تجارب مؤلمة

Nutella_56618 🇪🇬

منذ يوم واحد

شعور آسف

موضوع:

درس علمته لك الحياه

الدرس اللي اتعلمته غيري حكهولي زمان و دخلته من هنا و طلعته من ناحيه التانيه و ثقتي في نفسي خانتني اني مش هقع في الفخ ده و اني اذكى من كده .. النصيحه اللي كنت بسمعها أن لما حد من أهلك بقولك على فلان ده لا يبقى لا .. مهما كانت المغريات قدامك ايه .. تلف الأيام و احب شخص و هو اتقدملي و اهلي مكنوش موافقي

Donut_50330 🇮🇹

منذ يومين

شعور مرتبك

موضوع:

لو رجع بيك الزمن ٥ سنين ايه اللي هتكرره وايه اللي مش هتعملو🤍

أنا لو رجع بيا الزمن خمس سنين بس مكنتش اتعلمت الدرس على قد ما الدرس وجعني اوووي ساعتها بس و كنت هغير حاجات بس لو لاه الدرس ده مظنش إني كنت اتعلمت الصراحه في حاجات اه ببقى نفسي إنها تتشال من حياتي او متكنش موجوده كان نفسي ولله بس اهو النصيب بس أنا مش عايزه اقرر نفس الأخطاء الصراحه الحاجه بقى الي هكرر

Avocado_65325 🇪🇬 إن لم تتألم لن تتعلم ...ربنا بيخود مننا الإنسان من وجهة نظرنا علشان يرزقنا الأصلح

عرض الكل 3 نصيحة

Chocolate_65230 🇪🇬

منذ 4 أيام

شعور مكسور القلب

عبّر عن شعورك بشكل مجهول

انا اتعرضت لصدمات عاطفيه كتير جدا علي مدار 8 سنين اخرها بنت كنت معجب بيها بسبب اسلوبها و طريقتها معايا في الكلام و ابتسامتها ليا دايما و سؤالها عني و كانت بتقولي كلام اكتر من كده و حبتها بس بيني وبين نفسي وافتكر اني كنت كل يوم ادخل المحل اللي هيا بتشتغل فيه عشان اشوفها واسلم عليها واسال عليها و اعمل نفسي بشتري حاجه من المحل عشان محدش يقول ده جاي عشانها المهم عدت فترة كبيرة وانا بحبها بيني وبين نفسي وافتكرت اني ليا قيمه كبيرة عندها زي ما هيا ليها قيمه كبيرة عندي و عدت الايام لحد ما جه يوم اللي انا فيه كنت عايز اصارحها واعرفها اني عايز اخطبها ف اول حاجه لقيت وشها متغير في اليوم ده و لقيتها اسلوبها و طريقتها متغيره معايا مش زي كل مره و قالتلي كلمه كسرت قلبي قالتلي قبل ما تفكر تحب حد اتاكد الاول اذا كان بيحبك ولا لا انا وقفت بعدها زي المشلول مش عارف انطق ولا اتحرك ولا حتي افكر اخدت الصدمه من هنا و لقيت ناس دخلت المحل و لقيت في بنات موجوده ف مسكت نفسي بالعافية و حبيت اظهر بمظهر القوي او المتماسك ف قولتلها طيب اشوفك علي خير ان شاءلله وكنت بقولها ب إبتسامه و بعد ما خرجت من المحل كنت بمثل قدام الناس اني زي الفل و تمام اول ما روحت البيت و دخلت اوضتي قفلت علي نفسي الباب و فضلت اعيط واكلم نفسي لمده اكتر من 7 ساعات متواصله و الحكاية دي اتسببتلي في مشكله نفسيه كبيرة جدا خلتني اخدت قرار اني مش هحب تاني ولا هتجوز وهعيش عمري كله لوحدي وعلي فكره دي مكنتش اول مره اتصدم فيها ويتكسر قلبي دي المره المليون بس انا عارف ان كل البنات مش عايزاني ليه يمكن عشان انا مش احسن حد في الشكل ولا غني ومعايا فلوس ولا احسن حد في الجسم و اكيد دي الاسباب اللي انا اتسابت لوحدي واتكسرت عشانها في كل علاقه حب دخلتها في حياتي انا بجد وقتها ملقيتش حد احكيله و كمان مكنتش قادر احكي او اتكلم من كتر الحزن بس انا دلوقتي خايف اقرب من اي بنت عشان عارف ان اخرت الحب هو كسره قلبي و كسره خاطري تاني و اهانه لكرامتي انا عارف ان مفيش حد عايزني ولا بيحبني انا بقول ان الزمن ده مبقاش فيه خير و البقاء لله في الحب عشان مبقاش موجود اصلا في الزمن ده💔😔

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_63766 🇪🇬

منذ 4 أيام

شعور مكسور القلب

موضوع:

لما اللي حواليك يقللوا من تعبك

انا حساسه جدا وطول عمري بحس أن الناس بتشوفني اوڤر وكنت مرتبطه ب شخص نرجسي تقريبا مريض نرجسيه مش شخصيه نرجسية عادي وكان ديما شايف أن مفيش غيره بيتعب وان انا معنديش حياه ومش ناضجه وكان بيقلل مني ومن زعلي أما كنت بروح احكيله اي حاجه مدايقاني او حتى وانا مبسوطه ومتحمسه لحاجه مثلا ورائحه احكيله كان ديم

Carrot_65133 🇪🇬 انتي اهم حاجة عالجي نفسك من تاسيرو السلبي عليكي وفوقي كده وابدائي حياة جديدة

عرض الكل 27 نصيحة

محتوى للبالغين

قد يحتوي هذا المحتوى على مصطلحات أو حالات غير مناسبة للجميع. اعرف السبب

Tomato_55795 🇪🇬

منذ شهر واحد

شعور مرتبك

انا عندي ٢٤ سنه كنت محتاج بنت في حياتي اكمل معاها تكون سويه نفسا بتحب الحياه و مبسوطه ومحترمه علشان انا تعبت دخلت في علاقات كتير توكسك واتذيت كتير ومش عايز ده يتكرر تاني والحمد الله العلاقات دي ماثرتش عليا وانا لسه شخص سوي وبحب الحياه

Lemon_50969 🇪🇬 حضرتك الحل ف ده انك تروح تخطب أو تتجوز لأن مهما كنت سوي والبنت سويه كويسه ف دي علاقه لا ترضي الله ف اكيد اكيد دلوقتي أو بعدين هتتغيرو وربنا هيزرع ف قلوبكو عكس مشاعر الحب والأمان والدفا وهتبقي برود وكره ف الاحسن تاخد الطريق الصعب بس الي نهايته حلوه وجميله ومبهجه كده مش العكس

عرض الكل 5 نصيحة

Avocado_50926 🇪🇬

منذ شهر واحد

شعور مكسور القلب

خايفه من حاجه واحده في اي علاقات ليا انا في الاول كنت حقيقي شخصيتي ضعيفه ممكن اتعلق بس طبعا مش اي حد المهم انا مكنتش دائما بدي فرص غير ف اي طار الحلال المهم اتقدملي احمد واحمد كان شخصيته كانت جامده كان خاطب قبلي بس انا مكنتش حقيقي مركزه مع خطيبته علشان انا بقول دا راجل وداخل البيت من بابه وجاي يتقد

Cookies_54909 🇸🇦 خليك صريح مع نفسك، ماتعلقش في حد قبل ما تثق فيه، واحمي قلبك. التجارب الصعبة بتعلمك كتير، ومفيش مشكلة تبدأ من جديد لو الوضع مش كويس، دايمًا في فرصة لتغيير حياتك للأحسن.

عرض الكل 3 نصيحة

Apple_52997 🇪🇬

منذ شهر واحد

شعور مكسور القلب

موضوع:

ايه الحاجة لو اختفت من حياتك او مكانتش حصلت كنت هتبقي احسن

انا حياتي بسيطة وعفوية وبتعلق جامد بدون حتي افعال من الشخصية الا قدامي معروف عني الجدعانة وعمري ما خيبت امل حد فيا ودورت كتير اوووي عن صاحبة تكون جدعه صحبت مرتين في عمري والحمدلله مكنش ليا نصيب فيهم الصديقة الاولي قعدت معايا فترة كبيرة اوووي والصديقه التانية فترة مش قليله ومع ذلك لسة ملقتش الا يليق

Sugar_52413 🇪🇬

منذ 3 أشهر

شعور مرهق

بعد كمية التجارب الفاشلة اللي مريت بيها و كل مرة اتسابت فيها من كمية خوفي من الرجالة و العلاقات توصلت لأني مكنتش محتاجة غير حب نقي من غير اي تلميحات لحاجة تانية محتاجة حب بس مشاعر تترجم افعال ( خوف، حنية، احتواء ، اشوف نفسي ف عينه احلى حاجة) مش عايزة اللي شايفني جسم ولا اللي عايز مني حاجة معينة و ي

Sugar_41367 🇲🇦

منذ 4 أشهر

شعور فخور

موضوع:

هل الوقت بينسي ؟

طبعا الوقت كفيل انو ينسيك اذى الناس و هتنجرح من جديد و هتنسى تاني مع الوقت ما هي دي الحياة يا جارح يا مجروح ، كدا كدا لازم تنسى الحياة و الوقت سريعين هضعيهم على حتة ناس اذوك يمكن ب كلمة او. شتيمة او حتى فعل كبير جدا ؟ لا دي الحياة اقصر من كدا و الوقت مش هيستناك ❤️

Waffle_45201 🇲🇦 wlh ta 3ndk lha9 mai kib9a l9alb kithkm fik fbzaf dial lmawa9if w flkhr rah hna GHI bnadm w mhma sbarti w mabiyntix rah darori kib9a fk lhal mn ldakhl

عرض الكل 1 نصيحة

Donut_25498 🇪🇬

منذ 5 أشهر

شعور مكسور القلب

"أتذكر عندما بدأت بالبُكاء ذات مرةً وأنا أدرس ذات يوم، لم اتوقف عن الدراسه حينها اكملت وأنا اقوم بمسح هذه الدموع من عيني واقرأ بصوت مرتفع ما اقوم بمُذاكرتهُ حتى لا اُهزم امام نفسي ، ومرَّ هذا، وأتذكر عندما كُنت أسير في الطُرقات وأنا أبكي علي خذلان أحد الأصدقاء، واضع النظارات حتى لا يُلاحظ أحد، ومرَّ

Potato_39869 🇸🇦

منذ 8 أشهر

شعور غبي

أنا بنت عمري قرابة ١٤ عام . مريت بموقفين دمروا نفسيتي و احتاج من أي شخص مر بنفس تجربتي يشاركني الطريقة الي تخطى و عدل نفسيته فيها. المرة الاولى بدأت لما كنت صف سادس ابتدائي و نقلت مدرسة جديدة. شخصيتي بطبعها قوية أحب الكرة و مسترجلة شوي ( الناس يقولوا) كان في المدرسة الي رحت عليها شلة من البنات مع

Mango_46151 🇪🇬

منذ 8 أشهر

شعور محبط

أنا اتخنت من صديقاتي كتير (ناس مختلفين وفترات مختلفة). شوفت كل أنواع الصداقات السامة وللأسف جربت كل حاجة منهم — الحسد، والكلام اللي في ضهري، والحقد، ونشر شائعات، وكمان كشف أسراري. ونبذه عن اللي مريت بي اني مرة لقيت شغل كويس جداً وصاحبتي خلتني أتبهدل في الشغل بعد ما جاتلي و قالتلي إنها عملت مقابلة لن

Strawberry_40051 🇪🇬 انا شايفه انك مش محتاجه تغيري تفكيرك و دا الصح مع الناس دلوقتي كدا احسن خليكي كدا و كمان دول متسميهمش صحاب دول خبيثين و انا مش فاهمه نيتهم بس انا ببعد عن الناس الي زي كدا و بسرعه عشان احافظ على نفسي و حياتك فا انتي كمان ربنا اداكي نعمه انك تشوفي و تحسي ب ده و هو هيحصل و انتي بردو مكمله و بتقولي عليهم صحابك مع انك المفروض تبعدي عنهم عشان تحافظي على حياتك و الي بتحبيه

عرض الكل 4 نصيحة

Apple_41783 🇪🇬

منذ 8 أشهر

شعور مكسور القلب

موضوع:

اتخدعت ف حد قبل كدة؟

اه اتخدعت ف ناس كتير اوي المشكله اني بصدق القدامي بسرعه وانا مش بتاع لف ودوران انا ف الدوهري بس مش كل البيضحك ف وشك بيحبك وممكن يكون بيسبك و ضحكه السم معروفه والعين مبتعرفش تكذب نهاية بس فا احظرو من الصحاب فضلا وليس أمرا ♥️✨💔

French Fries_44295 🇪🇬 وقعت في الناس كتير جدا لحد لما وصلت لمرحله وهي اني مثقش في اي حد الا لما احكم عقلي الاول بعد مده الصاحب ده صالح ولا فاسد طريقته وتعامله الناس الي يعرفهم لان اكيد هيجي وقت وعلي الاقل اعرف حد من صحابه طريقته مع اهله هيسحبني للخير ولا الشر ومن بعدها هبدأ اعرف ان كان الشخص ده يستحق انه يكون صديق ولا مجرد زميل ولا مجرد معرفه وبأذن الله هيجي اليوم الي تلاقي فيها الانسان الي شبهك🤍✨

عرض الكل 1 نصيحة

Sugar_25534 🇪🇬

منذ 8 أشهر

شعور مرهق

موضوع:

ايه تجربتك مع أصحاب السوء ؟

Ice Cream_34427 🇪🇬 عايزه اقلك برافو عليكي بجد و على قراراتك من الواضح أن سنك مش كبير ولكن تفكيرك ما شاء الله جميل متزعليش على حد كان مصدر اذي ليكي واختاري الناس كويس واعرفيهم قبل ما تديهم الامان ومتثقيش ف اي حد ل مجرد انه خلاكي تشوفي الوش ال هو عيزك تشوفيه لسه يقلبي الدنيا هتعلمك ولسه هتشوفي ناس ابشع واوحش من كده بكتير اوي اهم حاجه متغيريش مبادئك وحافظي عليها الا صاحب السوء ده بجد اكتر حاجه ممكن تندمي عليها

عرض الكل 4 نصيحة

عبّر عن شعورك بشكل مجهول

صاحبت واحدة من سنتين ظنا مني انها حد محترم وهيي كانت دايما تقولي انها من عيلة متدينة وان اخواتها الولاد مركزين معاها والكلام ده خدت بالي في بداية صحوبيتي ليها انها كانت بتشتم من تحت لتحت وتجاهلت الموضوع لاني كنت بحبها وخدت بالي كمان ان نظرة الناس ليها انها الحد الضايع اللي مش فارق معاه حاجة وتجاهلت ده برضو لحد ما جه يوم عرفت انها وصحابها سمعتهم وحشة انهم الشلة الضايعة البلطجية وضربت بنت قبل كده وقعدوا يتنمروا عليها ويقولولها يا ام ضب وسمعتها بتشتمها بأهلها شتيمة ولا مرة سمعتها بتشتمها (بالاهل) وانا كمت واقفة في مكاني مش مصدقة انها قالت كده المهم جت اجازة السنة ومكلمتهاش خالص رغم اننا كنا بنتكلم ٢٤ ساعة وجيت قبل ما تبدأ سنة جديدة كلمتها وقطعت علاقتي بيها وكتبتلها كلام كتير وردت عليه بكلمة واحدة بس(ماشي) بعد ما بعدت عن البنت دي عرفت بعدها بفترة انها فضلت سنة كاملة تقريبا هي وصحابها بيتكلموا عليا وعرفت انها اتكلمت عليا في بيت واحدة صاحبتنا تانية قدام اهلها وقالتلها فلانة دي( اللي هي انا) خبيثة وبتحب تظهر وبس(لاني كنت بذاكر وهي لا وكان مستوايا اعلى منها دراسيا فكانت شايفاني بذاكر لمجرد اني ابان جامدة) وشتمتني بأهلي واهل صاحبتي كانوا سامعين وكل ده انا لما سمعته اتصدمت ازاي اتقلبت ١٨٠ درجة لمجرد اني بعدت عنها وطلعت شخص تاني وبمجرد اني نهيت علاقتي بيها طلعت كل الوحش اللي جواها من ناحيتي هل انا ندمانة اني قطعت علاقتي بيها؟ لا ولكن احيانا بفتكر صحوبيتنا كانت جامدة ازاي وازعل اني بعدت عنها بس بمجرد ما بفتكر كلامها عليا بتأكد ان اللي عملته كان الصح دي قصة واحدة من قصتين
القصة التانية ان صاحبتي اللي كتبت فوق ان البنت اتكلمت عليا في بيتها كانت صاحبتي جدا بعد ما قطعنا مع البنت دي وكنا قريبين اوي رغم الحاجات اللي كانت بتضايقني فيها وكنت بتجاهلها لان محدش كامل كده كده ولكن مع الوقت وان شخصيتها واسلوبها الحقيقي بدأ يظهر بقيت فعلا اتضايق واتخنق منها ومن الحاجات اللي كانت بتضايقني انها طلعت حد بيشتم كتير لما خدت راحتها في الكلام معايا وكانت بتشتم بالاهل وتقعد تقولي شوفتي فلانة بنت الكذا عملت فولو لفلان وهي صوتها عالي ولما بتشتم الناس بتاخد بالها وبيبصولنا وببقى انا في شبهة اني مش محترمة لاني معاها علطول وكانت حد كثير التعليق على كل حاجة بتحصل كل ما مدرس يشرح حاجة تتريق عليه او على اللي قاله او ايا كان بس مينفعش تفضل ساكتة زي باقي الناس وكانت بتتكلم على ناس انهاردة وبكرة تاخدهم بالحضن وكانت حاجة لاحظتها فيها جدا وسبب تاني وده كانت اكتر حاجة بتخنقني منها انها دايما حاطة نفسها في سباق ومقارنة معايا وتضايق جدا لو كنت اعلى منها في درجاتي مثلا وتقولي عاش وبصتها كلها انها متضايقة جدا وتقعد تسألني جبتي كام وهي متقولش درجتها وصلتي فين في المادة الفلانية وهي متقولش برضو هي وصلت فين بتداري على شمعتها بس انا لا ازاي واختها واختي كانوا ثانوية السنة اللي فاتت فسألتني على نتيجة اختي وقولتلها وسالتها على نتيجة اختها توهت وبعدها قالتلي لا لا بس حلو فقولتلها اعلى من ٨٠ اكيد (قولت كده لانها كانت قايلة كتير ان اختها شاطرة جدا) فقالتلي اه اعلى من ٨٠ المهم بعدها عرفت من واحدة تانية ان اختها جايبه اقل من ٨٠ وكده كده الموضوع ميفرقليش في شيء ولكن مكنش ليه داعي التحوير لانه فعلا ميهمنيش وغيرها من المواقف الكتير اللي بتضايقني منها فبعدت عنها من غير ما ابرر لان لما بررت قبل كده دافعت عن نفسها وبس فبعدت بهدوء المرة دي جت سألت عن السبب وبعتتلها وقعدت تتكلم كتير وتقولي انتي بتطلعيني فيا عيوب وانتي لا ومش عارفة ايه فقولتلها انت سألتي عن السبب وانا قولت مش اكتر ولا اقل فقالتلي اني متكبرة وانا بنقي الناس اللي من مستوايا وكلام كتير كده المهم جت في مرة عرفت انها كانت بتتكلم عليا مع واحدة صاحبتي ولما جينا نمشي اخدتني بالحضن وسلمت عليا واستغربت جدا ازاي الانسان ممكن يكون بوشين للدرجة ؟ لسة كانت جوا بتتكلم عليا مع واحدة ولما طلعنا خدتني بالحضن؟!!! 
وكانت بتبعت لواحدة صاحبتي كلام كتير عني وتقولها انا ممكن امسح بيها الارض(بيا انا يعني) وفي نفس ذات اللحظة بتبعتلي انا ده انا كنت بحبك ومش عارفة ايه !! 
ولحد الان الموضوع مخلصش ولكن خلاصة الموضوعين اوعوا تقربوا من حد لدرجة كبيرة لان معظمهم الا من رحم الله هيطلعوا دروس يعلموك متثقش في الناس تاني وابسط مثال هما الاتنين دول كانوا معايا بوش واول ما اديتهم ضهري كان ليهم وش تاني

التجربة أفضل عبر التطبيق

حمّل تطبيق توهيل على هاتفك لتجربة أسرع