احكولنا تجربتكم مع النسيان ، وازاى قدرتو تعدو من تجربة صعبة فى حياتكم ، ولسة سايبه اثر فى قلبوكم ولا الموضوع بقى مش اكتر من ذكرى

طبعا الوقت كفيل انو ينسيك اذى الناس و هتنجرح من جديد و هتنسى تاني مع الوقت ما هي دي الحياة يا جارح يا مجروح ، كدا كدا لازم تنسى الحياة و الوقت سريعين هضعيهم على حتة ناس اذوك يمكن ب كلمة او. شتيمة او حتى فعل كبير جدا ؟ لا دي الحياة اقصر من كدا و الوقت مش هيستناك ❤️

اللي بيتأذي من حد عمره ما ينسى مهما عدى وقت نسامح اه ننسى لا لاني انا شخصياً كدا حد ساب جرح في قلبي أو اثر أو اي وجع عامةً مستحيل أنساه ٧ سنين اهو وبسبب موقف كسرني وخلاني امشي معيطه لحد دلوقتى مش قادرة أنساه ولا قلبي قادر أنه يتعافى منه ( كسر الخواطر مش سهل) {اتحسبونه هيناً وهو عند الله عظيم } قبل ما طلعوا كلمه وحده حتى لو بهزار اوزنوها الاول وشوفوا هتزعل اللي قدامكم ولا لأ لأن ممكن بكلمه واحده منك واحد يعيش حياته كلها خاطره مكسور بسببها . كل واحد يبقى رقيب على أفعاله .

الوقت بينسي فعلا ده لدرجة انه ممكن ينسيك ملامح الشخص اللى أذاك والذكريات بتدفن الوقت فعلا بينسي ويحسن المود والنفسية وكل حاجه بس لما نستخدم وقتنا صح يعني لما تستخدم كل وقتك ف التفكير فى شخص طلع عينك عمرك ما هتنساه بس لما تستخدم وقتك فيك انت فى تحسين نفسيتك او تطوير نفسك او شغلك او دراستك او ايا كان اللى بتعمله هتلاقي نفسك نسيت الشخص المؤذي والايام الحلوة معاه والايام الوحشة وكل حاجة تخصه حتى ملامحه

اه بينسي طبعا بس ببفضل فيه اثر ممكن يبقي على هيئه فلاش باك لما يحصل موقف مشابهه بس كل مره تأثير الفلاش باك ده بيقل عادي وبنكمل حياتنا عادي بيبقي فيه حته مكسوره بس الايام بترمم دي الحياه عامتا مش الجنه ف الحمد لله ❤️

الوقت بينسي الشخص ,ملامحة, الموقف, الكلمة او الفعل بينسي حجات كتير لاكن المشاعر بتكون موجودة ممكن انسي شكل شخص حبيتة لاكن فاكر مشاعرحبي اتجاهة ينسيني الكلام و الموقف لاكن منساش الاحساس او الشعور الي وصلني من الموقف للاسف المشاعر مبتتنسيش that’s why we have scars

عدي علي وفاة بابا (467) و حوالي ساعة علي وفاة بابا أه بشوف حياتي بس إمبارح قعدت فكرت كتيرررررر جدا فيه و فتحت أكونت الفيسبوك و هو منزل صورنا و كلام الناس الحلو عليه قبل ما يكون ناس بتعزي فيه في أول الاكونت أفتكرت أن بابا لو موجود مكنش حصل كل دا أفتكرت لو بابا موجود كانت حياتنا مش هتكون 1% بس الله اعلم لو كان عايش حقيقي كنا هنكونو فين ف قولت الحمدلله بعدين أفتكرت أن عيد ميلادي بعد ٣ أيام تاني عيد ميلاد من غير بابا اللي مش بينسي أي عيد ميلاد ليا ما أنا أول من رأت عينه ! قعدت عيطت كتير كنت بحل هندسة فراغية عشان أنا ثانوية عامة اللي بابا شهر ١٠/٢٠٢٣ قالي أنه هيفضل معايا و بيدعمني نفسيا قبل ماديا أفتكرت أن مفيش أي دعم نفسي ليا و أفتكرت أن في مشاكل ماديةً و بعدين دماغي فضلت تفكر طيب هل بعد كل دا النهاية هتكون حلوة بكلية حلوة و حياة مختلفة ؟ الأسباب مش موجودة بس أتكالي كله علي الله دا صانع المعجزات يارب نجحني دا أخى أمل ليا أني أقدر أعيش حياتي يارب

هل الوقت بينسي ؟

Durian_52455 🇪🇬

منذ أسبوع واحد

شعور عاطفي

الوقت بينسى الشخص اللى انت كنت عليه امبارح بس أوقات لما بتتحط فى أماكن ومواقف معينة بترجع لنفس الشخص اللى كنت عليه امبارح كان نفسى أكون عامل زى العربيات اللى بتمشى على الطريق السريع كلها بتطلع لقدام.. محددة نقطة البداية والنهاية.. مفيش مجال انها ترجع خطوة لورا الا لو مضطرة هل إختلافنا ده سببه اننا

Biscuit_28797 🇪🇬 عامة انت انسان مش آلة الآلة مبرمجة انها تأدي مهمتها بس برضو لو من غير اهتمام منك مش هتشتغل انما انت انسان و جواك روح و مشاعر طبيعي تتأثر ب اللي حواليك و ب العوامل الخارجية و طبيعي تحصل مشاكل او يبقي في مشاكل عشان نبذل شوية مجهود و نفكرلها ف حلول انما انت لو مبرمج ف كان هيبقي في حد اعلي منك بيبرمجك و انت كفيل انك تحل مشاكلك ب نفسك و لو معرفتش ف مش غلط احنا موجودين عشان ف اوقات زي ده تلجأ ل مساعدة

عرض الكل 3 نصيحة