوع:

ثانوية عامة غيرت فيك ايه؟

الثانوية عندي كانت من حوالي ٨ سنين عيشتها يعتبر لوحدي كان ديما اخواتي اللي اكبر مني لهم قصص ومواقف ولازم البيت يتهيأ لهم بكل التفاصيل وكل البيت متوتر لهم ومقلوب عشانهم انا كانت السنة عادية خالص عند البيت ولا في اي حاجة وكنت بتعامل مع كل الامور لوحدي واتضح ان حتى اللي اصغر مني كانوا كدا برده ومن وق

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Sugar_51832 🇪🇬

منذ شهر واحد

شعور ضائع

كل يوم بتأكد ان الدنيا مش بالسهولة ال كنت متخيلاها بجد مفيش مرحلة بتخلص برتاح بعدها ومفيش موقف بقدر اتخطاه بنسبة 100% كله بيسيب اثر جوايا الحمدلله انها دنيا وهتنقضي وهتفنى مهما طالت ربنا يخرجنا منها على خير غير مفتونين ولا ظالمين ويرزقنا الصبر والقدرة على التحمل لحد ما نلقاه وينعم علينا بالجنة

Waffle_52401 🇪🇬

منذ شهرين

شعور آسف

عبّر عن شعورك بشكل مجهول

مش كل مره هما الي غلط وانا الي صح لان طريقة تفكيري اكيد غيرهم
وليه مش انا الي غلط وهما الي صح، و احط نفسي ديما اني ملاك و مبغلطش و ابقي قصادهم انسان كويس وانا عارف اني وحش
بقيت بزعا كتير وانا بتكلم مع اني كنت هادي، واي حوار احاول اكسبه باي طريقة حتي لو غلطان وبقيت بحلف كتير عمال علي بطال، وطريقة تفكيري بقت وحشه و الشتايم الي بسمعها كتير من الناس وهما قاعدين مع بعض و بيقولوا انهم بيهزروا بيها بقت تتردد كتير في دماغي و بقيت بقولها في دماغي في اي  موقف بيحصل

بنصح نفسي قبلكم الصحبه مهما شفت انها حلوه و جميله و الناس الي فيها يعتمد عليها و الكلام الحميل دا كله 
بس تصرفاتهم غيرك و طريقة كلامهم غيرك و هيخلوك تفكر بطريقة مش حلوه ويخلوك ممكن تعمل حاجات انت مش متعود عليها ( خروجات _تضييع وقت _ كلام في حاجات ملهاش لازمه _..... الخ)
ابعد عن كل ده و هتستريح نفسيا و توترك هيقل و تبدا تفكر في مستقبلك كويس
وبرضو مش هما الي غلطانين ممكن الظروف الي خلتهم كدا محدش عارف الحكايه كامله
و انت مش غلطان اوي بس هتتحمل جزء من الغلط دا اكيد لو فضلت كده زي ما انت و حاسس انك بتقع و قيمك الي اتعودت عليها بقت بتضيع منك شوية شوية
الحق نفسك علي قد ما تقدر و ربنا هيعوضك بناس احسن ان شاء الله

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Popcorn_28628 🇪🇬

منذ شهرين

شعور لا مبالٍ

معنديش أي نية أخبط على باب اتقفل في وشي أو أنا اللي قفلته ورايا، مش علشان جحود مني أو قادر وخلاص لأ عشان اللي اتقفل في وشي هو كفَى حاجته مني وتقديرًا ليا لايُمكن أرجعله تاني ولو رُوحي فيه، أما اللي أنا قفلته ورايا بيكون إدراك عن قرار واعي مني إني لازم أقفله وأمشي وبكون مُستعد لتحمُل مسؤولية القفلة د

Watermelon_33689 🇪🇬

منذ 3 أشهر

شعور مكتئب

انا خايفه من نفسي خايفه أضعف وانفذ افكاري مش عاوزه اموت كافره بسبب اذيه ناس متستاهلش انهي حياتي كده بسببهم بس معدتش قادره استحمل اعيش هنا وسطهم ومفيش مكان تاني اروحه ولا هرتاح عند حد ومش عارفه اعمل ايه

Avocado_51186 🇧🇭 ادعي ربنا واصبري واحتسبي الاجر عند الله بعدين مش دلوقتي وحاولي تتأقلمي علي وضعك الحالي طالما مافيش حل او طريقة تانيه غير كده لحد لما ربنا يفرجها عليكي .. وربنا يصلحلك الحال ويوفقك

عرض الكل 8 نصيحة

Coffee_32018 🇪🇬

منذ 3 أشهر

شعور ضائع

عبّر عن شعورك بشكل مجهول

كنت دايما اتسئل عن قدوتي فالحياه وميبقاش عندي رد (طبعا قدوتنا جميعا هو النبي صلى الله عليه وسلم دا مفروغ منه) حتى فاكر ايام اعدادي باراجراف your role model  العيال كلها كانت تكتب محمد صلاح او مجدي يعقوب انا كنت بكتب ابويا بس حقيقي مجاش فبالي حاجه تخليني اكتب او اخد ابويا قدوه ليا
من فتره تاملت حياه ابويا من صغره لحد دلوقتي لقيته فعلا يستحق بجداره انه يبقا قدوتي على اللي شافه فحياته وصبر عشاني انا واخواتي
ابويا في ابتدائي واعدادي كان من اوائل الاداره والمحافظه ويدخل مسايقات وجه ف ثانوي اولى كويس تانيه كويس وجه تالته راح البلد عند ابوه واستقروا هناك ومسواه وقع وسقط وعاد السنه وجاب ٧٥
ابوه وامه دخلوه كليه هو مش عايزها غصب وحلف ما هيدخل فيها امتحانات قعد في تجاره تلت سنين وبعدها حول من وراهم اداب انجليزي هدفه من اداب انه كان عايز يترجم كتب التجويد للانجليزي
 خلص كليته وكان شغال في التصدير والشغل ماشي وفل لحد ما جت قصه الاعتق ال الظلم ٢٦ يوم والفلوس اللي اتداين بيها ٦٠٠ الف في ٢٠١٥ تقريبا
قام من كل دا واستلف تاني عشان يشتغل وكان مشارك عمه الله يسامحه نصب عليه في فلوس واتداين بقدهم
عمري ما شوفت حب اخوه ولا اخته ولا شوفت حب من ابوه وامه ناحيته حاسدينه على ديونه
لدرجه فمره بيقولهم والله عليا ٨٠ الف اخته بتقوله ولما متداين ب ٨٠ الف امال بتكسب كام
عيله اقل ما يقال عنها انهم مرضى
مع كل اللي شافه دا الا انه عرف يربي وربانا على الدين والسنه وبيكافح لحد النهاردة مع كل ديونه دي وعدم شغله الثابت كل فتره يعمل اي حاجه تجيب فلوس شوية وتخلص
ومع ذلك صابر على كل دا
حقيقي قدوتي وافتخر اني بقتدي بيه ربنا يبعد عنه الحاقدين دول ويرزقه يارب

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Avocado_47020 🇪🇬

منذ 3 أشهر

شعور مكسور القلب

تحصل حاجة تضايقني يومين و تتحل و خلاص لسا هرجع لحياتي الطبيعيه تحصل حاجة تاني و ارجع لنقطة الصفر و هكذا بقالي فترة كبيرة كدا عمري بيروح و انا بحاول اتعافى و انهار و اقوم مش بذاكر ولا بروح دروسي تعبت الحاجات اللي بتضايق خارجه عن ارادتي او يعني ابويا كل يومين يتخانق مع امي خناقه كبيرة مبقتش طايقه البي

Cookies_25519 🇪🇬 بصى للاسف البيئة اللى عايشه فيها مش كويسه لنفسيتك بس حاولى ماتتأثريش بكل المشاكل دى وهى فتره وهتعدى بجد وحاولوا تشغلوا سورة البقرة ف البيت على طول

عرض الكل 2 نصيحة

Donut_25498 🇪🇬

منذ 4 أشهر

شعور مرهق

" عشنا ما لا نريد .. و نلنا ما لا نستحق " و نقضي أعمارنا نسأل : أكنا نستحق كل هذا الألم لنتعلم ؟ أم أننا أفرطنا في أحلامنا و نسينا أننا في واقع يغتال الحلم؟ عشنا حياتنا ب الطول والعرض و ب الصمت و التحمل والصبر و حين أخبرونا بأن نغادر ما يؤذينا وجدنا الأذى صار في قلوبنا .. لسنا ضعفاء و لم يصيبنا ال

Coffee_27429 🇪🇬

منذ 5 أشهر

شعور متوتر

السلام عليكم ي جماعة الخير التطبيق بقا تقيل ومستفز بجد ما علينا منه دلوقتي ي جماعة انا عندي القولون من خمس سنين تقريبا واخر سنتين بقا الوضع صعب معايا تعب مع كل اكله صحي مش صحي اي حاجه حرفيا الاقي بطني تعبتني وجالي انتفاخ وحتى لو مأكلتش بردو 😂 المهم ايه انا كشفت كتير جدا في. دكتور قالي عندك. عدم.

Jackfruit_51332 🇺🇸 لازم متابعه لان بعد علاجات لقولون اكتشفت ان حاجه تانيه مش قولون خالص حاجه اسمها كرونز بس بعد فحوصات كتيره وعلاجات بدرن نتيجه ولازم متابعه ولازم متهمليش الموضوع وتعملي تحاليل علشان تتطمني انك ماشيه صح لان تشخيصه صعب جدا وان خمس سنين دول كتير اوي

عرض الكل 4 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع